[فيصل الخالد]

السلام عليكم ورحمة الله وبركاته

السؤال لشاعرنا فيصل

يقال ان قصيدة رجل اعمال كتبتها في صديقك المقرب محمد الشهري هذا صحيح واتمنى اطلاعنا على تفاصيل الموضوع ومن يقف خلفه حتى يتسنى لنا معرفة الكثير والكثير عن الفكرة ومايدرو حلوها من تفاصيل يقال انها حقيقيه



والشكر موصول

اخوكم

مدغم ابو شيبه


---------


هلا بو فهد الله حيه

لا تلعب بالنار لا تحرق صبيعك


المشكله يابو فهد ان الشهري يوم نزلت القصيده هذه حاول يلزقها بظهر واحد ثاني خوين لنا نقل الرياض الله يسهل عليه

والقصه تلاقيها مذكوره في القصيده واعذرني ما لقيت لك الرابط الحين "سوداني ما له خلق يدور"


لكن يتهيء لي والله العالم انك تعرفها قد ما اعرفها ولا نفضح الرجال



بس بما انها فرصه ذهبيه وما لي ذنب لان نواف والبكر قالوا لازم تكون الردود صريحه ومباشره

فبقول لك انها يمكن فيه ويمكن في غيره

هلا بك يابو فهد واتمنى اشوفك قريبا في شعبيات

اخوك
فيصل

[فيصل الخالد]

اخوي الغالي / نواف الشمري

يا هلا ويا مرحبا بالاجودي الي يجي ويروح ما درينا عنا


:شرهان الى الان

بس شرهتي والله من غلاك يابو حمود

ردا على اسئلتك


* سبق أن اعترفت بأنك تجامل احيانا في ابداء اعجابك بنص ما .. الى اي مدى
تؤمن بضرورة المجامله في الشعر يافيصل ؟ وهل نستطيع ان نقول انك تخشى ان تكون صريحا
لكي لاتخسر أحدا ؟


شوف وانا اخوك
انا ما قصدته بالمجامله هو التمليح الغير مباشر بان القصيده عاديه

واذا تذكر فانني قلت ان تكون القصيده سليمه وززنا وقافية "وكاني ما قلتها فيعلم الله باذن هذا ما قصدته" ولكن تكون قصيده عاديه فانا ارى انه من باب التجريح ان
تقول قصيده عاديه لان الناس اذواق وقد تعجب غيرك والكلمه الطيبه والتلميح المباشر يجيبون نتيجه ايجابيه اكثر من النقد المباشر

هذه تبقى وجهة نظري وقد اكون مخطيء


* ماذا أعطاك الشعر ؟ وماذا أخذ منك ؟
اعطاني محبتكم ومحبة امثالكم من الاناس الطيبه والتي لا تقدر معرفتها بثمن

واخذ مني
راحة البال في وقت الفراغ ان وجد




* بصراحه .. هل الشهره غايه بالنسبه لك تبحث عن تحقيقها من خلال الشعر ؟

اي شاعر ينظر للشهره على اساس انها غايه فهو شاعر يلهث ورى احلام قد لا تكون في مكانها الصحيح


من وجهة نظري الشهره وسيله لتبليغ رسائلنا الاجتماعيه والدينيه والوطنيه والعاطفيه



نواف الف الف شكر وحياك الله باي وقت

اخوك
فيصل

[فيصل الخالد]

الغالي القدير / ابراهيم الرشود

يا هلا ويا مرح-با يابو خليل وكل عام وانت بالف صحه وسلامه يا غالي


الف شكر على كلامك الطيب وكرم مشاعرك والله لا يحرمنا منك يا بو خلو

ردا على سؤالك




*ماذا يعني لك هذا الحب الذي تحاط به من الجميع ..؟



يعني لي الكثير والكثير

يعني لي السعاده

يعني لي الامان والدفء

وويذكرني باغنية مزعل الفرحان الشهيره " لسه الدنيا بخير يا حبيبي لسه الدنيا بخير"

ويذكرني بنعم الله سبحانه وتعالى علي


وهل أنت تراه .. أم تسمع به فقط ؟

اراه واسمع به واعيشه في كل مره اتلاقى اتصال من واحد منكم او التقي به ويعلم الله اني صادق فيها


الف شكر يابو خلوا والله لا يحرمنا من محبتك وتواجدك معنا يا غالي


اخوك
فيصل

[محمد علي العمري]

الأحساس / فيصل بن خالد

طال انتظاري لهذه المقابلة ..

فأنت متحدث لبق ..

وشاعر يكتب بأحساس مفرط في العذوبة ..


وأنسان صريح جداً ..

وصاحب تجربة ثرية على المستويين الأدبي والأجتماعي ..


كل هذا جعلني في انتظار دائم لهذه المقابلة ..



ابو خالد ..




1. تتحدث دائماً عن ( طنبق طنبق ) سواءاً في المنتدى أو في الجلسات الخاصة ..

هل هناك شعراء في الساحة الشعبية من نوع ( طنبق طنبق ) ؟!!

وإن وجدوا فعلاً كيف تستقبل نصوصهم وانت بينهم وكيف تستقبلها وأنت خلف شاشة الكمبيوتر ؟!!





2. تكتب التفعيلة وتكتب القصيدة العمودية ... بإجادة

مع ذلك تذهب المواقف الحقيقية للتفعيلة ( غالباً )

وتذهب قصائد الفكرة والقصائد الساخرة للعمودية ..

فما السبب .. ؟!!


3. حدثنا عن سبب توقف مشروع تعاونك مع الفنان راشد الماجد .. ؟!


4. ماسر شعبيتك الكبيرة في مملكة البحرين ..؟!







لازال للشوق رغبة .. !!



ربما أعود

[نواف الشمري]

من ايميل بوح القوافي ..

رساله واستفسار .. من الأخت / جنون .. تقول :

بسم الله الرحمن الرحيم

الاخوه مشرفي بوح القوافي في منتدى شعبيات

اشكركم جزيل الشكر على استضافة الشاعر فيصل الخالد لانه بالفعل شاعر رائع وأنا من متابعين قلمه المحزن الساخر

لدي سؤال واحد فقط
أخ فيصل
في احدى لقائاتك الصحفيه والتي نقلها احد الاخوه في منتدى النداوي منذ قرابه العام لاحظت ان جميع اجاباتك تحمل طابع الغرور وشعرت بالندم الشديد لانني فعلا كنت ومازلت معجبه بقلمك ولكن يا شاعرنا لماذا الغرور ؟ احذر فلك محبين يتابعونك وانت محاسب على ما تقول

واسفه جدا اذا اخذتم سؤالي على محمل غير محمل الاستفسار و اعطاء الفرصه للتبرير

بنتكم
جنون

وبدورنا .. نشكر الأخت جنون على المتابعه والمشاركه في
لقاء الصدق والمحبه ..


.

[فيصل الخالد]

اختي الوتين

وعليكم السلام ورحمة الله وبركاته

وهلا بك

كل هذه الاسئله وعلى عجل اجل لو تفرغتي لي وش صار

1-ماهو رايك في شخصية كل من ( من جميع النواحي ) وتعليقك على كل شخصيه بتفصيل ممل جدا

التفصيل الممل يا اختي الوتين صعب جدا وخصوصا انك ما شاء الله حطيتي لسته طويله واغلبيه من وضعتي اسمائهم لو باكتب عنهم بالتفصيل الممل احتاج لموسوعات من طيبهم ولكن الجود بالموجود وانا باختصر لك على طريقه اول شي يحضر بالي عندما اذكر الاسم:

ابو نوت: النسيان + الحكمه + التواجد الدائم مع خاصية التخفي + الطيبه + الخبره + التمهل + محبوب جدا + جلسته حلوه

عبدالرحمن الربيع: من المقربين لصدري جدا + وسيع صجر + خفيف دم + جلسته ما تنمل + حبوب جدا + طيب + ممكن امسك وياه خط جده رايح جاي عشرين مره من غير ما ازهق

خالد بن تركي: اخ عزيز وغلاته من غلاة اخوه لكنه غير متواجد فشعبيات لا تشكل له المقام الاول ولكنه ان تواجد فتواجده راقي


عبدالله البكر : الجندي المجهول لشعبيات + موجود في كل الاقسام + طيب + محبوب + متحفز + مثقف + مجتهد + اسلوبه مميز + احبه محبتي لاخوتي ويعلم الله اني صادق

روح الحنان: للاسف ما اعرفها وهذا قصور مني في التواصل فمنك ومنها السموحه

الريم: رررررررررررايقه وتحب مواضيع الخمبقه

نواف الشمري: عسسسسسسسسل وخلوق وحبوب وينحب من اول جلسه ويجي الشرقيه كثير بس ما يدق علي لان عبيص محتكر وقته حسبي الله على ابليس عبيص

محمد الحراب: من اطيب شباب شعبيات + وسيع صدر + يجب السوالف + يموت بالشعر + واهم ميزه فيه انه يحبني
نجلا : اخت كريمه واخلاقها عاليه وتواجدها جميل

راعبيه: مخرشوه وقت الخرشه ورسميه وقت الرسميه واخت غاليه

صالح العبدالكريم : مقلللللللللع ورسمي في نفسي الوقت وتواجده جميل لكنه مزاجي في تواجده ويبي له حبة خشم عشان يجي الديوانيه طال عمره

وحش: قلبها طيب وما تزعل بسرعه

عبدالمحسن بن سعيد: شاعر خطير مرررررررررررعب ودمه خفيف اذا دخل بيوزر ولد الهاص

محمد الشهري: انسان غير خلوق + عديم الذوق + ما يستحي على وجه + انسان غير منظم + دائما متاخر في مواعيده + مهمل جدا لكني احبه واموت فيه واعتبره الاخ الذي لم تلده امي

خالد التميمي: حكمه + عقل كبير + قلب كبير + اخلاق عاليه + تأني + عقله عقل رجال عمره 80 رغم انه ما زال Under Age



2- شخصية تمنيت اني اذكرها هنا وسقطت سهوا
ابراهيم الرشود + العنقري + عكاشه + ضاري باالعطا + محمد العمري + الجازي + نوره + الوتين

من الشخصيه التي تعجبك في منتدى شعبيات ?? والعقليه اللي تعجبك في شعبيات ؟

يصعب علي الحصر لان اغلب الموجودين يتمتعون بعقليه كبيره ولله الحمد


3- خولت لاعطاء 6 اوسمه فقط بالقابها من هم الاعضاء / العضوات الذين يستحقون هذه الاوسمه من وجهو نظرك وبالترتيب ؟ وماهي مسميات هذه الالقاب ؟
انا باعطيك اول ستة اسماء تجي في بالي ولكن كلها تتساوى في الترتيب من ناحية الاهيمه والجميع فيهم الخير والبركه

1- الاب الروحي لشعبيات: ابونوت
2- الجندي المجهول لشعبيات : عبدالله البكر
3- قلب شعبيات الكبير : نواف الشمري
4- فيلسوف شعبيات المزيف : محمد العمري
5- سنفور غاضب شعبيات: خالد العنقري
6- متنح شعبيات الرسمي : محمد الشهري


ماهو رايك بموضوع " كل هذا من اجل خمسة ريالات " وماهو سبب عدم مشاركتك به ؟
والله انه موضوع قمه قراته على عجاله ولم اشارك فيه بسبب ضيق الوقت اولا وبسبب الفشيله لاني مدخن ثانيا


سؤال في ذهنك تبحث له عن اجابه وحيرك من فتره طويله ؟
هل القط السعودي يعلم انه سعودي ام يعتقد انه قط هندي ويحتاج لتجديد اقامه ؟




الف شكر على تواصلك واسئلتك المرهقه وحياك الله في اي وقت تشرفين

اخوك
فيصل

[فيصل الخالد]

اخوي الغالي الخلوق / خالد البوعنين


الف شكر على كلامك الطيب وذوقك واخلاقك يا طويل العمر


وردا على سؤالك

:

_ هل ما زال النت متنفس لكل شخص , ويبعده عن رسميات الحياة اليومية في ضل تواجد الجميع بأسمائهم الصريحة وصورهم أيضا ً ؟

والله يا خالد بالنسبه لي نعم هو المتنفس والجزيره الرايقه التي اهرب لها من رسميات الحياه واتمنى ان الكل ينظر له بهذه الطريقه لكي يستطيع ان يجد الفائده والمتعه اما اذا نظر للنت كدوام او مكتب لازم يجلس وهو مسكر الياقه فلن يكون طبيعيا ولن يتصرف بطبيعيه على الاطلاق مما يقلل عنصر المتعه والفائده من وجهة نظري


والف شكر على تواصلك لا عدمتك

اخوك
فيصل

[نواف الشمري]

وصلتنا غيمه محمله بالمطر ..
على ايميل بوح القوافي ..


من الشاعر نواف الدبل ..

مساكم الله بالخير جميع

و اشكركم على استضافة شاعر شهادتي فيه مجروحه

فيصل الخالد



فيصل انا باسئله كمتابع و معجب.. مو كأخ و قريب جدا



السؤال الاول

قصيدتك تحمل اما قمة السخريه او قمة الحزن و تكتب الثنتين بتميز

ايهما يجد فيصل الخالد نفسه فيها و لو طلب منه يختار عين من هالعينين يشوفه فيها جمهوره فاي وحده بيختار؟

السؤال الثاني

اين يقع الشعر في اولويات فيصل الخالد

السؤال الثالث

تلقيت عرض لكتابة زاويه مستمره في مجلة اصايل
هل سنرى فيصل ككاتب في المستقبل القريب

السؤال الرابع

تربطك علاقه قويه مع النجمين محمد الشهري و مدغم بو شيبه فمن منهم يسمع قصيدتك قبل الاخر و من منهم تسمع رايه بالاذن الصمخه

السؤال الخامس

ماذا يعني لك الناقد بدر بن هايف الفغم و هل كان له دور في وصول قصيدتك الى هالمرحله من الابداع



الاسئله كثير و هاذي فرست راوند

و لي عوده


نواف الدبل

ونحن بقمة السعاده لمتابعتك ومشاركتك في اللقاء
يانواف ..
شكرا للمطر الذي جاء بك هنا ..


.

هلابك يابو خالد

عندي سؤال تراني اتكلم جد يا دبان

انت تبليت علي وكذبت علي وش الاسبببببببببببببباب يا فيصل ؟

وسؤال يسدح نفسه بعد وش تعني لك كلمة .. مندي



- الاب الروحي لشعبيات: ابونوت
2- الجندي المجهول لشعبيات : عبدالله البكر
3- قلب شعبيات الكبير : نواف الشمري
4- فيلسوف شعبيات المزيف : محمد العمري
5- سنفور غاضب شعبيات: خالد العنقري6- متنح شعبيات الرسمي : محمد الشهري


خخخخخخخخخخخخخخخخخخخ

حسبي الله عليك ومسموح ما جا منك يالاطخم

[نـويحـي البديري]

الرائع نواف الشمري

انت وضيفك عزيزين علينا
الله يعطيك العافية اخوي




انتظرني لي عودة

[مرزوق بن فيحان]

فيصل الخالد ...



مساء الخير .. كيف الحال ..



بصراحه انا مااحب اسأل بس بغيت اقولك سلم لي على نفسك وعلى مدغم ابوشيبه وقله اني احبه كثيرن جدن ..



اخوك // مرزوق بن فيحان ..




شكرا ً نواف الشمري

[خالد التميمي]

.



فيصل ..

أنت أجمل من الثناء .. وكفى ..


لنبدأ..






السؤال الأول:

كانت بداية الشاعر فيصل عن طريق القصائد الحرّة وشعر التفعيلة .. ولكن سرعان ماتغيّر الإنشاء والطرح حين وجد فيصل غايته في الشعر العمودي المقفّى..


[list]
ماهي تلك الغاية .. التي دفعت فيصل للعزوف عن شعر التفعيلة.. بالرغم من امتلاكه للكثير من أدوات التميّز في هذا النمط؟
اين ترجح كفّة الذائقة الأدبية .. بين الشعر التفعيلي والشعر العمودي .. عند جمهور فيصل؟[/list]

السؤال الثاني:

فيصل الدبل.. إبتسامةٌ من حزن !
يخفي فيصل الكثير من حزنه .. بين طرفة حديثه .. وبساطة تعامله .. ومما لاشك فيه .. هو عدم الشروع في شخص فيصل .. ولكن يبقى السؤال عن ماهيّة الشعر ..

لماذا يتجنّب فيصل .. البوح الحزين في قصائده .. بالرغم من محاولاته السابقة والناجحة على حسب رأي الكثير ؟



السؤال الثالث:

القريب من فيصل .. يلاحظ تأثيره الإيجابي على من حوله .. سواء كان بالعاطفة أو ردة الفعل .. ولكن أيضاً يُلاحظ سرعة تأثر فيصل في من حوله .. حتى وإن كان هذا التأثر سلبي .. ففي قصيدة روبي .. كان هناك شيء أشبه بالمغامرة الأدبية .. بالرغم من عدم إقتناع فيصل في الفكرة ( سابقا)
[list]
ترى هل كان هناك شخص وراء تبنّي فكرة الكتابة عند فيصل ؟
إذا كانت الإجابة بـ نعم .. فهل قام ذلك الشخص بخوض هذه المغامرة قبلك أم لا ؟
واذا كانت الإجابة بـ لا .. لماذا إذاً أشار عليك بالقيام بها ؟[/list]

إجابات صريحة .. الله يخليك !



السؤال الرابع:


ماالذي يدفع الشاعر لكتابة قصيدة .. يخجل من قولها أمام العامّة .. وهل صحيح أن هناك قصائد غير صالحة للنشر .. ( ولماذا)؟





وشكراً أولاً وآخراً يابو خالد ..
ولي عودة .. إن شاء الله

[نـويحـي البديري]

اخوي فيصل الخالد انا سعيد بالتعرف عليك
من خلال هذا الحوار الجميل ورغم حداثتي
في الموقع الى انني اكتشفت ان فيه اقلام
جميلة وصادقة وانت واحد منهم اسمح لي
ببعض الاسئلة التي اتمنى ان تكون خفيفة
عليك


س1/ في ظل هذا الزخم من القنوات التي تهتم بالشعر
من مجلات وصحف وقنوات وانترنت كيف ترى مستقبل
الشعر في السنوات القادمة


س2/ ماهي الاشكال المحببة الى قلبك من الشعر
التفعيلة ام الموزون والمقفي


س3/ هل ترى ان الشعر قادر على معالجة قضايانا
العربية واين انت من ذلك


س4/ تقول الاخبار ان فيه قناة تعمل على ان يكون
من ضمن برامجها الشعرية سوبر ستار اسوة
بالبرنامج المذكور كيف ترى ذلك وهل يخدم الشعر


س5/ الامسيات الخاصة او امسيات الاعراس هل
دعيت الى امسية وقبلت الدعوة وهل تراها ظاهره
صحية




شكراً اخوي فيصل

[شير طلوا]

الله يمسيكم بالخير

والف شكر يا نواف على تقديم ضيفك المهضوم فيصل


اخوي فيصل الله يحييك عندي كم سؤال ودي تجاوبني بصراحتك المعهوده


س1_يقال ان فيصل الخالد فيصل الدبل مهدي ناصر السبيعي سياره ماي باخ ما صحت هذا الهدية وشلون قدرة تشحنه للكويت مع البسامي ولا ناصر ماخذها من الدمام؟



س2_يقال ان روبي رافع قضية عليك بسبب القصيدة وانك كاتبه بالعاني علشان تحتك فيك وش ردك ؟





س3_وانت طالع للبر وغرزت سيارتك او تعلقت وش اول شي تفكر فيه تسفيطة الشماغ ولا كيف تفاتح اللي معك ينزلون يدفون ؟


وسلامتك



ولك كل الحب والتقدير

[فيصل الخالد]

اخوي الغالي – فوزي المطرفي

الف الف شكرعلى اطرائك الرقيق لا عدمتك وانا الي مدين بالكثير لمنتدى شعبيات الي عرفنا وجمعنا فيك وبامثالك لا عدمتك

ردا على اسئلتك


كيف هو حال الشعر ؟ وهل خذلك يوما ً ؟
الشعر يسلم عليك ويقول لك هو بخير وبالف صحه وعافيه
بس من جد الشعر ولله الحمد في عصرنا الحالي ومع تعدد وسائل الاعلام ونجاح اغلبها في ايصال شعر حقيقي للمتذوقين والمتابعين في احسن حال فانا ضد المتشائمين بخصوص هذا الموضوع لاننا نعيش عصر ذهبي للشعر الشعبي بانواعه بما يتضمن الغنائي والنثر والتفعيله وعندك على سبيل المثال لا الحصر شوف شعبيات وكم قلم رائع وجميل تضم وغير شعبيات من المنتديات الناجحه وعندك المجلات الشعريه وماتقوم اغلبها به من درو فاعل وفعال في ايصال اصوات ومشاعر الشعراء للعامه

اما من ناحية هل خذلني الشعر يوما فنعم في كل مره احاول ان اكتب شي في امي اجدني ومشاعري وموهبتي الشعريه اقزاما امامها الله يطول بعمرها ويشفيها ويعافيها يارب

والي خذلني اكثر من الشعر هم الشعراء فبعض المتسلقين يا فوزي فعلا يسببون لك احباط وخصوصا المنافقين والوصوليين من الشعرا والذين لا يهمهم سوى الشهره الفاضيه ولا يهمهم كيف الوصول اليها ويقومون بالتضيحه بانفسهم اولا ومن ثم مبادئهم وبمن حولهم للوصول الى اهدافهم



هل العلاقات تصنع شاعراً نجماً .؟
قد تصنع العلاقات من مستشعر شاعرا لفتره قصيره جدا ولكن هل ستستمر نجوميته ؟ لا اعتقد على الاطلاق لان البقاء للافضل او للاشعر والاعلام يستطيع تقديم و فرض انسان معين لفتره معينه ولكن في نهاية المطاف القرار بيد المتذوق والقاري والمجلات تريد ان تبيع ولو استمرت في فرض المستشعرين فهي بهذا تقوم بفقدان القراء وبالتالي المغامره في انجاح وابقاء المجله ككل لذلك وجب على كل مطبوعه تقديم شعراء حقيقون وبعضهم يقوم بزج بعض المستشعرين مع الشعراء الحقيقون على سبيل المجامه او التجاره او النفع وسرعان ما ينكشف ستار هؤلاء المستشعرين وتتخلى المجلات عنهم



لماذا تسكن في السفر ؟
هذا السؤال وجهه للرئيسي

وعلشان اجاوبك بوضوح اكثر ضروف عملي تحتم علي كثرة السفريات ولو الود ودي لقدمت جواز سفري الى ادارة الجوزات وقلت لهم عطوني فلوس بداله ما عاد ابي اسافر بس الشكوى لله والعمل واحكامه اقوى مني

هلا بك يا فوزي وشرفت ونورت واسعدتني اسئلتك لا عدمتك