21-10-2003, 00:16 | #16 |
شاعرة
|
لحظه.! محمد. والله اني لم ارى او اسمع عن شاعر يتحدث باسلوبك الرائع وبعقلك النير وبطموحك اكاد جزم انك احد اكثر مقترفي الشعر جنونا.. وقصيدتك ..رائعه جدا جدا فيها حس جميل ونبض شعري ممزوج بصور جماليه ما بيـن الحلـم و اوضاعـه .. و بيـن الوعـي و اوضاعـه و فالثنتـيـن نفـسـي مــا تخـيّـر .. مـيـر انـــا اجـبـرهـا صح لسانك وفكرك تحياتي واعجابي الشديد لقلمك النابض |
21-10-2003, 08:36 | #17 |
شــاعر
|
محمد الشعر ليس كل شي الذات اهم من الشعر وانت جمعت بين نقاء الذات وروهة الشعر قصيده رائعه من شخص اروع تحياتي اخي محمد اخيك سالم بن جلعان |
21-10-2003, 08:57 | #18 |
عضو شعبيات
|
رايي وانا مانيب شاعر
الاخ الحبيب من المؤكد ان الشاعر حينما يكتب قصيدته او تكتبه القصيده وهذا الاصوب فهو يستهدف مثلي من المتلقين للشعر وقد لايكون هذا المتلقي اللي هو انا ومجموعتي من القراء بمستويات معرفيه متشابهه بل الاصل انهم ينتمون الى مدارس مختلفه ومشارب ومعارف وثقافات بكل مافي ثقافات من اختلاف مختلفه. وبعد هذه المقدمه اقول اني اذا لم تداعب القصيده احساسي اذا لم استطع ان اتفاعل معها عقليا على الاقل فلا احس الا انها رص لمجموعة كلمات تبدو كالصناعات المقلده قد ترى فيها صناعه غريبه ودقه وحبك على المستوى الوزني والبنائي لكن وهنا الاهم ليس كل مايلمع ذهب . وبعد فنصيحتي لك كاخ ناصح ومتلقي اظن انك تستهدفه الى حد ما في قصيدك اقراء ثم اقراء ثم اقراء في القديم من الشعر لابن حميد والدندان وبن قرمله وبن سبيل وابن عون والسديري واحرص على ان تتذوق ما تقراءه احرص على تنمية حس الوصف ان الشاعر الثري معرفيا ومتمكن لغويا يبدع . لك كل الود انت طلبت الراي فهو راي ناصح . ابو محمد ناصحاً |
21-10-2003, 10:41 | #19 | |
سيـــف الســـيــف
|
Re: شعبيات
إقتباس:
في لقاء صحفي مع شاعر .. وجه الصحفي من ضمن اسئلته للشاعر هذين السؤالين .. دعني اكتبهن واكتب اجابة الشاعر عليهن * هل تعتقد ان هناك من سيصل لمستواك؟ الشاعر:- كثير.. وانا لم اصل لتلك المرحله التي لا يصلني فيها احد والشعر سلم ولم أزل في بدايته وأعتبر نفسي لم اصل لشيء قط. *كل هذا ولم تصل لشيء؟؟ الشاعر:-والله العظيم انني اعتبر نفسي لم أصل لشيء بعد وكل ما حققته أعتبر كل واحد حققه ويقدر يحققه... ......... انتهى,,, محمد تدري من هو هالشاعر؟؟ سعد ابن جدلان الاكلبي .. اللي من وجهة نظري الشخصيه مع اني ارى الكثيرين واعرف الكثير اللي عندهم نفس وجهة النظر هذي عن ابن جدلان وهي انه اسطورة الشعر اذا كان للشعر اسطوره.. احد اباطرة الشعر اذا كان للشعر اباطره ماهوووب عاد سيف السيف اللي الى الان.. وسيظل يتعلم واعتقد ماراح اصل لمستوى سعد ابن جدلان .. ولا بعد قرن لكن اقولك شغله يا محمد انا واعوذ بالله من قولة انا ... تأخرت تقريباً اربع سنوات شعريه .. بسبب مجامله من صديق.. اشاد بقصيده لي وامتدحها وهي كانت لاتستحق القراءه او اضاعة الوقت باكمال قراءتها.. كان البيت الاول يكفي .. ان يجعل القاريء ان يمزقها ابو حميد انت بين المشاركتين اللي بشعبيات تقريبا سنه وشوي.. كمقارنه يشهد الله ان فيه تطور وتقدم كبير جداً جداً ولكن مثل ماقال ابو محمد الله يجزاه خير .. عطاك المفيد .. وابو محمد اعرفه من ايام منتدى الاقلاع .. وبعد ان انتقلنا هنا في شعبيات .. قليل حضوره .. ولكن اللي اعرفه عنه حسب ماقرأت له في مشاركاته.. انه لايجامل.. وانه متذوق خطيييييييييييييررررر للشعر وله نظره ورؤيه ثاقبه .. محمد ابا اعطيك وجهة نظري عن القصيده هذي بشكل مختصر اولا صح لساانك .. قبل لا انساها لانك تستحقها بالفعل لكن القصيده اشوف انها كتبت بشكل سريع .. اعتقد ما اخذت وقتها بالمراجعه والتدقيق من قبلك ... محمد فيه كلمات بقصيدتك كنت تستطيع ان تستبدلهن بغيرهن.. لو بحثت في بالك عن مرادافات لهن.. ويؤدن نفس الغرض.. لكن انت ماكنت تحاول تبحث!! يعني.. الكلمه اللي ركبت معك حطيتها ومشيت .. اذا ماتعبت على القصيده وانا اخوك وعطيتها حقها كامل.. ماراح تعطيك اكثر من اللي انت عطيتها ابداً ...الا من باب المجامله فهذا يدخل معه الفيل لاحظت ايضاً بعض الكلمات والتي بها حرف الالف.. لا يستقيم وزن الابيات التي هي فيها.. مالم تنطق الهمزه التي على الالف وتعطيها حركتها وكامل نطقها .. والهمزه في الشعر النبطي نشاااز,, قد نستخدمها لكن في اصعب الظروف,, يعني تكرارها في القصيده ليس حميداً و اقـوم بعيـن شرهانـه علـى اذنـي و اخيّـرهـا و كيف؟ و كيف؟ ما ادري .. و صدري ضاقت اضلاعه (ما ادري) اعتقد لازم تنطق الالف اللي في (ادري) بكامل حركات المد المسموح به لها.. علشان يستقيم البيت.. البيت صح موزون,, بس بنطق الهمزه. بدون نطقها لا يستقيم.. والهمزه مثل ماقلت لك نشاز او غير مليحه بالشعر النبطي. بداية القصيده يا محمد اكثر من رائعه حتى نهاية البيت الرابع ومن البيت الخامس الى نهاية البيت الرابع عشر كنت تقدر تختصره في اربعة ابيات.. بدال الاسهاب والاطاله اللي قد تكون ماتخدم النص .. قد يطيل الشاعر وإطالته في فكره واحده,, وتكون إطالته جميله,, لانه في كل بيت يضمْن تصويرات جميله.. وهذي تغفر له الاطاله ومن بعد البيت الرابع عشر بدأت تتشكل فكرة القصيده .. بس بعد ما ملينا يا محمد من قراءة اربعطش بيت ..( بإستثناء الاربعه الاولى) خذ قاعده عندك.. اذا القصيده ماشدت القاريء من البدايه.. وحس انه يتسلسل بقراءته مع تسلسل فكرتها.. والا ماراح يكمل قراءه... وحنا وضعنا انا وانت.. يهمنا ان الثانين يقرون لنا .. لم نكتب لإنفسنا 100% .. ومن يقول انه يكتب الشعر فقط لنفسه , وكتعبير عن شعوره فقط , ولا يهمه المتلقي!! اعتقد انه غير صادق الا اذا هو يحتفظ فيه لنفسه.. ولايعرضه امام الاخرين .. اما نحن شعراء الانترنت يهمنا عداد القراءات اكثر من اي شي ثاني.. لان اللي يحركه متصفحين الموقع .. من غير الاعضاء.. يعني ماتابعوك مجامله.. لانك ماتعرفهم ولا يعرفونك.. اذا قرأوا لك قصيده جميله.. طبيعي سوف يكونون من متابعين متصفحك ..لانك ارضيت اذواقهم.. من القراءات تعرف هل ماتكتبه يروق للاخرين ام لا؟ وطبعا اذا كان حضورك مستمر هناك مبدعين وقراءات قصائدهم قليله وهذا يعود لحضورهم .. اعتقد اني طلعت واجد عن الموضوع .. ولكن يا محمد كنت احاول اقرب لك وابين لك اهمية ان الشاعر لازم يهتم ويعطي قصيدته اللي يقدر عليه .. وصدقني انها مره واحده فقط تحتاجها لتصل للابداع وبعدها .. غصب عليك تبدع .. لانك لازم ترضي اللي يتابعك وتكون عند مستوى تطلعاتهم وانتظارهم لقراءة قصيده جديده لك.. كل هالاشياء بتصير تحسب لها اذا بديت تكتب او شطر من قصيده جديده لك .. والقصيده اللي ماتشوف انها افضل من سابقتها او على الاقل بمستواها لاتعرضها .. واجد قصايد كتمناهن كتم لانهن مايقدمن شي .. بالعكس يرجعنك الى الورى .. وعاد يبي لك تبدى ثاني مره من نفس المكان اللي هن رجعنك له .. وانت سبق وان تجاوزته ( فلسفه داجه صح ) لكن يعلم الله.. سوى كانت داجه او ماهيب داجه.. اني ماقلت لك الا الشي اللي انا اسويه وانتهجه .. قد يكون خطأ .. ولكن اللي يعذْرني باني استخدمه .. قد لايناسب الاخرين .. لكن انا ماشي معي زين.. ومقتنع فيه. عموما,, كمقارنه بين المشاركتين الاولى وهذي... صدقني انك بتحقق شي لا تتوقعه .. انا اقراء مشاركتك الاولى.. واتذكر بداياتنا الشعريه .. فيه فرررررق كبير طبعاً لصالح قصيدتك .. كنا نكسر البيت.. تسمع صوت الكسر من مسافة كيلو ..يعني من نووع طرراااع او طررراخ, يعني كسر مافيه ملح .. وانت بدايتك طيبه, ومثل ماقال ابو محمد عليك بالقراءه.. وليس كل مايقع بين يديك تقراه.. ابتعد عن القراءه التي تلوث الذائقه,, عليك باللي يرتقي بذوقك وذائقتك ويفتح لك افاق جديده .. وصدقني بترتقي معه .. والله اني منفشل من طول الرد لكن عزاي اني اعرفك صدرك وسيع وتتقبل الملاحظات... وهذي ميزه وشجاعه وثقه اهنيك عليها .. ماعليك من اللي يزعل ويحاول يبين انه شاعر لا يخطي,, ويعاند ,, وهو غادي .. هذا يجلس ( محلك راااوح ) تحياتي لك |
|
21-10-2003, 10:49 | #20 |
سيـــف الســـيــف
|
محمد صدقني اقراء تعليقي وخجلت كثيراً اللي يشوفني يقوول اني مانيب محتاج توجيه .. وانا اشدكم حاجه له لكن حسبي الله على ابليسك اقحمت اسمي في مقدمة القصيده وورطتني .. ههههه بس لاعاد تكررها تكفى .. تراها يالله بحملها تـثور وعسى ربك يعين |
21-10-2003, 16:44 | #21 |
شــاعر
|
اخوي محمد الحراب صح لسانك مليون ابداع ابداع ابداع وهذه عادتك تدور الزين يا محمد واشوفه صار تحت امرك لله درك ما اروع ماكتبت قصيده جميله في معانيها وتصويرها رغم حزنها الا انها في قمة الروعه عقب ما الشمس عافتنـا .. و مَـنّ الكـون بشعاعـه و لبْست هالسمـاء ثـوب الحـداد و صـار ساترهـا ولكم اعجبني هذا المطلع الجميل سجل اعجابي بما جادت به قرحيتك شاعر متمكن يا ابوحراب الله يوفقك لاهنت وتحياتي لك دمت بخير ان شاء الله |
21-10-2003, 16:46 | #22 |
|
محمد الحراب ... تذكرني.. كثر ما انسى.. غلاهـا اللـي كبـر باعـه و تنساني.. كثر مـا اذكـر.. غلاهـا اللـي يكبرهـا و اقضّي هالعمر تايـه مـا بيـن الحـب و صراعـه و اعشّم نفسي ان الجـرح يـب يبـرى و اصبّرهـا بوح في ابيات رائعه وأحساس أروع .. علـى كثـر الهمـوم اللـي تجـي بآحـط فـزّاعـه عشان ان جـت طواريهـا عـن افكـاري توخرهـا علـى كثـر الهمـوم اللـي تجـي بآحـط فـزّاعـه عشان ان جـت طواريهـا عـن افكـاري توخرهـا علـى كثـر الهمـوم اللـي تجـي بآحـط فـزّاعـه عشان ان جـت طواريهـا عـن افكـاري توخرهـا بيت يجمع قوة شعور العاطفه .. ووضوح الموقف الخاص تجاهها .. وجمال الصوره .. بيت تصويري تعبيري متقن .. ومن الأبيات التي تبقى في الذاكره !! صح لسانك .. اعجابي .. |
21-10-2003, 17:21 | #23 |
رفيــق الحــزن
|
اخوي محمد الحراب مساك بالخير يالغالي ... فالحقيقة مقدمتك كانت تدل على الوعي والرغبة في التعلم والاستفاده وهذا في غاية الروعة والشجاعة وهذا هو الطريق الصحيح .. بالنسبة للمشاركه الاولى كانت جميلة .. والثانية اجمل واجمل .. وقس على هذا اذا اخذت براي اخوي ابو محمد واخوي عكاشة وآرائهم اللي تنم على الخبرة والدراية .. وانا ما ازكي نفسي وصدقني استفدت من آرائهم هذي واباخذها بعين الاعتبار لان ما قرأته في توجههم لك ينبطق علي وعلى غيري وكانت بداياتي حدث ولا حرج ومن غيري سمعت وتعلمت واطمح لان اكون في احسن حال وانا ما زلت اتعلم واستفيد من تجربة غيري .. وشاكر لك سعة صدرك وشجاعتك وهو موقف يحسب لك كثير واتمنى لك كل التوفيق والازدهار .. تحياتي لك وخالص ودي . |
21-10-2003, 18:58 | #24 |
شـــاعــر
|
علـى كثـر الهمـوم اللـي تجـي بآحـط فزّاعـه ..................... عشان ان جـت طواريهـا عـن افكـاري توخرهـا محمد الحراب .. هذا البيت يعني لي الشيء الكثير بالنسبة لشاعر يعترف بأنه لا زال في بداية الطريق ويذكر اساتذته بالأسم .. هذا البيت لم اقرأه لشعراء كبار ومعروفين نهائياً .. لا اسعى خلف الكسر والثقل ولا ابحث عن الجزالة بقدر ما ابحث عن مقدرة الشاعر على ربط شعورة بالحياة النابضة من حوله .. اعجبتني فكرة البيت بشكل كبير جداً .. وتمنيت لواني استطعت في يوم من الايام الاتيان به .. لكني تعلمت الآن منك كيف التقط الصورة بكاميرا الروح .. تحياتي اخر تعديل كان بواسطة » محمد علي العمري في يوم » 21-10-2003 عند الساعة » 19:03. |
22-10-2003, 05:39 | #25 |
الـحـــرّاب
|
اخوي محمد العمري الشكر لكم انتم و يشرفني مرورك و اعجابك و البيت اللي ذكرته بعض ما عندك طال عمرك دمت بخير الحراب |
22-10-2003, 06:09 | #26 |
الـحـــرّاب
|
اخوي عبدالهادي مرورك يا بوفهد شي اعتز به لا هنت على الاطراء و صح ابدانك دمت بخير الحراب |
22-10-2003, 06:12 | #27 | |
الـحـــرّاب
|
إقتباس:
|
|
22-10-2003, 06:13 | #28 |
الـحـــرّاب
|
اخوي محمد اليامي صح ابدانك يا الغالي و لا هنت اخوك الحراب |
22-10-2003, 13:44 | #29 |
الـحـــرّاب
|
اختي الكريمه وحش مرورك عطر المتصفح و اشكر لكي ما سطرته بحقي من كلمات دمتي بخير و عافيه الحراب |
22-10-2003, 13:48 | #30 |
الـحـــرّاب
|
عبد الله التميمي لك مكانه عندي خاصه لا تليق الا بمثلك و شرواك صح ابدانك و اشكرك كل الشكر يا خلف جدي دمت بالف خير الحراب |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|