[صالح العبدالكريم]

يا ساااااتر يبو زياد منين طحت على هالصوره يقولك يروح الزين ويبقى رسومه هذي شكله حبيبة اخو ميثا يوم كان معسكر بحي الطرب بس دقّق بالصوره ما كنّه ناقصها عصا المكنسه وتطير ! لك اهلنين وسهلنين

[صالح العبدالكريم]

غاده وما خفي أعظم من أنطيناك انا اذكر مبطيييييي << يأشر بيده على ورى كانت صلاة تراويح برمضان وجيت اصلّي وبجنبي شايب المهم الإمام يقرا يوم وصل عند الآية ( اليس الله بأحكم الحاكمين ) قال هو : تسيف يا البناخي إلاّ بلا سبحانه معظم شانه !!! عاد انا من الحماس نسيت الصلاة وقطّيت معه وبنفس الفتره من مبطيييييييي السابقه شويب من الجماعه ويأم بمسجد صغير المهم متعوّد اذا صلى الظهر يتغدى على طول ويقيّل ببيت الشعر ويتنبّه على محاري العصر ويروح يأذن شكله على حالته هذي من سنة جدّي حدى المرات خانته شكله الظروف واللياقه تغدى وقيّل اثره ما ابطى وقام وطش نعوله قدامه وجاك طاير للمسجد ويأذن العصر والوقت توّنا بدري بعز القايله ، لحد هنا وانا الأمر عادي عندي نسي وأذن بس البلا ان الشيبان اللي حول المسجد كلهم جو يصلون عاد واحد منهم يقوله : هه يبو عيد شكلك اليوم وراك شغيله ومصلي بنا بدري وإلا ما عندهم مشكله مصلين بدري مصلين بدري الله لا يعوق بشر مع كذا سبحان من عطاهم هالشيبان طهارة القلب ومحبّة الله على النيّه

[غاده بنت تركي]

>> حاط الفوطه على كتفه ورايح يغسل وجهه

ذكرتني بالافلام المصرية الديكور الملازم
هع الفوطة
فيه قصة طريفة على الفوطة بث اتحي مانيب

هههههههههههههههههههههههه
يا ذينهم الشياب
اول كنت اقول لمامي انا ابي اعرس على شايب
تقول يغثك اقول لاع نقضي الليل سواليف
تقول اي ليل يا بنتي الشايب يصلي بعين مفتوحة وعين مقفله
ثمن يرقد للفجر
هههههههههههههههههههههههه
من جد يهبلون

عطنا بعد منذو مبطي شكلها عندك تهبل

الا نوف الظاهر الظاهر نامت

تيب صالح خذ عندك هالقصه ( يمامي والله ما اذب يا نوف هي جت تسذا )

أبو صالح جالس مع أبو راشد بعد صلاة العصر يسولفون ويقطعون الوقت...

تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!!

قال أبو راشد: إيه والله إنك صادق يا بو صالح...

قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه!
رد أبو راشد: والله إنك صادق يا بوصالح


وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد
فرد أبو راشد: والله إنك صادق يا بو صالح


قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر

قال أبو راشد: ايه والله يا بو صالح إنك صادق...

قال أبو صالح: إن بغيت الإسلام في ها الديره (السعودية)
قال أبو راشد: ايه والله إنك صادق يا بو صالح...

فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه

قال أبو راشد: ايه والله إنك صادق يا بو صالح


قال أبو صالح: والا أهل الشرقية رافضة وشيعة والله ما خذوا من الإسلام إلا اسموه، وأهل الحجاز مبتدعة صوفية ماهوب والله اللي إنت تبي يا بو راشد

وأضاف أبو صالح: إن بغيت الدين والله في نجد والباقين خلهم على يسراك (شمالك)
رد أبو راشد: والله إنك صادق يا أبو صالح...

قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري

عن دينهم يا أبو راشد!!! لكن لابغيت الإسلام تراه عندنا بالقصيم!!!
رد أبو راشد: والله إنك صادق يا أبو صالح...

فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبعون التتن ويلبسون كبك والدشوش تملأ السطوح،

إن بغيت الدين والله تره بذى عندك ببريده
رد أبو راشد: والله إنك صادق يا أبو صالح...

وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه

إن بغيت الدين إنزل ترى في حارتنا هاذى!!!
رد أبو راشد: والله إنك صادق يا أبو صالح...



قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة...

والله ما بوه في الحارة إلا أنا وإنت يا بو راشد!!!

رد أبو راشد: والله إنك صادق يا أبو صالح...
أضاف أبو صالح: والله إني أشوفك مانتب تخشع في الصلاة يا بو راشد!!!!!

[نوف السالمي]

يا سااااااااااااتر <<< ما اخذتها من احد ..

وش هالهبال .. صوت ضحككم واصل لاخر الحاره ..

ياخي احترموا ان فيه ناس نايمين ..( موب رباده لا بس قيلوله )

واللهي امس جالسه انتظركم سهرانه من شفت الصباح طلع

و الشعب موب ناوي يجي .. صكيتها نومه ..

غدو .. وش هالحتسي افااااااااا بس افاااااااا .. تخلين اخوانتس يطبخون عنـّا

ترى الشغله كلها اندومل ( على قولة جدتي ) .. و اذا كثرنا كم علبة زيتون ..

يعني مشي وضعتس ..

جد اليوم اذا فاضين نبي نكون كلنا موجودين .. موب الواحد يجلس

تقل خبل بس يتحرى زول يمر عليه ..

قولوا تم

[غاده بنت تركي]

هلا بالطش والرش
تم الا تم وتم

اما الطبخ فاحتريني
اهم شي الاخلاء

دامك بتسوين اندومي ( ولو انه ما يعجبني )
خلاص بساهم بجهد ( لاحزي جهد ) هع
واجيب بربيكان توت ياي ختيرررررررررررر


يمامي انا اضحك بصوت خفيف والله قصم مو انا
ذا صوت صالح وعنود

الموهم يا بنتي شكلنا ما حدا معطينا فيس ولا أفا
بس ولا يهمك انا وانتي وخل عنود تجي ونفلها ها هونا

طحياطي

[نوف السالمي]

صالح شكلك وانت نايم تقل طايح من عماره

صح النوم


ههههههههههههههههههههههههههههههههههههههه

مشايختكم يا حايل قسمن توحفه .. على سجيتهم بقوه ..

اعجبني راعي ( تسيف يا البناخي ) لو اني مكانك فرطتها ضحكه ..

اوما ابو عيد .. هههههههههههههههههههههههههههههه استغفر الله ياربي

مدامنا مسكنا خط مع المساجد من جديد ..

اذكر يوم كنا بالقصيم ... جـّدو هو الامام و المأذن و تبع كله ..

يجينا و حنا نتسحر يقول : خلصتوا اروح أأذن ..

عاد هنا يبدا التشرط ...

اللي يقول لا توني ما شربت شاهي للحين

واللي ما كمل مويته .. و على هالحاله طول رمضان ..

و الفطور ما شاء الله من 5 و هو قد صلى ..

فقدت جد هالراحه برمضان بالرياض

[نوف السالمي]

غدو .. انا ما اكفي عنهم

مووووبي انا بربيكان .. غصب هو غصب

جدتي تقول هذا وسكن بس لاعبين عليكم <<< بنفس النطق

اوووما صوتس لو ما اعرفتس زين قلت ظالمينتس

يوم جتني جارتنا المصريه تشتكي .. ما كان غيرتس صاحي من البـّني

[نوف السالمي]

في ليلةٍ مطيرة
كاد سواد غيم سامي في السماء أن يخطف الأبصار!!

بدر .. موب ساكته عن خاطرتك لحد ما تجيب لنا رضاوه

ليلة مطيره .. اخبرها ممطره .. والا عرق العجز وصلك


<< كل شوي بتخش و تطلع نقد بهالسطرين

[غاده بنت تركي]

يا دلي انا بني
اخبرني زهر هع

يا نوفه وربي كيوت وصوتي همس

صدقي

[نوف السالمي]

هههههههههههههههههههههههههههههههههههههههههههههه


يااااااااااااحوووووبي لتس يا غدو ...

اجل زهر يالخبله ..

لعنبو غيرتس .. اشك انتس سعوديه

<< فاطسه ضحك


البـنّي = ........ << والله اني قد كتبت المعنى بس ابي احرّق بتس شوي

[غاده بنت تركي]

ههههههههههههههههههههههه
والله مدري وش مواصفات السعودية وانا اختس

بس حكياتي خليط تعرفين بدنا نلاقي لنا مكان
في زمن غزو بنو لبنان هع

يا دلي عاهيك استفزاز
اموسبيل نوفا

[نوف السالمي]

ما ادري بس ما ادري ... اخاف اجيب مواصفات اجيب العيد فيها

خلينا ساكتين ابرك بهالامور ... ابرك لنا ..

غزو لبنان و فهمتها .. و مقدرة وضعتس يا اختي ..


بس اموسبيل نوفا .. وين اصرفها فيه

هههههههههههههههههههههههههههههههههه

[صالح العبدالكريم]

مساكم الله بالخير غاده والله يا ضحكت على سالفة ابو راشد لا عاد جد حدى المرات بقريه بحايل خطيب الجمعه حقهم شويّب مره وهو بنفس الوقت عمدتهم المهم اول ما ركبو المكرفونات بالمسجد عندهم وافقت بعده بيومين الجمعه ويخطبهم قال : اسمعنّي يا الحريم اللي قاعدات تزينن غداكن الحين واسمعوني يا الهملّق اللي نايمين واسمعوني يا اللي بالمسجد ترونا من تالي من جرف لدحديره والناس ما عادت مثل اول ترو الله مهو عاجز يدلقم هالكوره اللي حنا عايشين به ، يدلقمه ويلزخنا به مار ارجعو مثل اول ولا تبلشونا عاد سبحان الله على بساطته بس اهتدى على يده عمّال واجد

[نوف السالمي]

يا صباااااح الخير <<< ما تقصد شي بتكثير الالفات

هههههههههههههههههههههههههههه صالح شيوخ حايل شكل مابهم الصاحي

اللي اعجبني ان العمـّال هم اللي اهتدوا موب الهملق اللي يناديهم

الحريم عاد لو يصايح من هنا لين ينبح حلقه ما بهن فود ... << الاعتراف ... وهاه



صالح بما انك جدو .. و عارف الدنيا اكثر منـّا ..

تذكر سالفة ( يا قيس قم ) ..

<< ما كنها متصله على اذاعة الرياض

[صالح العبدالكريم]

صباحك نور لا حنّا نتكلم عن الشيبان الله يطول بعمر الحي منهم ويرحم الميت بس سالفة " يا قيس قم " مدري وشي عطيناها كانها عندك العمّال يعتبر انهم اهتدو ودخلو الإسلام مشكلتك تفهمين بالمقلوب