[صالح العبدالكريم]

صباح الخير جميعاً والحمد لله على سلامة ابو خالد وطلعته من المستشفى وابشركم حالته مستقرّه وجيده وحتى الجنين طيّب يا ربي لك الحمد قصدي عيونه ابو خالد هاه كيف الحين تشوفني وانا بالمملكه بالرياض بالدوام بالمكتب

[سعيد القحطاني]

صباح النور ابو لمو

بالله عط هالورقة بدر انا مستعجل شوي

	ترا طاقيتك مع فنايلي عند المغسلة اللي جنب الفوال

تشاووووووووووووووو على من تكلف

[صالح العبدالكريم]

تصدق عاد هالشقّه طلّعت المستخبّي هالحين يومك تحط طاقيتك عند المغسله ليه ياخوي عطه حدى البنات تفركه بيديّه بمغسلة الرجال وتعلّقه بالدريشه بعدين ياخي طاقيتك متشازره <<< حلّها عاد وإذا ما قدرت أعتبرها لغز أو اعتبرها حكمه يابانيّه

[سعيد القحطاني]

ترا عاد ما يقصرن
كل صبح وهن يغسلن الدرج فشلونا في البنقالية حقين البلدية
بعدين ما بغيت اكلف عليهن
لان طا قية بدر ما يقدرون يغسلونها

جيم : و السبب ان طاقية بدر امتلت زيت يوم جيت اعاير زيت موتري
اليوم الصبح

[بدر الزياد]

طاقية لقيتها مع ولد ربيّع لأني شفتها متشازرهـ ويوم أخذتها لقيت مكتوب عليها بقلم خط (bj) وتعرفون معناها b بدر لكن j هذا البنقالي حق المغسلة الله يقلعه على باله يعرف إنقليزي يقول j هازاا أبو أنت يعني (جياد) قلت الله ياخذ روحكـ أولا هو جدّي ماهو أبو وبعدين أسموهـ (زيّاد) بتشديد الياء ماهو مثل حقين الرياض مايعرفون يشددون حرف الياء لله ...

مثل أسم عبيد الواحد ياله ينطق هالاسم تقول منخرع منّوه!!
عبيد بتفخيم الباء يعني تملأ أفمكـ ماهو عبييييييييييييييييييييد !!


&&

بركات الشمري
وش تونا؟؟
هي: توني بالياء .. .. مررّردوكـ هل الرياض!!


<<

[فيصل الخالد]

الرسالة الأصلية كتبت بواسطة صالح العبدالكريم

لا الجنين ابشركم بخير هههههههههههههههههه وبنكتبه باسمك يا صويلح



والله لا اشوفك ولا تشوفني بس اني جايب لي واحد يقرا ويكتب الوعد طال عمرك بعد اسبوع باذن الله

بكره يفكون العدسات ويعلمونا وبعدها راحه اسبوع والله يستر

على قولة الشهري الي ما يستحي والي يفاول علي

يقول ابو خالد من كثر ما تتريق علي بكلمة الحول احتمال كبير انك تصير حول

الله يسسسسسسسسسسسستر

[صالح العبدالكريم]

هلا ببو خالد الحمد لله على السلامه ، صباحك قوالب سكّر بعدين ايوالله اجلس اسبوع مريّح عشان نتأكد من شغل الدكتور وكانه كويس بيسوّي نواف عنده رباط صليبي خبرك وين تلقى الحين دكتور تثق فيه طيّب طيّب لا انشاء الله طيّب

[فيصل الخالد]

الرسالة الأصلية كتبت بواسطة صالح العبدالكريم

رباط صليبي وش يقرب للحروب الصليبه ؟


يا قليل الادب




من عينكم توصخت البدله واظطرينا نوديها دراي كليننج

ان شاء الله اخر صوره لي بالنظاره ان شاء الله يااااارب صويلح ادعي لي من قلب ياخي وربي تعور العمليه ولو ما ظبطت بافحط قدام المستشفى واحوسهم حوس

خلني اعطيك فكاهه سريعه بما ان الكيتب "شياب قبل ما يقولون كاتب يقولون كيتب ويقال ابو محمد يشتغل كيتب بارنكو قد الدنيا طبعا 10 في الميه فقط كانوا يعرفون انها ارامكوا والربيع تراه الى اليوم يحسبها ارانكو... ارانكو السعوديه" المهم بما ان الكيتب ماخذ اجرته عن اليوم كله باحلل اهله وياويله ارجع والاقيه مو قاعد يكتب الي اقوله حرفيا


طبعا انا جايب واحد من الشباب ومخليهم يجربون فيه الليزك قدامي عشان اطمن على عيوني المهم حضرت عملية الليزك وشفتها سهله جدا دقيقه ونص على كل عين وما فيه الم ولا شي يوم جا دوري طال عمرك قالوا لا انت "ابي ليزك" ابببب الله روس العدو قلت وش الفرق قالو هذيك للي عنده قصر او بعد فقط اما انت فمشاكلك كثيره بعد وقرنيه وتحدب وانحراف ومصايب خلها على ربك المهم قلت طيب والفرق قالوا ان شاء الله ما فيه فرق كبير
المهم قالوا لي انشطح وانشطحت افكر الامور سهلات ويقعد طال عمرك يحفر في كل عين 8 دقايق وبعدين ياخذ دبوس او مسمار او مطرقه "ابو المبالغه" المهم شي يعور الله يسامحه لان الدكتور مطوع ما اقدر اسبه ويحفر في عيني يحفر لين ما بضت يارجل

خلص وقومني ودخلوني غرفه وجابو لي دكتور مساعد سوداني مسوي نفسه شديد وانا طبعا مغمض عيوني وقافله مع اهلي وادور اصلا احد اتهاوش معاه

قام يعطيني التعليمات وانا ساكت واقول اااااااااااااااااااااااه بس كاتمها على بالي شديد يعني اقول امممممممممممممممممممم ودموووووووع من قلب

المهم قال لي تقعد اسبوعين ما تسوي الاشياء التاليه
وقام يسرد علي من ضمن الاشياء قال ما تقعد مع مدخينين قلت له ان شاء الله بس انا ادخن عادي ؟
قا لي ما تهزرررررررررر

هنا انا قفلت معاي فوق انهم معوريني وما يبوني اسوي شي في الحياه لمده اسبوعين يقول لي الزول بزمره ما تهزر قهرني قلت له اقول يا زول "هنا بدأت تشين الاخلاق وخلاص نويت الهوشه " قال نعم يا سيد قلت ليه ما ادخن لمده اسبوعين قال قرنيتك مفتوحه ما كويس
قلت له اقول بادخن وباقعد مع مدخنين بكيفي قرنيتني والا قرنيتك انا ادرى بقرنيتي وما عليك مني

هههههههههههه زي البزران
قال لي الزوال انته حور بس ما تجي هنا وتقعد تخط فينا مشاكلك بعدين
قلت له باخط الي ابي كيفي خطي والا خطكم

ادعوا لي جعل ما يذوق مسلم الالم الي ذقته

وين حربرب طاولوني رقبته بس يا مدلكاتي الغله موب انت دختور الحته
ليه ما نصحتني

[صالح العبدالكريم]

صدقني الأمور بسيطه يبو خالد كلها يومين وينتهي الوضع ولو انحدّيت وانا اخوك نشوف لك عيون تمساح ونسوي لك زراعه انا اعرف واحد من الزملاء سوى عمليه بخشمه وأخطو وقصوه تدارك الدكتور الموضوع وسووله زراعة منقار عصفور والحمد لله الحين يدخّن ويطلّع الدخان مع منقاره بشكل ممتاز يعني ابد لا تخاف عاد تخيّل تصير تلبس نظاره سوداء وندعيك يا ام كلثوم الخالد

[نوف السالمي]

أوووووووووووووووووووووووه ابو خالد جا ...
يحول ما امدانا فرحنا بروحتك .. على طول جيت ..<< وجع






سلامتك .. و طالع من الشر ان شاء الله ...
عاد ما نقدر ابد نقاشرك .. يكفي صالح سوا اللازم ..

اخاف يروح اللي يكتب عنك .. ثم يطق بك عرق و انت ما رديت ..

[نوف السالمي]

الرسالة الأصلية كتبت بواسطة بدر الزياد

يا مرحبا بــ نوف

أنتي وش نوح لسانتس عوج

^
^
^
أعربي ماتحته خط؟

كنت بسجل خروج .. ما ادري وش الالهام اللي نزل علي ..
وخلاني ارجع للصفحه اللي قبل ..
الللللللللللللللللللله اكبر اللحين لساني صار عوج ..
<< خبله لا تعاتبين اللي يغلط عليتس لخيّه باقرب ما عندتس

و الله لو بعرب كلامي .. مانيب معربه غير اخر كلمه ...




اللحين انا وش سويت لكم .. انت تهزا بكلامي ..
و صالح يقول البر ما انتي طالعه معنا
و بركات مموتني بمتصفحه اللي بوطن و مداد ..

[عبدالرحمن الربيّع]

سلامات سلامات يابوخالد

طالعن الشر يالبى عنونك ههههههههههه

الف الحمد لله على السلامه والله فاقدينك ياراقل ..

واسمع كلام التختور ذات نفسه واوعى تهزر معاه يازول بعدين تعصب وانت ما تشوف وتسوي جريمه وبدال ما نزورك بالمستشفى نزورك في ابو زعبل ونجيب لك عيش وحلاوه هههههههههه

اقول انا ملاحظ ان العمليه ضبطت معك الحمد لله واشوف اخطائك الاملائية قلت كثير وهذا اول الغيث بس لا تروح للمدرجات وتبهذل الحراس بليزرك انتبه يافشوك <<< هوما بأفشوا اللي في التلفزيون ههههههه

سلامتك الف سلامه يابني .

[بدر الزياد]

الرسالة الأصلية كتبت بواسطة نوف السالمي

كنت بسجل خروج .. ما ادري وش الالهام اللي نزل علي ..
وخلاني ارجع للصفحه اللي قبل ..
الللللللللللللللللللله اكبر اللحين لساني صار عوج ..
<< خبله لا تعاتبين اللي يغلط عليتس لخيّه باقرب ما عندتس

و الله لو بعرب كلامي .. مانيب معربه غير اخر كلمه ...




اللحين انا وش سويت لكم .. انت تهزا بكلامي ..
و صالح يقول البر ما انتي طالعه معنا
و بركات مموتني بمتصفحه اللي بوطن و مداد ..

هذا كلوهـ من باب المحبه ليس إلا ..
<<< مكس ولا أروع

أنا أعلمكـ ليه بدر صالح وبركات ..
هذااا من المحبّهـ لأن المثل الأوروأفروآسيوي يقول:
من سبّكـ حبّكـ

ألا على فكرة
ماتلاحظون أن الأسماء الثلاثة أعلاهـ تصلح جملة مفيدة:
بدرٌ صالحٌ وبركات

[أماني بنت فيصل]

صباحكم خير

[صالح العبدالكريم]

صباحك نور يا أماني حيّاك ابو خالد أمّا الربيّع صدقني يحتاج تنقز على راسه بكوعك أجل يقول انك بالصوره اللي تحت اسمك نسيت تشيل المنشفه من رقبتك تدري يبو خالد انت اللي دلّعته هذا وش يعرفه بالكرفتات المعلاقيّه بس الصوره طالع ورور يمديني اروح معك للهاف مون نصيّد سمك سردينه