17-11-2010, 16:16 | #1216 |
متنبي الشعر الشعبي
|
رد : لحظتك الآن .. بكل صدق
احبتي : لم اكن اتوقع ان يستمر هذا الموضوع الى الآن ولم اكن اتوقع ان احبه كل يوم اكثر من الذي قبله اجمل مافيه انتم .. فـ شكراً لله عليكم وأخلص الدعاء له بإن يستمر بكم ومنكم ولأن موضوع ( لحظتي ) على مشارف ان يكمل سنّه كامله ولأننا في عيد الأضحى عيد التسامح والإخاء ولقول النبي صلى الله عليه وآله و سلم: (إياكم والغيبة فإنها أشد من الزنا لأن الرجل يزني فيتوب، فيتوب الله عليه وإن صاحب الغيبة لا يغفر له إلا إذا غفرها صاحبها) هي دعوة للتسامح فيما بيننا ورجاء من كل من اخذ علي مأخذ او اخطأت بحقه بدون قصد مني ان يسامحني وكل عام وانتم احبتي بخير ومن العايدين الفايزين |
17-11-2010, 16:33 | #1217 |
متنبي الشعر الشعبي
|
رد : لحظتك الآن .. بكل صدق
إقتباس » (((( بعض البشر ذيباااان .. لا قلت ذيباااان يجي على طاريه .. لا قلت وينه؟ وبعض البشر اسمه من الله .. كحيلاااان لا طووول الغيباااات .. جاااب الغنيمه )))) وا نا اشهدددددددد انك كحيلاااان وكل عام وانت بخير ياوجه الخير وتهنئة من القلب لك يابو تركي ولأخي وصديقي الأمير سعود بن ممدوح ولكل النصراويين بمناسبة عيد الأضحى اعاده الله علينا وعليكم بالخير والستر والعافيه .. مايبي لها سؤال هذي يانوره أؤيد وبشده هو ماقال غلط ترى لا احد يزعل هو معنى كلامه انه اذا جاء طاري اللون الأصفر في كل ارجاء الوطن العربي ماهوب الخليج بس معناه على طول : ((النصر السعودي )) ولا يحسب حساب اي لون اخر معه معناه ابو تركي ماقال غلط هذي حقيقة ثابته وراسخه كل عام وانتي ومن مرّ من هنا بخير ومن العايدين الفايزين |
17-11-2010, 17:05 | #1218 |
أبو تركي / شاعـر
|
رد : لحظتك الآن .. بكل صدق
ابو بدر لحظات وقتك تنشرى شعر وسوالف غير وابليس يهبي كل عام وأنت بخير يا ابو بدر والجميع هنا ونادي النصر ومشجعيه |
17-11-2010, 17:17 | #1219 |
أبو تركي / شاعـر
|
رد : لحظتك الآن .. بكل صدق
ابو سلطان تقبّل الله منّا ومنك صالح الأعمال وخابرٍ واحد يشوف منارة المسجد النبوي من الشباك ما أدري هو نزل يصلي فــ المسجد والا إلى الحين بشباكة يطل ............................................. ياللي من الشبّاك شفت المنارة بالله قلي وش علوم الشببابيك قلبي لك الله يالخوي من طهارة يقولك هي دين والا على البيك كل عام وأنت بالف خير يا ابو مقبل |
17-11-2010, 20:23 | #1220 |
متنبي الشعر الشعبي
|
رد : لحظتك الآن .. بكل صدق
هلا والله يابو تركي ياحي ذا العين وكل عام وانت وابو سلطان وابو مقبل ومقدور وكل الأحبه وكل من مرّ هنا بخير وعافيه وعساكم من عوّاده جميعاً. وتبي الصدق اشتقت له وفقدته الماخوذ بجده هيضتني يابو تركي وبتحدني امدحه الله يصلحك وانا حالف له ان يبطي ما مدحته الطعس ــ تبغى الصحيح .. بدون زيف وعياره إخذ صحيح القول .. من دون تشكيك سعيد .. لا ثار العجاج بغباره سعد الخوي لاجاء .. بمحزم وبلجيك وافي الشيم شرواك وإن قلت داره دار الوفاء والجود ماهوب خافيك على بلاطه وبصحيح العباره شرواك لا قامت تخطّف .. وتخطيك مافك شباكه على عرض جاره ولاهوب من يحرق ثيابك ويشقيك لكن عيبه مايوقف لإشاره طعسٍ ولا يركب قطارٍ وتلفريك الاّ مادام انك سفير السفاره ابا أندبك لأنك كفو والنعم فيك وعرفك يابو تركي تراه التجاره وانحن وصلنا طيب علمك وطاريك نبغى الهواوي صاحبك بـ إستشاره ونلعب معه ليلة .. على شعلة اتريك لعبٍ مع شروى الهواوي صقاره على النقا من دون هذي وهذيك بعض الصعاليك انتهوا من القشاره وبعض القشارة .. من سماة الصعاليك ومادام علم الغانمين الشطاره محشمٍ شرواه .. عن بيضة الديك لذا / وجب توضيح منّا / وإشاره والسالفة حجٍّ .. وبيعة مساويك .. |
17-11-2010, 20:57 | #1221 |
عضو شعبيات
|
رد : لحظتك الآن .. بكل صدق
لحظتي هواوية قصيد ومطر |
17-11-2010, 22:56 | #1222 |
أبو تركي / شاعـر
|
رد : لحظتك الآن .. بكل صدق
تبغى الصحيح .. بدون زيف وعياره إخذ صحيح القول .. من دون تشكيك سعيد .. لا ثار العجاج بغباره سعد الخوي لاجاء .. بمحزم وبلجيك وافي الشيم شرواك وإن قلت داره دار الوفاء والجود ماهوب خافيك على بلاطه وبصحيح العباره شرواك لا قامت تخطّف .. وتخطيك مافك شباكه على عرض جاره ولاهوب من يحرق ثيابك ويشقيك لكن عيبه مايوقف لإشاره طعسٍ ولا يركب قطارٍ وتلفريك الاّ مادام انك سفير السفاره ابا أندبك لأنك كفو والنعم فيك وعرفك يابو تركي تراه التجاره وانحن وصلنا طيب علمك وطاريك نبغى الهواوي صاحبك بـ إستشاره ونلعب معه ليلة .. على شعلة اتريك لعبٍ مع شروى الهواوي صقاره على النقا من دون هذي وهذيك بعض الصعاليك انتهوا من القشاره وبعض القشارة .. من سماة الصعاليك ومادام علم الغانمين الشطاره محشمٍ شرواه .. عن بيضة الديك لذا / وجب توضيح منّا / وإشاره والسالفة حجٍّ .. وبيعة مساويك .................................................. . هههههههههههههههههههه وينك يا ابو مقبل تشوف 13 بيت كلها على بيتين وحنا ما اقلنا الا الرجال عيونه على المصلين وكله خشوع وأنا أشهد إن ابو مقبل كفو ويستاهل المدح ابو بدر حيااااااك ربي وأسعدك كما تسعدنا دائماً والله إنك خطييييييير وممتع وقصيدك غييييير وربعك ماوراهم تجارة الا ذابحهم الدَين وربع خويك اللي ما توقفهم الإشارة واجد ابو سلطاااااااااااااااان وينك ؟! الرد عليك أعتبرني غايب من اللحين لين ترد شف ابو بدر رد عن خويه أنا أدري إنك على حروة نوم لكن لا جهمت الصبح لا تنسانا بكم بيت اخر تعديل كان بواسطة » علي التركي في يوم » 17-11-2010 عند الساعة » 23:28. |
18-11-2010, 05:52 | #1223 |
شــاعر
|
رد : لحظتك الآن .. بكل صدق
اشوف بستان الشعر لحظته فيك ولحظات مرت قرب بستان شعرك |
18-11-2010, 06:22 | #1224 |
شــاعر
|
رد : لحظتك الآن .. بكل صدق
حسيت قلبي معاك اما تجي ما تجي يااللي عليك الليالي زايد عتابــها جريتها من خفوقٍ لا رمى جابـها والروح قرب سفرها اما تجي ماتجي ياصاحبي صاحبي اما تجي ما تجي الربع راحوا شمال وشدوا اطنابـها وانا الغريب العريب معرب انسابـها شاعر ولي فكرةٍ اما تجي مـا تجي يالحظتي لحظتي اما تجي مـاتجي والنفس عيت تقول ان الهوى صابها بكل حب يالدحيمي براءة اختراع |
18-11-2010, 09:23 | #1225 |
أبو تركي / شاعـر
|
رد : لحظتك الآن .. بكل صدق
صبااااااح الخيرات للجميع ابو سلطان طوّل وأنا قليل صبر وأبو مقبل زعيم القسم هنا علمنا طولة البال والمقاومة للعمالقة ولا خسارة مع عملاق مثل ابو بدر بل هو من يدفع بمراكبنا للقمة اللهم صلي على محمد يا ماردي وينك طلبتك بغارة وانته جوابك دوم شبيك لبيك الحق على بصري براس الزبارة وقل له ترى حجتك فيها شرابيك والموتر اللي حن نعرف غياره من حنته بيّن تروسه تماتيك والسايق مقزز بوسط الغمارة دعس ثلاثه ثم قال أمسك ابريك ويا أمير ياللي قلدوك الإمارة فالشعر ربي واهبه لك ومعطيك فيدك زناد الشعر لا شب ناره تدفا العرب منها وتطبخ وتهديك معزةٍ ماهي تجي مستعارة يفز قلبي كل ما اوحيت طاريك ويا حر وإن شفتك على راس قارة ماني من اللي تالي الوقت يشويك طبع الحرار تصيد باعلى جسارة تشبَع وتشبِع وإن غدت بك مضاميك ويا ساكن الصحراء كلتك الحرارة حدّر على جدة وشف مطعم البيك تلقى مدرب من سلاح الإشارة سلم عليه ويعرفك من مواريك طفران والسوق متغير خضاره وهو كريم ولا يخيب حراويك ويا صاحبي مثلك طويلٍ جداره السيل وإن حدّر فلا هوب غاطيك اخر تعديل كان بواسطة » علي التركي في يوم » 18-11-2010 عند الساعة » 17:42. |
18-11-2010, 11:39 | #1226 |
شــــاعر
|
رد : لحظتك الآن .. بكل صدق
كل عام والجميع بصحة وسلامة هههههههههههههههههههه الله الله عليك يابوبدر .. تكفى عليك بالمتمرد .. أبو تركي : لك مدة تحداني على الجبال .. لكن لايحيك المكر السيء إلا بأهله ذا اللحين فرصة العمر .. يعني أبو مقبل هو : بصري .. ههههههههههههههه طيب .. طيب :
يامن لبو تركي يسوق البشاره = ويقول جالك اللي من الموت يدنيك سبحت عرض الطاش تبغى المحاره = ما تدري إن اللول دونه تهاليك أهون عليك تشيد برج التجاره = من وقفتي ويّاك بأرض الشرابيك تدري على ذبحك بكبدي مراره = وافرح ليا خابت وفشلت مساعيك لو (النعم ) عدّت على أطول مناره = وساقت لابو مقبل تهاني وتبريك ورزت بيارق عزها فالصداره = للطيّب اللي ما بطيبه تشاكيك يا بو بدر يا عز من به سطاره = تكفى على الشيخ المثالي لا أوصيك اللهم أرني ببو تركي يوووووووووووووووووم . ههههههههههههههههههههههههههه |
18-11-2010, 12:01 | #1227 |
شــــاعر
|
رد : لحظتك الآن .. بكل صدق
ولا يحيق المكر السيء إلا بأهله أبو تركي .. لا تقول لي قلة الخاتمة .. ماقلة الخاتمة .. متى المعرفة .. الله يرد أبو مقبل سالم وغانم .. عيد سعيد ,,, |
18-11-2010, 17:49 | #1228 |
أبو تركي / شاعـر
|
رد : لحظتك الآن .. بكل صدق
هههههههههههههههههههههههههههههههههههههههههههههههههه هههههههههههههههههه ههههههههههههههههههه هههههههههههههههههه هيّن يالمجرم دواك عندي صح تعرفني من سنين بس خابرني حياوي ومبتسم ما شفت من هبالي شي للحين أعرفك شاعر عملاق لكن أنا قدها وزود وإن ما جرجرتك بالميدان ما اكون الشييييييخ المثالي الميدان يا حميدان بس صبرك عليّ شوي لين أركد تنافض عضامي من الضحك لا وتقول بصري ابو مقبل يا شيخ اتق الله الرجال ما اطرى الحج ابو سلطااااااان جايك السيل جهز السفينة وين الصفوف والتشجيع ما اشوف ولا واحد ؟! اخر تعديل كان بواسطة » علي التركي في يوم » 18-11-2010 عند الساعة » 17:54. |
18-11-2010, 22:08 | #1229 |
متنبي الشعر الشعبي
|
رد : لحظتك الآن .. بكل صدق
ارررحب ارررحب يابو لورانس ياخوي مابغيت تجي شرف لنا ولشعبيات انضمامك لشعبيات النخبه وشرف لي شخصياً تواجدك في لحظتي وارحب تراحيب المطر يابو لورانس |
18-11-2010, 22:34 | #1230 |
متنبي الشعر الشعبي
|
رد : لحظتك الآن .. بكل صدق
انا ودي اعرف وشلون جات معك كلمني يابو لورانس لاهنت ابا اسمع الشيله حقتها وشلون |
عدد المتواجدون في هذا الموضوع » 26 , عدد الأعضاء » 0 , عدد الزوار » 26 | |
|
|
|