[محمد الدحيمي]

#بوح_مختلف

مادري متى بس يطريني على باله

مادري .. متى القى لك ايّة صدر ياعذري

الله كم لي وانا امسح رقم جواله

وانا احفظه غيب ويعني اني ولا ادري

[محمد الدحيمي]

#بوح_مختلف

مادري متى بس يطريني على باله

مادري .. متى القى لك ايّة صدر ياعذري

الله كم لي وانا امسح رقم جواله

وانا احفظه غيب ويعني اني ولا ادري

[محمد الدحيمي]

[محمد الدحيمي]

سندويش .. من اي بوفية

نوض لمع واحسبه برقٍ من ( رفيّه )

برّاق نوضه سرى بي واجهر عيوني

ويوم ادهم الليل غدراء .. سقت رجلية

واقول جعل العواذل مايشوفوني

يالله تقاني من الوقت وبلاويّه

وتبيح طيشي وتغفر زلّة شطوني

ياعالم الغيب وانت اعلم بخافية

اعوذ بك من خفايا الغيب وظنوني

والوذ بك وانت ابو الذات الألهية

تكفيني من الردي الأحمق الدوني

يارب .. ياذا الجلال وعالم النيّة

جود برضاك ورضا شيبان ربوّني

على النقا والوفا ماهو على السيّة

يالله على برّهم زدني و كن عوني

ابطيت ساري وسجّت بي هقاوية

ولا ادري الاّ وبعض القوم وافوني

قلت العفو طرقيٍ والدرب طرقية

حاولت ابالحق بربعي غير فاتوني

سجيّت واثار دربي ماهي بذيّة

تايه وهالك ظما بالله تسقوني

وخلوني اوفى اصدقايه شبه عارية

والله لو اني ببسطة مايخلوني

والخبت موحش وهبّت بي شمالية

وخطاي مـ البرد مادري وين ساقوني

والله يقاكم من اللي سوته فيّه

دنيا الهبا مع ردي الحظ وجنوني

وباقي معي في القلص يالربع صفرية

هيّا قدعنا سوا وابليس ملعوني

اثارهم يحسبوني من (الحرامية -

الاربعين) أو (علاء الدين) ظنوّني

وانا نحيّة .. واثار القوم بنحيّة

هذاك قاطع طريق .. وذاك صهيوني

يبغوني ابيّح الخافي علانية

خبلان .. يبغوني ابيّح بمكنوني!!

كم ميّتٍ ماسلم في القبر من حيّة

وكم حيّ عايش وبين الناس مدفوني

للطيب في وجهي وللصدق مارية

عند الرجال الزحول اللي يعرفوني

قلت انهجوا حدّ تالي العلم بايدية

تبطون والله بدربي ماتباروني

وغبشت يوم الفجر بانت مواريّه

اقفيت اغنّي لبنت الشايب لحوني

لبيش ياشيطنة شعري وياغيّة

ياسلوتي كلّما احزاني تحدوني

لبيش ياحاضري واحلام ماضيّة

مرتعش بين الضلوع ومرقدش نوني

فديت والله عصابتش الجنوبية

سوالفش / لثغتش / ضحكتش وشجوني

شاعر عيونش سلومه مثل ماهيّة

حتى لو ان الليالي غيرت لوني

مسكون بالشعر واروّض قوافيّه

اعطاني الشعر ربي .. ماهو سكوني

ياخيّة اسرار كل العلم مقريّة

مايحتمل قول ( ودوني وردوّني )

في ذمّةالشام واهل الشام ياخيّة

ماني بـ (درزي) ولا جدّي بـ (ماروني)

انا مجرّد بشر تاهت خطاوية

كادح/ بسيط / العرق وسّم على ردوني

من فضل ربي قنوع بما قسم ليّه

وماعند ربّ العباد ابقى ومضموني

والاّ انت ياحاسدي حتى على الفيّة

انا برحمة بديع الخلق والكوني

ياخوي فارق كذا .. والله مافيّه

حيل اتحمّل طعون .. بلشت بطعوني

حي الكرامة / وعزّ النفس ياحيّة

حتى ولو عشت باقي العمر مغبوني

واصبح على سندويش من أي بوفيّة

وامسيّ وانا اعدّ بهمومي مع ديوني

　

المقرّ بما فية :　

محمد الدحيمي

[محمد الدحيمي]

#بوح_مختلف

هيّه كذا .. عادة الأقدار غلاّبه

هيّه كذا .. ياسمو الشعر والحانه

احدٍ يحسّ بخيانة في وفاء احبابه

واحدٍ ذبحه الوفاء في حب خوّانه

[محمد الدحيمي]

#بوح_مختلف

لبيه ياللي يوم لدتني تعقد حجاجها

تقول .. ليت تحبني لو ربع حبّك للنصر

[محمد الدحيمي]

#بوح_مختلف

كانت وكنّا .. ولازالت مرابعها

في وسط صدري وعاد الشوق ماتغيّر

ماغير اغنّي الى مريت شارعها

(واقف على بابكم ولهان ومسير)

[محمد الدحيمي]

من قال الايام يالاجواد تتشابه

حنّا بوقتٍ تخالط حلوه بمرّه

هو من متى صار يخشى الواحد اقرابه

في هالزمن بس .. ماكنّا كذا مرّه

[محمد الدحيمي]

الله يجازي (الفار) يا (مأرب)مع (سيل العرم)

والا انت يالهرش الفحل .. بنّوخك بنوّخك

راحت (ارم ذات العماد ) بلا عماد ولا إرم

لومك على التاريخ يالجغرافيا .. ماأرّخك

تبغى الصراحة ياقزم .. اي والله ان تبطي قزم

يضحك عليك بذمتي من عملقك واستنسخك

بعض العرب يشهد علي الله مثل كيس الفحم

ان طحت فوقه وسّخك.. ان طاح فوقك وسّخك

للحديث بقيّة ..

[محمد الدحيمي]

#بوح_مختلف

تبغى الحقيقة ياولد .. والأكيدة
الدمع بعض احيان يجلي التباريح

يعني وش اللي بس انا مستفيدة
لا اخفيت حزني في عيونٍ مفاضيح

[محمد الدحيمي]

((الإحتباس الحراري .. في صحيح البخاري ))

صلوا على النبي ..

حنّا بشر فينا من الزين والشين
والكامل اللي بالمخاليق داري

نوّحد الله مثلكم يامسلمين
ماحن يهود ولا عيال لجواري

ماعابنا فقرٍ ولا عابنا دين
فطورنا ( فول ) وغدانا ( بخاري )

نمشي على قانون رب القوانين
ماحن بسلعة بين بايع وشاري

ياشيخ تسلم .. للضعوف المساكين
وتسلم ( يابنك التنمية يالعقاري )

لكن ترى الفتوى سلاحٍ بحدين
الحمد لله ماتجي بالمصاري

(القادسية) تعتبر أم (حطين )
ووريثة ( اليرموك ) ( ذات الصواري )

(الأندلس) راحت وراحت (فلسطين )
والصبح له غبشة .. ولليل ساري

تبغا تجنّنا .. وماحن مجانين !
تبغا تعرّينا .. وماحن عواري!

واذا سكنّا بالحواري من سنين
لاتحسب انّا من عيال الحواري

نصلّي بمكه سواة المصلّين
ومن حازمي بيشة قدعنا الصفاري

ياشيخ حنّا نفهم الشرع والدين
لاملحدين ولا خذتنا الطواري

الله يقاك .. من انسداد الشرايين
والله يقانا .. مـ الردى والمزاري

لاتؤخذ الحجّة بدون البراهين
ومادمت جاري فأنت في حكم جاري

يمّا انها اْخذت رابعتك الشياطين
يمّا سببك (الإحتباس الحراري )

واذا اختلف (بن باز) مع (بن عثيمين )
حنّا على ذمّة ( صحيح البخاري )

..

المقر بما فيه :

الفقير لله ..

محمد الدحيمي

[محمد الدحيمي]

#بوح_مختلف

ياعشقي الطاغي المتمرد الطايش
وشبك على طيحتي دايم تحرّضني ؟

اذا على عيشتي .. فابشرّك عايش
واذا على الحظّ .. طول العمر ممرضني

[محمد الدحيمي]

يالله بوجهك من الفجعات والغابي
واغفر لي الذنب وعلى ذكرك أعنّي

عامين والموت يخطف غالي اصحابي
يارب لا اخذتني الاّ راضيٍ عنّي

[محمد الدحيمي]

[محمد الدحيمي]

#بوح_مختلف

تبّاً .. لبعض الأخوياء
وتبّت يدين ابو لهب

تبغى الصحيح بلا رياء
وبلا ملامة او عتب :

بعض الأدب .. قلّة حيا
وبعض الحيا .. قلّة ادب