26-03-2005, 03:52
|
#16 |
|
موقوف
|
رد : السعودية ×كوريا الجنوبية // تقديم..أخبار .. توقعات
كفو والله يالصقووووور جابوووها الذيابه نبي نلعب زي كذا في مباراة الكويت نبي نفس الروح ونبي محمد نور ونبي الدوخي ونبي خالد عزيز يستلم تغسيل الملابس بلا محور بلا بطيخ :white: :white: صدقوني خل يسوون اللي قلته وبنتاهل الاول باذن الله الكل اليوم أبدع الكل نجوم لولا الله ثم مناف ماكان برز ياسر اليوم ولولا الله ثم ياسر كان ماجاب كاريري الهدف الاول لولا الله ثم كاريري ماكان تحمس ياسر وقاتل على الهدف الثاني الكل ساهم والكل لعب وكلهم كباااااااار كباااااااار ولولا الله ثم خالد عزيز كان ما استلم الكوريين ولا كوره <<< مايدق بابورياض ابد :white: :white: بس حركة سامي اللي بالكورنر يوم يلعب برجله يقاله يموه ذكرني بمباراة 3/ب مع 3/أ أيام المتوسطه :white: وش هالحركات القديمه ياسامي :white: لكنه هو القائد وفيه البركه مع باقي اللاعبين الله يبيض وجيههم اللي زاد جمال الفوز هو استضافة صدى الملاعب للموسيقار فهد الهريفي والله كبير يافهد وتعليقاتك بمكانها ,, لا عدمنا هالطله مبروك يالأخضر وعقبال التأهل باذن الله ابوحمود عقب الاداء اليوم لا بالله الا متفائل ونص الف مبروك للأزرق وعقبال البطاقه الثانيه للتاهل باذن الله صحيح حبايبنا وجيراننا ونبيهم يتأهلون بس معصي يفوزون علينا بحيل رب العالمين :white: جهزوا مرماكم يالكويت الصقور بياكلون الأخضر واليابس باذن الله الله معاك يالاخضر |
|
|
|
26-03-2005, 04:09
|
#17 |
|
شــــاعـــر
|
رد : السعودية ×كوريا الجنوبية // تقديم..أخبار .. توقعات
ايه والله ياابو تركي .. نبي محمد نور ونبي الدوخي .. ولو ان البحري ماقصر اليوم وغطى الظهير الايمن صح لكن الدوخي نحتاجه ونحتاج انطلاقاته قدام الكويت .. أما محمد نور هذا حكايته حكايه واظن انه في ايدي خفيه تعمدت ابعاده عن المنتخب بالتصفيات ..! والعذر ... لياقته ضعيفه ؟ بالله هذا عذر ؟ محمد نور لياقته ضعيفه ؟ محمد نور اكثر لاعب يركض بالعالم نبي محمد نور ونبي الدوخي ونبي نفوز على الكويييت تكفون ياعيال  ابو تركي .. اجل شفت حركة سامي ؟ تراه يحسب نفسه يلعب قدام الرائد .. والله ياشارة الكابتنيه حسوفه عليه .. بس وش نقول أهم شي يفوز الاخضر وكلمه اخيره اقوله صح الكويت حبايبنا وجيراننا واخواننا بس والله مايشدون الفوز ان قاله الله .. يوم الاربعاء الجاي يومنا ماعليش ..  . |
|
|
|
|
26-03-2005, 14:28
|
#18 | |
|
قلب الورق
|
رد : السعودية ×كوريا الجنوبية // تقديم..أخبار .. توقعات
إقتباس:
والا ترا مافزنا الا يوم مالعب احد من اخوياكم اللي خابرين ...شريفي ابوطلعه جنان والدباب وشريفي كبري المتحده ..... اتركوا التعصب ... |
|
|
|
|
|
26-03-2005, 14:55
|
#19 |
|
موقوف
|
رد : السعودية ×كوريا الجنوبية // تقديم..أخبار .. توقعات
والله يابوحمود ان محمد نور حراثه مهوب أدمي ما شاء الله عليه والدليل على كذا انه بنفس اليوم اللي طلعوه المنتخب لعب مع فريقه مباراه كامله وصرح انه يقدر يلعب 150 دقيقه متواصله ومو غريبه عليه لكن من عقب عفو الامير عبدالله عنه صارت مشاكل اكيد بينه وبين ادارة المنتخب ويمكن اعتبروها تحدي او شي زي كذا المهم ان فيه مشكله خلته يطلع والدوخي حرام والله باخر مباراتين كانت لياقته ممتازه وكان افضل لاعبين المنتخب ومثل ما قال الهريفي بصدى الملاعب لو ان السالفه سالفة لياقه كان على الاقل خلوهم يلعبون شوط واحد يستفيدون من مجهوداتهم واذا على تقدم الدوخي ونزعته الهجوميه يضبط التكتيك المدرب ويقول للدوخي لا تطلع حرام والهل قتالية الدوخي ينحرم منها المنتخب والثقفي كان ممتاز واداءه رجولي وحماسي لكن خانته سهله وفيها اكثر من لاعب بس الدوخي ونور مهمين للمنتخب وباذن الله الكويت هي بوابتنا للتأهل وان شاء الله نمر منهم وناخذهم معنا لكاس العالم  والبحرين بعد الله يوفقهم ويعينهم على اليابان وايران اللي تروع والله اخوي بندر ترا نواف هلالي لا يسمعك بس :white: واحنا والله مانشوف قدامنا الا شعار الأخضر بهالتصفيات واذا رجعوا اللاعبين لأنديتهم تبدأ حركات حجرلي وأحجرلك :white: اللي قلناه صار بالملعب وكان مجرد تعليق مني وخالد عزيز هو نكبة المنتخب البارح لكن ربي ستر وافلقني بعصا الكورنر ياشيخ ان رجع محمد نور ولقيت حارس العماره خالد عزيز يلعب :white: :white: اما كلامك على شريفي فاعتقد انها اول تجربه حقيقه له مع المنتخب وطبيعي يكون فيها شد وتوتر اذا الكابتن سامي كان متوتر ومهزوز وضيع بلنتي هذا وهو عنصر الخبره عندنا شلون ماتبي الحارس يتوتر ,, عموما الله يوفق المنتخب بالمرحله الجايه ومن فوز لفوز يالأخضر |
|
|
|
|
26-03-2005, 15:05
|
#20 |
|
قلب الورق
|
رد : السعودية ×كوريا الجنوبية // تقديم..أخبار .. توقعات
هلا ابو تركي .. بالنسبة لنواف اذا هلالي ويتكلم كذا فما ادري كيف اقوله ... عموما آسف له ولك ثانيه ... وبالنسبة لعزيز فصدقت هو عله وامس ماغير يدربي دمجته من مكان لمكان وربي ستر ... اما نور فعمره كله ماقدم مباراة مع المنتخب يقال عنها بالفعل مباراة عظيمة .... الدوخي ودي يدخل التشكيلة بس عشان يوقف انطلاقات مساعد ندا ..... ونشوفك بالجايا ت تحياتي لك ...... |
|
|
|
|
27-03-2005, 01:07
|
#21 |
|
رفيــق الحــزن
|
رد : السعودية ×كوريا الجنوبية // تقديم..أخبار .. توقعات
ياجماعت الخير انا بقول لكم حاجه ومختصره .. تبون تفوزون على الكويت بالنسبة للدفاع منتشري والخثران والبحري تمام التمام ولكن تكر لك عليه شوي قام يفوت ولو يجيبون الدوخي يلعب جنب تكر رحنا فيها لأن الدوخي يتقدم ومهما قاله المدرب الرجال معسب وهذي هوايته وبصراحه ينفع مع الاسيويين السياكل اكثر . وبالنسبه لخالد عزيز هو نقطة ضعف المنتخب حالياً ولو يلعب صاحب العبدالله احسن منه بكثير ولا تنسون انه يصنع هجمه وارجعوا لمبريات الاهلي . اما بالنسبه لسامي ولكل اللي يحبون سامي لو يترك الفلسفه شوي استفدنا منه اكثر وخاصه تمريراته للمهاجمين .. وياسر والكريري والجاسم ومناف عشره على عشره مع ضروره التنبيه على كريري عدم التهور والانبراش اللي ماله داعي وترانا بغينا نروح فيها بس الحكم طنش والا هو يستاهل الطرد بسبب الخشونه والزلقات الجميليه .. نتمنا في مبارة الكويت يكون الروح العامل الوحيد للمنتخب لأن الروح والقتالية تسد الثغرات وتوض النقص .. وكلمه اخيرة محمد نور ما يصلح للمنتخب لانه يشوف نفسه اكبر مستوى من الموجودين والبطاقات حدث ولا حرج حتى لو مستواه مع الاتحاد زين ما يعني انه مع المنتخب بيصير ازين وترجعو لمبريات المنتخب وتشوفون المشاكل حتى وهو لاعب زين تلقاه يتخانق مع الناس ويتنرفز من ادنا سبب . وتحياتي لكم وخووووووووش اختصار هههههههههههه |
|
|
|
|
27-03-2005, 03:26
|
#22 |
|
شــــاعـــر
|
رد : السعودية ×كوريا الجنوبية // تقديم..أخبار .. توقعات
ياجماعه بالنسبه لي مايهمني لاعبين المنتخب هلاليين ولا نصراويين ولا اهلاويين المهم ان المنتخب يكون بمستوى يؤهله لكاس العالم .. منتخب قوي وبس .. ابو رياض .. لاتقهرني بكلام الجرايد الفاضي .. لاتتأثر بكلام الصحفيين وانا اخوك محمد نور افضل لاعب وسط في المملكه شاء من شاء وابى من ابى .. بغض النظر عن البطاقات .. يااخي مارادونا وهو مارادونا ياما انطرد وياما اخذ بطاقات وياما تنرفز .. بعدين حسين عبدالغني ترى لعب للمنتخب اكثر من خمس سنوات وهو اكثر اللاعبين نرفزه ومشاكل .. ماكان احد يعترض ليش ؟ لأنه لاعب مؤثر .. عطني لاعب مؤثر زي محمد نور ولاتطالبه بالتحكم باعصابه هذي مهمة الجهاز الاداري والاشرافي على المنتخب اللي يمثله فهد المصيبيح هو اللي مفروض يوعي اللاعبين قبل كل مباراه بعدين ترى مهو عذر مقنع تبعد لاعب مؤثر لمجرد انه مايتحكم باعصابه .. طيب انت عارف انه لاعب مؤثر .. مسألة الاعصاب هذي تحكمها ظروف المباراه نفسها ومو كل مباراه يفقد اعصابه .. ثانيا .. انت تبي تروح لكاس العالم يااخي .. ومحمد نور ورقه رابحه لأي مدرب بالعالم .. اوكي اذا ماتبي تلعبه قول ماني ملعبه .. بس لاتجيني لاصكوك المانيا ثمانيه وتقول من المسؤول عن ابعاد نور عن المنتخب .. زي سالفة عبدالله الشيحان باليابان .. بالضبط .. انا متفائل ان شاالله بعودة نور للمنتخب لأنه بصراحه مكانه شاغر شاغر شاغر .. ولايملاه غيره ابدا في هالتصفيات اما مباراة الكويت اتمنى يلعب الدوخي لانه لاعب هجومي ونحتاجه حنا رايحين نفوز على الكويت مانبي ظهير دفاعي .. نبي ظهير يهاجم ويدافع ولياقته عاليه زي الدوخي .. اخر شي احب اقوله هالمنتخب هذا غير ومستواه غير .. من زماااان .. من ايام كاس العالم ماشفت منتخبنا كذا .. من زمااان ماتحمست للاخضر زي كذا .. الله يكون معاهم اقسم بالله رفعوا معنوياتنا بجد ويستاهلون يتعنالهم الواحد للكويت |
|
|
|
|
27-03-2005, 14:35
|
#23 |
|
شـــاعــر
|
رد : السعودية ×كوريا الجنوبية // تقديم..أخبار .. توقعات
مدري ليه النصراويين يكرهون ياسر القحطاني مع انه افضل مهاجم سعودي بلا منازع (: اما بخصوص نور فهو افضل وسط وبشهادة الجميع والا خالد عزيز مدري وش يبي بالكورة مبتلي الكورة وابتلانا اما البحري فهو لاعب متحمس ويجيد اللعب في قلب الدفاع والظهير الايمن .. والدوخي ما يجيد اللعب في الدفاع ولا يعرف يرفع الكورة ؟؟؟ صحيح انه لاعب مجهود وسريع لكن والله ماهوب ذاك الزود ترى هالشي نعرفه من زمان موب اللحين لكن لاعبين الهلال لهم معامله خاصه كيف لا والهلال النادي الملكي بالسعوديه وسامي الجابر احسن ما فيه ان امه الله يخليها له تدعي له وتوافق الاجابه دعوتها يعني نستفيد منه بالشي ذا .. حبايبي النصراوين والهلاليين اتركوا التعصب على طارئ التعصب يا ناس فيه واحد من الشباب هلالي يفكر ان الكورة بس الهلال والنصر بس واللي مثله كثير كثير بصراحه شي يجيب الهم اذا شفت مشجع كذا .. شوفوني مثلا ً اشجع نادي مرخ لكن ما قد قلت ان نايف البديري احسن لاعب في السعوديه هههههههههههههههههههههههه على كلا ً المنتخب فاز بتوفيق الله ثم بالحماس ومهارات ياسر القحطاني ورجوليته وفدائيه مبروك زايد .. هذا الصحيح وقولوا اللي تقولون .. اقول متى مباراه برشلونه ترا وحشوني كثير هالمجانين .. تحية طيبه لأخواني المتعصبين غير ابورياض (: |
|
|
|
29-03-2005, 03:10
|
#24 |
|
قلب الورق
|
رد : السعودية ×الكويت "للتاريخ " هل نفعلها اول مره
::::تقديم :::: الكويت × السعودية   الجولة الثالثة المكان الكويت // استاد الصداقه والسلام الزمان //الاربعاء 30/3/2005 م الساعه 7.45 م بتوقيت الرياض ... الحكام حكم ساحة/الايراني مسعود مرادي مساعد1/الايراني قاهر ماني مساعد2/الإماراتي عيسى غلوم رابع/الأردني فتحي عرباتي مراقب/القطري حمد المناعي المنتخب السعودي يدخل لهذه المباراة وهو متصدرا لمجموعته باربع نقاط .. وثلاث اهداف له وعليه واحد وبلا خسارة وبتعادل واحد فقط .. يغيب عنه سعود كريري للبطاقة الصفراء الثالثه ... من الجانب التاريخي لم يحقق المنتخب السعودي اي انتصار على منتخب الكويت في الكويت ابداً وهي من ناحية نفسيه جيده للازرق سيئة للاخضر .. نتمناها الاولى للمنتخب ... سيخوض الاخضر المباراة بنفس التشكيلة عدا سعود كريري ويتوقع ان يزج بصاحب العبدالله بديل عنه .... زايد الخثران , تكر, المنتشري, البحري صاحب ,عزيز مناف ,تيسير , الشلهوب "سامي " ياسر المنتخب الكويتي الارض والجمهور .. والحماس وعودة الروح عقب الفوز السابق على اوزباكستان يضاف اليه عودة بشار عبدالله وعبدالله وبران ...سيغيب عن منتخب الكويت اللاعب بدر المطوع لحصوله على كرتين أصفر والظهير أحمد الصبيح للإصابة ... بدر المطوع الذي كان حاضرا في شباك الاخضر في آخر ثلاث مبارياتتشكيلة منتخب الكويت المتوقعه ...شهاب كنكوني ........................... .... مساعد ندى .......... نهير الشمري ......... علي عبدالرضا ........... علي النمش .......................................... حمد الطيار .................................. ........... وليد علي ................................................ محمد جراغ....... ........................................... بشار عبدالله .............................. ............................ فرج لهيب ...................... فهد الفهد ................. اخبار .., أخبار ..., أخبار ..........., 1- اعلن الشيخ احمد اليوسف الصباح رئيس الاتحاد الكويتي لكرة القدم ان شركة الاتصالات المتنقلة الكويتية (MTC ) , قررت شراء جميع تذاكر مباراة القمة الخليجية والتي ستجمع منتخب الكويت مع شقيقه المنتخب السعودي التي ستقام يوم ( الاربعاء ) , وذلك لتوزيعها علي الجماهير الرياضية التي ستحضر اللقاء , وذلك مما يسمح للجماهير بالدخول مجانا الى استاد الصلاقة والسلام. وكان الشيخ احمد اليوسف قد اجتمع مع رئيس شركة الاتصالات المتنقلة , وقد اتفق الجانبين علي ان تقوم الشركة بشراء تذاكر المباراة وتوزيعها علي الجماهير الرياضية كهدية من الشركة , وتشجيعا لمنتخب الكويت الوطني . وقد عبرالشيخ احمد اليوسف عن شكره وتقديره بالاصالة عن نفسه ونيابة عن مجلس ادارة الاتحاد لشركة الاتصالات المتنقلة، متمنياً ان تحقق الهدية المردود والمنشود.  2-بشار يقول : لنا ولكن هل هي مقابل صفر ام واحد ... ولم يخف بشار تخوفه من وجود سامي الجابر مع السعودية، وأبان: سيكون للجابر دور مهم وحيوي في تأهل المنتخب السعودي لمونديال ألمانيا، واسم سامي وحده في الملعب يرعب الخصوم ويرعب أي دفاع، سامي مشكلة كبيرة لنا، لكن الإعلام السعودي يكرهه، لدى الجابر مشاكل كثيرة مع الإعلام السعودي فهم لا يحبونه. وأشار بشار إلى أن غياب محمد نور أسعد الشارع الكويتي، وأنه استغرب إبعاده، وقال بأن عودة وبران مهمة جدا لـ لاعبي الازرق وتثمل دفعة معنوية هائلة.... 3-من ناحية ثانية فقد تم تجهيز الفي مقعد لمشجعي الاخضر فقط لمساندة المنتخب في مباراته القادمة المرتقبة .. ومن المتوقع تسيير 5 حافلات من الاحساء الشقيقة ... 4- سيغادر منتخبنا اليوم الثلاثاء للكويت .... متفرقات الجابر: الكويت قوي من جهته شدد قائد المنتخب السعودي على ان المنتخب الكويتي منتخب قوي جدا ويزداد قوة باللعب على ارضه وبين جماهيره. واضاف تاريخيا المنتخب السعودي لم يفز على المنتخب الكويتي ولا مرة في الكويت وهذه النقطة لصالح الكويتيين في المباراة المقبلة ولكننا سنحاول ان نكسر هذه القاعدة. واعتبر الجابر ان المنتخب الكويتي ومن خلال اللقاءين السابقين له يعتبر فريقا منظما وان خسارته من كوريا في سيئول جاءت لعدم جرأة المنتخب الكويتي في الهجوم وغياب بشار عبدالله في تلك المباراة ولكن عند مشاركته في لقاء اوزبكستان اشتعل هجوم المنتخب الكويتي وبصراحة بشار عبدالله لاعب خبرة ويجب ان يحسب له الف حساب. تمنى الجابر ان يسير المنتخب بنفس منهجية مباراة كوريا حتى يحقق الاخضر النقاط المطلوبة لمواصلة السيرقدما في هذه التصفيات. كالديرون: لن ألجأ للدفاعمن جهته نفى مدرب المنتخب كالديرون ان يكون نهجه في المباريات التي تقام على ارض الخصم في هذه التصفيات نهجا دفاعيا مشيرا الى انه امام اوزبكستان لم يلعب مدافعا بل كان يلعب وفق خطة مرسومة للوصول الى المرمى ووصل اكثر من مرة وبادر بالتسجيل وكنا الاحق في النقاط الثلاث. وحول تأثير سعود كريري على لقاء الكويت وتأثير ذلك قال كريري لاعب مهم جدا ولكن في المنتخب هناك البديل الجاهز وكل لاعبينا جاهزون للمشاركة. القحطاني: نفكر في القادم: ياسر القحطاني قال اثناء تدريب الامس ان لاعبي المنتخب السعودي نسوا مباراة كوريا الجنوبية وبدأوا يفكرون في مباراة الكويت واضاف المنتخبان قويان وماحدث في الدوحة للمنتخب السعودي امام الكويت لن يحصل في مباراة الاربعاء. مبروك زايد: لا اخشى اي مهاجم :من جهته تمنى الحارس مبروك زايد ان يقدم المنتخب السعودي ماهو مطلوب منه في مباراة الكويت ورفض ان يحدد مهاجما بذاته يخشاه حتى لو كان بشار عبدالله صاحب الهدفين في مرمى اوزبكستان. نواف بن سعد: لقاء خاص صاحب السمو الامير نواف بن سعد رئيس بعثة المنتخب السعودي للكويت قال: لقاءات المنتخبين السعودي والكويتي لاتخضع لمقاييس مسبقة حتى لو ان ايا منهما كان في افضل حالاته والآخر في اسوأ حالاته والتاريخ يؤكد هذه النظرية اضف الى ذلك ان ميزة هذا اللقاء هو ان المنتخبين فائزان في الجولة السابقة مما يعني ان كل طرف يسعى لتثبيت اقدامه في المنافسة. وتمنى سمو الامير نواف بن سعد ان تكون بطاقتا التأهل لهذه المجموعة للمنتخبين السعودي والكويتي. ارتفاع الروح للاعبين ولوحظ خلال تدريبات المنتخب ارتفاع الروح المعنوية للاعبين واصرارهم على مواصلة الانتصارات خاصة ان هناك جماهير حضرت التدريب لتشد من ازر اللاعبين وشهد المرات اصرارا كبيرا من قبل اللاعبين للقيام بالدور المنوط بهم في مباراة الكويت. ... امنياتي بالتوفيق للاخضر ... اخر تعديل كان بواسطة » بندر بن عبدالله في يوم » 29-03-2005 عند الساعة » 03:18. |
|
|
|
|
29-03-2005, 12:47
|
#25 |
|
شـــاعــر
|
رد : السعودية ×كوريا الجنوبية // تقديم..أخبار .. توقعات
شكرا ً اخوي بندر .. الازرق صعب بالحيل .. لكن بإذن الله الشباب يفرحونّـا .. أذا كانوا بنفس الحماس الللي هم عليه مع كوريا انشاءالله الفوز سعودي .. أما بالنسبة لغياب سعود كريري بصراحه غياب مؤثر للغاية .. وصاحب لاعب اقل من عادي وليس بإمكانيات كريري .. اتوقع فوز السعودية 3/1 << متفائل هالمرة .. شكرا ً بندر .. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
