[منتهى القريش]

لينا

يسلم كلك يا مصممتنا المبدعة ..
لا عدمت هذا الحضور الزاخر بالجمال ..

لقلبك الفرح يا صديقة ..

[منتهى القريش]

وحش

يكفيني أن تكون روحك حاضرة بين نبضي .. لو لم يكن منك إلا الصمت ..

قوافل ود لقلبك ..

[منتهى القريش]

مقدور هنا ..

مليون هلا .. سعدت بنور الحضور ..

شكرا لروحك كثيرا ..

ودي ووردي ..

[زين الخليل]

الرسالة الأصلية كتبت بواسطة منتهى القريش

ويش فيك
ضاق صدرك بين ايديك؟
طيب اسمع ويش يقول ..
وانتبه له

هذا صوته
ولا صوتك؟
ولا ذي ضجة سكوتك؟

قوم غن
لا تسئ الظن في نبض الحزن
الوجع لك .. والفرح خله لـ أهله

ويش فيه همك
علمك معنى السكوت؟
داخلك تقدر تموت
ولا حدا مرك درى بك
كود ما ينفع عتابك
لا تصحي .. صوتك اللي
نام في زحمة حنينك
إنت وينك؟
نام جنب الجرح صاحي
واترك الجرح ابـ محله

امسك الشهقه بـ ايدينك
شوف عينك
السحابات اللي ابـ بسماها
جف ماها
ويش بلاها
اعتراها الحزن حتى
كنها إنسان متعب
في هجير القيض يمشي
وتتبع الحسرات ظله

ويش فيه دربك
من تعثر بك .. غدر بك
لا مدى يوسع حنينه
التبس شكه ابـ يقينه
وكل خطوه لك عليه
تلتفت رجفه وخوف
عميا يمكن ما تشوف
الدروب البيض الـ تمشي عليها
تنحسب غلطه وزله

عيش وحدك ..
كن معك واحيان ضدك
افتح ايدينك مواني للسلام
لا تنام
إلا والبسمه وساده
خذها عاده
يمكن تحس بأمان
انسى روحك
انسى ماضيك اللي كان
وحتى لو نبضك سأل
ويش حصل؟
اصحى قلبك .. يعترف له

ويش فيك ساكت
افتحه شباك صدرك
واطلق الزفرات يمكن
في المدى يرحل سكوته
كن حياته ولا موته
واسمعه لو راد يحكي .. انتبه له
وكون فاكر
الوجع لك ..
وللفرح ناسه وأهله ..

ياربااااااااااااااااااااااااااااااااااه

يا الله يالله يالله

ورب الايات لقد اشبعتيني شعرا

نص يجبرني غصب احطه فالمفضله
عشان ارجع له بين فتره وفتره استمتع بهالعذوبه وهالحروف الراقيه

منتهى الابداع

ياجعل ايدينك ما تمسها النار والله يسعدك ويوفقك وين ماكنتي

لله درك يامنتهى

[حياة]

،


دائماً مختلفة .. ولكِ روح لا يشبهها أحد في كتابة الشجن،


كل عام وأنتِ بخير يا غالية....



،

[الجموح]

يا مساء من الوجع طاب وتخلا
وأعتلى فوق الغمامه
حرفك اللي إنتي منه وأنتي أقصى إهمامه
منتهى
حيل أتحرى طيوفك
للوفا نبض بحروفك
يسلم وتسلم كفوفك

منتهى
أنتي بلسم للجروح
ولـلفرح أهله وٍناسه

تحياتي

[جلنار]

أبدعت ِ يامنتهى
قصيدة في منتهى الروعة والجمال
دام وسطع نبضك ِ وقلمك ِ
صفو ودي

[غارم العمري]

الله اكبر يا منتهى القريش

هنا نص ...

هنا شعر ...

هنا غدير يقسم على الذوق ان يغتسل في احضانه

كلي شرف بقراءة هذا النص

لك كل التقدير ايتها الرائعه

[منور الشمري]

افتحه شباك صدرك
واطلق الزفرات يمكن
في المدى يرحل سكوته
كن حياته ولا موته


ـ منتهى ـ

استمتعت جداً
بهذا العزف الشجي ..
انتظر جديدك ..

ودي

منور الشمري ..