[بـندر العبدالكريم]

عندك خبر ؟ يابعد كل العمر إنك انتِ الحلم , وايامي تمر لا الحلم يصبح حقيقه ولا العمر يوقف دقيقه والأماني ؟ الأماني صعبه , والأصعب طريقه ! أبتعد ويردني شوقي إليك واترك اللي يلومني بحبك واجيك ونلتقي بنظره حزينه نلعن الحب وسنينه وانا مو هاين علي , وانت مو هاين عليك ! " نفترق " ؟ كلمه صعبه حتى أصعب من لقانا لو تعب منّا غلانا ولو نزف فينا الصبر ! وهذا انا جيتك حبيبي قلت احط عندك خبر !

[بـندر العبدالكريم]

صباح الورد صباح اجمل من الضحكه .. على شفة طفل فرحان صباح اعذب من الرشفه .. تعانق لهفة الـ عطشان رقيق بـ رقة احساسك عبيره من شذى انفاسك وسرق لونه من احلى خد صباح الورد صباح الخير صباحٍ كل شي به غير بدا من نص ليل الأمس بدا من يوم جيتيني , وقلتيلي بـ سكوت وهمس : أنا القمرا وانا النجمه وانا الليل وشروق الشمس وانا الأشواق ماله حد ! يـ أجمل وجه انا شفته وأطيب قلب عاشرته صباحك خير صباحك حُب صباحك يابعد عمري , صباح الورد

[بـندر العبدالكريم]

ما ألومك لو سكتي .. لو خذيتي بـ خاطرك مني , وزعلتي ولو تردين ابّرود أو تجافيني وتبدين الصدود إنتِ حسيتي اني ظالم واني قاسي , مايهمه لو جرح كل المشاعر .. واني أحكم بـ المظاهر وان لي قلبٍ حجر .. ولسان شاعر ! واني رجعي , واني جاهل ! والحقيقه : إني عاقل .. وان بي غيره .. ولي تفكير عارف وان عقلي ماتسيره العواطف وماتأثر فيه يابنت السوالف .. وبعد ذا كله تراني ماألومك لو سكتي .. ولو قريتي اللي كتبته ومافهمتي وحتى لو انت زعلتي , أو رحلتي .. آنا في كل اللي قلته ,, ماني آسف !

[بـندر العبدالكريم]

نحن نُعقّد تعريف الحب كثيرا وإلا فـ إنه ببساطه كل الأشياء الـ غير عادية , وكل التصرفات الـ لا منطقية .. ولذلك فـ أهله أقرب للمجانين منهم للعقلاء .

[بـندر العبدالكريم]

" ووه فديتك " كيف اببعد , وانا ماصدقت إني يابعد عمري لقيتك ! إنت لو تدري بـ غلاك ماتشك لو لحظه وحده , وماتساورك الظنون .. انت لو غمضت عينك كان شافت فيني روحك قلب لايمكن يخون .. وانت تعرف - واللي زيّن صورتك - إني قبل تجيني مرتاب وخجول شلت روحي , فوق كفّيني وجيتك !