[مسامر الليل]

يافهد ماتهقويت إن فيك عجله = مار ليّاك تدفعنا نمس الحبال
والله إنّا عطيناك العشى بأكمله = عاد كل واحمد الرزاق محصي الرمال

[فهد اليامي]

كل دربٍ قطعته ياولد ناصله =مايشيل الحمول لا ظهور الجمال
شي ماابغاه لا تجبرني استقبله=وانت تاجر ولكن مامعه راس مال

[فهد اليامي]

الاخ علي الاسمري

الله لا يهينك على المشاركه والحضور

ومتابعتك شرف لنا طال عمرك

وتقبل خالص تحياتي

[مسامر الليل]

أرررحب يافهد واستلم :

يافهد قد قرينا سورة الزلزله = والشياطين ولّن واعقبنّ الجبال
طوّح العلم وسط الاطلسي وازهله = كان في خاطرك فنجال صفر الدلال

[فهد اليامي]

المعذره يامسامر على التاخير

واستلم

من جهل مخرجه يحتاس في مدخله=وانت دلوك بدت تصفق على كل جال
انت تبلش بحمل الريش ماتحمله=كيف تبغى تنوّخ للحمول الثقال

[مسامر الليل]

لا باس يافهد :

مابغينا عليك نصلصله صلصله = وأنت شوفك شجر ويديك ماهن طوال
أنت تجهل جملنا يافهد وعمله = ينقل الحمل وإليا هاج صابه هبال

[البحررر]

صح لسانك يامسامر الليل


وصح لسان فهد اليامي ............. ولاهنتو

[فهد اليامي]

كم شجيعٍ نواني ثم غدى مهزله=وانت شرواك مع شرواي ماله مجال
انت والله جمل ماشاف غير اسفله=الجرب في جنوبه مثل حب الرمال

[فهد اليامي]

البحر الله لا يهينك

ومشكور على المشاركه والحضور

وتقبل خالص تحياتي

[مسامر الليل]

أنت تزمر وفعلك عادنا نجهله = مار ياعل تصمل كان طال الجدال
أنت علتك علّه مرديه واهبله = لا تعود سواة العلج يابن الحلال

[فهد اليامي]

مسامر الليل

صح لسانك

والله لا يهينك

وانشاءالله نلتقي في محاورات قادمه

وتقبل تحياتي

[مسامر الليل]

فهد اليامي

صح لسانك ولاهنت .

استمتعت باللعب معك ..

شكرا