11-10-2015, 03:56
|
#196 |
|
متنبي الشعر الشعبي
|
رد : منااااااا (ياووووطن..) اااااافي
يامطوّع القوم داعي الناس للطاعه الهادي الله .. وخلقه مانت هاديها شريت تتن ونسيت اجيب ولّاعه ورمعت لي رمعةٍ واقفيت مخطيها خطّرت للسوق وأهل السوق هجّاعه وللطيب هقوه تدلّك طيب هاقيها ياسلعةٍ بين شرّايه وبيّاعه خسران بيّاعها .. خسران شاريها مايحرث الأرض غير كفوف زرّاعه ولا يتبع الوسمي الاّ من يذرّيها احدٍ من الله تجيه بطقّة اصباعه واحدٍ تعوّد (يكحلها ويعميها) الرجل من منطقه ماهو من اطباعه كلن على طرقته يعرف يقدّيها هوشه .. ولا غير منّاعه وفرّاعه وانا احسب القوم قدهي تسحب دميها ماقلت لك لايغرّك صنقل الساعه ؟ ماقلت لك شف بلاها في براغيها ؟ لي ساعةٍ يامطوّع وانت لك ساعه والساعه الثالثة .. مالك شغل فيها محمد الدحيمي |
|
|
|
06-11-2015, 03:55
|
#197 |
|
عضو فعّال
|
رد : منااااااا (ياووووطن..) اااااافي
نتابعكم عن بعد ولا نصبر عنكم يامبدعين |
|
|
|
|
13-01-2016, 06:37
|
#198 |
|
متنبي الشعر الشعبي
|
رد : منااااااا (ياووووطن..) اااااافي
اذكر وانا من عادني .. ادرس اولى طفلٍ تولع في هواهم وخلوه احباب.. واي احباب ياقلب ذولا اللي جفوا صدري عقب ماستحلوه |
|
|
|
|
31-01-2016, 08:56
|
#199 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف #زهايمر يابن الحلال ارجوك فارقني كذا يابن الحلال بعض الهروج الساقطة لاعاد تبلشنا بها الله ولا بعض الرجال اللي نحسبهم رجال بعض الوجيه اثارها..* ماهي بكفو اشنابها محمد الدحيمي |
|
|
|
|
13-02-2016, 04:21
|
#200 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف #كيبورديات الله يجازي نايبات الدهر خير ويجازي ايام الرخا كل خيرة احيان تاخذنا الروابع مشاوير واحيان يقفي هم.. ويجيك غيره |
|
|
|
|
13-02-2016, 07:13
|
#201 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف كل السنين اللي مضت لي بذكراك تتساقط من الذاكره كل يومين كنتي هنا.. مادري هنا.. مادري هناك بس الأكيد .. انك هنا وسط هالعين |
|
|
|
|
13-02-2016, 07:34
|
#202 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف ياطيحتي.. حتى اصدقاي اخذلوني تفرٌقوا .. ماكنًي اعنيلهم شي تخايلوا في مقتلي واتركوني هالك ظما .. لاني بميت ولا حي |
|
|
|
|
14-02-2016, 03:21
|
#203 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف عندي سؤالِ .. يازمان الشماته مادمت متقلب .. وثورتك ثوره وقت الضرورة .. نعرف محرٌماته لكن .. ويش (محرمات الضرورة) ؟ |
|
|
|
|
14-02-2016, 12:16
|
#204 |
|
متنبي الشعر الشعبي
|
رد : منااااااا (ياووووطن..) اااااافي
من قال لك رح ( للرقود) وصحٌه في مملكة ذاته يعيش العاهل ماهي قضيٌة (حبحبة) او (جحٌه) حنٌا قضيتنا ( مثقف .. جاهل) شبٌت على صدر الدحيمي كحٌه وعلاجها ماهو يجي بالساهل تضحك علينا ياوزير الصحٌة ؟! ماكننا مثل البشر نستاهل!! محمد الدحيمي |
|
|
|
|
27-02-2016, 07:30
|
#205 |
|
متنبي الشعر الشعبي
|
رد : منااااااا (ياووووطن..) اااااافي
بالله يادكتور ساعدنا وخذ فينا أجر نبغا لبعض اصحابنا تحليل حمضِ نووي حنا بلشنا ماعرفنا اللي صدق واللي فجر لاصار ولد اللاش وافي والردا جاء من خويٌ |
|
|
|
|
15-04-2016, 08:25
|
#206 |
|
متنبي الشعر الشعبي
|
رد : منااااااا (ياووووطن..) اااااافي
#بوح_مختلف ياخي انا مثلك اقدر أكتب واقرأ ماني بحاجتك يرحم جد من جابك الموت .. ماهو بفرقا الجادل الشقرا الموت.. لامن دفنت بيدّك احبابك للحديث بقيّة .. ✋ |
|
|
|
|
04-08-2016, 02:25
|
#207 |
|
متنبي الشعر الشعبي
|
رد : منااااااا (ياووووطن..) اااااافي
ابغى مدينة غير كل المداين وان كان ماتوجد عساها تساهيل مادامت الدعوة هياط ومزاين مزاين ابل ولا مزاين رجاجيل |
|
|
|
|
04-08-2016, 02:25
|
#208 |
|
متنبي الشعر الشعبي
|
رد : منااااااا (ياووووطن..) اااااافي
ابغى مدينة غير كل المداين وان كان ماتوجد عساها تساهيل مادامت الدعوة هياط ومزاين مزاين ابل ولا مزاين رجاجيل |
|
|
|
|
06-08-2016, 01:05
|
#209 |
|
متنبي الشعر الشعبي
|
رد : منااااااا (ياووووطن..) اااااافي
ام جنيب الذيب في عرف العرب ماعمره يهرول عبث والكلب يستذيب ضعافة ..من رداه وقلته بعض الرجال اردى من ام جنيب واحيل من الشبث في رزّته يعجبك .. وان تبخصه بانت علّته لاينفعه كيٍّ .. ولا مليون راقي لو نفث روابعه متناقضه .. ماتعرف اش هي ملّته الورث ورث الطيب ياحي الوريث اللي ورث من بوه عز النفس والفزعه وفرحة طلّته البعض لامنه تكلم قلت يامال اللوث والبعض يسحرك بكلامه والعرب ماخلّته بعض الفكر ودك لو انه من جذوره يجتثث والله مابغا راعي الفتنة ولا ابغى شلته واللي تعايب راعي المركاض يومنه لهث نعذره لأن الركض ماهو له ولا بجبلّته ماينقد الراعي على من يحرث ارضه لو حرث كلن على الله مرزقه كلن على الله دلّته وانا لك الله ماكتبت الشعر من خبث وخبَث مجرد انسانٍ وكم دمع ٍ عيونه هلّته العتم عتمٍ خابرينه ياسمي والشث شث والسوق يجمع شاري الغلّه وبايع غلّته والشاعر اللي عادته لاهزّه الطاري يبث من خافي اشواقه فريد الشعر تدمح زلته من عادته يستسقي البراق لاناض.. ويحث خطاه في ساقة بروق كاذبه .. مابلّته اخطي .. ولكن ماوصلت الزندقة والا الرفث واضحك ولو مرّ الزمن يغصبني اشرب دلّته لكنّ ماني ملزمٍ في مجلس انسانٍ يغث والا بنات الدهر ياكم من عزيزٍ ذلّته محمد الدحيمي |
|
|
|
|
17-12-2016, 09:39
|
#210 |
|
متنبي الشعر الشعبي
|
رد : منااااااا (ياووووطن..) اااااافي
الصباح اللي رقد بعيون ساره هو خذا من كحلها والاّ حورها مانشدته عن بياضه او سماره هو فضحها الصبح والاّ هو سترها ؟! |
|
|
|
 |
| عدد المتواجدون في هذا الموضوع » 5 , عدد الأعضاء » 0 , عدد الزوار » 5 | |
|
|
|
|
