[فهد الأحمد]

الرسالة الأصلية كتبت بواسطة محمد الدحيمي

إقتباس »
الرسالة الأصلية كتبت بواسطة فهد الأحمد
لحظتي أردد :

بلقيس .. يا بلقيس .. وش صاب الاحزاب = ما بال قومك أوقدوا فتنة الشمت
مابال قومك جددوا سنة الغاب = والعدل توي في ضياء مشرقه همت
ثاروا عليك أسراب .. واحتجوا أسراب = فالحملة اللي عن تعابيرها شمت
قاموا عليك ولبسوا الليل جلباب = والحقد وسط صدورهم ودّع الكمت
هم وينهم عن مجلسٍ فيه ترحاب = ضمك .. وأنا من فيض عطفه تعلمت :
إن الثقة قنديل .. والشك سرداب = وإن التقهقر ذنب .. لو لمت من لمت
بلقيس عذراً .. لو خفت صوت الاصحاب = كلٍ سرى وأنا على البوح صممت
مادام صدري بيد .. والفكر مرقاب = ما عاد فيها صمت لو خيّم الصمت

مالك حق يابو سلطان
في قوافي البوح ذائقه ومتابعين يبحثون ويتشوقون لمثل هذي القصائد
اكتبها ايضاً هناك وثق انا سنقرأك هنا وهناك

أبو بدر حياك ربي ..
واتشرف طال عمرك في مصافحة الجمال في أي مكان هنا .
لا هنت يالغالي ,,,

[فهد الأحمد]

الرسالة الأصلية كتبت بواسطة سعيد بن مقبل الأكلبي

لحظتي مانيب رايق غير ادوّر... راااايق
لاحضر راقي حضوره كل اموري...رااااقت

راح منّي قبل خمس ايام وهو... ضاااايق
وعقْبه الدنيا علي ذلليل كنْها...ضاااااقت

ادري ان بعض الحكي والهرْج ماهو...لاااايق
غير ما كل العلوم اللي نبيها... لااااقت

اشهد ان بعض الرعابيب المذَيّر... باااايق
والله اعْلم غير قلبي يافهد وش... بااااقت

يافهد الاحمد لو انّك بالخفوق... تواااايق
شفت مضْرب عينها فالقلب يومن... وااااقت

ادري ان قلبي من هموم المحبه... ذاااايق
غير مدري... ويش يفْطم حاجتينٍ... ذااااقت

لحظتي ما أقول فايق لو مزاجي فااايق = غير لا صاح الخوي كل الجوارح فاقت
والله إني صرت قايد للهجوس وسااايق = يوم شكوى صاحبي بأقصى الضماير ساقت
أدري إن الشوق ماقد طاق حرّه طااايق = والمولع ما صدق لو قال نفسي طاقت
يابو مقبل كان مثلك للسحابة تااايق = ياترى هل هي سواتك للمواصل تاقت..!؟
لد .. وانشد .. وانطح اللي فالبشاير مااايق = أو تريّض كانها شحّت عليك وماقت
لاتخيل البارق اللي عاق مزنه عااايق = لين تمطر مزنتينٍ عن وسومك عاقت

وسلامة راسك يابو مقبل .. وسلامة الجميع ,,,

[علي التركي]

لاتخيل البارق اللي عـاق مزنـه عااايـق
لين تمطر مزنتينٍ عـن وسومـك عاقـت

الله الله
صباحي خير صباحي غيييييير
متصبح ببرق ووسم ومزون
فهد ... لن أتحدث !!
سأرتشف فقط عسل الصباح

ابو مقبل
والله أنك ذييييييييب
وكفو

[علي التركي]

إقتباس »

الرسالة الأصلية كتبت بواسطة محمد الدحيمي

يتفنن بلوووعتي .. واتفنن بصبري
حتى غدت لوووعتي .. من اهون فنوووونه

لا رررحم ابوو الحظ .. ساااق الهجر من بدري
وشيّد جسوور الجفا .. من دوني ودووونه

واقفيت لاني ضرررير .. ولاني ببصري
اليا منعني الحيا ... ساقتني المووونه

جهمت اسوووق الخطا في الدرب .. واهذررري:
تكفووون ياللي خـذوا خلّي تردوووونه

ابطى .. وخلّى سؤااال ٍ .. يلهث بفكررري
مادري يصون الغلا ؟!! .. مادري هو يخووونه؟

ويوم اني اسجّ بين .. ادري وما أدري
عقب البطا .. جااااء يقووول : الدار وشووونه

قلت انت : دارك هنااا.. واشِررر على صدررري
قال انت : دارك هنا .. واَشّر على عيوووونه

صباح الوله ..
والنقاء

والبياض

.................................................. ..................................

قلت انت : دارك هنااا.. واشِررر على صدررري
قال انت : دارك هنا .. واَشّر على عيوووونه

الله الله
صباح الشهد والنقاء
يا ابو خالد
بكل تأكيد صباحي غيييير بكم
وأظن أن الوقوف صامتاً أمام الجمال واجب
ولكن الجمهور لا يمتلك يديه عندما تصفّق

[سعيد بن مقبل الأكلبي]

إقتباس »

الرسالة الأصلية كتبت بواسطة فهد الأحمد

لحظتي ما أقول فايق لو مزاجي فااايق = غير لا صاح الخوي كل الجوارح فاقت
والله إني صرت قايد للهجوس وسااايق = يوم شكوى صاحبي بأقصى الضماير ساقت
أدري إن الشوق ماقد طاق حرّه طااايق = والمولع ما صدق لو قال نفسي طاقت
يابو مقبل كان مثلك للسحابة تااايق = ياترى هل هي سواتك للمواصل تاقت..!؟
لد .. وانشد .. وانطح اللي فالبشاير مااايق = أو تريّض كانها شحّت عليك وماقت
لاتخيل البارق اللي عاق مزنه عااايق = لين تمطر مزنتينٍ عن وسومك عاقت

وسلامة راسك يابو مقبل .. وسلامة الجميع ,,,

ارحب ارحب يافهد
وسلمت ودمت يالكفو
وصح قلبك على هذا الحرف البهي والجواب النخبوي
وهذا مادعاني الى اسناد الابيات لك
لإني كنت على يقين بإن الصدى سيكون افضل من الشاعر الجميل فهد الاحمد
سرني مارأيت وما قرأت ولاعدمتك

إقتباس »

الرسالة الأصلية كتبت بواسطة فهد الأحمد

لاتخيل البارق اللي عاق مزنه عااايق = لين تمطر مزنتينٍ عن وسومك عاقت

الله الله عليك يافهد

[سعيد بن مقبل الأكلبي]

إقتباس »

الرسالة الأصلية كتبت بواسطة علي التركي

ابو مقبل
والله أنك ذييييييييب

وكفو

ماعليك زود يابوتركي

[محمد الدحيمي]

لعنبوه الشعر .. كانه .. بس .. في شقر الذوايب
لعنـبوه .. ان كان قاصـيه .. الغزل والنرجســيّه

يا يـبه … والهاجس اللي كان ملحد جاك تـايب
إغتسل من نزعة الحاده .. وتاب من الخطيّه

ياالحقوق اللي .. سنا برقه فتق صدر السحـايب
ياالبياض اللي .. غفر كل الذنـــوب السرمــديّه

يوم شفتك.. بالسرير الابيض عن الوعي غايـب
كل عرق ٍ صاح فيني جعل ذاك الضيم .. فيّه

آآآه .. ليت الضيم رجال ٍ واشدّ له الركـــــايب
والله انّي لأنحــره .. واوردّه حــوض المنيّه

ياعسى نذلٍ ٍ هقى بك يرجع بهــقوته خايب
ضايع ٍ .. مثل القحـــم .. لاهو رباع ولا ثنيّه

قلت لي مرّه .. ترى النشمي ليا خاواه ..عايب
مثل دهن العود لاخــالط .. رمــاد الشــاذليـــه

ودامني رجلٍ خرج من بين ( صلبك والترايــب)
والله ان يبطي القـدم ما يمشي دروبٍ رديّه

يا يبـه.. و(( دحيـم )) تنشد.. وين حلاّل النشايب ؟
شيخها اللي جالها من القيض مقـيــالٍ وفـيّه

يابعد راسي .. وروس احبـابي .. وكل القرايب
يابعد من زهّب ( المجنــد )ولبس ( الحضرمــيّه)

قم .. !! دخيلك.. ! عقبك الديره غدت جردٍ خرايب
عجّها غطّى سمـــاها .. واستوت بالمهمهـيـّـه

كلمتينٍ .. في شفـاهي حـايره .. راحت ذهايــب
ما قــوت تعبيـــــرها كلّ .. الحروف الأبجـــديّه

اخدعتني بكرةٍ .. ماهي من ابـكـــارٍ نجــــايب
ولا (غفال ٍ) .. وصفها عند النبـيه .. ولا مطيّــه

درهمت بي في دجى ليل ٍ نهب شوفي نهايب
ويٍوم افـيق إلا ّ وانا باحضـان قفراً جرهـديّه

واتركتني .. ظامي ٍ والماي للقيض الزهايب
واغبنــتني يوم هجّت ( بالقلص) (والزمزميــه)

مآمن ٍ للوقت .. لين الوقت ورّاني العجــــايب
يوم جاد بشربة الماء .. واثرها ( شربة ضحيّه )

يا يبـه … وان قصرت ايديني ودارت بي النوايب
بأ رمي اعــذاري على الغـربه .. وقلّ المقدريّه

هاجسي الملحد .. رجع \ دمعة طفل \ بعيون شايب
وإغتسل من نزعة الحاده .. وتاب من الخطيّه


..
كل عام وانت بخير ياوجه الخير

[لينـا]

^

صح نبضك
والف سلامه عليه ..مايشوف شر

الله يحفظو ويطول في عمره ..

[نجلاء الشريف]

لعنبوه الشعر .. كانه .. بس .. في شقر الذوايب
لعنـبوه .. ان كان قاصـيه .. الغزل والنرجســيّه


يا يـبه … والهاجس اللي كان ملحد جاك تـايب
إغتسل من نزعة الحاده .. وتاب من الخطيّه


ياالحقوق اللي .. سنا برقه فتق صدر السحـايب
ياالبياض اللي .. غفر كل الذنـــوب السرمــديّه


يوم شفتك.. بالسرير الابيض عن الوعي غايـب
كل عرق ٍ صاح فيني جعل ذاك الضيم .. فيّه


آآآه .. ليت الضيم رجال ٍ واشدّ له الركـــــايب
والله انّي لأنحــره .. واوردّه حــوض المنيّه


ياعسى نذلٍ ٍ هقى بك يرجع بهــقوته خايب
ضايع ٍ .. مثل القحـــم .. لاهو رباع ولا ثنيّه


قلت لي مرّه .. ترى النشمي ليا خاواه ..عايب
مثل دهن العود لاخــالط .. رمــاد الشــاذليـــه


ودامني رجلٍ خرج من بين ( صلبك والترايــب)
والله ان يبطي القـدم ما يمشي دروبٍ رديّه

كل حرف وسمته هنا توسم بصدري حتى سمعت صوت تناهيد وحشرجه أبت ان تكف
لله انت يامحمد وكفى

[علي آل جربوع]

للنقي .. الوفي : الصديق .. الصدوق : علي التركي : اللّيــــــــال ِ اللّي تمر ّ مع الشهور .. مع السنين علّمتني .. كيف كنت َ أوفى صديق بدون أشوفك * سألت َ عنّي ذات يوم هنا , وقرأت هنا ذلك بعد أن وصلني العلم ُ بطريقة ٍ أخرى , من شيخ ٍ هنا ذو هامة ٍ جنوبيّة شامخة لا تنحني ( كأنتَ ) يدعى : محمّد الدحيمي . ذهبت ُ لأجمع من الكلام ما يليق بك , ولكن فشلت والله .. غيابي عن هنا لم يكن إلا ّ خضوعا ً لظروف ٍ لا أعرف وقت زوالها ... عساها لا تطول . أنا من خسر الكثير , ولكن ولو طال الغياب ستبقى والجميع هنا مكانكم القلب .. وخالقي . دمت بأجمل حال .

[علي التركي]

مرحباً ملياااااار بالسمي
أخي علي
لم أكن أنتظر رداً على تلك الأبيات ( التي كانت وليدة اللحظة )
كنت فقط بحاجة لأطمئن عليك بعدما طااال غيابك
كنت متابعاً لحروف جميلة هنا كنت أقتات منها وأنقطعت فجأة !
مشاعري كانت بحاجة للشبع منها ولم تجدها فبحثت عنك

ولآن بعدما تصبحت بك هنا أقول :
غب كيفما تشاء
وثق أننا سننتظرك هنا
فقط نتمنى ان تكون بخير ولا تنسى أن ترمي حرفاً هنا
كلما سمح لك الوقت

[علي التركي]

الدحيمي
قدرنا أنك تأسرنا في أغلب الصباحات هنا
وأجمل ما في هذا القدر أن الآسر أنت بجمال لا يضاهى
قرأتها بقلبي وأنا أقول : حفظه الله لك
وفي الجانب الآخر كنت أسرح معها وأتخيل والدي
فــ لله درك من شاعر إنساني كبيييييييير

لحظتي

آسيييييير في معتقل من أجمل معتقلات العالم
صباحكم غفران

[فهد الأحمد]

الرسالة الأصلية كتبت بواسطة محمد الدحيمي

لعنبوه الشعر .. كانه .. بس .. في شقر الذوايب
لعنـبوه .. ان كان قاصـيه .. الغزل والنرجســيّه

يا يـبه … والهاجس اللي كان ملحد جاك تـايب
إغتسل من نزعة الحاده .. وتاب من الخطيّه

ياالحقوق اللي .. سنا برقه فتق صدر السحـايب
ياالبياض اللي .. غفر كل الذنـــوب السرمــديّه

يوم شفتك.. بالسرير الابيض عن الوعي غايـب
كل عرق ٍ صاح فيني جعل ذاك الضيم .. فيّه

آآآه .. ليت الضيم رجال ٍ واشدّ له الركـــــايب
والله انّي لأنحــره .. واوردّه حــوض المنيّه

ياعسى نذلٍ ٍ هقى بك يرجع بهــقوته خايب
ضايع ٍ .. مثل القحـــم .. لاهو رباع ولا ثنيّه

قلت لي مرّه .. ترى النشمي ليا خاواه ..عايب
مثل دهن العود لاخــالط .. رمــاد الشــاذليـــه

ودامني رجلٍ خرج من بين ( صلبك والترايــب)
والله ان يبطي القـدم ما يمشي دروبٍ رديّه

يا يبـه.. و(( دحيـم )) تنشد.. وين حلاّل النشايب ؟
شيخها اللي جالها من القيض مقـيــالٍ وفـيّه

يابعد راسي .. وروس احبـابي .. وكل القرايب
يابعد من زهّب ( المجنــد )ولبس ( الحضرمــيّه)

قم .. !! دخيلك.. ! عقبك الديره غدت جردٍ خرايب
عجّها غطّى سمـــاها .. واستوت بالمهمهـيـّـه

كلمتينٍ .. في شفـاهي حـايره .. راحت ذهايــب
ما قــوت تعبيـــــرها كلّ .. الحروف الأبجـــديّه

اخدعتني بكرةٍ .. ماهي من ابـكـــارٍ نجــــايب
ولا (غفال ٍ) .. وصفها عند النبـيه .. ولا مطيّــه

درهمت بي في دجى ليل ٍ نهب شوفي نهايب
ويٍوم افـيق إلا ّ وانا باحضـان قفراً جرهـديّه

واتركتني .. ظامي ٍ والماي للقيض الزهايب
واغبنــتني يوم هجّت ( بالقلص) (والزمزميــه)

مآمن ٍ للوقت .. لين الوقت ورّاني العجــــايب
يوم جاد بشربة الماء .. واثرها ( شربة ضحيّه )

يا يبـه … وان قصرت ايديني ودارت بي النوايب
بأ رمي اعــذاري على الغـربه .. وقلّ المقدريّه

هاجسي الملحد .. رجع \ دمعة طفل \ بعيون شايب
وإغتسل من نزعة الحاده .. وتاب من الخطيّه


..
كل عام وانت بخير ياوجه الخير

الله الله يا بوبدر
لله أنت من شاعر ..
تعرف كيف تستنفر الدهشة .. وتحرض الذائقة على الجمال .. ولا غير الجمال ..
أبيات .. صاخبة بالانفعالات .. والفيض العاطفي .. جعلتني استسلم لسلطة الشعر ..
وأقرأ هذه الأبيات من زوايا جمالية إنسانية مختلفة ..
حقيقة هذه الأبيات أكدت لي أن ( أبو بدر) دائما ما يكسر حواجز القصيدة المألوفة ذات الموضوعات المعتادة والطرح المألوف ..
نعم هذه الأبيات تشحذ الحواس .. وتحرك الوجدان .. وتلهب المشاعر .. وتفتح جميع النوافذ المطلة على الإبداع .....

أبو بدر
حفظ الله ولدك .
وألف شكر على كل لحظة إمتاع تمنحها لنا ,,,

[سعيد بن مقبل الأكلبي]

إقتباس »
الرسالة الأصلية كتبت بواسطة محمد الدحيمي

يا يبـه … وان قصرت ايديني ودارت بي النوايب
بأ رمي اعــذاري على الغـربه .. وقلّ المقدريّه

هاجسي الملحد .. رجع \ دمعة طفل \ بعيون شايب
وإغتسل من نزعة الحاده .. وتاب من الخطيّه

..

وخذ عندك دمعة شايب ثاني بكى من الابيات

[سعيد بن مقبل الأكلبي]

إقتباس »

الرسالة الأصلية كتبت بواسطة علي آل جربوع

للنقي .. الوفي : الصديق .. الصدوق : علي التركي : اللّيــــــــال ِ اللّي تمر ّ مع الشهور .. مع السنين علّمتني .. كيف كنت َ أوفى صديق بدون أشوفك * سألت َ عنّي ذات يوم هنا , وقرأت هنا ذلك بعد أن وصلني العلم ُ بطريقة ٍ أخرى , من شيخ ٍ هنا ذو هامة ٍ جنوبيّة شامخة لا تنحني ( كأنتَ ) يدعى : محمّد الدحيمي . ذهبت ُ لأجمع من الكلام ما يليق بك , ولكن فشلت والله .. غيابي عن هنا لم يكن إلا ّ خضوعا ً لظروف ٍ لا أعرف وقت زوالها ... عساها لا تطول . أنا من خسر الكثير , ولكن ولو طال الغياب ستبقى والجميع هنا مكانكم القلب .. وخالقي . دمت بأجمل حال .

مرحبا ياعلي
والحمدلله على سلامتك
وكل عام وانت بخير