[مسفر الدوسري]

إقتباس:
الرسالة الأصلية كتبت بواسطة مزون المحمد

يكفيني شرف إختيار المسفر لي ..

الشرف لنا وللكرسي اللي بنبخّره ونعطّره عشانك،حتى توقيعي غيرته عشان ما تقولين إحباط وما أحباط.
وبالتوفيق إنشاالله.

[مسفر الدوسري]

إقتباس:
الرسالة الأصلية كتبت بواسطة جواهر

..غمّض عيونك .. أيش أول شيء جاء في بالك ؟
.....عطرك اللي ماتستغني عنه ؟



هل الشاعر لازم يعيش حالة حب ؟
وهل تعيش حالة حب الآن ومن هي محبوبتك
كل الود لك سيدي

جواهر: يا هلا ومليون غلا...
- غمّضت ..،أشوف أحب وجه لقلبي.
_ بلغاري،وألور..
- الناس كلها لازم تعيش الحب مو بس الشاعر،الحب في نظري فرض عين على كل إنسان عاقل له قلب،الحب أجمل وسيله تخلّي الحياه تستحق العيش.
- طبعا أحب..وأي لحظه تمر من عمري من غير ما أحب تكون أتعس اللحظات وأشقاها،أما أسمها فأنا مثل فيروز"أخشى عليكم ضوعة الطيوبِ" أو مثل ما قالت النجديه "لو أعلّم،ينبت فقلبي جناح"!!

شكرا لحضورك الكريم أختي جواهر

[مسفر الدوسري]

إقتباس:
الرسالة الأصلية كتبت بواسطة منتهى القريش
جيت ركض بس عشان أرحب بمسفر الشعر .. ولا أنا والأسئلة عداوة ..
ما أحب اسأل ولا انسئل ..
وبما أن البساط أحمدي حبيت اقول الأشياء اللي قرقعت بخاطري..
من خلال متابعتي لـ هاللقاء اللزيز جدا اكتشفت انه دمك عسل وأحلى من العسل بعد ..
وحبيت اقول لك إنك من أجمل الشعراء القريبين جدا ع الروح ..
يا ترى ويش السر؟ هذا طلع معي سؤال ..

اعذرني لو اخذت راحتي في الكلام .. من فرحتي فيك ..

لقلبك الود والورد والإحترام ..

منتهى حرااام عليك..إنتي وينك صحيح؟! وين مختفيه كل هالمده ما شفناك اهنيه؟! بجد إشتقنا لك واشتقنا لحروفك العذبه،الله يخليك لا تغيبين .. ترى لحضورك وحشه.
شكرا ع الحضور..وكلك ذوق على الكلام العسل..بس بزيدك من الشعر بيت ترى كل هذا وأنا ما لبست "الكبك" الفضي..!! لو لبسته بتشوفين فعلا شلون دمي بيصير،ما شا الله علي ..ما شا الله ..أخاف يحسدوني الناس خاصه فيه ناس عيونها كبار(فيصل الخالد..أظن فاهمني أنت)
والسر اللي تسألين عنه أخت منتهى موجود في أرواح الناس هذي مو فيني،أرواح هالناس اللي مليانه حب ودفا وقادره تعطي بلا مقابل،وقادره تدثّر مشاعرك بحضن قلوبها،وتاخذك من إيدك وتقّعدك تحت شجرة نقائها،وتطعمك بيديها محبتها،وتمسح عرق قلبك بمنديل حنانها،وتشرّبك من زلال صدقها.

شكرا لحضورك يا الشاعره العذبه،

[الجازي]

إقتباس:

الرسالة الأصلية كتبت بواسطة مسفر الدوسري
الأخت عنود..
- أنا أعتقد عندنا شاعرات رائعات ومبدعات كثير ،بس الشعر النسائي شحيح ويمكن يكون ما فيه!!! يعني لما أقرا كثير من الشعر المكتوب بأقلام نسائيه،ما أشم فيه عطر أنثى ولا أشوف أثر لقلم روج ولا مشاعر خاصة جدا بأنثى إلا ما ندر جدا،كل اللي أقراه في الغالب مشاعر وقضايا تتشابه مع مشاعر وقضايا قلم أبو شنب!! يعني من المؤسف أنك تقرا لنزار شعر نسائي أكثر من اللي كتبوه النساء أنفسهم(من حيث الكم والمضمون)،ومرات أتساءل إذا كانت المسأله عامه في كل المجالات الخاصه بالمرأه ولاّ شنهو الموضوع؟! فمثلا أشهر الطباخين رجال مو نساء،وأشهر أطباء أمراض النساء رجال،وأشهر مصففي الشعر رجال..إلخ.نفسي أقرا فعلا شعر نسائي مكتوب بأحمر الشفايف..طبعا أكيد فيه إستثناءات مثل عابرة سبيل رحمة الله عليها وقله قليله غيرها،لكن أنا أظن إن الغالب تقدر تقول عنه شعر لكن ما تقدر تقول عنه شعر نسائي.














إقتباس:
الرسالة الأصلية كتبت بواسطة مسفر الدوسري
وحده من الخوات الشاعرات قرت اللقاء وكلمتني زعلانه وعتبانه..تقول شلون تقول ما فيه شعر نسائي ،يعني أنت تشكك إن الشاعرات الموجودات يكتب لهم رجال؟!! قلت لها ليش ما تدخلين وتشاركين في الموضوع وتعبّرين عن زعلك وأرد عليك قالت أن هي مهي عضوه بالمنتدى وعشان تدخل لازم تسجّل و..و..قلت خلاص أنا بطرح رأيك هذا وبنفس الوقت يسمحون لي الأخوه والأخوات إدارة المنتدى وأدعو شاعرتنا نيابه عنهم بالتسجيل في أي وقت في المنتدى،ونتشرف بوجودها بين خواتها وأخوانها.
وبخصوص إعتراض أختنا الشاعره وعتبها أوضح..
أنا ما شككت بوجود شاعرات..بالعكس قلت وأأكّد مره ثانيه أن عندنا شاعرات ومنهم في هذا المنتدى يكتبون شعر في غاية الروعه والجمال،وأنا دايما على فكره ضد فكرة التشكيك ولا أحبذها أبدا،أنا أتعامل مع النص وبس ما علي من اللي وراه!! لكن عشان أوضح فكرتي أكثر بجيب أمثله إذا سمحتوا لي:
سيدي طفلي..
تُرى أين قضيت
ليل الأحدِ؟!
مثقلا بالشغلِ؟!
أم بين ذراعي أغيدِ؟!
إلى أن تقول القصيده:
لست غيرى
أنت إن أحببتني
عانق الأرض،ونَم في الفرقدِ
كله حب
فصدري..صدرها
وبها مني لينُ المسندِ
وبها من حُرُقي أروعُها
رعشةُ النار،وحِضنُ الموقد..!

قصيدة ثانيه:
لا تدخلي..
وسدَدت في وجهي الطريق بمرفقيك
وزعمتَ لي
أن الرفاق أتوا إليكْ
أهم الرفاق أتوا إليك؟!
أم أن سيدةً لديك
تحتلّ بعدي ساعديك؟!
القصيدتين شعر نسائي بامتياز،مع إن الأولى لشاعره(لميعه عباس) والثانيه لشاعر(نزار قباني)،لكن هذا ما يعنيني ،أنا يعنيني أن هالقصيدتين شعر نسائي خالص،وانقال على لسان أنثى،فأرجع لوجهة نظري وأقول أن عندنا شاعرات ، وشاعرات رائعات لكن نادرا لما يكتبون بلسانهم وبأحساسيهم وبخصوصيتهم الأنثويه، لهالسبب الشعر النسائي(مو الشاعرات) قليل وجوده في هالكم الهائل اللي ينكتب من الشعر.
والله يارسيس هالموضوع يصلح لك،ويصلح تثيرينه للنقاش لكن أتمنى تكون وجهة نظري واضحه وما فيها لبس.

واخيرا لقيت مدخل جميل نستمتع معك من خلاله الدردشة
والأمتع انه مع شاعر ومثقف وصحفي وله وجهة نظر في كل المجالات ..

أول شي يسرنا دعوة الشاعرة إلى شعبيات .. وأتمنى آن تشاركنا الحوار
لاشك وجودها اضافه لنا وللنقاش المرن الثري الذي يمتاز به الشاعر مسفر الدوسري ..

اسمح لي بمداخله بسيطة ..
بالنسبه لي كقارئه ومتابعة شدّني الأختلاف بينكم ووضحت وجهة نظرك بهذا الخصوص .. لكن الا تعتقد ان الرجال يعانين من الشعر الذكوري الخالص ايضا !
كل القصائد التفعيله والعمودي وحتى لانكون مبالغين اغلبها الرجل يخاطب المحبوبه بـ ( ياحبيبي )
لدرجة ان الأمر يختلط عليك
ولك مقاله تنتقد الرجال تحديدا ..

http://www.aljarida.com/aljarida/Article.aspx?id=94688&searchText=حبيباتنا

هل المسأله ثقافة تقليد ؟
أي ان المرأه تقلد الرجل في الأسلوب حتى أصبح شعرها تقليد سائد ربما غير متعمد او متعمد برأيك ؟
هل لابد للمرأه ان تذكر خصوصيات من مفاتنها او فتنتها أو يكون للغنج مساحة كبيره في التودد حتى تحدد هوية ان الشاعره امرأة ؟
الشعر هو كتلة من المشاعر في الأصل . قد يكون حزن ، غضب ، فراق ، لامجال لذكر اي تفاصيل خاصة
مثل ،، ساحت كحلتي يوم اني بكيت صحت وعليّا راح الميك اب يوم بديت امسح بالمناديل راح الروج
حسب طبيعة الشاعرة وخجلها ومدى جرأتها وهذا له علاقه بشخصيتها
اذكر شاعره جميله من اهلنا اهل الحجاز الله يذكرها بالخير اسمها هتون الشريف كانت تكتب بتجرد كامل بدون
اهتمام برأي الآخرين ، وتعرضت لنقد في قصائدها لكن ترد بوجهة نظرها الخاصة ونحن بدورنا نحترم اراء الآخرين مع كل الحب لهتون الأخت والشاعرة ، مااود قوله هو ماكلٍ يملك شجاعة اختنا هتون .. حتى يثبت الغير انهن أناث يستحقن الحب ايضاً .. والتعبير عنه حسب بيئة وثقافة الفرد اذا كانت في بيئة متحرره آو بيئه متحفظه جدا على حسب بالتأكيد ، خاصة اذا كانت الشاعرة تمثّل أسم قبيلة .. أو أسم صريح اكيد تخجل من التصريح بمشاعرها ايا كانت امام الناس شعريا لأنها محاسبه عليها في مجتمع متحفظ كمجتمعنا ، لكن تمر على احاسيسها وموقفها وانطباعاتها وقراراتها بالخطوط العريضة كما يقولون دون الدخول في تفاصيل محرجه للبعض
والشعر ممكن تقيمه لها بالصور والتشبيهات الجميله التي تبتكرها لا بالدخول في التفاصيل الدقيقه جدا ونحاكمها من خلال ابداعها من خلاله
http://www.sh3byat.com/vb/showthread.php?t=13997

هذا مالدي الآن
مااقوال شاعرنا الرائع دائما وابدا ؟

[سمـا خير]

.
.
السلام عليكم جميعاً ..
.
وصباح الخيــــــــــــــــــر
.

وحده من الخوات الشاعرات قرت اللقاء وكلمتني زعلانه وعتبانه..تقول شلون تقول ما فيه شعر نسائي ،يعني أنت تشكك إن الشاعرات الموجودات يكتب لهم رجال؟!! قلت لها ليش ما تدخلين وتشاركين في الموضوع وتعبّرين عن زعلك وأرد عليك قالت أن هي مهي عضوه بالمنتدى وعشان تدخل لازم تسجّل و..و..قلت خلاص أنا بطرح رأيك هذا وبنفس الوقت يسمحون لي الأخوه والأخوات إدارة المنتدى وأدعو شاعرتنا نيابه عنهم بالتسجيل في أي وقت في المنتدى،ونتشرف بوجودها بين خواتها وأخوانها.

^
^
يامرحبااااا بهالشاعرة وياسهلاااااا
.
.
أكيد نتشرف بوجودها معا ..
.
.
شعبيات ترحب بها وبإنضمامها معنــا ..
.
.
وشكراً لك أستاذ مسفر الدوسري ..
.
.
لازلت متابعة وسأعود بمشيئة الرحمن

[سعيد المري]

.
.

متابع بمتعه


مسفر الدوسري

تواضعك وعفويتك تجبرنا ان نقف احتراماً لشخصك ..

.
.

شكراً بحجم السماء ياسما خير

[فيصل الخالد]

والله انك صادق يابو عبدالله اشتقنا لابو عيون

حسبي الله على ابليسه من يوم ما صار مليونير ماحنا عارفين نكلمه اخر مره كلمته قالوا طالع رحلة قنص في نيوربي

الله يردك سالم يابو عيون

صباح الخير على جميع اهالي هذا المتصفح الجميل والمصتفحات المجاروه

ودكم نصلي استسقاء ؟

[رسيـس]

.

مسفر الشعر ومضوّوّوّيه

شكراً ياأنيق المفاهيم لأنك هنا / وشكراً لأريحيتك الجميله .

أسئله خفيفه جداً وبعدها / قد يكون للود طريق الى آخر المطافات .

لكل انسان في الحياه مثل او حكمه يخطو على اثرها ,, ماهي حكمتك اوماهو المثل ؟

بعد مشوارك الطويل في الشعر يامسفره إلى أي متى تأصلت العلاقة بينك وبين القارئ ؟

ما هي الهوايات الأخرى بجانب الشعر ؟

مسفرنا ماهو موقفك من السرقات الأدبية .. وهل عانيت منها في يوم !

ماهي القصيده الأقرب إلى قلبك ولماذا ؟

الى أين تسافر دوماً يامسفرنا ! وأي المدن قريبه الى قلبك !

مارأيك في كلاً من :
ليل باريس / نهر النيل / شارع العليا العام / الواجهه البحريه بالكويت !

يقول الفرزدق ( أنا عند الناس أشعر الناس / وقد يمر عليّ يوماً وخلع الضرس أهون عليّ من أن أقول بيتِ واحداً )
هل مررت بنفس تجربة الفرزدق !

بالتأكيد عندك بيت يتيم وتحبه جداً ! هل تسمح لنا بمشاطرتك أياه !

أخر وأتمنى أن تكون آخر الأسئله الكثيره التي تحاصرني / لماذا لايكون بين دول الخليج عكاظ دائم !


ولي عوده بإذن الله

[رسيـس]

.

الآن فهمت الموضوع صح

قرئته اليوم على عجل وكنت أحسبه الموضوع الدائر دوماً على موائد النقاش ألا وهو الكتابه الرجاليه للشاعره النسائيه

لا

هذا موضوع أعتبره طازه موضوع نيو لك .

أنا لي وجهة نظر بخصوص الموضوعين . الجازي قامت بطرح موضوع ضد موضوعك ورفعت دعواها بمحتوى مقالتك يابروفوسور !

أنت قلت بذكورية الروح الشعريه للقصيده النسائيه !
والجازي ردت بأنك أيضاً من قلت بذكورية الروح الشعريه في ( الأنثى ) في القصيده الرجاليه !!

إذاً محور الشكل ونقطة الخلاف والتساؤل ! ( وهو ليس بشكل ولاخلاف

تذكير المفرده النسائيه في القصيده الرجاليه / وطغيان الروح الذكوريه على القصيده النسائيه !

الجازي وفرت الكثير من الجهد في هذا النقاش .

وجهة نظري الخاصه جداً / قد يكون لعصر بداية النبطي القريب رابطاً مهماً وأساسياً في هذه القضيه ..فـ شيئاً من التحفظ على ذكر العنصر النسائي وإبداله بالإشاره إليه بالمعنى الذكوري قد يحد من الإنتقاد الذي كان قد يصيب الشاعر لو تكلم باللفظ الصريح ! ( لا أعلم أحس بأني غير مقتنعه تماماً بإيصالي لما في رأسي بهذا الخصوص )
مع العلم بأن الشاعر ( محسن الهزاني ) كان صريح جداً في أمور كثيره حتى أنه تطرق للأسماء !
وقد يكون الإشاره الى المحبوبه بالقلب ومن ثم أصبح القلب لفظ ذكوري يشار إليه والى كل متعلقاته من أفعال وأقوال وتمنيات وما إلى ذلك ويكون المشار إليه غائب مستتر وهي المحبوبه ومحلها القلب !

أما من ناحية طغيان الروح الذكوريه على القصيده النسائيه / فقد تكون لذات الأسباب الذي ذكرته الجازي
وهي على عدة محاور اساسيه . أهمها طبيعة الفتاه كـ الحياء والتربيه والتركيبه السيكلوجيه عموماً .
والقبيله او العائله !
والخجل أساساً من نطق كلمة ( أحبك ) ومتعلقاتها أمام المحبوب ( كفطره نسائيه يغلب عيها طابع التمنع )

فمع الوقت توارثت هذه الفكره الشاعرات .

مع العلم أن المجتمع أصبح أكثر إنفتاحاً من هذه الناحيه / والدليل قصيدة نهى نبيل ( السكسوكه )

هذاك المار قدامي وله نظرات قتــــــــــــالة
له سكسوكتن حلوة بأقصى الوجه مرتسمـة
حرمني النوم في ليلي ، حرمني النوم عقباله
يحس الشوق في صدره ذبحه وزاد في همــه
أحب أمه ، أحب عمه ، أحب جده ، وأحب خاله
أموت بنظرة عيونه وأعشق كل حروف اسمــــه
أحب جدهِ ، وأحب هزله ، أذوب وحالتي حاله
وإذا يطروه قدامــــــــي أحس بداخلي صدمة
ذبحني بكثر ما اشتاقه ، ذبحني بكثرة أشغاله
شغلني ، جنن قليبي ، فصلني من على الخدمه
يا ليت أقدر أصيـــــر بيوم شيّن دايم قبالــــــه
وراه بكل مكان يروح شيّن غالــي يهمـــــــه
يا ليتني ساعةٍ بيده ، أو أرقامــن بجوالــــــه
يطقطقني على كيفه ، ولا أحفظ سوى رقمــه
أنا ادري انه يعانـــي ، وأدري صعب أحواله
قلبي ما يطاوعنـــــي يبي دايــم اهو يمه
أنا ما يهمني ربعه ، وعذالـــــــي وعذاله
احبه بكل جنون الحب والإحساس والذمه
صحيح انه يكذبني ، وظنونه على باله
لكني بعلمه كيف هو دمي وأنا دمـــه
يقول اني أنا أنسى ،، فال الله ولا فاله
لو بنسى أن نفسي ، ما انسى أبد رسمه
يا قلبي شوفلي حلٍ بحبن صار لي علـة
يا إما تجيبه لعندي ، وإلا اطلبه من أمه ..


أيه رأيك ياسي مسفر بئئ !! ( ماتؤلش دلوئتي أن النسوان بئو رقاله )

متابعه بشغف كبير .. ولي عودات

.

[عبدالرحمن الربيّع]

الاحبه وضيفنا الكريم والاخ العزيز والاستاذ مسفر الدوسري ..

اعتذر عن التاخير والمفروض ان اكون في مقدمة المحتفين بك وبحضورك المميز دائما ايما حللت ..

واشكر الاخت سما الخير على اتحاة الفرصه للقائك بدون رتوش ورسميات وكم وددنا ان ندخل في اعماق شاعرنا مسفر والابحار في ذاته ..

اسئلتي الوديه

وانا اتصفح امس جريدة الجزيره لمحت قصيده في الجهة اليمنى من صفحة مدارات شعبيه لشاعرنا مسفر الدوسري وكالعادة اجدك في قمة الشاعريه والعذوبه والجمال ..
وقادتني هذه الصفحه للوراء كثيرا عندما بدات انا الكتابه في هذه الصفحه وكنت انت في احد زوايا الصفحه ممسك بقلمك وتمتطي صهوة جواد الحرف والكلمة العذبه ..
سؤال هل تذكر البدايه الحقيقيه مع النشر في الصحف ؟
وهل انتهى عهد النشر في الصحف والمجلات لقلة المتابعه واتجاه اغلب الشعراء للنت وماهو الفرق بين الاثنين في عصر السرعه والتطور ..

وهناك سؤال بعيد عن الشعر وهو الفن هل هناك اغاني لمسفر الدوسري باصوات احد الفنانين وهل سبق وان لحنت احد قصائدك ؟

اخيرا لي عو ده ان شاء الله للاستمتاع برفقتك مع الاخوه والاخوات فانت مسفر الدوسري الاخ العزيز والشاعر العذب

[سمـا خير]

^
^
حمد الله على السلامه ..أخ عبد الرحمن ..نورت الديوانية ..
.
.
.
ننتظر بشوق إجابات استاذنا الكبير ..مسفر الدوسري ..
.
.
.

[مزون المحمد]

إقتباس:
الرسالة الأصلية كتبت بواسطة مسفر الدوسري

هلا ..هلا ..هلا يعجز عن حملها القلب..
يا مزون الطيبه..والرقي..واللطف..
قبل ما أروح لأسئلتك بقول لك شي يمكن مو مكانه،لكن أنا ذبحني نصك "آخر ليله في تشرين" وعجبني حيييييييل من يوم قريته في غير مكان،ومن يومها والله وأنا أبي أدخل وأتطهّر بعطره،وأغتسل بنوره،ولا زلت أمنّي نفسي بهالموضوع..!نص فعلا جميل.

هنا جعلتني أجلس على غيمة تتدلى منها ساقاي تحملني الريح عليها في سماء ملكي وحدي ..
مررتُ من هنا كثيراً لعلي أجد ما يملأ كفيك شكراً , لعلي أجد عطراً يليق بـ رائحة المسك ,
فقط ما شعرت به هو عدالة السماء في شهادتك وإنصافك أضعها بـ جانب كل من أدلى بـ رأيه في متصفح ذلك النص ..
فـ شكراً بـ حجم البياض الذي يسكنك أيها النقيّ

[رسيـس]

على أحر من الجمر تتقد دقائق إنتظارنا يامسفرنا

هل هو التغلي علينا / أم مشاغلِ أخذت محياك عنا !

بإنتظارك ولو طال الإنتظار

.

[مسفر الدوسري]

صباحكم سكّر..
إعذروني كنت اليومين اللي فاتوا مشغول وما ساعفني الوقت ولا الحظ بزيارة الديوانيه..
كلي عذر لـ كرمكم.
نكمل الحوار..

[رسيـس]

يالله هذا أنا مسنتره من البارح بالليل



صباح الورد والنويّر