29-04-2003, 08:03 | #31 | |
|
إقتباس:
ياسلالالالالالالالالالالالالام وش ذا الرد اللي يفتح النفس !:what: لو الناس تفكر بنفس عقليتك كان ماتحسرنا اذا شفنا هالمسلسلات اقف احترام لردك ومرونتك الف شكر على مشاركتك للموضوع وياليت تسيّر علينا كل مادخلت الديوانيه |
|
29-04-2003, 08:12 | #32 |
شاعر
|
[c]الجازي .. يازينك ويازين هرجك ..!! <== شوي ويرسلها تخض اللبن هالطعس !؟ والله موضوع عسل صدق .. أختي .. الواحد المفروض يبقى على هذا النمط اللي بدأ فيه صحيح .. ولكن مع مرور الوقت .. هناك عامل وحيد يجبر الرجل على الأستمرار على هذا النحو من أيام الملكة .. <== بدا يبربر عربي وهو استمرار المرءة ووجود جميع مقومات السعادة من : *ريق حلو .. * دلع (( يعني انا أبي وحده تقولي عبودي الا من آصل 40 سنة وبعدها تسميني عبادي)) <== أنت شفت وجهك بالمراية عشان تقول دلعوني :bozo: * وجوب برد اللسان والتقليل من طوله لأن اللسان الطويل يجبر الرجل على التدريب في احدى صالات التايكوندو لأخذ حقة .. (( وخصوصا اذا كانت المره من الوزن الثقيل )) .. وطبعا لا يكون قريتي كل هاللي خربطته ذا بس .!! <== عاد ماسألت الا واحد باقيله على العرس 71 سنة :'( والله ياخييه انا مالي بذي الأمور والله .. وأذكر مره شفت واحد يركض كنه بسباق أختراق ضاحيية في حدى الأسواق .. وتوني ملتفت أبي أشوف وش فيه .. الا الكعب اللي يمشي 300 تقل أنه مثبت فيه موجّه اسم الله .. يلف يمين يلحقه يلف يسار يلحقه <== توه شايف فلم ياباني :what: أثره مسوي روحة وسيم الله يجزاه خير وحاول يحتك .. قالها .. (( يا بصل يافايح )) :what: :what: .. وصار اللي صار أعوذ بالله .. فانا لو بسوي أدلع .. لو قلنا أسمها (( سديم )) .. اتوقع بناديها .. (( موزة )) .. هذا والله اعلم .. [/c] اخر تعديل كان بواسطة » عبدالله البكر في يوم » 29-04-2003 عند الساعة » 08:20. |
29-04-2003, 08:56 | #33 | |
|
هلا بشاعرنا عثمان العبدالله
إقتباس:
وهذي ورده ترحيب بمناسبة تشريفك لأول موضوع لي في الديوانيه وبالنسبه لتعقيبك المستند على خلفيه علميه وثقافيه فأنا أقل أني أضيف على معلومات مبنيه على علم وتجربه أكثر شي ممكن أضيفه أني الموروثات فعلاً لها دور كبير في تشكيل شخصياتنا وينعكس على تعاملنا تجاه الآخرين شكر وأمتنان لمرورك وتعقيبك القيّم للموضوع ونرجوا أن نستفيد من ارائك في حالة أعجبك موضوع لك أطيب التحيات اختك الجازي |
|
29-04-2003, 09:00 | #34 | |
شـاعـر
|
Re: ليه ياشبابنا ماتصيرون مثل ممثلين السينما !؟
إقتباس:
لانه .. ممثل !! شكراً يالجازي .. موضوع جميل .. وحسـّـاس |
|
29-04-2003, 18:37 | #35 |
عضو شعبيات
|
سلفستر ستلوني ............
يالجازي والله تعبتيني......... شكلي بصير انا وياك مثل الحكومة والثوار (اللي بسريلانكا) انا منت متوقع انك تقولين نبيكم تصيرون مثل الملتزمين مثل اخلاق الصحابة اما جواد العلي............. وش فيه زين ابو قذلة بس بس فيه مثل يقول(اربعين .......... بعقل دجاجة) وانا اشهد يعني شبابنا فيه عيوب صحيح بس فكري من وين جت هالعيوب 99% منها من الغرب ومن امثال جواد العلي وطقته وبعدين......... وش اللي يثبت لك ان جواد مايطق المعزبة ويسوتها بالعقال(اذا كان يعرف كيفية استخدامه وطريقة التشغيل المرفقة مع الجهاز اعلاه) انتي قاعدة تشوفين بنضرة قاصرة مرة .................... ولو كنا نبي نجاريكي اغلبية البنات السعوديات ريحتهم من رواءح المطبخ الزكية ثوم وبصل ياربي فيه شي اسمه عود بخور ..................... (خلك من العطور...... الضاهر ان نص بنات السعودية ماعرفوا بعطر كوكو تشانيل ولا بليجر...... احسن شي القديم) يعني بعدين مادري وش اقول لاكن امتمنى انك تقتنعين وتحذفين هالمواضيع ...........وانتي ابخص تشكرات.............شكرا |
29-04-2003, 20:33 | #36 | |
|
إقتباس:
عبدالله التميمي يويلك من الله طيب لو انبرد لسانها وشلون بتفضفض اخوي عبدالله / احسب انا اللي بلحالي اتأثر بالأفلام اثاريك عندي وعندك خير ذا فيلم هندي ياخوي عبدالله نصيحه اذا كان اسمها سديم على ماقلت لاتدلعها بموزه علشان مايصير مصيرك مثل الرجّال اللي ركض بالسوق علشان تصدقني ان الجلافه مالها حل عندكم الله مير انك تحييه |
|
30-04-2003, 14:20 | #37 | |
|
Re: Re: ليه ياشبابنا ماتصيرون مثل ممثلين السينما !؟
إقتباس:
خالد التميمي الله حيه انا ماأقصد بأشكالهم في معنى الموضوع أنا اقصد التصرف العام , بمعنى أن الممثل مايمثّل نفسه , لكن انا أقصد المعامله بطريقه حضاريه , مايعنيني الممثل بقدر مايعنيني الأسلوب المفروض يكون,, وللي الممثليين يتقنونه علشان يكون مثل لغيرهم , لأن بعض المسلسلات تطرح فكره صحيح احياناً تكون مثاليه , لكن نحاول نتبع الشيء اللي نحس انه صح . اتمنى اكون وصّلت الفكره . وردك مفحم للي يهمه المظهر وليس الجوهر . شكراً لمرورك ومشاركتك . |
|
01-05-2003, 08:06 | #38 | |
|
Re: سلفستر ستلوني ............
إقتباس:
صراحه استغربت انفعالك على الموضوع , وأذا تشوف ان نظرتي قاصره انا اشوف ان نضرتك قاصره لأنك مفروض ماتعم ! واكيد تبني على أمثله تكون قدامك على البنات اللي ريحتهم مطبخ ! وكون اني احذف المواضيع هذي صراحه طلبك غريب ! وياليت تشوف الموضوع وباقي الردود علشان تعرف فكرة الموضوع ! شكلك شفت اسم جواد العلي وجري على الكيبورد ! وأذا فهمت الفكره وما أقتنعت احترم رأيك وانت حر فيه لكن ماتلغي رأيي في الموضوع ! ولا لك أي صلاحيه تغيّر من افكاري الاّ بالأقناع والحجج ! ماهوب بالأنفعال وطلب حذف المواضيع ! وعموماً وجهة النظر كامله هنا في ردي على راعي العنود زيادة معلومات ! الموضوع هذا أصلاً تكمله لموضوع ( ليه ياشبابنا ماتصيرون مثل ممثليين السينما ) والموضوع هذا الله يسلمك انت مارديت عليه ! يعني لو كنت قريت الموضوع كان وصلت للفكره اللي انا ابيها ! احس انك تسرّعت وأخذت الفكره من جانب واحد !! وانا هنا بأرد عليك كأنك قاري الموضوع علشان يكون فيه تواصل بالفكره ! أنا شبّهت اللبنانين بالمعامله لزوجاتهم مثل الأجانب .. انا ماأقصد بأشكالهم في معنى الموضوع أنا اقصد التصرف العام , بمعنى أن الممثل مايمثّل نفسه , لكن انا أقصد المعامله بطريقه حضاريه , مايعنيني الممثل بقدر مايعنيني الأسلوب المفروض يكون,, وللي الممثليين يتقنونه علشان يكون مثل لغيرهم , لأن بعض المسلسلات تطرح فكره صحيح احياناً تكون مثاليه , لكن نحاول نتبع الشيء اللي نحس انه صح . يعني لباقته مع بنته و اخته و امه مع زوجته ! حتى الواحد والعيال ينشئون ماعندهم عقد نفسيه ! يعني لما واحد يعامل زوجته معاملة الند للند ماهو بأحتقار زي ناس كثير ! بيلاقي من الزوجه خدمه وتفاني اكثر وراحه نفسيه تنعكس على البيت كله عليه وعلى عيالها ! !! لكن التعبير عن المشاعر الهدوء الحنان الممثليين أنفسهم هم ماهم قدوه كأشخاص , ليه مانصير رومانسيين في المعامله , ليه الجفاف في الكلام الحلو مابعد الزواج , ليه يكون في فترة الخطبه بس , هذا المقصود , ساعات انا اشوف زوجات يتفرجون على مسلسلات أو افلام يتأثرون كثير ويتفاعلون مع الموضوع والكلام الحلو ويتحسرون على ازواجهم ليه مايكونون كذا !؟ وردك مفحم للي يهمه المظهر وليس الجوهر . وبالنسبه للأجنبيات نادر للي تتأقلم مع طباعنا وعباياتنا وعاداتنا وتقاليدنا ! وبالمقابل تكون نظرتها ماديه بحته ! أما بالنسبه أنهم يسألون اللبنانيات عن صلاته ودينه فهذي أشك فيها !لأنه زي ماتفضّلت الأجانب السوريات واللبنانيات يقيسون بالكم وليس الكيف ! عموماً كل موضوعي أذا أنت أخذته من محمل تسفيه في رجالنا السعوديين فأ أسمحلي مافهمتني صح ! لأننا كبنات سعوديات مانرضى بغير السعودي زوج لنا , ماحاك جلدك مثل ظفرك , أي سعودي ممكن ينسجم مع اجنبيه , لكن البنت السعوديه لايمكن ترضى تاخذ اجنبي , لأعتبارات كثيره منها أصل وفصل ( والعرق دساس ) والدين والشهامه أذا عطى ربي منها لبعض الرجال ولا هم كلهم ! مانقدر تحكم بعد على السعوديين وغير السعوديين انهم ملايكه ! هذي تخضع الى من رحِم ربي ! والمسائل تخضع في النهايه الى النصيب ! وهذا ماهوب لب الموضوع ! وبالنسبه للسعوديات ياكثر للي تهتم برشاقتها ولبسها وثقافتها ودائماً تحب تتطور من نفسها , انا أقيس على أمثله قدامي , أنا اتعايش معها , . وهذا مايعيب امهاتنا في شي , هم وبرغم هالأمور ماكانت محور اهتمامهم ,ألاّ انهم اكثر ناس عانوا من المسئوليه الكامله قبل وجود الخادمات في البيوت , يعني معذورين على أي حال , طبخ ونفخ وغسيل وكوي ومشاكل عيالها وتهتم فيهم وعزايم مسكينه ماتخلص من هنا الاّ ذبيحه من هنا ! طبيعي انها ماتلاقي فيه فرصه تهتم بنفسها , اعتبرهم مكافحات وقدوه لتحملهم كل اعباء الحياة , وبرغم كيذا تلاقي الرجّال ( بعضهم ولاهوب كلهم مايناديها الاّ ( الهيس ) ولاّ ( انتي ) حتى اسمها يترفع يناديها فيه , جعل ماجاهم تكفير! , هذا واقع أذا انكرته احترم رأيك لكن هذي قناعتي ! وعلى ماقال مشرفنا طيب القلب اليحي العتب مرفوع و الزعل ممنوع , واتمنى أن يتسع صدرك , الأمور كلها من سعه , ورأيي ورأيك مايغيّر شي من الواقع تشكرات |
|
02-05-2003, 11:26 | #39 | |
|
إقتباس:
الله حيه مره ثانيه وثالثه كأنك عارف انا مارتحت الاّ لما شفت ردك , لأن الديوانيه بالذات الهدف سعة الصدر وتنفيس عن الجديه شوي !ويهمني انه ماأحد يزعل , خاصة نقاشك مبني على الأحترام والتقدير للعضو بأسلوب راقي ومهذب , يتهيألي حتى لوانت غلطت بطريقه غير مباشره ماكنت بأحس فيها, من اللباقه اللي كانت في اسلوبك ! الف شكر على تواجدك وانشالله ماتكون آخر مره تحياتي لك |
|
06-11-2003, 17:01 | #40 |
شـــاعرة
|
مساءكم خير ونور رداً على موضوع نواف للعزاب فقط مالقيت غيره ولا نشوف واحد رجال ماهوعاجبه يوطوط من هنا |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|