20-09-2003, 03:58 | #1 |
عضو شعبيات
|
قصيدة عبدالله بن ناصر ،،، في وصف ديرته
إليكم قصيدة عبدالله بن ناصر آل ماجد التميمي وهو احد الشعراء البارزين ومنها اورد قصيدته التي قالها عام 1405هـ والتي توضح بعض معالم مدينه ثادق وهي عاصمه بلدان المحمل ويقول فيها عبد الله [poet font="Simplified Arabic,5,crimson,normal,normal" bkcolor="transparent" bkimage="backgrounds/18.gif" border="groove,7,gray" type=0 line=200% align=center use=ex length=0 char="" num="0,black" filter=""] يا دارنا غربيها شمخ القور = جنوبهن عسر المراقي غرابه وشمالهن في مدخل العتك بحدود= مدخل طويق اللي تقانب ذيابه فرايد ولهن مسمى ومذكور = بكرات محد عدهن من ركابه ومن غربهن مزارع القمح وقصور = نزرع بريضانه ونحمي جنابه إلين ابا الجرفان حد ومشهور = عليه بختوم المشايخ كتابه يوم الليال السود والحال مستور = وأهل النوايب منه تأخذ نيابه وجعل السحاب اللي على الخير مأمور = اللي إلى هب الصبا هل مابه اللي ربابه يتجول فيه ويحور = جوانبه تبرق وترعد عقابه يسقيك يادار لها بالوفا دور = حلو الثمر والعد حلو شاربه عبيثران اللي على الدار معسور = عشر ليال كاضات شعابه ثادق يعز اللي نزل به ومذحور = ومن حدته عسر الليالي لجابه تلقى البوادي في المسانيد وحدور = سوقه عزيز البيع والمشتري به بالعز معمور وبالخير مكثور = يا ما شري من سوقها من جلابه ثادق نخيله كلها داخل السور = حوامي تحماه ما ينهقابه وإلا تنادوا بينهم واحكمو شور = ياحظ منهم له سنود ولا به إن صاح صياح فلا أحد بمعذور = ولولا رجال الدار محد يهابه إن جاهم اللي ينفخ الذرب مغرور = اعطوه درس قاسي ما قرابه إلين يرجع يطلب الحق مجبور = ما هو رضا لا والله إلا غصابه ناس تعز الحق والحق له نور = وحقوقهم ما هيب توخذ نهابه يا دارنا فيحان بالعز معمور = يا أغلى بلد والدار ما ينسخا به وأهله ولو هم من ورا الشام والطور = ما فرطوا في حبة من ترابه [/poet] وسلامتكم |
21-09-2003, 16:06 | #2 |
شـــاعــر
|
الأخ العزيز / عبدالله صح لسان الشاعر وسلمت يمينك على النقل قصيده رائعه تدل على ذوقك تقبل تحياتي وتقديري لشخصك الكريم اخوك احمد بن ديهان . |
22-09-2003, 06:55 | #3 |
عضو شعبيات
|
صح لسانك وبيض الله وجهك على القصيده |
22-09-2003, 07:28 | #4 |
عضو شعبيات
|
يعطيكم العافية على الردود ومشكورين ونورتو |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|