[مها العيسى]

يـامـوجعـة ؟!!

قمت أدور في زوايا البيت عنك
يمكن ألقى ريحه منك
سمعت صوتك ينطق إسمي
قمت أدور والتفت .. لقيت حزني
في الزوايا .. في المرايا يمتحني
صوتك الغايب جرحني
وانتهك صمت المكان
/
هُنـا يبقـى
الصمـت سيـد الكـلام !!

هـمـس

[أسامة العميريني]

آآآآآآآآآآه ماأجمل ماقرأت هنا ..
منتهى انتهى الكلام امام ابداعك ..
مودتي ..

[منتهى القريش]

نهال

شكرا كثيرا لهذا الحضور العذب ..
عافى الله والدة صديقتك وأمد في عمرها .. وعمر أمهاتنا جميعاً ..

شكراً مرة أخرى للدعوات الصادقة .. لا عدمتك ..

كوني بخير ..

لقلبك الود والورد ..

[منتهى القريش]

مرعي ونيس

يكتمل الإبداع بحضور قامة سامقة كـ أنت ..

لك الود والورد والإحترام ..

[منتهى القريش]

النواره .. نورة العجمي

كثيراً يسعدني حضورك يا غالية ..

شكراً لله عليكِ ..

كل الود لقلبك .. قربك ..

[منتهى القريش]

نوره

ولحضورك نكهة الهيل والزعفران ..

شكراً كثيراً لأنكِ هنا ..

ود وورد ..

[هند سليمان]

يمه قومي
الليل قرب
من يغطيني برموشه
لين أنعس ثم أنام

يمه نمتي!
ما حكيتي لي حكاية قبل أنام!
كيف أنام؟
أخاف أشوف أشباح بُعدك في المنام

يمه بكره
كيف أروح المدرسة
من يجهز لي الحقيبة
منين مصروفي أجيبه
يمه ردي
أحتري ردك بلهفه
وانتِ تدري
إني طفله .. حيل يتعبها الكلام

من يلم شعري .. من يسوي لي ظفيره
من يبشرني بجية خاله نوره
من يرتب لي كلامي قبل أجيها بـ احترام
من يعلمني على رد السلام

يمه بكره
راح يعطونا نتيجة لـ امتحان
وانا إحساسي بهاللحظه مُهان
كل سؤال .. كان عندي له إجابه
ما عدا هاك السؤال
وين أمك؟
تنتظر حزة رجوعك من زمان؟
تطفي جوعك لـ الحنان؟

كيف أجاوب وبأمانه
كيف أقول وبأي غصه
أمي ما عادت معانا
سمعتهم في البيت يقولوا ..
الله واختار الأمانه

قمت أدور في زوايا البيت عنك
يمكن ألقى ريحه منك
سمعت صوتك ينطق إسمي
قمت أدور والتفت .. لقيت حزني
في الزوايا .. في المرايا يمتحني
صوتك الغايب جرحني
وانتهك صمت المكان

يمه بكره راح أكبر واتزوج
من يجهز ثوب عرسي
من يعلمني ..
كيف على زوجي أمسي
أخاف أحلم
أخاف أصحى من حنيني
وحتى حلمي ما يبيني
بعد ما يفوت الأوان ..

يمه ردي
قولي إنك تمزحين
قولي إنك نايمه .. وراح تصحي بعد حين
يمه والله الموت قاسي
وانتِ تدري من زمان
صعبه إنك تتركيني وترحلين
ويش اقول
لما تسألني الوساده ..
وين أمك؟
أروح لـ القبر اللي ضمك
اسأله عنك واقلب تربته
يمكن القى فيه حضنك
واحس بشوية أمان ..

يمه قومي
وحشه صاير هـ المكان
الليل قرب .. وانتِ بعدك نايمه
روحي صارت هايمه
كيف أنام؟
وكانت ايدينك معايا تحتضني
كيف أصدق هالحكايه
كيف أصدق ..
إنك إنتِ غبتي عني
يمه محتاجه الـ حنانك
والله محتاجه الـ حنانك
وين أدور عن حنان؟..

اقتبستُ كُلّ مادُوّن هنا .. لجمالها ..
فلم أستطع تحديد جزء بعينه


شكراً للامتاااع هنا


,,

[منتهى القريش]

عاشق مشاعر

دائماً ما يلجمني حضورك المختلف ويربكني ..
ولن تفي كلمات الشكر جميعاً أمام هيبة كلماتك ..

بكل اللغات شكراً .. وعذراً للألم الذي سببت ..

لروحك العذبة كل الود والإمتنان ..

[منتهى القريش]

رفيق الحزن .. عبدالرحمن الربيع

وهل هناك أروع من حضور كـ أنت .. بك يكتمل الإبداع أيها الجميل ..

لك الود والورد والإحترام ..

[منتهى القريش]

عماد الوافي

شكرا لأنك هنا .. وصح كلك ..

ود وورد ..