06-08-2010, 12:20 | #241 |
شاعـرة
|
رد : همهمه خلف جدار..
كني أشوف الأرصفه عيون ذابت انتظار وامطرت لهفه وحنين الشوارع بس مواجع تشتعل فيني حطب صمتها مثل الصخب صخبها دمع وشجون |
06-08-2010, 12:25 | #242 |
شاعـرة
|
رد : همهمه خلف جدار..
فز .. صحي حلمك لا تنام بلل ارموشك سهر ادفن احزانك قهر شوف ليلك م اطوله تدري انك لو انطفى فيك السؤال صار صمتك اسئله شوف عينك عن يسارك خاصمت أقصى يمينك حاير(ن) بينك وبينك تمشي .. تتعب لا انت قادر توقف بنص الطريق ولا انت عارف آخره من أوله حقيبة العمر اللي راح وفيها حزنك .. لا انت قادر تتركه خلفك تروح ولا انت قادر تحمله تتحمله .. |
03-09-2010, 14:00 | #243 |
شاعـرة
|
رد : همهمه خلف جدار..
أنتظر والثواني تحتضر ربما طيفه يمر |
03-09-2010, 14:01 | #244 |
شاعـرة
|
رد : همهمه خلف جدار..
غيب وارجع من جديد خلي عيدي يصير عيد انت تدري في غيابك عرفت معنى الانتظار وادركت شنهو الاحتضار ليلي عتمة .. صبحي عتمة عميا صارت كل حياتي ما ابصرت ضي النهار |
11-09-2010, 13:04 | #245 |
شاعـرة
|
رد : همهمه خلف جدار..
صباح العيد واطياف الي غابوا بزحمة الأيام صباح العيد ولا باقي هنا معنا سوى فرحة .. سوى غصة تهدهد لوعة الفرقا توقف في حناجرنا تمرمرنا لا تنزل ولا ترقا تمر اطيافهم نفرح وتتلاشى تصير اوهام .. |
11-09-2010, 13:05 | #246 |
شاعـرة
|
رد : همهمه خلف جدار..
صباح العيد وانا ادور على صوتك بأعماقي هنا باقي صباح العيد وانا ادور على طيفك بأوراقي ولا الاقي سوى همي حنيني لك يبعثرني يجمع ما بقى مني .. يرسم لوعة اشواقي |
11-09-2010, 13:06 | #247 |
شاعـرة
|
رد : همهمه خلف جدار..
صباح العيد رحت لـ امي أعايدها واسألها أخويا عايدك يمه؟ درات وجهها عني .. تعاتبني تكسر صوتها حسيت قالت لي.. جا طيفه وكلمني يقول يمه .. سمعت طارق بيتزوج منهو راح يخطب له؟ أريج تخرجت يمه؟ وشهودي .. بعدها حيل تشبهني؟ وغصيت بـ حنيني لك كرهت العيد وطاري العيد حيث اسمه ارتبط بـ اغيابك الـ طول كذا صارت تمر أعيادنا حسرات اشكثر تكبر وتوجعني صباح الهم صباح العيد يا يمه .. والذكرى تكدرني |
15-09-2010, 13:12 | #248 |
شاعـرة
|
رد : همهمه خلف جدار..
عشان اعيش راح احترف .. لعبة التطنيش |
15-09-2010, 13:12 | #249 |
شاعـرة
|
رد : همهمه خلف جدار..
النوايا.. شك أقرب لليقين تتضح لو بعد حين |
15-09-2010, 13:13 | #250 |
شاعـرة
|
رد : همهمه خلف جدار..
أكيد تعرف شنهو يعني دمعة المظلوم .. لما تصرخ داخله تشتعل به .. تنطفي به أحزان دهشه اسئله ما يحس ابـ عذابه .. إلا ثيابه يموت ما حي(ن) درى به تايه .. وضايع .. حزين ينزف ادموعه أنين .. ليته يعرف .. آخره من أوله .. |
15-09-2010, 13:14 | #251 |
شاعـرة
|
رد : همهمه خلف جدار..
انتظرتك .. وانتثر شوقي مواسم من عذاب الله أكبر .. كيف نصبر كيف نقدر نحتمل جرح الغياب |
15-09-2010, 13:15 | #252 |
شاعـرة
|
رد : همهمه خلف جدار..
يا ثواني الإنتظار .. ليش أصبحتي ثقيله علميه .. اشلون في غيابه تصبح الليله ممله .. معتمه وجداً طويله |
04-10-2010, 17:03 | #253 |
شاعـرة
|
رد : همهمه خلف جدار..
تعبت اعلق اجفوني على باب الأمل وانطر احبابي تعبت اسهر ولا حتى يمروني حلم كذاب يفتح لـ الفرح بابي |
04-10-2010, 17:04 | #254 |
شاعـرة
|
رد : همهمه خلف جدار..
ليه اسهر ما دام السهر مشوار ياخذني لـ أقصى الهم وليه امشي ما دام الطريق اسرار ولا به شي أبد واضح ضباب .. اغيوم كل شي معتم ومُبهم |
04-10-2010, 17:05 | #255 |
شاعـرة
|
رد : همهمه خلف جدار..
ليه متغير علي؟ فيك شي؟ أخاف عني أبعدوك في غيابك متبعثره بعضي وكلي وينك انت؟ حن ولا تقسى علي خلاص يكفيني وجع اللي شفته في حياتي مو شوي .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|