12-05-2010, 11:03 | #166 |
شاعـرة
|
رد : همهمه خلف جدار..
لأن البكا مثل المطر ببكي وابلل خافقي المتعب واطهرني من أوجاعي واغني لو يمر طيفك .. (أسقني واشرب) |
14-05-2010, 02:48 | #167 |
الدانه بنت عبدالله
|
رد : همهمه خلف جدار..
. . . وهل لازال للألم بقيه...!! سبحان الذي أسرى الحزن في روحك.. متابعه........ |
16-05-2010, 09:32 | #168 |
شاعـرة
|
رد : همهمه خلف جدار..
وحش .. الألم يبقى ما بقي النبض في أرواحنا .. شكرا لأنكِ هنا .. |
16-05-2010, 09:41 | #169 |
شاعـرة
|
رد : همهمه خلف جدار..
وينك؟ والله أتعبني غيابك تصدق كل شي فيك افتقدته حنانك .. قسوتك .. ضحكتك .. حتى عتابك ما وحشتك؟ طيفي ما مرك أبد! في مداين الانتظار شوقي ما جا ودق بابك؟ مو صحيح! |
16-05-2010, 09:41 | #170 |
شاعـرة
|
رد : همهمه خلف جدار..
سلام لكل القلوب المتعبه ليل الحزن ما أصعبه |
16-05-2010, 09:42 | #171 |
شاعـرة
|
رد : همهمه خلف جدار..
السكوت.. بعضه موت .. وبعضه أشهى م الكلام |
16-05-2010, 09:43 | #172 |
شاعـرة
|
رد : همهمه خلف جدار..
حلم وايدينك المشوار ولحظات اللقا معروف تاليها |
18-05-2010, 17:41 | #173 |
شاعـرة
|
رد : همهمه خلف جدار..
لازم أغلط .. مثل باقي الناس واتعدى حدودي ربما حس بوجودي لازم أصبغ هالبياض لون أسود لازم أصرخ واتمرد أشوه الصمت بنشاز ربما يقولوا أغرد لازم أكسر كل قيودي بعد هذا لا تقول كم تغيرتي كثير كانت الدنيا بخير إنما كل شي تغير ماتت أحلام السلام والصدق أصبح كلام باحللك من كل عهودك واعتبر ماتت عهودي |
18-05-2010, 17:46 | #174 |
شاعـرة
|
رد : همهمه خلف جدار..
قول وش سوى غيابي في حياتك علمني وش سوى طيفي بالتفاتك أما آنا أشرب المر بغيابك أعلق عيوني ببابك واقتات باقي ذكرياتك وجاي تسأل.. كيف حالي! من وعت ع اللهفة عيني وكل شي حولي حزين والليالي .. آه يا طول الليالي صرت أسهرني لحالي كل دمعة في عيوني تلثم الجرح بشفاتك كل بسمه تنتحب تسأل عليك كل لفتة .. كل همسه تقول يا مبعد أبيك كل شي فيني تغير حتى حلمي صار شاحب .. صار أصفر بعد هذا .. جاي تسأل .. كيف حالي! جاي تقول .. علميني .. شنهو آنا في حياتك؟! |
18-05-2010, 17:47 | #175 |
شاعـرة
|
رد : همهمه خلف جدار..
رسمتك دمعة مغبونه رسمتك ليله مجنونه وقبل لا تكبر اذنوبي رسمتك ذنبي المغفور |
11-06-2010, 12:18 | #176 |
شاعـرة
|
رد : همهمه خلف جدار..
لك أماكن في غيابك .. تفتقد صوتك .. حضورك لك مساكن وسط روحي ما سكنها إلا شعورك لك وطن قلبي واخذته ما أظن يسكني غيرك يا انتمائي يا حدودي يا سمائي راضية بشرك وخيرك |
11-06-2010, 12:19 | #177 |
شاعـرة
|
رد : همهمه خلف جدار..
البرد .. كافر والحزن .. سافر والليل .. ما يستر عورة الأحزان ما قلت لك.. لا تسافر؟ موت تصبح هـ الحياة تابوت يصبح هـ المكان في غيابك.. كل أفراحي تهاجر خوفي يكبر .. أفتقدني وافتقد معنى الأمان .. |
11-06-2010, 12:19 | #178 |
شاعـرة
|
رد : همهمه خلف جدار..
احتمال إنك تغيب واحتمال إني أغيب والأكيد.. مهما نبعد نقترب ليت ظني ما يخيب .. |
11-06-2010, 12:21 | #179 |
شاعـرة
|
رد : همهمه خلف جدار..
داخلي شي أكبر من مجرد إشتياق داخلي صوت احتراق تدري شنهو الإحتراق؟ ينهدم كل شي جميل والطريق الـ يودي للفرح شاحب ومعتم طويييييييييل تختنق بانفاس حزنك تمشي وحدك في الطريق المدى حولك يضيق ما تحس بأي شي يموت حولك كل حي الفرح صوته يموت تغص باوجاعك سكوت دخيل اوجاعي وحزني لا تغيب لا تلوح لي بيدك تقول باكر نلتقي .. شوف بُعدك ايش سوى شوف وش سوى الفراق .. |
18-06-2010, 10:48 | #180 |
شاعـرة
|
رد : همهمه خلف جدار..
إلك داخلي وحشه قلوب اطفال .. عجزت إني أناغيها وعلى قد الفرح بيها عجزت إني .. أجاري لثغتك فيها صدقني .. أحاسيسك عجزت أعرف معانيها .. دخيل الله تحملني وعلمني أطفالك بوسط الروح كيف اقدر أربيها؟ |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|