[محمد الدحيمي]

لبا قلبك ياسالم

ادري وش مسويه فيك

[محمد الدحيمي]

الغالي سعيد الأكلبي

تسلم يابو مقبل

شهادة اعتز بها

كل عام وانت بخير

لا خلا ولا عدم

[المهرة]

صباح الشعر /


ويبطـون لوّامتـي .. مهمـا يلومونـي
إمّا خذانـي غـلاه ... أخذتنـي القالـه


( النفس اللوامه ) واللائمة لاتنتهي
وصعب حصرها /




ياقبلة الله ليا اقبـل .. وأنخطـف لونـي
ماكن دقّـات قلبـي دقّـت .. الاّ .. لـه

تبسمت هنا / شفاة القصيد
حضور باهر / وفاخر





لبّـا مراسيـل عطـره يـوم زارونــي
قبلـه .. يزفّـون لـي بشـراه بقبالـه

فاح الحضور / وحضر الشعر بملابسة الانيقة
ليفخر ويتفاخر /



وبعتابه .. يجيك مخطي قـال : خطّونـي
واليا زعل .. تقـلْ طفـلٍ ضيّـع ريالـه


يبقى لعتاب الاطفال الكبار / عتاب مغاير
تسكنه البراءة / وتتلحف به المناغاة





وفديـت جـدران بيتـه يـوم يرثـونـي
فديت حوشه .. فديت البـاب .. وأقفالـه

وفديت عمره .. بعمـرٍ لأجلـه يهونـي
وفديت ريـح اقهوتـه .. ونكهـة دلالـه

تحاصرنا الاماكن / والاشياء
في زوايا الذكريات /
ونحيا على اطلال / ورياض
المحب




اخي الفاضل /
محمد

للامانة / قرأت هنا شعر
وشعر عالي / يسمو
ويعلو على الغيم


هنا ليست ابيات / بل مجموعة من اللآلئ
صيغت / وتشكلت بريشة
فنان / قادر على صياغة
شعر يضاهي / النجوم


دمت بخير
اختك/ المهرة

[محمد الدحيمي]

الغاليه المهره

شكراً لك على وعيك الراقي وعذوبة قلمك

اتمنى ان اكون عند حسن الظن

لا خلا ولا عدم

[أحمدعلي الويمني]

الرسالة الأصلية كتبت بواسطة محمد الدحيمي

صباح الخيرات

انا مرة اخرى

ابطيت عنكم وحبيت ارجع واصافحكم بقصيده جديده لم تنشر من قبل وقبل نشرها

ليل وكريســـــتال .. نوض زمـــــــام مضنــوني=يبرق زمــامه .. ويســـــري بي كريســـــــتاله
ليلٍ غـــــــــــداريه ودوني .. وجابــــــــــــوني=من شــــارب أعــوره طحت .. بدقن دجــــــاله
ياعـــــزوتي .. عاتبــــــــــوني .. لاتعــــــــذلــوني=والاّ عـــــذولي .... ( فـ .. فال الله ولا فاله)
لا مرزقي في يدّْ اللي يشــــري غبــــوني=ولا أبيــه جــدي .. ولاني بأصـــغر عيـــــــاله
وش له ومن يستـــبيح العمر ويمـــــوني=اليا استـباح الدحيـــــمي كيف يحـــــلا له؟!
شاعر يغـنّي .. وكم شعّـــــار سبـــــقوني=غنّوا بـرووس النـــــــوايف .. ( يالالالاله )
واللي على طرقتي غنّى من لحـــــــــوني=ماهــو على قـــــدّها لو ميّـــــــل عقــــــاله
وناسٍ على ( موتة الجمعه ) .. يحســــدوني=ياصــبر قلبي عليهم .. والله اقوى له
قدلي وأنا أحدي لهم وضـحي .. وحــدّوني=أضيّــــع الفاطـــــر أم خــــــزام وشمـــاله
الســوق ســــوقي ... وعيّــــوا لايبيعــوني=والطـــيب مشـــــراه .. مايحتــــاج دلاّله
ويوم إنهم بالردى عالطيب .. جـــــازوني=خليت للطـــيب جــــاله .. والردى جــــاله
يبطــون في فتنتي .. والترف مفـــــتوني=ويبـــطي ببالي .. ويبــطي بي على باله
ويبطــون لوّامـــتي .. مهما يلـــومـــــــوني=إمّا خــــــذاني غلاه ... أخـــــذتني القـــاله
ياقبلة الله ليا اقبل .. وأنخـــطف لــــوني =ماكن دقّـــات قلبي دقّــت .. الاّ .. له
لبّا مــراســـيل عطره يـــوم زاروني=قبله .. يزفّــون لي بشـــــراه بقبـــاله
لبيّـــه كلّه .. ولبّا البــعض .. والدونــي=لبيّـــه من هامته .. ليا حــد خلخـــــاله
لبيّـــه يالمسته .. ومصــــافح شجــــوني=لبيّـــه يافزعـتــه .. في فزّة جفـــــاله
لبيّـــه ياخثــرته .. تنشـــــدني شلــوني؟=لبيّـــه ياسجّــته .. ليا عضّ سلســــــاله
ليا قال لي: (ويش حالك ) قلت : ياعــوني=يلعن ثوى الحب .. يلعن جدّها حاله
أن جيت اباأضحك ..حظــوظي فيك بكــوني=وإن قلت ابانسى غرامــــك .. أتعنى له!!
ويضحك .. وأنا أنشد عيوني وأنشد جفوني=من شاف لول الثمان..؟؟وبارق هلاله؟؟!!
في ضحكته .. يرجــع الديّان مديـــــوني=وفي فرحته .. من غنجه يداعب ضلاله
وبعتابه .. يجيك مخطي قال : خطّــوني=واليا زعل .. تقلْ طفلٍ ضيّـــع رياله
تكـــفون لا ســجّ قلبي عنه خلــــــوني=في سجّتي عنه .. لا ذاكـــر ولا داله
حذرا لو الشوق هبّل بي تطيــــــــعوني=وأضوي بدون الجمل .. والبدو جمــاله
وإذا غلبـــني هـــواه وقلت : ودوني=لا تتركــــــوني كذا .. والحــال يرثى له
وش عاد عـــذري لو الجــــيران شافوني=خامس سنه .. يابن عمّه! .. ياولد خاله!
مايكفي اربــع سنـــينٍ فيه ســــــاقوني=ورجعت رجلي .. وأنا من صلب خيّــاله
أمسي وأنا للعرق وســمٍ على ردوني=وأصبح والأحـــــزان .. نزّالـه ونقّـــــاله
ورّدت وأول طعــوني .. أجمل طعــوني=وصدّرت .. وآخر منافي داره .. أطلاله
والعمر .. عشقٍ جمع منفى ومسجوني=والعشق .. من قال طاله .. مات ماطاله
يامال سقوى البَرَدْ من عذب المــزوني=ياليلةٍ .. رحــت من الصبح اتهـــيّا له
ليـلٍ تّمــايل غصونه .. ومالت غصوني=واليا تثنى دلع .. قمـــت اتــثنى له!
وشــــلال شـــعره .. وقذلــته ايتبــلوني!=ومن جور قذلته .. رحت بوجـه شــلاله!
سرّاي من نحره .. لخاله على هــوني=الله .. وشلـــون أضيــــع بنحــره وخاله!
فديت عذْبــه .. وسحـره شعر وفنـــــوني=فديت سحــره .. وعـذب الشعر وأمثـاله
وفديــت ذبــح اللواحـــظ يوم خــزوني=فديت غيـــم الرمــــــوش وفيّ مقـــــياله
وفديت لثـــغة حكـاه .. بضحـــكة سنوني=فديت ضحــكته .. يــوم يمـــدّ بشـــماله
وفديت خــوفي عليه ان راح من دوني=فديت عضّــة شفاه .. ليا مشــى لحــاله
وفديت جــــدران بيـــــته يــوم يرثــوني=فديت حوشــه .. فديت الباب .. وأقفــــاله
وفديت عمره .. بعــمرٍ لأجله يهــوني=وفديت ريح اقهــــوته .. ونكـــهة دلالــه
الله يبيــــحه .. وأنا به محسن ظــنوني=إلين يــدرون عـــــــذّالي .. وعــــذّاله
ويدرون غيّـــــابي اللي يوم يقروني=إن أجمل اللي ألبّي .. وأتفدّى له
ضحكة كريستال .. وزمـــامٍ لمضنوني=زودٍ على حسنه القتّال .. قتّـــاله
اليا التفت لي .. جهر بزمـامه عيوني=واليا ضحك لي .. ذبحني بالكريســـتاله!

كنت قد أنهكني رتابة كل ماحولي
برستيج ممل .. عمل ,, فوضى .. محاولة كم بيت .. نقطة ... نقطة .. نقطة
في وقت من مصباحي .. فتيل يهذري .. في إذني
وسمعني مطلع البيت اللي يقول:
ليا قال لي: (ويش حالك ) قلت : ياعــوني=يلعن ثوى الحب .. يلعن جدّها حاله
وسألني من هو له ؟
قلت له ممازحاً هذا لي . .
تدرون وش رد ( قال أكبــر )
قلت :هم كانو يسموني عملاق : قال لو قريت للمتنبي لعلمت أنهم غشوك في المسمى
هذا البيت لمحمد الدحيمي ياللي مايعرف الدحيمي
قلت يلعن أبو الشعر من جد...
هذا هو الشعر عندما يتعدى مسماه في الجمال تكون هذه إحدى صوره.... و أصدق وسوف أظل صادقاً أن قلت يسمى ( عرش)
وهذا هو الشاعر عندما يملك من النبض والعذوبة والهيبة ماتصوغ منه ملكته بردةً لاتليق إلا بهذا الملك !!

ياأيها الملك ... سيدي ..... صمت صمت صمت
جبروت طاغي لاتعصيه المفردات
ماروت سحر خارق يستحيل تكذيبه ..
أقرأوا إن شئتم ماسطره ( د/ يوسف الحجاج في كتابه عن الإيحاء وما يعمله محضر الأرواح ولسون ال.. لا أذكر جنسيته ستجدون هناك بعض مايدعم نظرياتهم
من أن الشاعر يتمرس في طقوسه إلى أن يصبح يصافح عقله بخنصر يده وهويشعل شمعةً من أخرى حتى يجد ملكته تقبل جبينه ....
أقول / أجزم أن هناك من بنات حوى من تحسد ملكة الدحيمي على هذا اللقاء بل هناك نساء أخريات خلقن من مارج من نار يتسللن لمغازلت هذا الجذاب
أكتب لهن فسيعشقنك !!!
وأكتب لنا فلنا الحق فيك !!!
أما الشعر أو ( العرش) فأنت صاحب سيادة وقيادة لن يؤثر عليك ولن يستخلف بك غيرك حتى بعد موتك يامتنبي
يا
يا

يا متنبي ...
دعني أشكرك كما أستطيع وليس كما أريد لأني متعب ... دعني أشكر الشعر كما أحبه على أن تنفس بيننا بإنسان يقوله كما يستحق
محمد الدحيمي :
لاتلومني : ولا تلوم من يقول أو سوف يقول
دعني أحبك ...أسمح لنا أن نشعر بك في دواخلنا ... ....
تستاهل يبودر

دعني أو لاتدعني..... فأقسمت أن أحبـــــــــــــــــك

[شيخه المرضي]

هو { الدحيمي ..
لا مجال للاقتباس .. او التفسير

رائعه ..بكل حرف وتشكيل .. وفيها رووحك الشعريه


كنت هناا ... كما استوقفت غيري ..

[فهد الغبين]

مجرم يابو بدر


مجرم شعور وشعر مع مرتبة الشرف يا أستاذ
لله درك ودر حرفك


دمت بود

[محمد السالم]

أبو بدر
أعذرني لازعاجي يابو بدر
أخوك يحضر هنا لتعلم الشعر ليس الا
فالتلاميذ مهما يثنوا على أساتذتهم تبقى الحقيقة هي سيدة الحال
فلست الا تليمذ في مدرجاتك العامرة
لك التحية استاذي

[عهود العنزي]

صح الله لسانك
لك ودي

[علي الأسمري]

صح الله لسانك ياغالي
استمتعنا وكفى
دمت بود

[خالد المحروم]

صح السانك استاذي على بوحك واحساسك وشعورك وبداعك وجزالتك .. لقد استمتعت كثيراً بقراءة هذه المعلقه .