25-04-2003, 13:19 | #31 |
موقوف
|
انا لله وانا اليه من الراجعون تعوذو من الشاطان الله يلعنه:'( ياطماااران انته علامك مثل اللي يدربيه السيل ويقول ديمه الرياجيل يتهادون علشان طمره ولا تسنك توحي ياسلملم تعوذ من الشاطان وانا عمك وطمره تراها عشقت زرفيل من يوم اني نزلت العبله وانته والله العظيم ان عوضك عندي واني لاخطب لك البنت اللي تبا عان عان ماتبانا نخطب لك دعجه اخت غزيل الحرمه ماعلاها ولانيب غاشك بشي مره ولا فيها من العذاريب الا ياربي اليا جا تالي الليل ها عانها قامت تصيح ثم تسدني الشخط وتولع فالغرضان ولاهوب عذروب هذا من طيبها سمعت ولا وطمره اتركها البنت ورعه ولاهيب صريةٍ من الصخاين وانا والله يالالا صحبتي لطماران ما نخطبها يازرفيل الخلاااااا عساك بالوهم الادهم يهيب وط السلاح وطه الله لايعيدك ولايعيد عرسك يابدلاان عان يازرفيل والله العظيم لازهم عمك شلاويح يحطك فالحبس هات السلااااااااح ياعرس الندم يااااااااه ياطمااااارااان الورع لايجر علاااانا جريره:'( اللي يحسب لعواقب الامور العاقل/ خربوش |
25-04-2003, 13:54 | #32 |
عضو
|
انا يدربيني السيل واقول ديمه يا خربوش انا ابن ابوي انت ما شفت ورعك زرفيل واهروجة ايبربر نهاره كله المبلي علم ورعك ياخربوش الهروج يكبها عنه قدم تالع الفتنه اللي ما تحمد عقباها انت رجال عاقل وسايس امور ورعك لين الله يفرجها اخو خربوش اللي يفقع التسبود طميران<------ ابو طمره |
25-04-2003, 15:00 | #33 |
من كبار شخصيات الديوانية
|
وش صار؟ صار يدربيك السيل وتقول ديمه والا لا؟ <--- يبي يشبها :": خربوووش فارقني شبر من الحزم انت وورعك عساها تلطك انت وياه ولاهوب كفو يجر جريره واذا شفتوه صاملٍ على السلاح علموني تراه خبل يسويها انتظروا هجائيتي في المبدول زرفيل اللي من يوم هظل علينا ماهظل الخير معه اهبوووووووا جتني فيكم :ton: |
25-04-2003, 15:45 | #34 |
عضو
|
سلملم العيون اللي بسفل التوقيع هذي عيون طمره :fire: :fire: :fire: :fire: ما تشوف انك بديت تد خل بالامور اللي يروح فيها ارقاب :fire: ويجي دمها الى الركبه الشرهه تلحق المبلي زرفيل اللي جالس يحانكك وعووينات انثاه تبلص تحت |
25-04-2003, 16:07 | #35 |
من كبار شخصيات الديوانية
|
ما تشوف انك بديت تد خل بالامور اللي يروح فيها ارقاب هذا خيال ياعمي انا اتخيل بس عيونها تسذا والا خابرن مافيه سعوديه بتصير عيونها تسذا لو احب الخضيراء |
26-04-2003, 19:55 | #36 |
عضو
|
الاخ طميران الرجاء الابتعاد عن مثل هذه الالفاظ وتم الاكتفاء بحذف الرد . اخر تعديل كان بواسطة » عبدالرحمن الربيّع في يوم » 26-04-2003 عند الساعة » 20:35. |
26-04-2003, 19:58 | #37 |
من كبار شخصيات الديوانية
|
كم تصرف من علبه؟ اللي له لدة نظر سلملم الذيب:? |
26-04-2003, 20:21 | #38 |
عضو
|
كانت تصرف جركلين يالذيب:? <------- هذي حراثة مهيب حرمة |
27-04-2003, 06:56 | #39 |
موقوف
|
آآآآآآآآآآآآآآآآآآبو هاك اللحى انت وياه الظاهر انكم كلكم مكاينكم تبي توضيب وانتم نقصكم مافيه ملح تسايد مرتن بلحيل طميران حطيت غزيل حراثه وهيه منول تفت عليك من المضير والسمن ايه يالدنيا:'( والله الظاهر اني ابزعل علاك بس |
27-04-2003, 13:06 | #40 |
عضو
|
والله انك صادق يا خربوش غزيل بنت رجال ولاقصرت معنا وطالبك السموحه يا نسيبي انت توحي وعاني باتسر ابا اجيب المملتس وتملتس علاها والمهررررررررر على حسابي فديت خشمك اللي تسنه كوع لحجي |
28-04-2003, 13:03 | #41 |
ينتظر التفعيل
|
عمي طميران اركد الله يهديك لاتنسى ان طمره حرمنتي ياهوووه يعني مهوب حدي حلف وبس ياعمي الله يطول الاثله اللي عند باب بيتك بس وغزيل امي مهوب كفو سلملم ياخذها وهو يلبس الجنز ولاً يجيب شهاده من مطوع حارتهم انه يعرف يلبس الثوب ويخلي شويربه جتني فيه هو شنبه اللي تسنه خط نمله اللي يعرف يصلح القهوه زرفيل |
28-04-2003, 13:11 | #42 |
ينتظر التفعيل
|
ايه هين ياطميران انت وسلملم تلحقتوا العجوز:fire: لا وحطيتوها حراثه:fire: وتصرف جركلين:fire: من زينك ياسلملم انت ولهاتك اللي تسنها توصيلة كهرب<=== لعنبو التوصيف وانت ياطميران <=== جحد عمه(بس ماله لايم) نسيت المراصيع اللي تزكك بها غزيل كل طلوع شمس مع بريق الحليب لين راح علباك متطرق تسنه علبى بربري الشرهه والله مهيب عليكم الشرهه علي انا اللي اباخذ طمره سلملم مت والله ماتاخذها لو تحمبق وتنمبق وتمرمص وتحمبص بعدين اصلح انا وعمي طميران من دونك هيا اقزع فاللي مايحفظك اللي يحب طمره زرفيل |
30-04-2003, 16:29 | #43 |
موقوف
|
خربوووش فارقني شبر من الحزم انت وورعك عساها تلطك انت وياه سلملم خربوش مفارقك 10 كم لكن انت اللي تلحقه لكن اسمع انت وراسك اللي تسنه قفه واصابعك اللي تسنها كراعين نحمه منول باغين نسعى لك في جواز(يعني عرس) وهالحين مالك الا كوع على راس خشمك مع تحيات خربوش(ابوكوع) |
01-05-2003, 00:24 | #44 |
من كبار شخصيات الديوانية
|
زرفيل جاك زين شنبك اللي تسنه فحطة دباب الله يذكر الموستلج بالخير<--خارج الموضوع خربوش لاتسعالي بشي ليت الله فاكنا منك انت وولدك تسان الامور زينه ونحول وبشار وقرانديزر وتوقفليت<--- مايدري هي صح والا؟ المهم لاتسعالي بشي الله لايشكر فضلك هو بس انت تقدر تخلي البقع اللي انا فيه؟ وتراني شايفن معروفك عسى الله مايشوف للعدو ابا انجلط والسبه هو ويا ولده يا ويح قلبي :ton: :'( [poet font="Simplified Arabic,6,white,bold,normal" bkcolor="white" bkimage="" border="ridge,10,orange" type=2 line=200% align=center use=ex length=0 char="" num="0,black" filter=" glow(color=sienna,strength=4)"] الله ولاعرسٍ سعى فيه خربوش=عرسٍ عليه الهر قام ايحداني [/poet] خربووش الا ابا اسالك ماتسنك اول ماجيت شعبيات بغت تقبس بيننا ونتهاوش؟:? <--ناوين له نيه بس وش هي مايندرى.؟:": اللي مايحب القشر سلملم الطيب:": |
01-05-2003, 06:57 | #45 |
عضو شعبيات
|
يا جماعه استهدو بالله لا تذابحون والسبه بنت طميران ثم علموني من يبي ياخذ البنت ؟؟ ابوها يبي زرفيل وسلملم رايح وطي ..... وخربوش يلعب يمين ويسار :ghost: يمنوي كل شوي واحد وطمره ما احد خذ رايها وبيني وبينها اتصالات ومسنجر وايميلات وواعدتني ترفض كل الي يتقدمون لين اجي على فرس ابيض واخطفها ونسافر بعيد :ha: اذا بتريد يا ابو طمره انا جاهز من الريال الى المليون .... والله يستر علينا من سلملم وعيونه ..... هذا ان كانه ما انجلط على قولته ؟؟ |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|