08-11-2003, 09:18 | #61 |
شاعر
|
. الأخت وحش .. ( وين وين ياخييه !! بالله عليك .. هل كان توجيه أصبع الإتهام من قبل نواف بهذه الهمجية ؟ هل كانت المسألة توصل للعيب وقلة الحياء وقل التربية ؟! ) كـــان هذا نص كلامي الموجه .. وانا اتكلم عن وجهة نظرك أنتي عن الشباب السعودي بانه عائب وقليل حيا وقليل تربية .. وهذا طبعا ً مستشف من النقاط اللي وضعتيها .. أستنكرت نقاطه أختي .. فأردت التعليق عليها لا على صاحب النقل .. فقط .. شكرا ً للجميع من جديد .. |
08-11-2003, 09:40 | #62 |
الـحـــرّاب
|
بصراحه الموضوع اخذ منحى ثاني و البنات تحمسوا زياده عن اللزوم كل الشباب اللي تكموا عن الزواج من برا ولا واحد فيهم صامل و المساله مجرد نقاش ودي و مزح و توسيع صدر و ما توصل هالمواصيل بس الوعد المنفذ.... |
08-11-2003, 13:05 | #63 |
Guest
|
نواف تراك ذبحتني وجبت لي الصمرقع . ذكرتني ايام التريله . يوم كنا نجلب حبحب من دمشق انا وسلملم. وكان سلملم مطيح هناك. يقعد بالشهر والشهرين الله وكبر يا سالي :white: [poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] قلبي تولع بسوريه= واسم الدلع حقها سالي خدودها حيل ورديه= والعودناعم وميالي احلا من الشهد حوريه= تسوى البشر اول وتالي بالزين ميه على ميه= ما قول شيٍ يورالي [/poet] ذيب سوريا :white: |
09-11-2003, 00:15 | #64 |
شاعر
|
اشوف الموضوع لف عن مساره واحقاق للحق سوف اقول !! نوافوووووه وعبيصووووووووووه مالكم داعي .. ماني مع وحش باللي قالته او ي وحده من الخوات بس لي ملاحضه انكم ما تغالطون الموضوع .. شلون تقول يا عبيصوه ان الموضوع متعلق بالمهور !! ليه تقرا مع سيقانك انت كل الكلام كان على شخصيت البنت اضافه الى المهر !! ياخوي خافو ربكم بـ هالبنيات .... الحين هذي له علاقه بالمهر / لا .. والمشكله من هالحلايا عاد .. لو تحسب مصروف العرس كله يتعدى الخمسمية الف وان شفت وجه العروس والله يالعشر تريل تخب عليك ببنيوات الشام والله يالوحده منهن ان المليون مهو خسارتن به لا والمسيكينه تعيي وتقول انا مابدي مصرياتك انا بدياك تئبرني تعلمن يابناتنا تعلمن بلاك والله من البطره والدلع الزايد .. المشكله انت لو قدر الله عليك واخذت سعوديه من يصرف عليك ؟ من ينشد عنك ؟ من يطبخ لك؟ اووووووووووووه الطبخ عاد حدث ولا حرج .. ترد من الدوام ذابحك الهمسمس ( الجوع ) ومن تدخل البيت ماقدامك الا ريحة البصل والثوم .. وماهن لك .. لجيرانك ام فلانه وام علانه عليك بهاكالايدين .. بالشام ... المشوي والكفته والتبوله واللي تبي .. انت بس طب وتخيّر .. (((( وهذي وشي يا عبيصوه )).................!! ولااقول ببنات ربعنا شي بالعكس حريم بيوت وكاملات والكامل وجه الله بس عاد مانتن ازين من الشاميات والحق حق لعنبو بليسكن مايسمكر وجيهكن بالمشاغل الا هن ؟؟ مختصر الموضوع ان المفروض ان محد يزعل لان الموضوع تنتيف وبعدين انت يا عبيصوه شخلاك تقرد روحك وتحوس الموضوع .. نواف عارف وش كتب وشفه ما رد لان الموضوع كله تريقه .. بس الله يهداك لازم تحوس الدعوى والحين المفروض ان البنات كلهم يردون ويشرشحون الشباب رد على الانتهازيه التي قامت بها هذه الفئه الضاله و المتمرده !! واني اهيب بكل اخواتي الماجدات انهن ما يخلن حقهن من الموضوع مو دايم طبيعتكن تسكتن لازم تاخذن موقف حازم .. وشفيهن البنات هاللي ما تعجبكم ريحتهن الا والله ريحت زباد وحنا وجلاكسي <<< يحسبه عطر وبعدين الحراب مسوي ابو هاجوس وواقف على الرصيف يحتري يبي سوريا ... تبي سوريه يا الحراااااب هاه تبي سوريه احمدو ربكم ولا يحرابكم تروحون لموزمبيق ويمكن يعين بعد .. وبعدين هالبنات يومهن شابات عليكم ليه ما تاخذون حقكم هذي تقول الشباب دشير وهذيك تقول راعين تتن .. براي لله .. وهذيك تقول الواحد منكم ما يمشي الا بمخباه سلسله على باله بانيو .. ردو يا ملا البلش علموهن ان الشباب يقطرون مشاعر واحاسيس علموهن ان الشباب لو تطيح شعره من رمش البنت لقطه قبل لا تاصل للارض ... (( يا اخوان عطونا معزوفه اسبانيه )) دخيلكم الامر لف على القلوب قولولهن اننا ما نمشي الا وصورت حبيباتنا بعيوننا ومهما شفنا من بنات يبقن هن الماجداااااااااااااااات العبدالله .. وكانك يا بو حمود صامل انا عندي لك الديره عليك بالتشيكوسلوفاكيه .. من زين الوحده بهن لو تراعيلك بس طاح نص وجهك من التشنيصه .. ولا البلغاريات .. تجلس معك طول العمر ونجيبلك بلغاري صغير يشيل اسمك لا مت <<<< تف تف بعد الشر ولا عليك بـ الطاجكستانيات يا عيني يا ليلي ... تخليك تغلط بعلباك لا مشيت تحسبه علباء ولد جيرانكم .. خلكم من الحراب و الربيع ما وراهم الفلاح .. تعال وانا اخوك السنع عندي ويمكن ناخذ عبيصووووه قلت يمكن عشان نشخصبه عندهن نقول هذا من حقين السرك عندنا اللي رجولهم طوال .. وبدربنا ناخذ معنا ابو نوت يملك لك تراهم يقدسون الشياب يعدونه البابا بو نوتيت .. راجعلك يا حلو !! يا شيخ وين هالموضوع من اول ولعها ولعها اخر تعديل كان بواسطة » صالح العبدالكريم في يوم » 09-11-2003 عند الساعة » 00:21. |
09-11-2003, 00:47 | #65 |
شاعر
|
عبيصوووه مالك داعي مرّه حست موضوع نواف الله يهديك وسويتلي فيها ابن حزم .. وش دخلك هاه .. وبعدين اعوذ بالله تقول للبنيه ( هل وصلت بك قلة التربيه والحياء لهذا الحد ) حرااااام عليك احرجت البنت وهي ما قالت الا رد على تريقة الشباب !! بجد انت قاسي وجبار وارهابي ياللي ما تخاف الله !! ليش تخرب على نواف موضوعه قسم بالله انه كان حلو وكنت متفزز للموضوع ونبي نحط على بعض حنا وخواتنا بس صادق فيصل الخالد الله يرحمه ويسكنه الجنه يوم يقول كل ما تدخل بشي الا تبي نفسك احسن واحد .. وصادق نواف يوم يقولي بالتلفون... الله يهديه عبدالله التميمي ماله داعي بحكيه على البنيّه وخرب الموضوع عشان ما يبي النجاح لي !! لدرجة ان بغيت امش له للخفجي يوم حسيت انك كسرت خاطره .. وصادق محمود ..هذا مصري معي بالدوام ماله دخل .. حتى ان ابو نوت يقولي بيني وبينه افكر احذف يوزر التميمي عشانه بدى يسبب لنا احراجات بالمنتدى ويضحك علينا الناس .. يا خي ما تخاف ربك انت .. الى متى وانت ترهب الكتاب و المواضيع .. الى متى وانت تحرج الاداره والاعضاء بتصرفاتك !! :": صدق فهد بلان يوم يقول / يامن يخرب مواضيع اخوياه تخريب ............. ما تخاف ربك يخرب بيوم بيـــتــك !! برجع اذا قمت من النوم واعلمك وشلون تطق باصبع يا ........... ابن حزم العسقلاني .. |
09-11-2003, 04:57 | #66 |
Banned
|
هئ هئ هئ هئ صدق طيطل مات ياصالح |
09-11-2003, 05:12 | #67 |
شــــاعـــر
|
لك ابن عمييييييييييي شو بنااااااااا صالح .. ابو صلوح ..ياعزوتي انت الموضوع لك ... ادهر <<<--- ماله شغل |
09-11-2003, 05:21 | #68 | |
شــــاعـــر
|
صالح إقتباس:
المشكله ياصالح ان الموضوع فكاهي وتوسيع صدر .. لكن البعض اخذوه بجديه اكثر .. هذي المشكله .. ولاّ من جدك باتزوج من هالزلمات بالله عليك؟ ياكرهي للجديه |
|
09-11-2003, 09:18 | #69 |
الـحـــرّاب
|
صوييييييلح لا ياللي ما نيب قايل هالحين يا قليل الخاتمه قلبت علينا و جالس تميلح عشان البنيات يا ال... و بعدين زي ما قل ابو حمود الدعوى مزح و وناسه و الا الجواز ما بعد طلعناه عشان نروح سوريا بس اعوذ بالله ما تخلون الناس تسولف و تمزح يورالي الموضوع في الديوانيه و الشعار يقول: العتب مرفوع و الزعل ممنوع :": :white: وسعوا صدوركم يا عيال و بلا بثاره و جديّه وين ابو خالد يعلمكم السنع؟؟ وينه؟ |
09-11-2003, 09:24 | #70 | |
شــــاعـــر
|
إقتباس:
8 8 8 تكلم عن نفسك يالحبيب :": |
|
09-11-2003, 20:48 | #71 |
عضو شعبيات
|
يالربع صلوه علي النبي
المهم يالربع كل واحد قام يدلي بدلوه ويقول اللي بخاطره بس في مثل عندي دايما اضرب له الف حساب وهو ان ماكل مايقال يصدق وما كل مايسمع يقال لازم الواحد قبل يطلع الكلمه يضرب لها الف حساب يعني لايصير مثل المشخال ؟ يعني يوم قريت ماجاني نوم ومل قلبي ويام قلبي كل ماجاء ليله ودلاء يلوجني علي كل منوال مما سمعت من الهروج الهبيله كلن يجيب من الخرابيط مكيال قلت يالربع اسمعوه من نظم قيله من شعر ابن شايع تهيض بالامثال مابي الا بنت سعوديه بنت الدجي اللي خديده يشعل اشعال ولو درت بالبيض شكله قليله |
10-11-2003, 09:48 | #72 |
الـحـــرّاب
|
نوافووووووووووووه لا تدقق تراها نصبه عشان نطلع من الورطه اللي حطيتنا فيها لالالالالالالالالالالالالالالالالالالالالالالالالا لالالالالالالالالالالالالالالا تفضحنا خلها مستوره :white: :": |
11-11-2003, 16:49 | #73 |
شاعر
|
الله يهديك بس يا عبيصوووووووه !! على طاري العزوبيه اخبرلكم واحد من الزملاء .. اللي مهم القريبين مرّه .. تزوج له مغربيه مووووووووووت يمكن .. المهم داخ الاربع دوخات لين ما دخلها السعوديه وجابها عنده والحقيقه ان البنيه يعني من عايله محترمه وهو كذلك .. يوم جابها هنا الضعيفه تغيرت عليها بعض الامور واختبص راسها يعني مثل الغطوه ما يلبسونها هناك الرجال قالها لازم تلبسينها ومدري ايش اول يوم لبستها خمعت بالجدار وهي بتطلع .. المهم مشي الامور تعلمت البنيّه شوي شوي .. كان اخوانه واخوياه كلهم زعلانين عليه ويقولون له ما يصير وعيب تزوج من الخارج , قال يا عالم انا ابي مره ارتاح معه افق خشتي به قبل اموت المهم بدت تضبط له هذاك الاكل شي اكل وشي حلا وش دلع والله وهو يعزمهم كلهم بالبيت عنده ويوم جو وقلطو الا وش يشوفون ريحة هالمغربيه بالاكل ( وي والله من نفس وريحه ) المهم دريو الربع ان سوالفهم اول ما عندك احد وبدو يسألون الرجال ما حوله بنات عم او خوال او اي شي !! زبدة الموضوع .. انه بدت تسيّر على الجيران وتخالطهن ويوم جاء يوم قالت لرجله ليش انتم حريمكم كذا ؟ قال ليه شفيهم .. قالت اغرب جنس مر علي !! اذا اجتمعو بدو يحشون بزواجهم وينتفون فيهم .. هذيك تقول للثانيه ليه لابسه احمر اليوم قالت بلا من هالثور اللي عندي (( هي اللي تقوله مو انا )) .. وهذيك تقول انا ابتلشت بالمعفن اللي عندي ما تشوفين نص شعري محترق !! وهذيك تقول يالله عن اذنكم بروح وتسألها وحده تقول وين بدري تقول لا تأخرت على هالطبل اللي بالبيت !! عاد هي تسأل زوجه تقول عيب كذا يعني حتى لو الزوج مو كويس عيب تسبه قدام الناس وتقول مع انكم يا الشباب شحليلكم وتهبلون وقلوبكم حنووووووونه وذربين وتقطعون البذر << يحسبها مدحه .. وتقول ما عاد انا مسيره على احد .. <<< ما تلاحظون انه قاطن معه هي وزوجه بالسوالف ههههههههه المهم بس الرجال يسولف لخويي يقول يا ربي لك الحمد والله انها ماليه علي البيت وماليه حياتي بالحب والغلا والاحترام والالفه .. بلاه بعذره مغربيه مغربيه مغربيييييييييييييييييييييييييييييييه اقول برجع لكم عندي لك يبو حمود سوالف واجده عن الزواج اخر تعديل كان بواسطة » صالح العبدالكريم في يوم » 11-11-2003 عند الساعة » 16:55. |
11-11-2003, 17:15 | #74 |
شاعر
|
بس الصراحه البنات ما ينلامن باللي يقولنّه !! بعذرهن انبطت كبودهن هذاك لا جاء قام يختلق المشاكل عشان يقول تعبت نفسيتي بروح اطلع والثاني كل يوم وهو جايها يقول عندي انتداب للخارج .. مهوب عاقل سعود الفيصل .. ويصرفها حتى لدرجة ما ياخذها معه واذا سالته قال خلها تنثبر عند اهله ما باقي الا اخذ هـ السعلو معي (( هم اللي يقولونه )) .. وبعذرهن تطلبون منهن يتكشخن ويتزينن وانتم حتى مصروف القليل اللي يعطيهن ويالله يالله .. والا يقول ليه ما يلبسن مثل انغام ولا يلبسن مثل نوال الزغبي ولا ابيها مثل رزة نجوى كرم بالفستان ..وهو ابن اللذينا يجيبلها قميص بخمسطعش ريال .. يا عمي طير انت وياه اللي يبيها تكشخ له يدفع ظريبة الزين .. يشتريلها .. يطلع هو وياها كل فتره يتمشون عشان يجددون حياتهم وزواجهم .. ياخي يسافربها كل ست شهور لدوله حتى لوهي من الدول العربيه ولا كل سنه للي مو مقتدر (( لا ننصب على بعض السفر بالمره ما يكلف ابد ابد حدك مطاعم وتمشي )) اللي يبيها تكشخ له اذا دخل عليها دخل وهو متشيك مو يدخل عليها وريحته تصرع (...) . اللي يبيها تكشخ له يزين مكانه هو وياها يرتبه حتى لوهي غرفتين ينظم فرشه لمسات جميله بالبيت تحسس البنت ان عندها واحد ذوق ويحب الذوق منها .. مو يجلس وفرشاته محرقه زقاير تقل ساكنين بمقهى شيشه !! اللي يبيها تكشخ له وتسبل له عيونها لا دخل وتفزز له كل ما دخل مو يدخل عليها تقل زيدي ..الشماغ على الكتوف والطاقيه صفرى وشعر اذانه واصل لعلباه .. اللي يطالبهن بـ شي يوفر لهن متطلبات هالشي ولا يسكت وانتم وش على بالكم هاللي يتكنشلن بالقنوات ويطيحن الطير .. كل هذا حلا .. لا وربي الا الذوق واللبس و الميك اب والعدسات وكل شهرين قصة شعر .. وحنا بنيواتنا بذات الجيل التالي ملكات بـ الذوق بس يبن اللي يقدر ويصرف .. مهو جالسين تجمعون وتسافرون بهن وشغل فخفخه .. واذا جت على مرته قال والله اني طفران .. خلاص اجل الله لا يهينك من تكشخ لك .. كم وحده حلوه وموت مو شي بنظر احد اذا ما كان الذوق والقبله لها فعل .. خلوكم من امثال ( الزين زين ولو قام من النوم ) ايه ما قلنا شي بس عاد التكتكه والتكنشل والدلع والبس يشدن اكثر .. يعني حسسوهن انكم تحبون الذوق وعاملوهن على كذا وشوفو .. برجع اجيب قصص للرجال ومناقضاتهم لانفسهم اخر تعديل كان بواسطة » صالح العبدالكريم في يوم » 11-11-2003 عند الساعة » 17:21. |
12-11-2003, 06:36 | #75 |
|
يادافع البلا وش ذا الحريقه اللي عندكم ياقبلة الله سعوديه وبس ماهيب وحدة تناظر بوكي قبل وجهي عداك العيب ياصالح أسلم وتسلم |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|