12-12-2010, 19:43
|
#46 |
|
شــاعر
|
رد : منااااااا (ياووووطن..) اااااافي
لا اله الا الله , سبحان الله , ماشاء الله , تبارك الله .. سيدي محمد الدحيمي ... قسما بمن جعلك معجزه شعريه اني قبلت الشاشه من شدة الطرب وادامك الله ذخرا للشعر ... وكفى |
|
|
|
13-12-2010, 09:11
|
#47 | |
|
هـاوي
|
رد : منااااااا (ياووووطن..) اااااافي
إقتباس:
لا أجد ما أقول حقيقة كي أفيك حقك .. سأكتفي بكلمة واحدة محمد الدحيمي |
|
|
|
|
|
31-12-2010, 08:20
|
#48 |
|
متنبي الشعر الشعبي
|
رد : منااااااا (ياووووطن..) اااااافي
ياغارم : يكفيني ان هناك من يقرأني مثلك لأستمر دمت لي اخاً وصديقاً وابن عم اعتز به |
|
|
|
|
31-12-2010, 08:22
|
#49 |
|
متنبي الشعر الشعبي
|
رد : منااااااا (ياووووطن..) اااااافي
ياعبداللطيف : حضورك الغيم هنا شرف وكرم منك على اخيك دمت لي اخاً وصديقاً اعتز به ايها النبيل |
|
|
|
|
31-12-2010, 08:26
|
#50 |
|
متنبي الشعر الشعبي
|
رد : منااااااا (ياووووطن..) اااااافي
(( بداوة حضر )) عوّدت عيني وعودي عاده اخضر لامات حلمٍ .. قلت ياعين فدوى وأردها لله .. اذا مسني الضّر ولا ادرهم رجيلي على غير جدوى ليه اتعدوى .. لمن بالطيب يحضر ماهو عدوي !! وانا ليش اتعدوى؟ يامناظر الشين وأسمه شين منظر اتقدّ بي .. والاّ انا .. بك ماتقدوى لاعاد تتفلسف علي .. او تنظّر خل الجروح اللي بلا دوى بلا دوى ماني مصدّق وانا لي عين تنظر هذا مريض .. وذاك نقّال عدوى مايغبنك شوف ابدوي ٍّ .. تحضّر الموت .. لاشفت احضري ٍ تبدوى!! |
|
|
|
|
01-01-2011, 07:59
|
#51 |
|
متنبي الشعر الشعبي
|
رد : منااااااا (ياووووطن..) اااااافي
ياااااااااااااااااااااااعم طيرررررررررررررررررر هناك بس منّة الله ولامنّة عبيده فضلك يالمنان بالتراب سفر .. غربة .. متاهات وطريقٍ مامشته خطاي انا والسندباد اللي يحث خطاي تسرع به اذا شق المساء وجه الشفق قلت ابتدأ مسراي نحرت الوادي اللي مانحره الذيب من رعبه تحزمت الشقا واخذت شلفا جدي بيمناي تزهبت الكفن والخوف ولد اللاش يشبع به ادوّج خطوتي واسج لا ذاكر ولا نساي احدّر بالسهل واليا زمالي مرقب اطلع به اثرني كلما اسج وعلى غربي طويت رشاي طواني واديٍ كنه يبات الموت في شعبه وانا والله ولد نشمي ولكن خيبت هقواي حظوظٍ كلما طيرت لي طيرٍ توقع به وصلت وفي يديني سلعةٍ ماسامها شرّاي لدارٍ قالوا اهله : يانما ماجبته ارجع به يبيعون السراب وكل رايح له خطاوي جاي واذا ساوم .. شرى عزّة فقير لطفلته لعبه انا اللي وان غدى جلدي غطى والا الحجر مركاي عزيزٍ ماخضعت الاّ لرب الناس والكعبه وانا ماني نبي ولا عصى موسى بمثل عصاي ولاني كافرٍ لا صارت سهامي بلا جعبه تمدن داخلي طفلٍ عشق رعي الغنم والناي صدق والله ابوي اللي يقول : المرجلة صعبه |
|
|
|
|
14-03-2011, 05:09
|
#52 |
|
متنبي الشعر الشعبي
|
رد : منااااااا (ياووووطن..) اااااافي
يارخص هالدنيا / بعين اللي عشقك / ويا غلاك يعيش بعضي في هواك .. / وميتٍ فيك اغلبي أنا وبارد قهوتي .. / من أمس واحنا في حراك وهذا الرماد اللي تشوف شفت الرماد اللي هناك البارحـة .. كان حطبي بـأورد مغاتيـر الولـه / عدكّ واقول أطفي ضمـاك وليا أرتوت / قلت : اررررجعي يمـّه وعلّي وإشررربي حيـل الله أقـوى / كلّما قفيت ناداني هواك وان جيت تجفل مثلما / يجفل من الزول الظبي بلاي يجبرني هواك / اتحملك وادمح خطاك وأعذرك والاّ اغلب معاذيرك / لها وجهٍ غبي اشرق بشمسك / خل شمس الكون / يكسفها سناك ليا شرق نورك .. / تساوى فجرها والمغربي ان كان لي مقيال .. / مقيالي عيونك ياملاك وان كان لي مرقاب / في نايف رموشك مرقبي يامتعب الخطوة عساها بالعمى / عينٍ تراك ما تذكر الله / ثم تتبعها الصلاة على النبي كل لقى حظه وانا ../ يا لعنبو حظي معاك خليتني تالي العمر/ طفل من الشوق يحبي |
|
|
|
|
21-03-2011, 23:27
|
#53 |
|
متنبي الشعر الشعبي
|
رد : منااااااا (ياووووطن..) اااااافي
.. اطوي جديل الليل بعيونك وخلي لي السهـر الليله اما أنه سهرنـي الليـل والا باسهـره شاعرك نثّره الزمن مابين مدّه والجزر الليل لو لملم شتاته .. جاء الصباح وبعثره لا صار معروفٍ صنعته ذنب وشلون اعتـذر في وقت من يصنع به المعروف محدن يعذره قلبت في وجه السنين ولا لقيت الا الصـور وابيات شعر بين موزونـه وبيـن مكسـره وش عاد لوني شاعر كله هواجيـس وفقـر كم شاعر ٍ مثلي غدا به هاجسه ليـن افقـره انظر بناتك كلهن صـارو عوانـس بالفكـر ماقلت لك من يزرع الزقـوم يبلـش بثمـره كم عندلٍ كانت تبي قصيدةٍ مني مهر جاات بغنج عبلة .. وانا جيت بشجاعة عنتره لـو للهوى شيمـه تـرده مالقينـا بالبشـر رجاااااااال تخشاه الرجااااااال .. وتصرعه نظـره مـره مسكت لي غلطه على قلبي وغلطتة بعشـر لكن نزف جرحه وقلت : العفو عند المقـدره اعاند ايامي واشوف الوقت شيـب بالشعـر واضحك واقول ان الزمن ماهز بالراس شعره ياحلوتي.. تدرين وايش اقسى وامر من الصبر حلمٍ فطمه الياس في مهده وعـاش بمقبـره ياحلوتي .. لو تحرق الشمس الفيافي والشجـر تعجز لهايبها ولا تقوى علـى ظـل شجـره المغفره والذنب كلن جاء يـدور لـه عـذر هالحين مدري من يتوب الذنب والا المغفـره |
|
|
|
|
31-03-2011, 08:43
|
#54 |
|
متنبي الشعر الشعبي
|
رد : منااااااا (ياووووطن..) اااااافي
من كمك الى كمّك من تربتك للمّي ازريت كيف المّك وتقعد معاي شويّ الله ما اثقل دمّك يالميّت اللي حيّ تخمّني واخمّك حتى حفت رجليّّ ياخي اذا مايهمّك يهمّني ياخيّ ياحظّ يرررررحم امك ركّز معاي شويّ |
|
|
|
|
11-05-2011, 22:51
|
#55 |
|
متنبي الشعر الشعبي
|
رد : منااااااا (ياووووطن..) اااااافي
ماعاد ياليل الوجع / باقي احداق ياراجيٍ .. من مزن الأحلام / هملول! سرّاق/ ينهب من ردى الحظّ / سرّاق! معلول/ ومصدق يداويه معلول ! يالايم ٍ صدر الدحيمي / اليا ضاق بدلت / لامعقول الأيام / معقول! والا فأنا عالدرب / والساق بالساق ماصدّق الحكمة / من لسان مهبول! لكن شفت بعمري / الوان وأذواق واضرب لك مثال ٍ / على كل ما اقووول :- اعمى.. رزقه الله ولد / لكن معاق !! وتاجر .. ولا له غير بنتين / وخبول!! ومشلول.. جاء له طفل / لكن طلع عاق!! وعاقر .. تبي طفل ٍ / ولو كان مشلول!! |
|
|
|
|
12-05-2011, 07:26
|
#56 |
|
شاعر
|
رد : منااااااا (ياووووطن..) اااااافي
محمد الدحيمي أتمنى أن تعرف شعوري اثناء قراءة قصائدك ... يارجُل ... أنت .....؟؟؟؟ تدري ماني بقايل فأنا لم أحضر هنا لكي أقول عنك وأقول فما تكتب خير عرّابا لمحمد الدحيمي ... ونحن هنا كلنا نمثل كفّان كلاهما يصفّقان لك طربا ... ادامك الله وأطال الله في عمرك يا بعد راسي .. تقديري |
|
|
|
|
13-05-2011, 07:18
|
#57 |
|
متنبي الشعر الشعبي
|
رد : منااااااا (ياووووطن..) اااااافي
صديقي الغالي جداً محمد آل مريع حضورك وقرائتك ومتابعتك شرف اكرمتني به فشكراً لك كما يجب |
|
|
|
|
13-05-2011, 07:33
|
#58 |
|
متنبي الشعر الشعبي
|
رد : منااااااا (ياووووطن..) اااااافي
.. البارحه ساري وانا كلّي طعون وكنها تعرفني .. كل لوحااات ساجر! وغنّى ( عبادي ) انتي انفاسك .. ادخون! وغنيت انا .. لازلت يالحزن فاااجر!! ايّة خناجر .. أيّة جروح بتكون ؟ هو عاد في ظهري محل لـ خناجر ؟! وزرق المحاجر / ماهي هموم وشطون انا انولدت اصلا / بزرق المحاجر هاجرت طفلٍ عن بلادي / ومغبون! وفي اربعيني في بلادي مهاجر! .. |
|
|
|
|
13-05-2011, 12:30
|
#59 |
|
شــاعر
|
رد : منااااااا (ياووووطن..) اااااافي
محمد الدحيمي السلام عليكم ورحمة الله وبركاته مررت بهذة الخميلة الشعرية المتميزة ولا بد أن أضع بصمة إعجاب وتقدير ويبقى للشعر أربابه الذين طبعوا عليه مودتي واحترامي هاني |
|
|
|
|
22-05-2011, 04:10
|
#60 |
|
متنبي الشعر الشعبي
|
رد : منااااااا (ياووووطن..) اااااافي
حضورك الغيم والديم الكريم ياهاني شكراً لك مطر حضورك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
