[صالح العبدالكريم]

الرسالة الأصلية كتبت بواسطة عبدالرحمن الربيّع

صالح
تراني كلمت خوياي وعطيتهم مواصفات الجمس الـ 82 لون احمر وابيض بدون طيس شمعات صفر زينون

على هالمواصفات يبو رياض ما يبيلنا اخوياك وبس يبيلنا ورقه من الأمير سلمان

[الريـــــم]

الرسالة الأصلية كتبت بواسطة عبدالرحمن الربيّع

هلا وغلا باختي الريم عاش من شافتس

تراني من يوم خذينا الشقه وانا فارد يديني على احد بيبان الغرف وقايل لهم هذي غرفة الريم هي حالّتها قبلكم

اذا ما جازت لتس الغرفه بنبني لتس غرفه في السيب قولي تم ونصب القواعد


اما البرقع اللي تشوف ما تنشاف شي خاصه لين ساقن الحريم اكيد الوكيل حق هالبرقع في الغرابي لزينة السيارات

عاشت أيامك يابو رياض ، ومشكور إنّك حليت لي غرفة
لا لا خلاص جايزتن لي الغرفة أشوله تغلّب حالك وتصب قواعد
وبالنسبة للبرقع يبيلي أصوره لكم وأعرضه كودكم تصدقونن

والله واحشتني أيامكم .. زماااااان يـ فن
<<< أقلبي وجهتس بس

[الريـــــم]

الرسالة الأصلية كتبت بواسطة نوف السالمي

الرييييييييييم ..

لا لا لا << وش بتس

يالله حي صف اولى \ج ..

جد ما ادري ليه اذا شفت صورتس يطري ببالي الأبه و قرابيع الابتدائي ..
ما ادري وش فيني انعقد لساني يوم جيت اكلمتس ..
جايتني توصيه ما اهاوشتس لمدة ثلاث ايام ..



ههههههههههههههههههههههههههه اما نقاب اشوفك ما تشوفني توحفه .
اذكر اختي كنت انا وياها بالسوق .. المهم على وقت الصلاه طلعنا برا المجمع
كان على حزة المغرب .. و انا لافه اسولف مع امي و هي بالكرسي الثاني
وقفت قدامها حرمه قالت : اشوفك ما تشوفني << تقصد البرقع
اختي طقتها صيحه على طول .. يوم رجعت اليوم و سالتها وش بكاتس ..
قالت حسبالي انها جنيه ههههههههههههههههههههههههههههههههههههههههههه

أيييييه ياحزم الظامي حزمااااااه
والله وتطوّرت منفوحة آخر تطوّر ، الحين أنا أتركك غيمة عطشانه أرجع ألقاك نوف السالمي
الله يستر لا أغيب فترة وأرجع ألقاك كونداليزا رايس
بذمتك عاد صورتي مو [ سمبتيك ] هههههههههههههههههههههههه
<<< أخاف صج يا سمبتيك
بعدين تعالي هنا أهو خذي راحتس ما يمديتس ماتحارشينن لمدة ثلاث أيام
لأني بعد 3 أيام مسافرة وبأغيب غيبتن طويلة مار خذي راحتس وأطلتزي لسانتس
أطلتزي = أطلقي

هههههههههههههههههههههههههههههههه
وينك يـ صالح أنت والربيّع تسمعون سالفة برقع أشوفتس وماتشوفينن
علشان لا تتبلون عليْ ، صح يـ نوف فيه برضو طرحة الكويتيات وكحل زينب العسكري


/

[الريـــــم]

الرسالة الأصلية كتبت بواسطة بدر الزياد

نوف
من علّمك أني "كل دايم" أحش فيكـ بس "بعض الدايمات" أمدحكـ
<<<< يا تسذبكـ

يقول أذا "طنّبت" أذنك اليسرى يعني أحد يحششش فيك أما إذا "طنّبت" اليمنى معناه أحد يمدحكـ
والظاهر أنتي على طول أذنكـ اليسرى طوووووووووووووووووووووووووووووووووووط

ياهلا والله باللي لفونا يالله حيّهم كل أبوهم ..

عبدالرحمن رح جب عمّال من شارع الاربعين بالنسيم نبيهم يوسعون المجلس وتبي نبني غرفتين بالسطح للي يجون مسايير من الجماعه مثل العطر والريم شكلهن راعيات طوووووويلة ومالهن نيّه يرجعن للديرة بعد ماتخلص مراجعاتهن بمستشفى الحررررس !!

صالح يابعد تسبدي أنت
أدري غثوووك بركات ودحيّم بدخان الشيشة وأنت ماتداني ريحته
<<<< صادق

بدر .. أنت لسّه عايش _ بعيد الشر عنّك _
الله يحييك ويبقيك .. ماقلت لكم وحشتني أيامكم
وزمان يـ مزيكا شيكا بيكا
أنا مانيب مسيرة أنا راعية محل وغرفتي أبو رياض حالها لي جعلي ما أعدمه
وبالنسبة للحرس تراهم أطردوني وأقلعوني خشم العان


/

[صالح العبدالكريم]

اقول انتي وبراقعك شكلك غطستي كل هالفتره وصرتي راعية بسطه شوفي ازين شي أن يكون الواحد صريح مهو ثلاث ارباع البنات بالنت عندهم بلكونات ببيوتهم يزعجنّهم العصافير والحمام على الشبابيك << إلاّ والله فوق المكيّف خرفشه واللي تهدّي الوضع منهن تقول أن البابا يبي يفتح لنا حديقه على شارعين وبيزرعها كلّها شجر أرز وزيتونات وفستق << الأخيره مدري هي تزرع ولا تولد

[الريـــــم]

صالح ..
أشوله الفضايح وأنا خيّتك ، ياولد لا تخرّب البريستيج أخاف يقرى كلامك معجب
بعدين ترى الفستق يولد مايزرع ياااااخي لا تفضحنا هههههههههههههههههههههه
<<< تبي تروح تستنشق هواء عليل من بلكونتها المطلة على حديقة بيتهم وترجع
>>> أخاف صج بس
<<< مشكلة اللي تسوي نفسها بنت نعمة وأهي من جنبها
>>> قصدتس مشاكل
<<< طيب طسي ( وجه ينافخ )

[صالح العبدالكريم]

تصدقين عاد ذكرتيني بعبدالله مرّان بغيت انصب عليه حدى المرّات كان يحسبني ولد نعمه شكله بغيت اقول ان الوالده مشتريتلنا جاكوزي عشان نجلس فيه لا طفشنا يوم بديت امهّد للنصبه طلع ما يدري وش الطبخه يعني ما تسوي علي النصبه دريت انه يحسب جاكوزي حاجه زي مظبي تعرّفت على عيال نعمه بالدوام فتره وقلت شكلي بتغيّر بسببهم وسبب برستيجهم طلبو عشاء لنا بالدوام من مطعم الظاهر انه بشارع التحليه يوم جو شايلين أكياس وربي احسبهم مشترين بلايز وتنانير قفّلت معي انا ومعي واحد وخفنا الله يخفس بنا << ليه مدري رحنا طلبنا فلافل

[الريـــــم]

/



حتى أنا أحسب الجاكوزي حاجة زي المضبي
طلعت أنا وبن مرّان منّا بعيدين عن بعض بامارة الـ وغدان يوم يقال أنّه صايديني وعارف وش أنا
ههههههههههههههههههههههه يارب يسعد هالإنسان ياهو كبير ربي يذكره بكل خير
ههههههههههههههههههههههه أجل تنانير وبلايز .. صالح أنت متى بترقع الفتاق اللي براسك
بعدين ترى الفسقة ميب زينة وأنا خيّتك .. والتسذب حبلوه قصير
وإلا ودي ألعب عليكم وأقول إني رايحه باريس أشتري عطورات وراده
إلا ماتبي أجيب لك معي عطورات
<<< ياكثر اللي ألعبن عليها وسوّن إنّهن بنات نعمة وأهن بنات فقر
>>> بلاتس تنكة تصدقين أي شيء ( وجه يتحلطم )

[صالح العبدالكريم]

يالله قوموووووووو قوموووووو الفجر أذن أشحدو ربّكم قومو أخذ الله هالغوارب صلّوووووو عسى الله ياصل حبلكم بحله

[بيلسان]

صباحكم حليب بالزنجبيل


,,

تسيف الحال<< لـ نوف

كيف الحال << لـ للعطر النسائي

وكيفك << لـ غاده

ووشلونتس حيي<< لـ الريم

,,


وتقبل الله ( صلوح ) << طقيت الميانه الله يستر عليكم بس ميانتي شينه


,,

[غاده بنت تركي]

هلا بلوسة الحلوة
بونجور حلو مثلك يا عسل

بونجورنووووا افري بدي

يسعدلي صباح الكل

ترى ما عندنا بلكونات
بس عندنا حديقة

[بدر الزياد]

الريم
ياقدمكـ
ألا وين تبي تسافرين وتغيبين غيبتن طويلتن؟
لايكون ناوية على شرررر!!!!!
أحسن لكـ خليك عندنا سوسو مالها أحد عقبتس


صباح الفويرهـ
صباح الرغفان والمصالي

صباح القشدهـ ماركة "أم زيّاد"
صباح الخير لكل من في شقّة الحريّة قصدي شقة 3

فيه ناس تقرأ وتضحكـ ياما تشوووف حليدز (حليق) الموت , ومع هذا ما يردون
ووهوهـ ياملين العردز
<<<< مداعي عجوز ..
للمعلومية يا سكّان عمارتنا وخصوصا شعب شقة 3: العردز هو مرض يسمى علمياً: عرق النسا ولكن ربعنا يسمونه عرق النِساء ثم تحول بعد ذلك (بفعل عوامل التعرية) إلى العردز

[نوف السالمي]

جاني سؤال بالتاريخ يقول عرف المسطلحات التاليه :-

كرته: ثوب زي اللي على مصاصة غندور .. منفوش من فوق و تحت سّل

بوال : قماش يعني وشو .. بس استيراد خاص للعجايز يتبردن به ..

دلعه : فتحة الثوب الدويره من تحت الرقبه ..<< برا

بفته : اخبرها طبخه بس ما ادري وش جابها هنا << عاش مصرف

زري : اووووووووووه من ما يعرفه .. شي يتبالص ..

تنتر : اختلاف الثقافات عـّوق اوم الكلمه .. حنا نقول لها ( ترتر ) خخخ يعني شي يزين به الثوب

شيفون : شي ينشاف اللي من وراه .. بس ماهوب زي برقع الريم

بطانه : شينٍ يستر الشيفون

تترو : هذا اللي يسوون فيه ( البجّاد ) << بحّل اذا فهمتوا الكلمه .

كعكع : هههههههههههههههههههه هاه شوفوها سويتها بشعري ..
للغير الناطقين بالعربيه .. يعني الشعر ملفوف دويره على بعض


ههههههههههههههههههههههههههههههههههههههههههههه ههه
و ربي مو بس مغبر كلامك .. اشك انك ساحبه من تحت مخده جدتي ..
و ربي حليق الموت على قولة بدر عورني من الضحك ...

[نوف السالمي]

الريم ..

و مالووووووه ما اصير كوندليزا .. ياهي ساحبه اوووم الشعب على وجهه
<< شعبهم ماهوب حنا

خخخخخخخخخخخخخخ مكذبينتس من صباح ربي و ساكته ..
لا بعد بشريهم طلع ( برقع جورج بوش ) و ( شاعر المليون )
الاخير حركه لو تشوفونه .. طابعين عليه صور اللجنه كلهم
و عند الجبهه راسمين البيرق<< ما تسذب ابد



ههههههههههههههههههههههههههههههههه صالح برا جد
اوما راعية بسطه .. حسبي الله على ابليس شرقت بالشاهي يوم قريتها ..




بيلسان ... يسسسسسسسسسسسلم حالتس يارب ..
وش عندنا طاقنا فريخ العّجب ..


بدر .. اييييييييييييييييه ليتها على الاذن و جاي .. كود اخلي صالح يرسلنا حمله انا و البنات لفوزي
صار ينداش راسي من كثر هبالكم ... خصوصا ردك الأخير جد جد طفيت من الضحك حتى الاووم معاي
فالتها ضحك ..<<< ما عندها وقت ابد

[الريـــــم]

الرسالة الأصلية كتبت بواسطة بيلسان

ووشلونتس حيي<< لـ الريم

بيلسان :
بخير يا ملّي أنتِ ، أنتِ وشلونتس بس بشريني عنتس
ترى لتس وحشة كبر راس نوف

مسااااج ورد