[فهد الغبين]

للشعور ..بلا شعور ..من الشعور=مرني ظيف ..وتعلل ..ثم سرى
وكان هذا الضيف ..يشعر بالحضور=ويكتب التاريخ ..حسب ماجرى
وكان ..ثامل حيل ..ماهو حول زور=واعتراه الصدق ..حسب مايرى
العرب ..هم العرب ..الى النشور=مايبون الصدق ..يكسيهم عرى
ياعرب ..ياهنوه ..من يقوى العبور=لابرى سيف الحقيقه ..مابرى
بالسطور ..سطور ..مابين السطور=ماقراهن ..من قرا ..مهما قرا
ل إنبثاق النور ..يبغى النور ..نور=مايبي ..من فكر ..يفكر ..ورى
المدا ..نداه ..داء ٍ ..بالصدور=ماشراه ..اللي شراه ..ولو شرى
من يدور السم ..في دمه ..يدور=وثم يقول اللي على الثرا ..ثرى
دام ما بالبور ..بور ..فلا ..تبور=من تدور ..بعالم الفكر ..حقرا
والسوال ..الصدق ..هو صدق محضور=هل يا ترى ..ماقلت..فعلا ياترى

[فهد الغبين]

ياهنوه ..مال الغصن ..وتساقط الورد=وانا مابين الغصن ..والورد ..ذابل
ياهنوه ..طال البرد ..واستفحل البرد=الين صدري ..صار ..مرمى منابل
هذا الآلم ياهنوه ..كم زاوج الجرد=حتى ..لقيت الجرد ..ياهنوه ..حابل
ماباقي اللي تذبحيني إبـ:ـلك ..فرد=وان كان هذا الحل ..انا فيه قابل

[فهد الغبين]

هذا الصباح ..أنفاسه المتعبه ..غير=يضيق منها الصدر ..وتضيق منه
وماكنهن ..الا ..أرق ..رق ..تفكير=ساعة ..عدمهن ..بالورق ..واعدمنه
ماكنها ..الا طير ..لا حاول ..يطير=جته بنادق كل صوب ورمنه
وغدا ..كسير ..ولايطير ..اللي كسير=وغنى على غصنك ..لمن اممنه
في فكر ..اخر غير ..في غير ..تصوير=ساعة بنات الفكر ..جن ..درهمنه
وابدا ..يخيل مزون ..غيم ..بواكير=ساعة بدن ..في هل ..ماهن ..زمنه
من ماطر ٍ هل المطر ..حيل بكير=الين ..طفل الراس ..ما ..حممنه
وبدا ..يقول ..اغيه ..ب اغيه شرير=حتى كبر ..في لحظته ..وارحمنه
وبدا يسير ..وسار من دون مايسير=ووصل وضم انفاسك ..وضمضمنه

[فهد الغبين]

يوم قالت لي فهد ..ودي اب وس ك=قلت (بو :سي)..لو بها قص رقبه
قالت ..إني ابوي ..لو يدري ..يحوسك=قلت ..يعني حوس ..قالت وحطبه
قلت يالبيه ..ياناعم لموسك=الحرير ..يموت ..يجي له شبه
قالت ..انت تعرف ..ماتكفي فلوسك=قلت انا عارف ..وانتي متعبه
شف يصير البحر حالي ..من يقوسك=والسمك ..يموت من شي ..قربه
يووه منك ااه كم نفسي ابوسك=لو بعدها ..يامها ..قص رقبه

[فهد الغبين]

بالليل ..طفل ..لابكى ..دمعه تحدر من سماه=واليا تحدر من سماه ..بكى معه ..حتى الحجر
بالليل ..طفل مابكى ..في يوم غيرك ..ياضياه=الموت ..شافه في يده ..اهو يجر وهو يجر
بالليل ..طفل ..لاحكى ..ماجاب غيرك في حكاه=ياماه ..ماوقف حكاه ..ياماه ..نبعك منفجر
بالليل ..طفل يسالك ..بالله ..ردي وش خطاه=خطاه انه حط لك..قلبه حديقه من شجر
بالليل ..طفل لابكى ..الصبح يقعد من بكاه=ويجيه مسرع يسأله ..وش فيك ..ويجاوب ضجر
ويرد له ..خرعتني ..ضنيت أحد جته الوفاه=مايدري ..أنه ميت ٍ ..مل الحياه ..وعاش أجر
بالعين .. دمع غارق ٍ ..قام يتساقط من سماه=وترده ..ايدين الخدود ..الى العيون ..ل المنحجر
أحيان ..يصعد ياسماه ..يمك ويتفاجى ب بماه=جت تصفقه ..صفقة وجع ..لاجات بيدين الفجر
يافجر ..واللي لك سمح ..تقتل وتحيي كل ااه=الموت أرحم يالحياه ..من نبع بعدك ..لا انفجر

[فهد الغبين]

عليك الشوق ..لو يبني مدينه من أرق من ياس=قسم بالله ..ماغيرك ..يلفلف في شوارعها
يا أرقى حس ..حسسني بمعنى الحس والاحساس=تعال ..وغن ل الماضي ..نبي نرفع مضارعها

[فهد الغبين]

يابيه ..فر الموجه سنه ..وغير=عوزين نبشوف حاجة كدا حلوه يابيه
شعبلة ..يناديه ..سعد الصغير=ويقول له دي حفله كدا ..إنما أيه
فيها الطويل طويل وفيها الأوصير=وشعبله معيي يجي مع سعد ليه

فقط لـ:ـ هم أبتسم

[فهد الغبين]

على بابك بعد عمري ..وقفت اتسول المسئول=دخيل الله يااعمري ..تشوف اللي وقف بالباب
غرير ..مات من حبك ..وحبه عنه عيا ..يزول=وغنى بك ..وغنى لك ..ياعمري (والهوى غلاب)
ياعمري ..لدي لعمرك بدا ينقص ..وجاه نحول=ترى ماعاد ..به حيلٍ ..يموت أكثر ..كفايه غياااب
يا مايه ..موت بعدك موت ..ياخذني الى المجهول=ويبعد بي ..بعيد ..هناك ..خلف الغيم خلف الباب
يحسسني ..بحز الموس في قلبي ..ولا لي حول=سوى ترديد ..قطعلني ..حلالك ..يالاهم ..اص حاب

[فهد الغبين]

استاذنك منْك ..منْك ..أبيني شوي=محتاج انا أتطمن عن حالي يا حالي
واطمنك عنك ..عنك ..يجيني وي=وان عاج فينا الضن ..غن مالي بك مالي

[فهد الغبين]

حدثني أحد باحثين الاثار الالمان ذات مساء
وذلك عند زيارته لنا في مزرعتنا في دولة سوريا على الحدود التركية في لولاء الاسكندرونه

عندما علم أنني أهوى الكتابة قائلا
هل تعلم أنك تدين نفسك في كل ماتكتبه يافهد ..إبتسمت وقلت له لماذا
قال الكتابة كـ الأثار تبقى خالدة ..وتحمل تصورك وفكرك عن موضوعها ..ولن تستطيع تغييره ماحييت ابدا

لذلك لا تكتب ..الا ماتثق انه لن يحرجك ذات مساء ويبقى خالد ودليلا عليك

في هذا المساء ..تذكرت ذلك الحوار

عندما وجدت أحد ردود المتابعين لكتابتي ..وهو يقول من هو فهد الغبين ..تعلمون في البداية غضبت هل يعقل ان يقول فلان عني كذا وكذا ..وهو من كان يتابع كتاباتي في كل مكان
ويثنى على كل حرف أكتبه ..وكانه يستقيه من استاذه ولماذا ..هل فقط لاني ..عارضته في الراي

لا اعلم متى يتعلم الشعب العربي أنه عندما لا أكون معك لايعني ذلك أني ضدك ..انا أكتب قناعاتي وانت تكتب قناعاتك ..لماذا نصل لـ نقذف بعض انت من انت وانت من انت الخ من الكلام السخيف الذي ارفع نفسي عنه

ولكن هي ثواني حتى إبتسمت ..هل تعلمون لماذا ....!

فقط لانني تذكرت مقولة عالم الاثار الالماني وان الكتابه دليل وبصمة وارث يجب ان لايستهان به وقد يستخدم ضدك

لم أكلف نفسي بالرد على ذلك الاخ ..وقد كنت احسبه أخ ..بل قمت بنسخ أحد ردوده على أحدى قصائدي وقلت له ..فهد الغبين ماهو الا ذلك الفقير الذي كتبت انت عنه ذات مساء كل هذا
الاطراء فكيف تتسأل من هو ههههههههههههه


عجب

ليه الغباء
يكون
عالم بلا قانون
يركض وهو اعمى
كله يبي يروى
مايدري
المجنون
انه
بدون
عيون
يركض الى
المــ مضمى
حتى ولو ما ..نكون
بالمبني للماضي
ماضي بلا ماضي
وبالحاضر المسئول
سم الم بــ أئول
ونردد الكذبه
لجل الغباء يكبر
وتكبر ماسينا
الغي
معمينا
يا هالغباء الفادح
في غيهم
قادح
يم الظلال النور
توقف دواليبه
واحساسك الم ــ كسور
يمشي
على النيه
والشعب نصفه كذب
والنصف الاخر
غي
ومصدق ..غيه
والكذب
به
طييبه
هذا الغباء
يكون
عالم رمادي
اللون

يا للاسف

كنا
نكتب بما كنا
وشفنا بام العين

نزف الالم
أثنين

أصدقهم الكذاب
واكذبهم



الصادق



بس لحظه لو سمحتوا
نبي نخرج هنا بالنص



انت

يا لاااا
شيء


أصصصصصصصصصصص

ياحادي الليل ..فض النور ..لا تضنك=مايلحق العلم راع الحلم بالساهل
وان مرك الغر ..لاترفع ولو ..ردنك=يقتات عالم حياك ..بحية.. الجاهل
ياجاهل الضي حي ..وضي به شجنك=لاتفرح بجرح ترح ٍ مفرح كاهل
ياساهي الغي في الهي في وطنك=يامواطن الراهل الماء جاك ..يالراهل
لو ما انت ..غر ٍ ..غرير ..لالويك ب اذنك=مار إنت ..لاشي في عيني ومتـ/ماهل
وان مل ليلك ضياك ..وقال لك ..أدنك=لتعقد إحجاج غيض واولك داهل
السهل مر الفياض وصعبك يعدنك=يامعدن الصعب برق الماس يستاهل
الجم ماج وجماله جم من مجنك=والمجن نجم الجمال بوجنة الشاهل
ياغي ..هذا المساء الري من مزنك=لاتعصر الغيم ..ديم وقاعك تظاهل
قم واقصر الرص صر ولاتصر رسنك=الخيل ميل الخيال وخالها الواهل
من لم حلم الظلام بعلم ..من سفنك=مايلحق العلم حلم ..ولو ظلم صاهل
وان كمل الكد ..شاء المد من مدنك=لاتلحق المدن (ماء الدن) من ناهل

[فهد الغبين]

قسم بالله أنا تعبان

[فهد الغبين]

من الـ : أهـ : هم
المضحك المبكي
ان ..ترى ..من لم تراه حقيقه في الحلم ..لا اعرف كيف أفسر لكم ذلك
كنت أمشي ..ليش ما ادري
توجهت ..الى الفور سيزن ..وكان صوتها يقول لي ..لما تدخل الفور سيزن من الخلف ..رح لـ : البوابه رقم 7
أول شاليه ..قدامك ..تلقاه راح أترك لك باب الزج ـاج مفتوح ..أرفع الستارة ..وادخل
رفعت الستارة ..ودخلت ..كان الشاليه هادي لاصوت فيه ومظلم .. الا من نور شمعه في وسط كيكه ..فجئه سمعت صوت ضحك ..بصوت عالي .. ووفتح النور ..كان هناك ..ناس كثير ..تضحك علي بصوت صاخب لايعرف الرحمه ..وجوه لا اعرفها ولم تكن هي موجوده
كان هناك شاب وسيم جدا ..لا أعرف من هو ..مسكته وهو يضحك ..وهزيت كتفه وانا ابكي ..وقلت له ..أسالك بالله ..ليش تسوي فيني ..كذا ..اعتقد ..انه شعر بصدقي ..ووقف عن الضحك ..وقال ..نصيحه إنسى

السوال ..كيف أنسى ..وانتي تاتين لي حتى بالنوم ..الا يكفيك ..انني اراك بعيون ..الناس ..وهي تضحك علي كـ : مجنون
سامحك الله ياراقية


كل مافوق ..مرني في المنام وصحاني من النوم وانا اردد

تعبت أركض ..وانا واقف ..واشوفك في عيون الناس =تعبت ..اتحمل الواقع بدونك ..ليش تقعدني

أعتقد في هذه اللحظة أنها تحتفل في أح ـد فنادق الفور سيزن في إحدى دول العالم على البح ـر ..فكما كانت غايبه بالحلم ..انا غايب عن هذا الاحتفال في الواقع
اعتقدت أنها أرادت مشاطرتي هذا الاحتفال
لها الواقع الفرح
ولي المواقع الترح

صحيت من النوم لـ اكتب لها أنك معي ..ولو لم أكن معك ..لا أكثر فشكرا لك

بوابه ..سبعه ع البحر ..بالفور سيزن . كنت أدور=في حلم ..واقع أغلبه ..واقع حضور الغايبه
جاني ..رسول من الهوى ..يقول ..تطلبك الحضور=وصدقت حلمٍ ..واقعه ..لملم حزن غباي به
وشلون ..مدري يابشر ..بس الحقيقه فيها ..زور=أو إن فيني ..من جنون العقل ..نفس ذايبه
فزيت ..أدورها عجل ..أسابق الخطوة ..ل سور=سور حياتي ..بالظلام المر ..واهبل شايبه
كنت أركض أركض يابشر ..من بعد ما اقعدني شعور=مر بمنامي ..أوله ..وانهى الحياة السايبه
مني خذاني يابشر ..وشلون مدري ..ل العبور=لاقصى مراحل هالجنون ..يم الجنون النايبه
جتني ..وانا نايم وحيد ..حزين ..واشعر في ضمور=روحي ..بعد روح الحياه ..الميته والهايبه
ركضت ..ادور هالمكان ....وتحطمت حتى القصور=من دمعه الفقري على.. من سببت مصايبه
يابنت ..انا مرهق ارق ..عاش الحياه ..بدون دور=شافك ..على مركب منام ..مبحر وصوت جاي به.
دخلت ..واحساسي يقول ..الموت لك ..الى النشور=ياشين موت ..المنهبل ..لامات من حبايبه
دخلت ..شاليه القهر ..ميت ..ويحملني ..جسور=كان اعتقد أسمه أنا ..او انني( به.. ناي.. به)
تعبت ..ادور ..ادور ..ادور ..وانا مكاني ما ادور=تعبت ..أشوف الغايبه ..دايم معي مو غاي به
تعبت ..اسابق خطوتي ..يم الجنون ..بلا سرور=تعبت اشوف الموت ..سنه ..يضرس علي سبايبه
تعبت ..أموت بكل وقت ..يمرني ..ويمر ..شور =يقول انسى يافهد ..حلم ..غدت ركايـ: ـبه
وش لون أبنسى يابشر ..وغيابها ..دايم حضور=هو يقوى ينسى الذاهبه ..من به فقد ..ذهايبه

اعتذر ل الجميع ما اقدر اكمل
ارحموني يا ع الم ..قاعد أموت بدون موووووووووووت
تعبت من الجنون ..تعبت اشوفها وانا صاحي وانا ماني صاحي ليش وش ذنبي ..!

[فهد الغبين]

حاولت ..أذمك يالاهم ..لكن ياقلبي ماقويت=وش لون أذم اللي لها ..بين الحنايا ..متكى
ياقلب ..قلبي لابكى ..قولي ..ياقلبه لابكيت=لاتبكي اللي مابكى ..من كثر مايسمع بكى
ياقلب منك لك شكى قلبي ..ولالغيرك ..شكيت=ياحكمة قلب شكى ..ماتنصفين اللي شكى
القلب يصرخ من قهر ..يانهر قلبي ..لامشيت=بالله ماتسمع حكي ..قلب الى قلبك حكى

[فهد الغبين]

ياطير شلوى ..دن دن اوتار هالعود=محتاج في هالليل ..ياطير ..تغيير
محتاج أحس ..بحس من عاش مضهود=ولا حوله اللي يحتمي له وهو طير
حاول يطير ..وحد ..عن غيمه ..حدود=حراس خلف اسوار واسوار ل امير
غايب شعور ..وحاضر ..بعينه الزود=ضبي حنيفه ..سيد كل الغنا :دير
الهايم الواهم اهم من يهم ..عود=اصبح غلاه ..وراح بي ..دون تخيير
لاهبهب الغربي على صدره النود=واطفى وقيد اللي على ناره ..يغير
ضبي النفود ..اللي حشا ..ماله نفود=فلو النفوذ ..اللي يتامر على الغير
عليه وجدي وجد ..من راح مقيود=في يوم جمعه ..ماعفي عنه ..ياطير
ضبي ..يسيد السيد ..والسيد مسيود=عليه ..عين ..يااااه كم فيها تاثير
صورتها ..في عيني ..لها اعوام وترود=حدب المحاني ..لاتمشت لها عصير
دن دن وتر صدرك ..وغني متى تعود=ياسيد كل الحسن يالحسن يالغير
عليك ..قطعت المحاني ..من الكود=ولبست بشت الهم ..لو إنْه .. إكبير
تعال ..خذني معك ..مابيني ..مفقود=باسباب مفقود ٍ ...ماهو حاس بالبير
قفى ..وخلاني كذا ..ماني موجود=دايم معه ..او قول ظله ..اذا يسير
لاصار ..قلبك عود ..واوتار هالعود=حدب الضلوع العوج له دن دنه طير

[فهد الغبين]

تو ..تسالني ياروحي... ليش ..واقف في مكانك =من ثلاث سنين ..واقف ..صاحبك هذا مكانه
وتو تسألني ياروحي ..ليش وش فيه إتزانك=من ثلاث سنين راحت صاحبك راح ..إتزانه
ومن قبل لاتقولي عانك عاني فيك وقولي عانك=ولاعرفتي معنى عانك ..عان باللي فيك عانه
من عرفتك ..وانا واقف ..مركى ...جاهز لركيانك=لين حسيت اركيانك ..غير أول بـ إركيانه
كل شي بك تغير ..روحك ..وحتى حكيانك=وكيف تستغرب ..ياروحي ..روحي وقل احكاينه
وجيت لك ..من مر مابي ..منتضر منك ..افزعانك=لين ..ماشفتك ..أفزعانك ..مد رجله ..لفزعانه
وجيت لك ..بحساس ميتٍ ماحسب ..سطوة اخوانك=لنه اليا لد ..عارف وش فعايلهم خوانه
وحاول إنه من زمانه ..يرقع الثوب لزمانك=لين وقف به زمانك ..عند ..قبر ..بلا ..زمانه
وحس إنه شخص ميت ..مات .والسبه عشانك=ولين عاش الموت فيك ..وفيك عيش بك عشانه
وحس ..في معنى كبير ..وقال ..هو ..لك بهمسانك=لين مرر ..كل ااه ٍ مرت بصدر ..همسانه
ويوم قرب لهمسانك ..شم مسكك ..واستدانك=ينشتي ..من مسك جسمك ..مايفطره امسكانه
لين قلتي له ..كفايه ..كفكف حروفك ..فخانك=خان شعر ٍ ..ليس الا ..خان ماله اي خانه
ومر وقته ...فيه مره وقال له يالله ف أمانك=ولايضيع ..اليوم قلب ٍ ..انتي فيه اصلا امانه
لايضيع احساس قلب ٍ ..ضد شريانه ..اعانك=لين حس بكل ذنب ..مر شيانه ..واعانه
شخص ..اكبرحلمه عنده كان ..ياخذ من حنانك=لين مات الحس فيه ومات حسه في حنانه
شخص ..لاكن شخص غير عمر مابيوم ٍ اهانك=وهان حتى اللي يفكر ..لك بلحظه في إهانه
شخص لامن غاب ..غاب ..ثم تذكر ..انسدانك=يوم كان الغيم يقطر ..قطر ..عطرك بنسدانه
شخص ..لامن غاب غاب و حس انه في وزانك=وقام بيديه يتحسس ..عل يلقاك ِ وزانه
وصاح لك ..صادق بصوته ..دان جن ُ..دنجوانك=واعلن بكل المعاني ..دان جن الجو .. بـ انه
وثم نادي ..بذبحانه كان هو منع ذبحانك=لين لبى كل عرق ..وانجلط لجل ذبحانه
وزم صدره للسماء ..الين ..وقف بك ..لعانك=وابتدا ..يهمس بذنك ..إتركينا من اللعانه
من ل دانك ..وانتي دانه وانتي دانه من لدا..نك=الا ..من لالد ..اذانك ..عن سماعك للإدانه
ثم ..نادي ..وهوه غايب ..يالعويد ..بخيزرانك=حن باللي ..به تمايل ..مثل ميل الخيزارنه
حن باللي ..من زمان ..يموت ..ماكل دعيانك=لين ..جاه ..دعاة منْك ..له تقول بلا ..دعيانه
ثم ..زم الهم زم ..ودم مابه ..بمتهانك=لوحة ..لحساسه فكر ..فر ..من كر امتهانه
وثم نادي ..يا مؤذن ..اذن أذن ..وبأذانك=لا تؤذن الا باللي ..لك يوذن ..في أذانه
ويامؤذن ..فيها ..اذن ..صاحبك حافظ مكانك=ف احفظي له في مكانك ..مايحفظه في مكانه
دامه اللي في جنانه ..جننك ..زايد جنانك=لين ضيع كل ذكرى ..فيك ..تتذكر ..جنانه
ف ارحمي شاعر كيانه ..من تكون من كيانك=ولاتخلينه ...بدونك ..يلعن الشعر وكيانه
واعلمي فالحب ُ روحٌ ..ترسم بغيم هذيانك=ومن بدا رسم هذيانك ..لملم الغيم هذيانه
فلا عصرتي الغيم خمر ..ثم تقطر..من (...)=(هل راى الحب سكارى ..مثلنا ..ثاقل لسانه)
كيف طاح ..بكل لهفه ..ربما ..يأتي ..إئتيانك=وانكفي شر الصعود ..وكل غيم ..وأتيانه
وكل ماحاولت اقول ..الشوق ..كوني عشانك=لين عشانه ..عشانك ..قام ..واغتاله عشانه
واكتبيني ..في سمائك ..ماجن ٍ ..ثامل ..مجانك=لين حسب ..كل وقت ٍ مر ماضي ٍ في مجانه
وثم تأمل ..كل مابك ..ثم جابك ..وب أذانك=قالها لك ..وب اذانك ..إني هالك وب اذانه
فعذريني ..يالحبيبه ..لافقد ..فيني ..فقدانك=من يلومه يالحبيبه ..من بفقداك ..افقدانه
اتركيني ..شوي ..لحظه بحلم ابحر ب زرقانك=لين انسى كل لونٍ ..كان يدعى بزرقانه
ولين ينسى ..كيف يشدو ..ماعلي من ازعلانك=المحبه ..حس اخر ..حس مافيه زعلانه
فيه كانك ..تعني كانه ..وفيه كانه تعني كانك=اي بمعنى ...شي اخر ..شي اخر ب إستكانه
بس لحظة ..والا اقولك ..كيف ..حاله... بردقانك=ولو سمحتي برد /قانه ..هل لقانه ..برد /قانه
ودي ..لوهي لحظة وحده ..صدري يمنعك شهقانك=بس خايف يالحبيبه ..يزعجك صوت شهقانه
لابدا ..يقول ااه ..ورد ل الاااه نهتانك=ارخي حبل للشراع لشراع ..وعاش جو ..باهتانه
فلا ..تدين الديم لحظه ..لجل يمطر ..لشدهانك=بعد ماهو ذاق مر ٍ ..مر ..مرمر ..بشهدانه