11-11-2005, 20:30 | #16 |
شـــاعــره
|
رد : السامريات ( السمعية / والمقروءة) 00!!
ياجر قلبي جر لدن الغصوني... وغصون سدر جرّها السيل جرا دخيل الله بن مرضي الدجيما الروقي ياجر قلبي جر لدن الغصونـــــــــــي _وغصون سدر جرها السيل جـــرا وأهله من أول بالورق يورقونــــــــي _على غدير تحته الما يقــــــــــــرا على الذي مشيه تخط بهونــــــــــي _والعصر من بين الفريقين مـــــــرا لا والله اللي بالهوى هوجرونــــــــي _ هجر بها الحيلات عيت تســـــــرا لامبعد عنهم ولاقربونــــــــــــــــــــي _ولاعايف منــــــهم ولاني مــــــــورا وأكثر عذاب القلب يوم سنحونـــــــي _بيح بصبري لو بغيت اتـــــــــــدرا لاضاق صدري قمت اباري الضعوني _كني غريب بالدلوهة مضـــــــــرا وقلبي عليه اشفق وتبكي عيوني _والحال من ود الحبيب تبــــــــــرا ياعزتا لي من تفرق شطونــــــــــــي _يعزا لي ارمي بالسلب واتعــــــرا ان مت في خد بعيد انقلونــــــــــــي _على هدي الزمل مشيــــــــــــه تدرا ان مت في دافي حشاه ادفنونـــــي _في مستكن الـــــــــروح ماهوب برا ياليتهم بالحب ما ولعونـــــــــــــــــي _كان ابعدوا عنــــــــــــي بخير وشرا ولا انهم يوم انهم قربونــــــــــــــــــــي _خلوني اقضي حاجتي واتـــــــــدرا وياليتهم في الدرب ماواجهونـــــــــي _وياليتهم مازادوا الحر حـــــــــــــرا وياليتهم عن حاجتي سايلونــــــــــي _يون اني اقعد عندهم واتحــــــــــرا الخد برق في علو المزونــــــــــــــــي _تقول براق من الصيف ســــــــــــــرا وقفت عنده شابحات عيونــــــــــــــي _كني غرير باللهاوي مضـــــــــــــــــرا |
11-11-2005, 21:48 | #17 | |
الطــربة
|
إقتباس:
يحبيلها ذي... مير مع محمد عبده ولا كتابه, اثرها تجنن الكلمات بروحها المهره واصلي.. نحن بالانتظار.. |
|
12-11-2005, 02:37 | #18 |
شـــاعرة
|
رد : السامريات ( السمعية / والمقروءة) 00!!
موضوع رائع وممتع يامهره وما سمي المأثور مأثوراً إلا لأنه يعد من المختارات التي مرت على الأذهان لأجيال عديدة فآثرنا حفظها ونقلها مشاركه لعلها تنال الأعجاب سلملولي على ذكرهم http://www.zeryab.com/samri/aisha/sa...i_ala_elli.ram |
12-11-2005, 08:44 | #19 |
شــــاعـــر
|
رد : السامريات ( السمعية / والمقروءة) 00!!
الله يعطيك العافيه يالمهره ..!! فعلا موضوع غني .. ونحتاجه بالحيل الله لايهينك ..فيه سامريه جدا معجبتني لكن ماني حافظه .. اذا كانت موجوده عندك اللي يقول / ليتني مانصيت الضلع ذاك النهار .......................... ليتني ياحياتي مانويت المسير شفت ريم ٍ ضحى الجمعه بوادي مشار ................... ايتمشى على الروض الخضر والغدير . . . وهذي سامريه مشهوره خصوصا بالشمال لكن غير معروف شاعرها .. ياحمامه غريبه عند باب السلام ......................... شفت رسم الهوى باطراف جنحانها ذكرتني طواريق الهوى والغرام .......................... حارت الرجل بالمسعى على شانها رسمها رسم نجد اللي سقاه الغمام ..........................ياعرب كن زهر الورد باوجانها عقبها العين ماذاقت لذيذ المنام .......................... من يلوم العيون بشوق خلانها اتنشد ولاجاني وكيد العلام .......................... عشكر القلب عقبه مات سلطانها وهذي مرات يقولون الطايف مرات يقولون حايل ماندري عاد وش الصدز سلم على حايل عسى حايل تسيل ............................... عسى السحايب كل يومٍ تعله ذكرى الليـال الماضيه والتعاليل .................................... عليه دمع العين دايم نهله ترى الشقا كل العنا والغرابيل .................................... فرقا الحبيب اللي تنكّر لخله عليه دمع العين مثل الهماليل .................................... والى ضواه الليل ياعبرة ٍ له بلواك ياراع العيون المظاليل .................................... ياللي خذيت الزين والملح كله وهذي سامريه ( ردادي ) للشاعر حمد الرمضان التميمي عديت في مرقـب غنـى بركنـه حمـام ...................و اثر الحمامـة تهيـض القلـب بلحونهـا سـلام يـا اللـي تبـون مـنـي ســلام .................واثني التحيـة علـى اللـي يستحقونهـا من لامني في الهوى و مرودعات الوشام ......................جعـل النصايـب علـى قبـره يحطونها يا رجف قلبي عليها ارجاف طـي المقـام .................... ارجاف خيل علـى الحاكـم يعنونهـا يا بري حالي عليها بـري عـود الثمـام ....................وقـع عليـه الجـراد و طـار بغصونهـا و يا ونتي ونـة اللـي دش بحـر الظـلام ....................يبغي المراكب و حال الموج من دونهـا يا زين ما ترخص الحبة و ترخـي اللثـام .........................حيـث انهـا لا تبـيـن و لا يقصونـهـا حب اريش العين وقع في ضميري وحـام ......................و الحب الآخر على كبدي و من دونهـا يا داخل السوق ما عيّنت ظبـي العـدام .....................ما رييته في البلد ما شفـت انـا لونهـا ابو جديـل تهلهـل مثـل ريـش النعـام ..........................ياصـل ردوفـه الـى دلـو يعملونـهـا ياصلك مني يـا صاحبـي ردود السـلام .....................ياصلك مع ذا الهبوب اللي جرى عونهـا تسلم أناملك أختي المهره .. موضوع رائع يستحق المتابعه . |
12-11-2005, 09:14 | #20 |
|
رد : السامريات ( السمعية / والمقروءة) 00!!
موضوع رائئئئئئئئئئئئئئئئئئئئئع .. وممتع في الوقت نفسه .. ومشجع على فتح كل المشاركات لـ قراءتها وسماع من توفر له التسجيل الصوتي لها .. سلمتِ يامهرة .. وشكراً على أثراء هذا الموضوع بالفن والشعر الأصيل .. لـعلي أتي بـ مشاركة لم يسبقني أحد عليها .. ملاحظة لأخوي نواف .. ليتني مانصيت الضلع ذاك النهار .......................... ليتني ياحياتي مانويت المسير سبق أن سمعت هذه السامرية كثير وأغلب من غناها سامري ( أهل حايل ) بـ لهجتهم المحبّبه ولأمانة النقل ليتني مانصيت الضلع ( هاك ) النهار بالرغم من المعنى واحد .. <-- من الإخلاص :white: تحياتي للجميع .. اخر تعديل كان بواسطة » الجازي في يوم » 12-11-2005 عند الساعة » 09:21. |
12-11-2005, 15:02 | #21 |
عضو فعّال
|
رد : السامريات ( السمعية / والمقروءة) 00!!
مهوووووووووووووره موضوع بمنتهى الرووووووووعه يعطيك العافيه وتسلملنا مواضيعك العذبه |
12-11-2005, 15:44 | #22 |
شـــاعــره
|
رد : السامريات ( السمعية / والمقروءة) 00!!
شاكرة لكم / مروركم اللطيف / وسأعود ان شاء الله للرد مدخل مشار 00 ياوجــودي 00!! البارحة يوم العباد رقود00 ياحبيبي حكمت 00!! |
12-11-2005, 15:52 | #23 | |
الطــربة
|
المهره اعذريني ياقلبي بس نقطة ضعفي هي حايل .. امانه تكفين نبغى سامريات حايل اللي تردد كثير نواف الشمري.. الف شكر..من احب السامريات وكثير يرددونها اهل حايل لين رزفو إقتباس:
|
|
12-11-2005, 15:52 | #24 |
شـــاعــره
|
رد : السامريات ( السمعية / والمقروءة) 00!!
وانا أمس الضحى عديت في عالي ام رجوم ضويحي بن فهد الهرشاني وأنا أمس الضحى عديت في عالي أم رجوم 0000 واخيل العذارى زملهن وين ينحنــــــــّه الا ياوجودي وجد من قيل يامرحـــــــــــــــــوم 0000 دعي له بخير عقب دنياه بالجنــــــــــه وأنا ما ذبحني واودع القلب فيه ثلـــــــــــــــوم 0000 ياكود العواتق حدر شقر نقضهنّـــــــــه على جادل شدّوا هله مع صدير اليـــــــــــــــوم 0000 ولا يرجعون الا على هبة الكنـــــــــــــــه وأنا ون وطيت مريحه جدد المرســــــــــــــــــوم 0000 بكن الجميع وضامري جر بالونــــــــــــــــه الا ياغزال فوق خده ثلاث رقــــــــــــــــــــــــــوم 0000 والا دش مع صيد الخلا مـــــــــايهابنــــه عقبني وأنا في مسجدي واطلب المقســوم 0000 قضيت الصلاة وجزت من باقي السنــــه حبيبي الى منه وطا وادي ماســــــــــــــــوم 0000 تجدد نباته والسحايب يعلنــــــــــــــــــــه وانا حالف ما انساه دب الليالـــــــــــــي دوم 0000 ياكود العذارى طاري العرس ينسنـــــــــه وأنا حالف ما أنساك يابو ثلاث رقـــــــــــــــوم 0000 يكود القمر والشمس فالشرق مكتنـــــه |
12-11-2005, 15:56 | #25 | |
الطــربة
|
[align=center] إقتباس:
مشاء الله عليك... |
|
12-11-2005, 16:03 | #26 |
شـــاعــره
|
رد : السامريات ( السمعية / والمقروءة) 00!!
تامرين امر يانجوده / وان شاء الله / اخوي نواف راح اقوم بطرح سامريات حائل / وهذه سامريات / حااااااااااااااائل (( ياحمام ))00 (( حائل عسى )) 00 حمام ياللي 00 سقى الله منازل نور العين 000 ياسوق 00 يالي ترد 00 |
12-11-2005, 16:11 | #27 |
شـــاعــره
|
رد : السامريات ( السمعية / والمقروءة) 00!!
سامريات حااااااااااائل / يوم الخميس 00 كل ماجيت ابدله 00 ياعجب 00!! العيــد 00 ياهل الحي 00 ياحمام ياللي بالبساتين 00 |
12-11-2005, 16:19 | #28 | |
الطــربة
|
إقتباس:
ياحيي انتي.. فدييييييييييتك اما ذي حمام ياللي بالبساتين وحايل عسى حافظتها عن ظهر قلب .. من جد المهره وربي امتعتينا ونستينا فوق ماتتصورين ..( < طرت لها الجلسه عند ضلعان مشار ) ياعومري الله الله لايحرمنا منكي |
|
12-11-2005, 16:23 | #29 |
شـــاعــره
|
رد : السامريات ( السمعية / والمقروءة) 00!!
قصيدة للملك فيصل بن عبدالعزيز الايامل قلب كل ماجا الليل جاـــــــــــه خلاج ** يلوج ويجتلد بالصدر والعربان ممسيني أنا متحير مدري عن المدخـــــــــال والمخراج ** الا واعمس رايي مالقيت اللي يقديني الا يامجيب دعوة من تــــــصافق فوقه الامواج ** انا بحماك ياوالي الخلايق لاتخلينـــــــي الا ياوجد روحي وجد من خلــــــوه بالمسهاج ** كسير الساق بنحور المعادين المغليني الا من دك هوجاسي ولو انــــــي على ديباج ** ولو جالي جميع البيض غيره ماتسليني الا واهني مخلوق يفرج ضيقتـــــــــــــه لاداج ** الامنه دخل بالسوق غاد له ميادينــــــــي ترى بعض العرب عمله بروحه مثل عمل سراج ** يضوي للعرب والنار في جوف المسكيني الرد على قصيدة الملك فيصل من الشاعر لويحان الا يامسندي دنياك ماتحتاج ماتحتـــــــــاج _ ترى اللي سالم منها تعادل فيه رمحينـــــي تعبر بالهجين اللي يضدّنه ضلاف العــــــــــاج _ تودي حملها الجاير ويصبح خاطره زينــــــــــي تصبّر والفرج يامسندي من صاحب الأفـــــــراج _ أكودك عقب صبرك تستعيد العشر عشريني تراني مستعد لك على المقعاد والمنهــــــاج _ سبب ما ازعلك يزعلني ومايرضيك يرضيـــي مانيب الصاحب اللي يوم يبدي به لزومك ماج _ حشى لله ما اجي عن لزومك يابعد عينـــــي |
12-11-2005, 20:29 | #30 | |
شـــاعــره
|
رد : السامريات ( السمعية / والمقروءة) 00!!
إقتباس:
عبدالله البكر تشرف المكان بوقع حضورك سعيدة ان نال الموضوع / اعجابك وانتظر عودتك دمت بخير اختك/ المهرة |
|
عدد المتواجدون في هذا الموضوع » 2 , عدد الأعضاء » 0 , عدد الزوار » 2 | |
|
|
|