14-12-2004, 02:04
|
#16 |
|
الدانه بنت عبدالله
|
رد : هاردلك يا الأخضر
لن أعيد و أزيد فيما لا زيادة فيه و لا نقص و لكن لا أقول سوى بأن هذه الوقفة أعتبرها (( استراحة المحارب )) التي سينطلق منها و بكل قوة و كما عرفناه في خليجي 16 >> إليكي أحكي و أسمعي يا جارة و أعتقد بأن لكل مباراة ظروفها و يكفينا فخراً أننا(( تسيدنا آسيا)) منتخباً و أندية و كذلك يكفينا فخراً بأن يكون المستوى الفني في مباراة الكويت لنا.. و لكن الفخر الحقيقي ليس إلا تلك الجمعة الطيبة بين أبناء الخليج إبنة الخليج الموقره طهرالأرض :white: <<<<<<<<تدرون وش مشكلتهاانها تموت بالكويت وأهلها... عشان كذا ماتقدرتقول اكثرمن كذا...  |
|
|
|
14-12-2004, 03:16
|
#17 |
|
عضو شعبيات
|
رد : هاردلك يا الأخضر
خالد بن تررررركي ارررررررركد فدددديتك الركاده طيبة والعجلة من الايمان وياخوووووك العن ابو الكورة الي تخليك معصب وتنبش الجروح القدم وقسم بالله اني اشجع الكويت لكن ماهي لدرجة اسب منتخب السعوديه ومدربه وجماهيرة ودولة كاملة...!! مهما يكون السعودية والكويت والخليج عموم كيان واحد منذ ايام الملك عبدالعزيز الى الغزو العراقي والى الان والسعوديه فيها عيال عمنا وربعنا وعزوتنا فـ لذلك تركد ياشيخ وتمهل في كلامك وبخصوص المباراة والله مستوى الكويت والسعودية سيء جدا بكل صراحة ومحمد الدعيع ومساعد ندا هم افضل الاعبين والباقيين مستواهم منخفض ويـ ابو تركي : ترا منتخب الكويت منتخب الاول عالمي ايام الثمانينات الدليل هو بطولات الخليج وكاس اسيا وتاهله اكثر من مرة الاولمبيات العالمية وترا ياخوي منتخب السعودية مارتفع مستواة الا سنة 1993 ورايح واقسم بالله اني متابع للكورة السعودية وحتى انديتها ومواقعها وصحافتها الرياضية ومنتخب الكويت انخفض مستواة من تسعين الى ستة وتسعين ورجع نفس اول والدليل بطولتين للخليج ورابع اسيا وسيدني وغيرها واحترافات اللاعبين بالسعودية والامارات وقطر... ثم انخفض قب ثلاث سنين تقريبا نتيجة للتغيير اللاعبيين والجهاز الفني والاداري واخيرا تغيير رئيس الاتحاد واخيرا اتمنى ان يرجع الكويت والسعودية الى مستواهم الحقيقي واسف على الاطالة وتقبلوا سلامي واشواقي الخويطري |
|
|
|
|
14-12-2004, 11:50
|
#18 | ||||||
|
موقوف
|
رد : هاردلك يا الأخضر
ياجماعه وشبلاكم .. تراني ما قلت شي احنا اخوان وخليجيين اكيد لكن ما يمنع اني اقول رأيي بصراحه دامكم قارنتوا بين السعوديه والكويت راح اكمل المقارنه انا اذا كان الكويت كسب تسع القاب خليجيه فترى دورة الخليج غير معترف فيها تخيلوا 17 دوره والى الان الفيفا ما اعترفت فيها يعني لا تعدونها من البطولات هذي دوره فقط واغلب دورات الخليج تجي يا قبل كاس العالم او قبل كاس اسيا او بعدها يعني مصاحبه لبطوله كبيره واغلب المنتخبات ما تتجهز لدورة الخليج لان عندها مشاركات خارجيه والكويت بالسنوات الاخيره بعيده جدا عن البطولات يعني ما وراهم شي الا دورة الخليج عشان يستعدون لها عليهم بالعافيه :white: اما بخصوص كاس اسيا ومركزكم الرابع ترا احنا اللي مرجعينكم لهذا المركز ( نسينا كوبري طلال المشعل )وكان منتخبنا في قمة عطائه بهالبطوله لكن الحظ ما مشى معنا في النهائي اما موضوع ثمانية المانيا ياخي اوصلوا لكأس العالم ثلاث مرات متتاليه مثلنا وانهزموا عشره صفر عادي بس سووا ربع اللي سواه المنتخب ... يكفيك ترتيب المنتخب السعودي الاخير وهو اقوى منتخب عربي واسيوي ياخي انا اتكلم باحصائيات من قبل الفيفا .. اما موضوع لاعبين الكويت اللي احترفوا عندنا فهذا يدل على علو كعب الدوري السعودي والكل يفتخر بالانظمام لأحد الفرق السعوديه واذا لاعبينكم احترفوا بالسعوديه ترا لاعبينا احترفوا في انجلترا والصين وجت عروض كبيره للاعبين سعوديين من ابرزها عرض الفريق الهولندي للاعب نواف التمياط ياخي صعب تقارن مستوى وتاريخ السعوديه بالكويت الكويت وينها عن البطولات من سنة 88 ؟؟ بتقولي كأس الخليج .. ياجماعه كأس الخليج دوره غير معترف فيهااااااااااااا افضل منتخب عربي واسيوي حسب التصنيف العالمي للفيفا هو المنتخب السعودي افضل نادي هو نادي سعودي افضل لاعب هو لاعب سعودي انا اتكلم عن عطاء المنتخب وانجازاته في السنوات الاخيره ياخي صارت اغلب الالقاب الاسيويه والعربيه حصريه للمنتخب السعودي ولاعبيه والله اني ما اتكلم بنرفزه ولا اتكلم بعصبيه لكن هذا الواقع إقتباس:
يعني هل ساحل العاج فريق قوي ؟؟ تكلم بعقلانيه عزيزي .. إقتباس:
الكويت الان بعيدا جدا عن البطولات وعن الالقاب وهذا اللي انا اتكلم عنه مستواها الان غير مستواها سابقا لكن انا اتكلم عن المنتخب الكويتي الحالي .. وينه عن البطولات ؟؟ وانت الله يصلحك تقولي اول من له بصمه بكأس العالم هو انتوا يكفيكم هالتاهل ؟؟ خلاص يخوي سكروا انديتكم وبطلوا تلعبون كوره وقولوا احنا اول من تاهل كاس العالم وهذا يكفي إقتباس:
انا قلت لاعبيننا ومنتخبنا غير مستعد لهالدوره لا لياقيا ولا نفسيا وبعدين كأس الخليج ابدا ما كانت مقياس لقوة الفرق ياما تفوز الكويت بالبطوله او تحقق انجاز فيها وعقبها يطلعون من كاس اسيا وتصفيات كاس العالم عمرها ما كانت مقياس لقوة الفرق ابدا ... إقتباس:
بعدين يخوي مو مشكلتنا ان لاعبيننا مهاريين وعندهم قدره بامتاع الجمهور وبعدين عدنا وزدنا في هالموضوع فوزكم ما كان لقوة المنتخب الكويتي لكن لعدم جاهزية المنتخب السعودي إقتباس:
وش صار في كأس اسيا ؟؟ وش صار غير هزيمه الكويت من السعوديه ؟؟ وش صار غير كوبري طلال المشعل في حارسكم العملاق ؟؟ وش صار غير سرقة نواف التمياط للفرحه الكويتيه ؟؟ وش صار غير اخراج المنتخب السعودي للمنتخب الكويتي ؟؟ وش صار غير اننا رجـّعنا المنتخب الكويتي لأرض الكويت قبل انتهاء البطوله ؟؟ ذاكرتك خانتك شوي في هالنقطه .. وكلنا شفنا المباراه النهائيه للمنتخب السعودي مع اليابان واداء المنتخب الرائع لكن الحظ ما ساعدنا كلنا شفنا لكن المنتخب الكويتي ما شافها لانه كان بالطياره راجع للكويت عقب الهزيمه :white: إقتباس:
انا كان القصد من كلامي انه وين المنتخب الكويتي عن البطولات المنتخب الكويتي كااااااااان له انجازات وكااااااااااااااان له بطولات لكن وينه عنها الان مع انه مو من كثرها لكنه وينها عنها ؟؟ عشان كذا اقول ان الكويت تراجعت كثير عن ما كانت عليه سابقا .. اتمنى انك تتفهم قصدي ولا تفسر كلامي تفسير آخر .. وبالنهايه كلنا اخوان وكلنا خليجيين ( بالنسبه لي ) وعمر الكوره او غيرها ما راح تغير اللي بيننا والله يوفق الجميع .. محبتيـ ... |
||||||
|
|
|
|
14-12-2004, 13:21
|
#19 |
|
شـــاعــر
|
السلام عليكم ورحمة الله وبركاته أخواني الأعزاء أعذروني على المداخلة البسيطة من ناحية المنتخب السعودي المنتخب الكويتي والدورة الخليجية على العموم يعني انا أبقول الصراحة وليس تحيز لمنتخب او شي آخر أفضل منتخب فهو زعيم آسيا المنتخب السعودي من ناحية الفنيات والمهارات وكل شيء بشهادة الجميع والمحللين والنقاد لاتنظر لهزيمة المنتخب السعودي من المنتخب الكويتي فـ أكبر منتخبات العالم وأفضلها تنهزم من منتخبات بسيطة والكورة هي فوز وخسرة فل ننظر للفنيات والمهارات ولاننظر للاهداف الصدف او الأخطأ وبعدين مافيه في هذه الدورة منتخب يسعد الجماهير أبداً أبداً بمهارات وفنيات فقط فهو المنتخب العراقي الذي عنده مهارات ولاتنظر لهزائمه أبداً وأنا أتمنى ان الحظ يحالف المنتخب العراقي ويتأهل لدوري الاربعة ويقابل المنتخب السعودي فليس إستهزاء او سخرية بالمنتخبات الأخرى لا فقط لكي نرى كورة خليجية رائعة وأنا أتوقع لو يتقابلون المنتخب السعودي والعراقي فسوف تكون من أقوى المباريات الخليجية في هذه الدورة لانهم هم الذين يتمتعون بالمهارات والفنيات العالية . وآسف على المداخلة وهذي وجهة نظر فقط وليس شيء آخر وأخيراً أتمنى من الأخ محمد الحراب إبداء وجهة نظرة في هذه الدورة لأني أحس انه رياضي متعصب جداً :white: وتقبلو تحياتي أخوكم . |
|
|
|
|
14-12-2004, 13:21
|
#20 |
|
شاعر
|
. يا شين الكورة !  ..أنا قايل لأمميمتي تاخذ التلفزيون اللي بغرفتك يا خويلد ما طاوعتني :white: . |
|
|
|
|
14-12-2004, 16:06
|
#21 |
|
عضو شعبيات
|
رد : هاردلك يا الأخضر
كل الكلام اللي كنت باقوله قاله قبلي خالد  واحب اضيف من عندي ان المشكله هي ان الناس في الكويت ماهم راضين يتقبلون فكرة ان المنتخب السعودي هو اقوى منتخب خليجي .. وهو المنتخب الخليجي الوحيد اللي قادر يوقف لمنتخبات شرق اسيا .. هذا الشي هو اللي يخلق الحساسيه في مباريات المنتخبين .. بالذات من قبل الجمهور الكويتي .. وكلنا نذكر المباراه اللي صارت بين المنتخبين في الكويت قبل سنوات وصاحبها اشتباكات بين الجماهير وتهجم رجال الامن الكويتيين على الجمهور السعودي وتهشيم سيارات الجماهير السعوديه من قبل جمهور الكويت انا شخصيا كنت حاضر المباراه .. والمشكله ان السبب هي نزول بعض الجماهير السعوديه لارض الملعب لمشاركة اللاعبين فرحتهم بالفوز ... مع العلم انها اول مباراه خليجيه يصير فيها وفيات من الجماهير .. اخواننا الكويتيين .. مشكلتهم ان الدوري عندهم اضعف دوري عربي بصراحه والانديه مافيه اي اهتمام باللاعبين .. ولافيه اي اقبال او حضور جماهيري على مباريات الدوري اللهم مباراة القادسيه والعربي .. لو صار اهتمام بالدوري الكويتي وتطويره .. راح يتطور المنتخب ويمكن يوصل مستوى المنتخب الكويتي لنفس مستوى الاخضر .. لكن رغم تفاوت المستوى بين الفريقين .. تظل مباريات السعوديه والكويت لها نكهه ولها طعم .. على فكره أنا من الناس كنت احضر كل مباريات المنتخب ضد الكويت اللي تصير في الكويت .. لكن تبت احضرها قبل كم سنه .. والسبب ان مضايقات الجماهير الكويتيه لنا لاتحتمل لدرجة انك ماتقدر ترفع علم السعوديه بالشارع بعد المباراه .. وهذي حقائق موجوده يعرفها كل من يحضر مباريات المنتخبين و ماجبتها من عندي .. ملاحظه اخيره .. مباريات المنتخبين اللي تصير في الرياض دائما تكون من انظف وارقى مباريات كرة القدم .. ليش ؟ |
|
|
|
|
15-12-2004, 08:55
|
#22 | ||
|
شـــاعــر
|
رد : هاردلك يا الأخضر
والله اناااا فاهمكم ومقدر شعورك وادري انك متضايق من الخساره امام منتخب الكويت فلو كانت الهزيمه من منتخب اخر فلن يكون اثرهااا عليك بهذه الصوره انمااا هي المنافسه بين هذين المنتخبين فلو حصلتوااا على الكأس الان فلن تكون الفرح مكتمله لديكم لانناااا استطعناااا وضع علامه عليكم تجعلكم تتذكرون دائماااا ان لكم منافسين ولستم المتسيدين كماااا ذكرت بل هناك من يستطيعون ان يذوقونكم مر الخساره فتذكر جيدااا هذه الهزيمه 2/1 وبالنسبه لعدم الاعتراف بأن دورة الخليج غير معترف فيهااا بالفيفااا اجل ليش قاتلين انفسكم عليهاااا وتزعلون اذااا خسرتوااا كان ما فيه داعي من الاساس انكم تحضروهاااا وتعصبون وتقللون من شان اي فريق يهزمكم وبعدين فعلا انتم رحتوااا كأس العالم ولا ننكر هذااا ولكن بالحظ وليس امكانيات لاعبينكم لان امكانيات لاعبينكم لا ترقى لمستوى كأس العالم ودليل انكم ترجعون بهزايم ثقيله جداااا (وتفشل الله يعينكم) وبمستوى يجعلكم عرضه للنقاد والمحللين يا عزيزي لا تجعل وصولك لكأس العالم فخر بالعكس فهو تشويه سمعه لكم وللخليج بصوره عامه فلا تفتخر كثيرااا وبعدين يا عزيزي خالد انت اعجبتني بكلمه قلتهااا وهذي الكلمه شي اكيد وتلعب دور مهم معاكم إقتباس:
عندمااا خرجناااا بالهدف الذهبي والقاتل لنااا في كأس اسيا التي في لبنان فعلا ان الحظ دايم معكم ولا ما كان الحظ ما كان رحتوااا ايضااا لكأس العالم بفضل المنتخب البحريني الذي تصدي للمنتخب الايراني فليست امكانيات لاعبينكم من تأهلكم ولكنه الحظ عمومااا ليس هذااا بالمنتخب الذي يستحق كأس الخليج فخلك اكثر واقعيه وقتنع بالهزيمه من منتخب اقل منك خبره وليس لاعبينه محترفين بل هواه ويقدمون ما لديهم لبلدهم ولا يلعبون وعيونهم للمردود المادي كما يحصل مع غيرهم وللايضاح إقتباس:
والتي كانت غير منتظره والتي رأينهااا ورائهااا الجميع ولم نكون وقتهااا في طائره  اعتقد ان من كان فيهااا الضحيه هو المدرب ميلان ماشالله بالرغم ان هذااا المدرب حصلت الكويت معه على كأسين لدورة الخليج ايام ما كان مدرب فيهااا فأتته العروض المغريه كالعاده لاي مدرب يبرز مع المنتخب الكويتي امثال زجالواا و كارلوس.. وغيرهم ومع هذااا لم يستطيع ميلان تقديم اي شي مع المنتخب السعودي مع انه استطاع تقديم اشياء كثيره مع المنتخبات الاخرى ودليل ما يقدمه هذااا المدرب بشكل ملحوظ في هذه الدوره للمنتخب العماني فهو متصدر مجموعته ومرشح قوي للحصول على البطوله امااا المنتخب السعودي فمستواه الحالي لا يطمن ولا يرضي حتى جماهيره واخيراااا ان اخذت الكأس السعوديه فهنيئنااا لهاااا به وسأقول لكم مبروك من قلبي لا من ورائه وان اخذته احد الفرق المشاركه فهنيئااا لهااا ايضااا وان اخذته الكويت فهو لهااا وقد ملكته اكثر من مره وليس بغريب على لاعبينهاااا حمله والتاريخ يشهد لهاااا بذلك وان كنت ارى ان عُمان هي من يستحق حمل هذااا الكأس هذه المره واتمنى ان تفوز به لمستواهاااا الرائع جداااا اتمنى يا عزيزي ان تاخذ كلامي بسعة صدرك فنحن اولا واخيرااا اخوه وعلى المحبه نجتمع دمتم بخير |
||
|
|
|
|
15-12-2004, 12:49
|
#23 |
|
شــاعـر
|
رد : هاردلك يا الأخضر
ياجماعة الخير كل واحد يصلح سيارته مبرووووووك للأزرق ازرقنا وحظ اوفر للأخضر وما نهضم حق احد بس الأكيد اني لو كنت بالمباراة جبت خمس اهداف على الراحه بس يحمدون ربهم تحياتي لكم صالح الحربي |
|
|
|
|
15-12-2004, 16:43
|
#24 |
|
شـــاعر
|
رد : هاردلك يا الأخضر
حنا لو يفكنا الله من لعيبة الهلال كان بخير .. خلوكم معي حبه حبه .. اللي ضيع البلنتي منهو يا حلوين ؟ محمد الشلهوب اللي جاب الفاول بيده منهو يا شطورين؟ أحمد الدوخي أحسن واحد يلمس العارضة برجله منهو يا كتاكيت ؟ محمد الدعيع يعني الهلال مهوب زين أبد ... إلى متى وحنا على هالحال هاه .. هاه .. ردوا بعدين اللي قالب امها مصارعه ومطارح وسبلكسات في الملعب مييييييييييين ؟ محمد نووووووور اللي شات الهوا ونكب ربعه ميييييييييييين ؟ رضا تكر يعني حنا لو يفكنا الله من الاتحاد مهوب ازين ؟ ... هاه .. هاه .. ردوا .. ليه خايفين ما تردوا أقلها لعيبة النصر كانوا احتياط والله الاصفر شاقني .. يا ناس دلوني عليه انا اقول لو يلعب النصر عن الأخيضر مهوب أصرف ! <================= هذا مهوب بس متعصب على الدول الشغيغه الا قالب امها عداءات داخليه لا والله حتى لعيبة النصر من جنبها .. انا أقول نكنسل الدوري كله ... وبدراهم الانتقالات هذي نشتري لنا منتخب جاهز من أفريقيا .. بس نعلمهم وشلون يشوتون الكور وهم لابسين الجزم تكرمون .. ونصير أقوى منتخب ! يا الربع الا شفتوا فوز البرشا الأخير 2 / 1 ... يعني اللحين متصدرين الدوري الاسباني بفارق عشر نقاط عن ريال مدريد .. والله الفريق يا الربع ! الكويت تستاهل الفوز ... صحيح انهم ماهمب ذاك الزود كفنيات في الملعب لكن يكفي انهم شباب صغار وكلهم كويتين يعني يلعبون بحماس مبروووووووووك للاخوان الكويتين الفوز بعدين انتم اللحين قالبنها هواش ليه ! ودي أجيب لكم لقطات للعيبه وهم بالفندق بعد المبارة ... تلقونهم يضحكون ومبسوطين وانتم اللي محترقه اعصابكم المراد المفروض من قطر الندى انها توزع عصيرات ليمون مع موضوع مثل هذا ... شاكر لك اختي على هالموضوع ومبرووك الفوز للكويتين ويستاهلونه واقول للدعيع ... كأني سمعت شركة المطرود للألبان ناوية تسوي دعاية لبن ... وودها انك تسوي لها دبل كيك .. بس يبونه أحسن من اللي في دعاية الصافي ! الظاهر اني كثرت من السوالف ... يالله يا حلوين تشاو اخر تعديل كان بواسطة » ثامر الشعيفان في يوم » 15-12-2004 عند الساعة » 16:49. |
|
|
|
|
15-12-2004, 19:51
|
#25 |
|
عضو شعبيات
|
رد : هاردلك يا الأخضر
8 8 8 8 احسن واحد علق بالموضوع وجاب طاري النصر الي مايخسر لاتوقف يـ ياثامر سلامي |
|
|
|
|
15-12-2004, 21:10
|
#26 | ||||||
|
موقوف
|
رد : هاردلك يا الأخضر
بسم الله  الخويطري فديت قلبك انا وربي يابعدي اني منيب متضايق او زعلان من النتيجه كلها على بعضها دوره وديـه لا ترفع من منتخب ولا تنزل من منتخب ثاني كلنا اخوان طال عمرك نايف حمود الاحداث اللي ذكرتها مهيب غريبه على الجمهور الكويتي وعندي موقف بسيط لنادي كويتي لعب مع نادي شقيق له وفي ارض الكويت وشوف وش سوا فيهم ( الصور تتكلم  ) ما شاء الله خووووش ضيافه ضيوف عندكم وتسوون فيهم كذا بجد بجد كفووو عليكم وبالكويتي عفيه عليكم الجمهور والاداريين وحتى سواق الباص شارك بالاحتفال وبالضيافه الكويتيه لأشقائهم القطريين الصور كثيره وتوضح اكثر لكن ما حبيت اسوي زحمه بالرد وحتى ملف الفيديو عندي لو حب أحد انه يعلق على الموضوع فرق كبير بين التشديد الامني عندنا بالوقت لالي يكون فيه بطوله وبين عساكر الكويت اللي شاركوا بضرب اللاعبين القطريين وقتل مشجعين سعوديين باحتفالات سابقه :white: :white: .............................. سهوم الغدر إقتباس:
زعلنا يوم خسرنا ؟؟ مو لازم نحضرها ؟؟ ياخي انت من جدك تتكلم .. لا شكلك تمزح .. فيه شي اسمه احترام للطلب الخليجي فيه شي اسمه تقدير لمكاننا في الخليج احنا كخليجيين لازم نشارك بس مو لازم اننا ناخذ الكاس تراها دوره لا راحت ولا جت وانت لاحظت اكيد ان المنتخب يلعب ببساطه ولا يجهد نفسه بشكل كبير لان وراه تصفيات كاس العالم اللي هي الاهم لكن فيه احتمال واحد اننا ما نحضر بطولة الخليج وننسحب منها اذا تكون بالكويت وسويتوا نفس حركاتكم النص كم اللي تسونها بكل بطوله تستضيفونها إقتباس:
بالله علمني شلون اوصل لك المعلومه ؟؟ ياخي فوزكم مايعني اي شي لنا يمكن انه يعني لكم الشي الكثير لكن لنا مايعني اي شي وهذا راجع لنقص البطولات وغياب الانجازات عن المنتخب الكويتي عشان كذا يتشققون على هالفوز يكفيك ان حتى الاهداف والمشاركات من قبل اللاعبين غير معترف فيها انها مبارايات واهداف دوليه .. ويكفيك قبلها ان ولا قناة خليجيه او عربيه شرت حقوق هذي الدوره وخلتها حصريه على قناتها وهذا يدل ان الجميع يعرف ومتاكد ان هالدوره اي كلام الا انت كانك ماخذ كاس العالم إقتباس:
لهالدرجه طموحك وقفت عند هالفوز لهالدرجه يعني لكم الكثير الله يهنيكم على هالبطوله يخوي لان فوزكم على المنتخب السعودي هو بحد ذاته بطوله يخوي انت ما تلاحظ ان منتخكم ما يفوز علينا الا ببطولة الخليج وباقي البطولات نقمزه تقميز من البطوله اووووه صح نسيت احنا نفوز بالحظ لكن هالنقطه بجيها بالاقتباس الجاي  إقتباس:
وصلنا لكأس العالم 94 وقدمنا نتائج مشرفه .. بالحظ ؟؟ وصلنا لكأس العالم 98 وشاركنا مع منتخبات عالميه .. بالحظ ؟؟ وصلنا لكأس العالم 2002 برضوا بالحظ ؟؟ كنا طرف اساسي بنهائي كأس اسيا من بعد بطولة 84 الى ماقبل الماضيه برضوا بالحظ ؟؟ اخذنا بطولة العرب برضوا بالحظ ؟؟ ياخي هل هي عقده اسمها الحظ او اسمها المنتخب السعودي ؟؟ معقوله الحظ ماشي معنا من الثماننيات الى الان ؟؟ ياخي قول شي يدخل العقل بعدين اذا الحظ ماشي معنا فهو توفيق من رب العالمين .. ياخي الله يحبنا إقتباس:
احنا فزنا بالحظ وانتوا خسرتوا بالحظ اقولك قلبنا النتيجه وجبنا كوبري على حارسكم وتقول بالحظ الحظ وصل بين رجول حارسكم بعد إقتباس:
ليه ؟؟ لانه الافضل لكن ما توفقنا فيها وبترجع تقول الحظ .. يخوي ارسالك على بر ترا ما عرفتلك  عموما انا قلت اللي عندي وما ضنتي راح اعقب على هالموضوع مره ثانيه اللي يفوز الله يوفقه واللي يطلع من الدوره ما خسر شي .. واسف اذا تماديت بكلامي لكن ما حبيت اخلي شي بخاطري تبقى انسان عزيز واخ وزميل بالمنتدى ... تحياتي يابطل |
||||||
|
|
|
|
16-12-2004, 00:51
|
#27 |
|
موقوف
|
رد : هاردلك يا الأخضر
ابوسعود والله ياخوي انا منيب متحمس للمباريات وللكوره حتى مبارات المنتخب الاخيره ما شفتها .. لكن الفضاوه شينه والا انا وين والكوره وين عاد اذا انوخذ التلفزيون من عندي الله يعينك على استقابلي بغرفتك :d |
|
|
|
|
16-12-2004, 05:45
|
#28 |
|
عضو شعبيات
|
رد : هاردلك يا الأخضر
خالد بن تركي شف بخصوص مبارة السد والقادسية انا متواجد فيها واقولها لك بكل صراحة الكويتين انضربوا في قطر ويوم كانت المبارة مشحونة ويو جوا في الكويت استمر الشحن والظفط لين المحترف ا لي وقفوا الفريقين الا هو ( سعرة غالي ) ضرب لاعب ضربة جامدة ثم صارت الهوشة عاد مااقولك ملفات اقولك صور والجزيرة مابثتها لاعبين محترفين وايضا قطريين ضاربوا الشرطة طبعا لازم ادافع عن نفسيولانت وشرايك وياخيك ترا ضيافة الكويتين معروفة ضيافة رياجيل للرياجيل فقط ومخبورة والظاهر انك ماجيت للكويت ومنشغل عنها وياخوك هد اعصابك تراهي دورة ودية دورة وديه وكذا وشلون لو كاس العالم راح تخترق اجهزتنا على العموم حشمة لك ولـ الجميع السعوديين من الاعضاء والمشرفين وربعي وبني عم واهلي بالمملكة اتجنب هذا الموضوع وعسا الله يهديني ويهديك على الطريق المستقيم سلامي |
|
|
|
|
16-12-2004, 05:50
|
#29 | |
|
شـــاعــر
|
رد : هاردلك يا الأخضر
اخوي خالد انت طلعت من صلب الموضوع وانااا ما دري شنو مناسبة الصور اللي حاطه لهدرجه متضايق من الكويت ياخي الشغب في الملاعب موجود في كل مكان واتصور ان الامور هذي تحدث سوى في الكويت او غيرهااا وبعدين ما هي مقياس للجمهور الكويتي والا كان تلقاهم في كل بطوله يسون كذااا إقتباس:
لمااا تكون في دوله عليك احترام انظماتهااا وما تقل ادبك لانك راح تواجه من يردعك ومثل ما يقولون يا غريب كون اديب ولو ما كان الجمهور السعودي غلطان ما كان جاه اللي جاه وما اظن ان السعوديه راح تسكت على ذلك الا اذااا كان السبب اكبر ياخي شغل مخك شوي وحاول تفهم الموضوع بصورته الصحيحه تقدر تقولي ليش السعوديه ما طالبة بمن قتلوااا الجماهير ؟؟ او الجماهير هذي زيادة عدد في المملكه وهي في غنى عنهم انااا ما ابي اتكلم عن جمهور السعوديه وش سوي في الدوره لانك تدري انت شنو سوى وقبل لا تشوف عيوب الناس حاول تصلح عيوبك واقبل الهزيمه وبلاش تفتح مواضيع بعيده عن الموضوع نفسه لانهااا ماراح تبرر خسارتكم امام الازرق فمهمااا وصلتوااا من انجازات سيبقى منتخب الكويت هو من يرعبكم و يقتل الفرح لديكم عزيزي خالد اختلفت معك في هذااا الموضوع ولكن حتماااا سأتفق معك في موضوع اخر اتمنى ان يتسع صدرك لي فأنت اخ عزيز.... واحترمك دمت بخير |
|
|
|
|
|
16-12-2004, 16:23
|
#30 |
|
عضو شعبيات
|
رد : هاردلك يا الأخضر
الاخ العزيز سهوم الغدر .. مافيه داعي تقول وش سواا الجمهور السعودي في الدوره .. لأنها أولا ماكانت دوره .. كانت مباراه دوليه على ارض الكويت اعتقد انها كانت مباراة عوده .. عموما اشتهرت الملاعب الكويتيه دون غيرها في الخليج بالمشاكل والاشتباكات والركل والرفس .. وصرنا لانستغرب أي شيء يبدر من الجمهور الكويتي أنا لااقول كل الكويتيين .. لكن أقول أن اغلبية الجماهير الكويتيه تجهل ماهية التنافس الشريف .. الا من رحم ربي اما اذا رجعنا للمستوى فلا مستوى الكويت ولاتاريخ الكويت ولارياضة الكويت كلها تساوي انجازات المملكه .. اصلا مافيه بطوله يدخلها المنتخب السعودي الا وهو من اهم المرشحين لنيل لقبها ... الا كاس العالم وكاس القارات فقط .. اما بقية البطولات فلا غرابه في فوز المنتخب السعودي بها لكن الغرابه في عودته منها بدون لقب بعدين لاتنسى يااخ سهوم ان المانيا اللي فاوت علينا ثمانيه .. فازت عليكم بنفس النتيجه بالضبط قبل كاس العالم بشهر .. يعني ماتهتم لخسارتكم كثر ماتهتمون لخسارتنا ؟ اتمنى للجميع التوفيق .. في دورة الخليج .. واتمناها تبقى نظيفه وتنتهي نظيفه زي مابدت .. بدون ركل وبدون رفس اخيرا .. تبقى الرياضه مجال تنافسي شريف .. وبالتوفيق للجميع اخر تعديل كان بواسطة » نايف حمود في يوم » 16-12-2004 عند الساعة » 16:50. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
