[الهنوف بنت خالد]

{ الغـربـه } تعلمني سنين الغربه واتعلّم تعلمني أعيش الصمت ولا اتكلم ولا حتى أبوح بسري واتألم حزين وصوتي شراعي غريب وغربتي الداعي خذتني الغربه وياها إلى الغربه ووقتني ظامني واعلن علي حربه ألا ياشين هالغربه تعلمني !! أغرب شعور إنك تحس إنك غريب والناس من حولك حضور أغرب شعور الغربه صارت لي وطن ! مدري أنا وش هالشعور مااخترت انا هذا الحزن ومااخترت انا هذي الأمور خذتني الغربه وياها إلى الغربه ووقتني ظامني واعلن علي حربه ألا ياشين هالغربه تعلمني !! نعم صعب الزمن لو فات بس الغربه الأصعب ! نعم متعب من الآهات واعرف إن البشر تتعب نظر لي واقعي مرات وعيني تحسبه معجب ألا ياواقع الحاله ترى عودي نشف حاله ويشكي هالهموم لمن؟ حزين وحايرٍ باله وحزنه خيّم بجاله مساره غربته والظن خذتني الغربه وياها إلى الغربه ووقتني ظامني واعلن علي حربه ألا ياشين هالغربه تعلمني !!

[الهنوف بنت خالد]

{ ذنـب المـعـرفـه } غرد الحرف وتكوّن كل غيم العشق في كلمة { أحبك } فوق صفحة من ورق فوق صفحة من أرق عودته الشوق يعزف لحن حب للسما للطير للنجمات وخيوط الشفق وانسكب هالحلم نرجس قام يهمس ذاب صوته وانجلت روعة سكوته يوم غنى للورق غنْ ياذا القلب غَـنْ وانثر الشعر وتغنى لطيبة اهل الريف ونخيل العواطف للسواقي للسما الزرقا وللفرقا على ظهر السفن للمدن للقلوب اللي نهشها الإنتظار وهدّها جور الحزن ! للسواحل غنْ تكفى يمكن ان الجرح يغفى ويمكن القسوة تحن ! والعواطف تستجن وفيك تهدى هالمشاعر من تعبها ويحتفل بك هالحضن بس غنْ ولا يهمك واسرج دموع اليتامى بالتفاؤول عطّر المنديل ضحك واحكِ للريح الجروح ومن يهمك دام روحك في ظلال الحب غرّد واستجن بس غنْ وهاك لحن الحب مني عيش فني ذوق ذنب المعرفه يوم جرب واعزفه لاتحبه ... إنصفه !! ماتحسه في شرايينك يتمتم منسجم ؟! مدامه نوى يسمر بدافي هواك وحسك المترف نجم ! ماتحس ؟ والا ماودك تحس إني بروحك آنا فيها غصب عنّك جات منك وارجعت لك أمر قلبي منحسم !!

[الهنوف بنت خالد]

{ وين النـور } جيت اشتكي للنور للريح للعصفور لضلال بيت منحني وجناح قلب من التعب مكسور ! من ينصر الدمع اللي واقف في مهب الذكريات وشالها المسحور ؟ وين النور ؟!! مازارها الضحكة فرح أو مر يوم من الفرح بالقاع حسه ضاع ماشافني بعينه حلم ينزف ألم مهجور ؟! لا بالكلام وزيف هالدنيا أعيش ولاكتبت وماحسبت لأي شي في الكون غير انّي أكون شاعر وبس ماقد لبس في دنيته غير الشعور هذا أنا وين انت ياكذبة زمن ؟ وين إنت ياذا النور ؟!!

[الهنوف بنت خالد]

{ أذكـــــــر } أذكر ان فيروز أتعبتنا يوم غنت { حبيتك تنسيت النوم ياخوفي تنساني } واذكر بعد إني التفت وقلت لك : هالبيت بكاني ! رددت انا معها وقلت " { معقول تنساني } !? ناظرتني واهديتني وردة وسِكَـتْ وانا عرفت إنك تبي تعرف إلى وين الفكر ياروحي ودّاني تدري لـ وين ؟ وداني لك واذكر حبيبي قلت لك : { خوفي تروح } وقلت لي : وش له تخاف ؟ من يومها وآنا اخاف حتى رجعت ! واذكر إني جيت مرّه قبل موعدنا بساعه وانتظرت وكان عقرب هالثواني يلدغ الوقت وذبحني وماحضرت ! وصرت أحلم وصرت اكلم في سكوتي ساعتي وكل من مَرْ ولمحني صار يرثي حالتي حتى من نفسي خجلت ! شلت حلم الوعد من عيني وقمت من مكاني وكان خوفي إن فيه مكروه صابك أو ألم سبب غيابك واحترقت ! وزاد خوفي يوم دارت في خيالي فكرة قالت : إن قلبك من مفكرته لغاني وان فيه انسان ثاني في حياتك وانكسرت ! ورحت بيتي في هدوء ويوم ثاني بكل برود جيت إنت ... واتصلت قلت : آسف مانسيتك غافلتني عيني أمس ماعطيتك فرصة نتلاقى حبيبي ماني داري كيف نمت قلت : إنس لاتقلي كيف نمت وافتكرت !

[الهنوف بنت خالد]

{ لـيــــه ؟ } ليه حزن الأرض كلّه مايساوي وسط قلبي وزن ذره من تراب ليه هذا الإغتراب ؟ وليه حزني صار سيرة ينحكي في كل ديرة وينكتب بعيون عالم ماعْرفوا معنى العذاب مااعرفوني !! حسسوني وانا معهم إني والله ماني معهم جيت ليه ؟ وليه حظي من رداته بي جمعهم وانخلقت ! للحزن اللي سكني للنفاق وللمصالح في زمن أعمى طعني وآنا اشوف . وين بلقى أجوبه في زمان الصدق ميّت دوم فيه والإخوة زيف دنيا كاذبه ماتشوف ؟؟ وماسألتو ليه أسأل!!! والحقيقه غايبه عن عيون الناس والله والأماني في زمنهم خايبه خايبه والله وزمنهم مايبيني وآنا مثله ما أبيه ونفسي منه طايبه ! دنيا ماترحم أهلها ما أبيها العذاب اهون وأسلم حتى لو بأرضه ذبلت ماسألت ! وليه أسأل يالعذاب؟ وانت أطيب من أهلها لو بخلت !!! والله مافي داعي أسأل يالعذاب { وين ماخذني أبد }؟ ليه أسأل ؟ دام كل العمر ماهو في ايديني ولو بديت الرحله مدري تنتهي بأية بلد هذا هو حال الجسد ينتهي بأية بلد ؟؟؟ أوقف بوجه العواصف لاتهدك هالظروف وتنحني ويشيخ صبرك ياولد قوم يالله وهات حزنك وانثره فوق جيد الصبح يالله بعثره لاتخاف من المشاعر ياولد موت في حب البلد واللي ساكن هالبلد وان ملكت الناي إعزف للطيور وماتبقى من شعور ضايع بأية جسد ! يالله اعزف لايتوقف لحن حزنك لاتخاف مو ضروري يسمعونك دامهم مايعرفونك غرد لنفسك واعزف لحن حبك للبلد يكفي نبضك في سماها وفي حضنها الدافي قلبك ليه خايف ياولد؟ لاتخاف لاتخاف لاتخاف

[الهنوف بنت خالد]

{ الإنـتـظــار } عمري ماحبيت كلمة إنتظار إلا يوم إني عرفتك عشت معنى الإنتظار ذبت فيه وذاب فيني وصرنا واحد نعشقك ليل ونهار بعدها طبعاً دريت ليه جيت ..؟ وليه قلبي بكل بساطه كان واقف فـ انتظارك يحتري بردك ونارك يحتريك وانت مافكرت لحظة تحتريه !!؟ قول وارحم من سقاه الوقت مُرّه ألف مَرّه بعد مره فـ انتظارك ماتجيه!؟ ليه مافكرت فيه؟ تدري ليه؟ لنّك أقسى من الصحارى من حجر صوّان ماترويه غيمة عابرة والصحارى ماترجى كل غيمة وكل غيمة ماهي غيمة ماطرة الأراضي البور فيني صابرة عاشقة دايم تبيني من أصابع رجلي أزرع حسرتي حتى جبيني وماتبيني أحلم بإحساس صادق بعد عشر سنين غربه يحتويني ! ماتبيني أنتظرك؟ إنت ماتعرفني زين أنا كل صدمة وصدمه بينها صدمة مشاعر من عرفت شلون أحكي حتى صار الحزن ديواني الأخير وصرت شاعر بس فيك وبعد وعدك مت فيك وفـ انتظارك

[الهنوف بنت خالد]

{ ذكريــــــات } أول الحزن دمعه وآخر الحزن دمعه وبين دمعه ودمعه مجتمع حزن دنيا داخلي صعب جمعه ! بيني وبينك ذكريات ماعمرها مره غفت في خاطري ولا استراح من تعبها أو بكت إلها عليك متعلقه بحلم ووهم واشواق طالبها السهر في الانتظار اللي كبر مثل القهر في داخلي / من يوم ذاقتني يديك شَرقت يدي حسيت بالروح ارجعت فيني مادام قرر هالهوى ياخذني له ليه اسأله تاخذني ليه ؟ مادام حب إني أكون سيّد مجانينه وأعقلهم جنون ببدا الهوى من لمسة يدينك أنا واتذكرك مهما يكون مجنون فيك وفالهوى والموقف اللي فيه شفتك والمكان وعيون تحرص هالشعور اللي سرى بعروقنا وفينا قرى مليون بيت من الشعر للي درى أو مادرى كيف الشعور يتحول بلحظة بشر ؟! يتحرك وعطره يذوب فـ كل شي حتى بدمي { إحساس عادي } نادر إنه ينوجد في آدمي !!! بالمختصر بالمختصر أتذكره والغي قوانين اللي ماحبوا أبد أو عاشوا مره تجربه بتذكره حتى ولو باب النجاة مقفول في وجه الأمل مابسأله ليه انقتل وليه انقفل مادامني بتذكره! في معركة ذكراه والله لااحتفل بالموت فيه واللي يبيه واللي أبيه إني أموت حسره عليه هذا اللي حسيته أنا يوم اني جيته بارد أطرافي وجل متلعثمة من خوفها مو قادره تسلم عليه والله قلبي ماسألني ليه أبيه ؟ علّقت قلبي في ايديه من قبل ماافكر أنا هو مات فيه وضعت أنا في الحالتين والله مدري قلبي باقي في مكانه؟ ولا غادر ذا المكان !؟ هذا قلبي وآنا ادرى فيه وادرى حب توّه وشب ضوّه في زمان العاشقين يازمان العاشقين جيت حب وجيت ذكرى من أحب ! وكان بيدي ورد للي خلاني أصدق إن فيه إنسان يولد مرتين !!

[بدر الحافي]

الهنوف بنت خالد...
شكرا لانني منذ فترة ليست بقريبة كنت ابحث عن ما يكتبه الرائع ( علي عسيري ) ولكن لم اجد سوى القليل ولكن اليوم اجد الكثير هنا وهذا يدل على كرمك المعطاء...
.
.
.
تحياتي لكِ

[زياد بن فهد]

اللله ..

الله يا علي عسيري ..



والله عليك يالهنوف .......




انا هنا بـ اغرق ...

[الهنوف بنت خالد]

الرسالة الأصلية كتبت بواسطة بدر الحافي

الهنوف بنت خالد...
شكرا لانني منذ فترة ليست بقريبة كنت ابحث عن ما يكتبه الرائع ( علي عسيري ) ولكن لم اجد سوى القليل ولكن اليوم اجد الكثير هنا وهذا يدل على كرمك المعطاء...
.
.
.
تحياتي لكِ

بدر الحافي الشكر لك لـ مرورك الجميل سعيدة بأنني قدّمت لك ماكنت تبحث عنه ! الهنوف

[الهنوف بنت خالد]

الرسالة الأصلية كتبت بواسطة زياد بن فهد

اللله ..

الله يا علي عسيري ..



والله عليك يالهنوف .......




انا هنا بـ اغرق ...

زياد

شكـراً لعطر مرورك

[كَيان]

الهنوف

من الـ شكرًا

وكأني حييت وارتويت هنا ،

[الهنوف بنت خالد]

الرسالة الأصلية كتبت بواسطة كَيان

الهنوف

من الـ شكرًا

وكأني حييت وارتويت هنا ،

كَيان من أشكرك على حضورك الجميل .. لروحك

[أنثى الضجيج]

ما بعد تشبع عيوني ..!
ما بعد أروي ضماي ..!
ما بعد يرتاح خاطر ..
يسكن بـ عالي سماي ..!

.
.

هذا حالنا مع أشاعرهـ ..
لـ طالما أيقظت كلماته في داخلي جروح الذكريات


الهنوف

رائعه أنتِ كما أشعار الـ "عسيري"

[شغافـ قلبـ]

الهنوف ..

اختيارك لهذه السطور يدل على ذوقك ..

استمتعت بالقراءهـ ,,

ودارت اشياء كثيره في ذاكرتي .. ربما كانت مغبرّهـ ..

اشكرك جزيل الشكر ..

وسأحتفظ بنسخ لهذا الموضوع ,, وذلك لروعته ,,

دمتِ كما تحبين ..

شغافـ قلب ـ