20-08-2003, 02:00
|
#1 |
|
أطــلال
|
قصة واقعية " الجزء 2 "
السلام عليكم جميعاً صباح الخير وكل الود هذا هو الجزء الثاني من الموضوع اللي نشرته من قبل وفيه قصة واقعية ... ومع ان ما رد الا كم واحد  .. واصابني احباط لان القصة والله جداً رائعة .... وكنت بأزعل  .. بس ما هان علي ازعل عليكم .... وقررت انزل الجزء الثاني  واللي ما قرا الجزء الاول يبرس من الفعل برس هنا ويلقاه " Press "  http://www.sh3byat.com/vb//showthrea...&threadid=5805 وهذا هو كما هو منقول نصاً من موقعه بعد التخرج من المرحلة المتوسطة كان عمري حوالي 17 سنه ..قمت بالتسجيل في احد المعاهد الفنية ..وبديت اروح للمعهد كل يوم طبعا شايف نفسي . ومشخص لاني تعديت مرحلة الدراسة العادية . وصرت ادخل المدرسة بالعقال وسيارتي عند الباب واقفة .... واستمرت الدراسة في المعهد وعدت السنه الاولي على خير وبدينا التخصص في السنه الثانية ..وصار اصحابي من المعهد كثير . وطلعاتنا وجمعاتنا كثرت ..ولين جت العطلة تركزنا ورحنا للشرقية ..وسعنا صدورنا كم يوم وطافشنا في البحر ورجعنا ..وكله على القطة اللي جامعينها من مكافأة المعهد ..الا اللي الله معطيه عاد .. يوم جت السنه الاخيرة ..كان عدد طلاب الفصل حوالي 15 طالب . بس الحمدالله كلنا على قلب واحد .. اذا حظرنا الدرس نحظره كلنا والا نطلع كلنا . وبعض المرات ناخذ المدرس معنا ونروح نتمشى ايام الربيع ..لين يجي الظهر ونرجع للمعهد وكل واحد ياخذ سيارته ويروح لبيتهم . ولين وصل للبيت استلم التلفون . وقعد يلقط رزقه ..ياتصيب ياتخيب . بعدين جت الامتحانات النهائية وما في روسنا شي من اللي درسناه كله ..قعدنا نصور في المحاظرات ونحاول نتحايل على المدرسين عشان يعطونا الاسئلة .والمشكلة بعض المواد لازم يكون امتحانها عملي ..لكن الشباب ما قصروا . هاذا اخوه والا ولد عمه في الخطوط والا في الشحن .. عشان موعد سفر المدرسين .. ونواعدهم بالخير انشاء الله اذا نجح الفصل كلة . طبعا فيه وحدة من المواد لا افقه فيها شيئاّ . ويوم جاء يوم الامتحان ..ضاقت بي الدنيا وكرهت الدراسة كلها . وتمنيت ان الفصل الثاني يعيدونه عشان احاول القى شي يمررني من هالموقف . قعدت في قاعة الامتحان واخر واحد طلع انا .ما بقى الا ربع ساعة على نهاية الوقت والورقة لازالت بيضاء . ما فيها الا اسمي . المهم جاء واحد من المراقبين وقال .. مالك يبراهيم ماكتبتش حاقة . قلت والله ما في راسي شي اكتبه الا اسمي .. بس كان هو من الموعودين بالمساعدة في المطار .. قام راح وخذ وحدة من اوراق العيال وقعد ينقلني منها . وانا مفحط في الكتابة عشان اجيب درجة النجاح بس ..( تمنيت الارض بلعتني ولا صرت في هالموقف ) . طلعت من الصالة ولقيت الشباب كلهم واقفين يراجعون اجاباتهم ..وتجمعنا في كم سيارة ورحنا للمطعم ولا كن صار شي ..ياخبلنا خبلاه . اليوم اللي بعده كان عندنا امتحان انجليزي . اشوى الحمدالله اللغة عندي مش ولابد .. تمشي حالها ..بس ابو عيسى الله يذكره بالخير كان وراي بالصالة . واعرفة مايدبر شي .في الانجليزي ..والمراقبين في بداية الوقت يكونون مشددين شوي . لكن البراشيم مع العيال شغالة .. وانا الحمدالله جاوبت زين ذاك اليوم . يوم انتهيت التفت على ابو عيسى وقلت تبي شي ...قال لا تروح لين اخلص .تراني ما حليت الا فقرة من سؤال ... قعدت طبعا احاول اعلمه شي وانا خايف . وما احد طلع من الصالة . يوم بقى نص ساعة من الوقت راح واحد من المراقبين وبقى الثاني . يوم اشتغلت تبادل البراشيم . والهرج والمرج .. قلت لابو عيسى عطني ورقتك وخذ ورقتي معك لين اخلص ..توه يمدها لي يوم شافه المراقب وقال ( انتوا عايزين تخربوا بيتي . ما يصحش كدة ) قال ابو عيسى طيب . وحمق على المراقب ودف طاولته لين وصلها عندي وقال اقر علي وانا ابحاول اكتب ..عطيته اللازم ...وعبى الورقة وطلعنا كلنا سواء .. تضحك ولا همنا شيء .. انتهت الامتحانات على خير ..وصرنا نراجع المعهد قبل طلوع النتايج ..عشان نعبي اوراق التعيين في الوضايف ..الخاصة بديوان الخدمة ..قبل يصير وزارة ..ونستغل الفرصة ونتحايل على المدرسين يعلموننا النتيجة لكن ما فيه فايدة ..يقولون انها في الكنترول ...المهم مرت الايام وانا نسأل ونتحرى عن تخصصاتنا وش تنفع أي وزارة ..وايهم الاحسن ..ذيك الايام كان الواحد يتنقى الوزارة اللي يبي ..مو مثل الحين ..ما تلقى الوضيفة الا بالطواعين والواسطات ..اللي تشيب بالراس .. يوم اكملنا اسبوع واحد بس ..طلعت النتايج بالجريدة ..والحمدالله كلنا نجحنا ..وتخرجنا ..وبقينا في هم الوضيفة أي وزارة بتكون من نصيبنا .. .. والبقية قريباً بأذن الله وتقبلوا خالص تحياتي . اختكم جروح |
|
|
|
20-08-2003, 13:18
|
#2 |
|
..
|
الاخت جروح مازلنا في انتظار القادم تحياتي لك  |
|
|
|
|
20-08-2003, 21:04
|
#3 |
|
أطــلال
|
الاخ عبدالرحمن اليحي : تواجدك ومتابعتك تسعدني الف شكر على هالرد ودمت بخير تحيات اختك .. جروح |
|
|
|
|
23-08-2003, 21:53
|
#4 |
|
شــاعـر
|
الاخت جروح والله تدقين على الوتر الحساس لله درك والله يعين من ينتظر فألانتظارقاتل ولك اعذب وارق تحيه اخوك نمر العتيبي |
|
|
|
|
24-08-2003, 06:24
|
#5 |
|
أطــلال
|
الاخ الكريم نمر العتيبي : اولاً حياك الله والف شكر على الحضور والرد وبالنسبة للانتظار والله مو بيدي .. لان القصة طويلة وصعب اخليها جزء واحد وبعدين ابيكم تتابعوني وتهتمونفيني هلا بك وتقبل خالص تحيات اختك ....جروح |
|
|
|
|
24-08-2003, 09:55
|
#6 |
|
شــــاعـــر
|
موضوع قمة في الروعه ..!! صراحه قريت الجزء الاول وكنت ابرد فقلت احسن ارد هنا .. شكرا جزيلا على الموضوعين وعساك على القوه ياجروح وبانتظار القادم |
|
|
|
|
26-08-2003, 03:16
|
#7 |
|
أطــلال
|
الاخ الكريم نواف الشمري : حضورك اسعدني والله والروعة فعلاً في وجودك وردك ولا يهمك رد ان شاء الله على جبهتي <== طيحت الميانة هلا بك والله وردك اسعدني وخلاني اتحمس انزل جزء جديد مع اني اشوف ما فيه تجاوب بس يكفيني حضوركم تحياااتي لك .. اختك جروح |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
