[مسفر الدوسري]

رد على مقاطعة رسيس..
لا والله سعودي..وأبوي ..وجدي..و...و والله كلهم سعوديين،وأمي سعوديه..مع حبي الكبير جدا جدا جدا للكويت..

[مسفر الدوسري]

إقتباس:
الرسالة الأصلية كتبت بواسطة رسيـس
.

الآن فهمت الموضوع صح

قرئته اليوم على عجل وكنت أحسبه الموضوع الدائر دوماً على موائد النقاش ألا وهو الكتابه الرجاليه للشاعره النسائيه

لا

هذا موضوع أعتبره طازه موضوع نيو لك .

أنا لي وجهة نظر بخصوص الموضوعين . الجازي قامت بطرح موضوع ضد موضوعك ورفعت دعواها بمحتوى مقالتك يابروفوسور !

أنت قلت بذكورية الروح الشعريه للقصيده النسائيه !
والجازي ردت بأنك أيضاً من قلت بذكورية الروح الشعريه في ( الأنثى ) في القصيده الرجاليه !!

إذاً محور الشكل ونقطة الخلاف والتساؤل ! ( وهو ليس بشكل ولاخلاف

تذكير المفرده النسائيه في القصيده الرجاليه / وطغيان الروح الذكوريه على القصيده النسائيه !

الجازي وفرت الكثير من الجهد في هذا النقاش .

وجهة نظري الخاصه جداً / قد يكون لعصر بداية النبطي القريب رابطاً مهماً وأساسياً في هذه القضيه ..فـ شيئاً من التحفظ على ذكر العنصر النسائي وإبداله بالإشاره إليه بالمعنى الذكوري قد يحد من الإنتقاد الذي كان قد يصيب الشاعر لو تكلم باللفظ الصريح ! ( لا أعلم أحس بأني غير مقتنعه تماماً بإيصالي لما في رأسي بهذا الخصوص )
مع العلم بأن الشاعر ( محسن الهزاني ) كان صريح جداً في أمور كثيره حتى أنه تطرق للأسماء !
وقد يكون الإشاره الى المحبوبه بالقلب ومن ثم أصبح القلب لفظ ذكوري يشار إليه والى كل متعلقاته من أفعال وأقوال وتمنيات وما إلى ذلك ويكون المشار إليه غائب مستتر وهي المحبوبه ومحلها القلب !

أما من ناحية طغيان الروح الذكوريه على القصيده النسائيه / فقد تكون لذات الأسباب الذي ذكرته الجازي
وهي على عدة محاور اساسيه . أهمها طبيعة الفتاه كـ الحياء والتربيه والتركيبه السيكلوجيه عموماً .
والقبيله او العائله !
والخجل أساساً من نطق كلمة ( أحبك ) ومتعلقاتها أمام المحبوب ( كفطره نسائيه يغلب عيها طابع التمنع )

فمع الوقت توارثت هذه الفكره الشاعرات .

مع العلم أن المجتمع أصبح أكثر إنفتاحاً من هذه الناحيه / والدليل قصيدة نهى نبيل ( السكسوكه )

هذاك المار قدامي وله نظرات قتــــــــــــالة
له سكسوكتن حلوة بأقصى الوجه مرتسمـة
حرمني النوم في ليلي ، حرمني النوم عقباله
يحس الشوق في صدره ذبحه وزاد في همــه
أحب أمه ، أحب عمه ، أحب جده ، وأحب خاله
أموت بنظرة عيونه وأعشق كل حروف اسمــــه
أحب جدهِ ، وأحب هزله ، أذوب وحالتي حاله
وإذا يطروه قدامــــــــي أحس بداخلي صدمة
ذبحني بكثر ما اشتاقه ، ذبحني بكثرة أشغاله
شغلني ، جنن قليبي ، فصلني من على الخدمه
يا ليت أقدر أصيـــــر بيوم شيّن دايم قبالــــــه
وراه بكل مكان يروح شيّن غالــي يهمـــــــه
يا ليتني ساعةٍ بيده ، أو أرقامــن بجوالــــــه
يطقطقني على كيفه ، ولا أحفظ سوى رقمــه
أنا ادري انه يعانـــي ، وأدري صعب أحواله
قلبي ما يطاوعنـــــي يبي دايــم اهو يمه
أنا ما يهمني ربعه ، وعذالـــــــي وعذاله
احبه بكل جنون الحب والإحساس والذمه
صحيح انه يكذبني ، وظنونه على باله
لكني بعلمه كيف هو دمي وأنا دمـــه
يقول اني أنا أنسى ،، فال الله ولا فاله
لو بنسى أن نفسي ، ما انسى أبد رسمه
يا قلبي شوفلي حلٍ بحبن صار لي علـة
يا إما تجيبه لعندي ، وإلا اطلبه من أمه ..


أيه رأيك ياسي مسفر بئئ !! ( ماتؤلش دلوئتي أن النسوان بئو رقاله )

متابعه بشغف كبير .. ولي عودات

.

رسيس عاد إنتي ما صدقتي على الله تلقين موضوع وينفتح للنقاش : )
شوفي يا ستي..اللي قلتيه يعني فيه وجهة نظر..
لكن أنا ما ودي نثقّل على زوّار الديوانيه بهالموضوع..إذا ودكم خلّونا نفتح الموضوع بعدين على رواقه في" فكر وراي" ونتناقش فيه للصبح ما عندي مانع،
وهاتي يا أستاذه رسيس براهينك إنتي والطيبونه الجازي..وكل واحد فينا يدلي بدلوه بالموضوع،هاه ..وشرايكم يا الرّبعات؟!

[رسيـس]

موافقين بس لما يخلص لقاءك ياعملاق

<<<<<< مروووحه على الخط وش قولتك ياسما خير

.

[سمـا خير]

^
^
أنا أقول تم تم مثل ما قال الأستاذ مسفر عندكم فكر ورأي مكان خصب لمثل هالنقاشات بس حنا أهل الديوانية غلابه
.
.
الديوانيه ..هي البساطه البساطه ياعيني ع البساطه ..
.
.
رسيس ..

[مسفر الدوسري]

إقتباس:

الرسالة الأصلية كتبت بواسطة عبدالرحمن الربيّع
الاحبه وضيفنا الكريم والاخ العزيز والاستاذ مسفر الدوسري ..

اعتذر عن التاخير والمفروض ان اكون في مقدمة المحتفين بك وبحضورك المميز دائما ايما حللت ..

واشكر الاخت سما الخير على اتحاة الفرصه للقائك بدون رتوش ورسميات وكم وددنا ان ندخل في اعماق شاعرنا مسفر والابحار في ذاته ..

اسئلتي الوديه

وانا اتصفح امس جريدة الجزيره لمحت قصيده في الجهة اليمنى من صفحة مدارات شعبيه لشاعرنا مسفر الدوسري وكالعادة اجدك في قمة الشاعريه والعذوبه والجمال ..
وقادتني هذه الصفحه للوراء كثيرا عندما بدات انا الكتابه في هذه الصفحه وكنت انت في احد زوايا الصفحه ممسك بقلمك وتمتطي صهوة جواد الحرف والكلمة العذبه ..
سؤال هل تذكر البدايه الحقيقيه مع النشر في الصحف ؟
وهل انتهى عهد النشر في الصحف والمجلات لقلة المتابعه واتجاه اغلب الشعراء للنت وماهو الفرق بين الاثنين في عصر السرعه والتطور ..

وهناك سؤال بعيد عن الشعر وهو الفن هل هناك اغاني لمسفر الدوسري باصوات احد الفنانين وهل سبق وان لحنت احد قصائدك ؟

اخيرا لي عو ده ان شاء الله للاستمتاع برفقتك مع الاخوه والاخوات فانت مسفر الدوسري الاخ العزيز والشاعر العذب

.................................................. .................................................. .....

هلا والله وكل الغلا أخوي عبدالرحمن.. والحمدلله ألف على السلامه،
لا تعتذر عن التأخير،معذور،حنا ندري إنك كنت قانص، ومدري من اللي ذكرك في نيروبي ويقول أنه شايفك تمشى في حدى شوارعها وناسف على كتوفك نمْرين،وتسأل اللي فالشارع عن طريق اللي يودّي للرياض.
الحمد لله على سلامتك يا الغالي..

_ بالنسبه للنشر بالصحف أنا أعتقد أنها بالنسبه لي عجيبه غريبه،يمكن أنا أول وآخر شاعر أول ما ينشر بالصحف ،ينشرون له لقاء على صفحه كامله!!!!! تخيل مو قصيده.. لقاء كامل في صفحة القبس الشعبي بالكويت.
ويمكن أكون من الشعراء اللي مشوا للأعلام بالمقلوب،أول شي طلعت في الإذاعه في كم لقاء،وبسهره كامله في واحد من أهم البرامج الثقافيه في إذاعة الكويت كان إسمه "أمسية الإربعاء" تقدمه أسماء دبوس،والغريب إن البرنامج هذا مخصص للأدب الفصيح،ويمكن أكون أول شاعر عامي يستضيفه البرنامج ويمكن الوحيد،وبعد الإذاعه طبعت ديوانين،وبعد الديوانين نشرت بالصحف!!! تحس السالفه ما شيه بالغلط..
بالنسبه للنشر في الصحف أنا لا زلت أنشر بعض القصائد بالصحف وخصوصا بزاويتي الأسبوعيه اللي بجريدة الجريده أحيانا،وأنشر أحيانا بالمجلات،مع العلم إن الآن النت صار وسيله سريعه وسهلهومغريه للنشر على قولتك،والجميل فيها إنك تلمس تفاعل الناس مع اللي تكتبه بصوره مباشره وآنيه.
- بالنسبه للأغنيه يمكن أنا ماعندي هذا الحرص عليها،ومع هذا فيه فنانين تشرفت بأنهم غنوا من كلامي على راسهم الفنان الكبير والصديق الأب أبوبكر سالم في عمل وطني،ومنهم خالد الشيخ ،وفيه يا طويل العمر فرقة أجراس البحرينيه،وفيه مطرب بالكويت ترك الغنا يبدو لي من زمان إسمه فيصل الفرج،لكن الطريف في الموضوع إن فيه مطرب بالكويت إسمه يحيى أحمد،وهذا المطرب قرا قصيده لي في حدى الصحف وكان وقتها معتزل الطرب من سنين طويله،ومن شدة إعجابه بالكلام عطاه للملحن راشد سلطان ولحن الكلام من غير ما يعرفني لكن واجه مشكله لما بغى يسجلها بالإذاعه قالول لازم تنازل المؤلف ،وقعد فترة طويله يدوّرني لحد ما لقاني وعطيته التنازل ،وبعدين غناها وسجلها فالإذاعه ورجع كمّل إعتزاله حتى هاللحظه
وفيه أغنيه ملحنها خالد الشيخ عند عبدالله الرويشد من فترة،ومدري إذا كان بينزلها أو لا..

تحياتي لك أخوي عبدالرحمن وناطر رجعتك إنشا الله،

[مسفر الدوسري]

يا جماعة الربع..
إسمحوا لي أستأذنكم الحين،
وعشان ما تزعل علي العزيزه سما خير..أستأذنها هي بالذات ،والله يا أختي إني من الساعه أظن 7 الصبح لحد الآن وأنا مرتزّ بهالديوانيه،أستأذنك وأستأذن الأخوان والخوات،وراجع بأذن الله،

لقلـــوبكم،

[مسفر الدوسري]

باك،

[مسفر الدوسري]

قبل نبدا:

الحياه تســتاهل أجـمل
بسمه تضويها المشاعر
لا تخلّــي الحزن يكمَل
ليه عـلى فرْحك تكابر؟!
ليه على ما فات تزعـل؟!
ليه يبقـــى فالمحاجر؟!
أمس؟! خلّ الأمس يرحل
المهم لا يــروح باكـر!

[مسفر الدوسري]

نقطة نظام
يا جماعة الخير أنا صار لي كم يوم ما شفت مزون المحمد..وقلبي مو مرتاح ،حاسّ إن الموضوع فيه إنّ...!
شكل سما خير مسرّبه الأسئله ومعطتها مزون..والأخت قاعده تذاكر حق يوم السبت!!
يا جماعه ترى ما يجوز السالفه تصير خيار وفأوس، إنتبهوا.

[مسفر الدوسري]

إقتباس:
الرسالة الأصلية كتبت بواسطة مزون المحمد
إقتباس:
الرسالة الأصلية كتبت بواسطة مسفر الدوسري

هلا ..هلا ..هلا يعجز عن حملها القلب..
يا مزون الطيبه..والرقي..واللطف..
قبل ما أروح لأسئلتك بقول لك شي يمكن مو مكانه،لكن أنا ذبحني نصك "آخر ليله في تشرين" وعجبني حيييييييل من يوم قريته في غير مكان،ومن يومها والله وأنا أبي أدخل وأتطهّر بعطره،وأغتسل بنوره،ولا زلت أمنّي نفسي بهالموضوع..!نص فعلا جميل.

هنا جعلتني أجلس على غيمة تتدلى منها ساقاي تحملني الريح عليها في سماء ملكي وحدي ..
مررتُ من هنا كثيراً لعلي أجد ما يملأ كفيك شكراً , لعلي أجد عطراً يليق بـ رائحة المسك ,
فقط ما شعرت به هو عدالة السماء في شهادتك وإنصافك أضعها بـ جانب كل من أدلى بـ رأيه في متصفح ذلك النص ..
فـ شكراً بـ حجم البياض الذي يسكنك أيها النقيّ

يا أخت مزون شاعره مثلك يحق لها تقعد بين غيمتين وتتمرجح طول الوقت،وتمد يدها وتقطف من النجوم وتحط بسلّتها،وتجود علينا بين وقت ووقت بوحده من هالنجمات،وندين حنا لها بالشكر والإمتنان،

[مسفر الدوسري]

إقتباس:
الرسالة الأصلية كتبت بواسطة رسيـس
على أحر من الجمر تتقد دقائق إنتظارنا يامسفرنا

هل هو التغلي علينا / أم مشاغلِ أخذت محياك عنا !

بإنتظارك ولو طال الإنتظار

.

الأخت رسيس العذر منك ومن رواد الديوانيه وزوارها..اليومين اللي فاتوا أنا إنشغلت شوي، أما التغلّي فما عاش اللي يتغلّى عليكم.

[مسفر الدوسري]

إقتباس:
الرسالة الأصلية كتبت بواسطة رسيـس
يالله هذا أنا مسنتره من البارح بالليل



صباح الورد والنويّر

صباح الخير
صباح الورد والنّوير
يا أوّل بنت..
تعَرف تقول:
صباح الخير،

(مقطع من قصيده سابقه)

[مسفر الدوسري]

إقتباس:
الرسالة الأصلية كتبت بواسطة غاده بنت تركي
صباحووووووووووووووووووووووو
صباحك ورد وخير وهنااااا يا رب

إبتسـم حـلوه الحياه
..................... والعسر يقفاه لـين
والعمر غــالي تراه
..................... ما نعيشـه مرتـين!

يجعل أيامكَ كلهاحلوة مثل حرفكَ وحضوركَ وقلبكَ
تعتقد يا مسفر ان الحياة الآن حلوة كما هي زمان ؟
وإن كانت إجابتك بنعم فلم لا نحس بهذا
الأمتلاء ونحن نعيشها ؟

برأيكَ هل إتساع رؤية الشاعر الثقافية عموماً
تخدم جمالية النص أم تبرز مهارة الشاعر فقط ؟

حتماً سأعود لكنني أغرق ما بين الورطة التي تسمى
دراسات عليا وبين ظروف ارجو من الله ان تزول
ولا أنسى ان أشكركَ مقدماً يا مسفر الجمال والخير والحرف

شكرأً سما الحب والشفافية
مودتي يا غالية ،

وحلوين طيبين ومتابعين

ولك إنتي يا سيدتي بعد أجمل الصباحات وأعذبها دوم يارب،
- الحياه حلوه زمان ووالآن وبعدين،الحياه هدية الله لنا..فشلون تكون هدية الله بأي حال من الأحوال مو حلوه ولا جميله؟!!!!!
الحياه بكل ما فيها من زين وشين أعظم الهدايا وأروعها،يكفي فقط إن الله هذا الخالق العظيم هو اللي ابتكرها،هذا سبب كافي يخلينا نؤمن أن الحياه شي مهو عادي،شي عظيم،الجمال سبحانه ما يبدع إلا الجميل،وإذا حنا ما نحس بحلاوة الحياة وجمالها هذا أحيانا خلل فينا حنا مو في الحياه،حنا أحيان كثيره ما نشوف،قلوبنا تنعمي،يملا عيونا الرماد:رماد الطمع،رماد الكره،رماد الملل،رماد الأنانيه،رماد الحسد، وأنواع مختلفه من الرماد،هذا الرماد ما يخلينا نشوف جمال الحياه،لكن الحياه من كثر مهي حلوه الله يسميها فتنه!!!

- رؤية الشاعر الثقافيه مهمه لذات الشاعر ولفكره لكن مو مهمه للنص بشكل مباشر.أنا أعتقد إن ثقافة الشاعر إذا إتجهت للنص مباشره تقتله،لازم هذي الثقافه تمتزج بروح الشاعر وبفكره جيدا،وبعدين "تتسرّب" بتلقائية وبدون قصد لنتاجه.

تمنياتنا لك بالتوفيق في دراستك وعسى الله يعينك ولا يضيع لك جهد وتعب،

[مسفر الدوسري]

إقتباس:
الرسالة الأصلية كتبت بواسطة سمـا خير

عـــدنــا ..

أهلاً وسهلاً بالجميع وبالحضور أعضاء كانوأو زوار ..
.
.
بصراحه هالمتصفح أحلى مكان شفته بالعالم حتى أحلى من ترمولينوس أسبانيا ..
.
.
ليست مجرد مقابلة عاديه ..الضيف جعلنا نغوص في أعماق حياته ..وعلمنا الكثير من فنه ومن تجاربه في الحياه ..
.
.
أناأقرأ وأنا معجبه فعلاً بشخصيه كشخصية شاعرنا العملاق مسفر وأقول في نفسي الحمد لله إننا أخترناه الأول يستحق الأول بجداره ..وأقول الحمد لله إنه وافق ..فعلاً تجربه إنسانية وشعرية وتاريخية وكل شي ..إنسان لن يتكرر ..
.
.
الله يعطيك العافيه أول شي تعبوك الأعضاء الله يهديهم خصوصاً رسيس القابعه في المتواجدين كل مادخلت لقيتها لبى قلبها والله
.
.
لي قفشات الصراحه وتعليقا ت كثير بس بأختصرها <<----- تحسب المقابله معها
.
.
بعلق على الأشياء الي علقت معي ..وبقت في ذاكرتي وقرأتها أكثر من مره ..
.
.
إبتسـم حـلوه الحياه
..................... والعسر يقفاه لـين
والعمر غــالي تراه
..................... ما نعيشـه مرتـين!
-------------------------
^^^^^^
بداية حلوة ورائعه وموفقه ..
.
.

^
^
تصدقون عاد الثانويه هذي مسوية لنا شي فعلاً فرحة النجاح فيها تأثر علينا أنا للحين أحلم بإني أختبر ثالث ثانوي !
.
.
فعلاً ماتتنسي أبد أبد ..
.
.

^
^
الله يغفر له ويرحمه يارب ويسكنه أعلى جنات النعيم ..
.
.
موقف مأثر ..رحمت الله على الشاعر /عبد الرحن الرشود ...
.
.

.
.
.

.

وش فيه سلوكنا طيب فيه شرذمة قليلون وشباب طايش .. خربوا علينا كلنا وش نسوي ..!

-

^

^

^
^
أحس إنك تكتب هالرد وأنت معصب ...
.
.
أنا أبي استقبال وكلش ماعدا بوسة الخشم ما أبيها
.
.
لأ فعلاً تعلمت من ردوك الكثير أكثر من ما تتصور ..

^
حسيت إنك ماكنت ناوي تقولها عقب سؤالي الأخير ..
.
.
شاعرنا وأستاذنا الكبير ..لازلنا متابعين ..
.
.
الديوانية ..بصراحه ومن غير مجامله ولا نفاق ..منوره بوجودك ..وحتى الأعضاء يسيرون عليها ..والزوار أكثر ..عمرتها ماشاء الله عليك ..ماندري وش نقول لك بس خلال هالأيام القصيره تعودنا عليك وعلى ردودك وتواجدك ويوم غبت يوم أفتقدناك !
.
.
وش رآيك تصير مشرف معانا وبس....

الله يسعد قلبك ويحفظك على هالكلام الطيّب،واللي عطيتيني فيه أكبر من حجمي،لكن إنتي شفتيني بعيون ذوقك وكرمك،فشكرا لك كثييييير.

- تقولين شرذمه قليله وشباب طايش خرّب علينا،طيّب مهو الشر يعمّ والخير يخص،والمفروض هالشرذمه اللي خربت عليكم ينطقّون في ديرتهم وينمنعون من السفر كم سنه،والله العظيم لو السفارات خذت إجراء من هالنوع لا تلقين هالناس يتعدل سلوكها،ليش نوزّع مجانينا ومهّبلنا كل صيف على هالبلدان يمارسون جنانهم وهبالهم على خلق الله؟! المجنون يقعد في ديرته وعسى الله يعينا على ما ابتلانا،لكن الناس الثانين وش ذنبهم؟!
- تقولين أني كنت معصّب،طيّب بذمتك مو شي يفشّل ويقهر لما تشوفين ناس منك وفيك يسيئون لأنفسهم ولك ولي وللبقيه،ويعطون إنطباع للغير إن حنا كلنا بهذا السؤ؟!
- سما خير ..مو معقول اللي ظنيتيه،معقول ظنيتي إني معصب من كلامك إنتي؟!
مستحيل أكون قصدتك بالكلام،أنا أقصد نظرتنا حنا بشكل عام وطريقة تفكيرنا،وإذا فهمتي غير هذا فأنا في غاية الأسف والخجل منك،ولازم تعرفين أني أكون في غاية السعاده والفرح لما تكونين حاضره،بعدين لا تنسين إنك إنتي المضيفه وحنا في مكانك.
لك الشكر الجزيل على حسن الضيافه وجمال الذوق،

[مسفر الدوسري]

إقتباس:
الرسالة الأصلية كتبت بواسطة رسيـس
موافقين بس لما يخلص لقاءك ياعملاق

<<<<<< مروووحه على الخط وش قولتك ياسما خير

.

خلاص إتفقنا.