18-11-2010, 22:43 | #1231 |
متنبي الشعر الشعبي
|
رد : لحظتك الآن .. بكل صدق
ههههههههههههههههههههههه ماعليك زود يابو تركي وابو مقبل تو مكلمني جاي بالخط على مشارف جده ناويك نيّةٍ قشرا مادري وش مسوي له انت انا وبو سلطان مسالمين جداً وماسكين الصفوف |
18-11-2010, 22:57 | #1232 |
متنبي الشعر الشعبي
|
رد : لحظتك الآن .. بكل صدق
ياسلاااااام ياسلاااااام شف بيني وبينك هو راح فيها مافيها كلام يافهد والله بيتقاضالك |
18-11-2010, 23:19 | #1233 |
متنبي الشعر الشعبي
|
رد : لحظتك الآن .. بكل صدق
يالربع ماكنه ابطى بو مقبل بـ نطقق لنا بيتين لين يجي : مايبتلش راعي / العقار بعقاره يبرم عقوده مع / هذولا وذوليك يبخص بتمليكه .. ويبخص بأجاره ولا يخلط اجاره / مع كل تمليك صاااااحبي .. ياصاحبي .. يـ اللي / شرى له عماره ماغير ديكور ٍ / بدون اي تسبيك حد الوزير / مصيفٍ في دياره رح لا وكيله .. جمّل الله مساعيك وان جيت الى مكتب / وكيل الوزاره سلّم عليه / وقول : جيتك / ابا اقريك سلام وافي / من الدحيمي / وقاره ومن عقبها جينا / بننشد معاليك هو سد مآرب / هدّته صدق فاره والاّ هي سياسة / تحرّي وتشييك؟؟! من عين ساره / لين عين ام ساره تكبّنا في النار .. وتحطّ رجليك!! ماهو بنقص ٍ في العقول وثواره لكنك اللي شبنا في مطافيك تقول منهاج الوزير وشعاره : ( ممنوع من الشكوى وفزعة بناخيك ) ياخي لو انها / بالصلف والنعاره ماكان نتحرا / توقع لنا الشيك شفنا ماغير نبوج / في كل حاره تقول حن طلاّب / هجّه وتفريك لو كان نبصر ماركبنا الزباره! عمياااااان .. جعل الله يصيبك ويعميك! والعمي فينا / والبصاااارى طفاره والله من البصري / الى عمي .. يكفيك ياقطبك .. حمــر النفود بخفاره! يمّا ترى .. ماهي بعيده يخليك تغبش / مغااابيش الأسد والنماره وتجهم / وهي متنفخات علابيك! يمّا انك اللي / ضمنا في قراره ويسدّ فينا .. ياتوّخر ونكفيك ماحدن يحذّي / مع فرسنا حماره السود فاله / لاورد للمهاليك والى طلعت الرجم .. شب السقاره وازهم وجاوبني / اذا جيت اناديك والى اذن المأذن / براس المناره صلي معي يهديني الله ويهديك |
19-11-2010, 00:10 | #1234 |
أبو تركي / شاعـر
|
رد : لحظتك الآن .. بكل صدق
هو سد مآرب / هدّته صدق فاره والاّ هي سياسة / تحرّي وتشييك؟؟! من عين ساره / لين عين ام ساره تكبّنا في النار .. وتحطّ رجليك!! هههههههههههههههههههههههههههه ابو بدر والله إنك كارثة اللهم حوالينا ولا علينا استغاثة لوقف السيل الجارف أمنو معي |
19-11-2010, 00:42 | #1235 | |
شــــاعر
|
رد : لحظتك الآن .. بكل صدق
إقتباس:
هههههههههههههههههههههههه أبو بدر مطرنا من فضل الله ورحمته .. اللهم على الأودية والشعاااااااااااااب ورب الكعبة إنك .. ضلع .. جبل .. طوووووووووود أبو بدر تفضل طال عمرك .. وترانا أنا ويّااااااك مسالمين جداً .. |
|
19-11-2010, 00:45 | #1236 | |
شــــاعر
|
رد : لحظتك الآن .. بكل صدق
إقتباس:
هههههههههههههههههههههههههه أبو تركي .. ما قلت لك : ولا يحيق المكر السيء إلا بأهله .. اللهم حولينا .. ولا علينااااااااااااااااااا وينك يا بو مقبل |
|
19-11-2010, 00:52 | #1237 |
شــــاعر
|
رد : لحظتك الآن .. بكل صدق
والله إلاّ / وجاء لك يوم يالظالم تعرفه عبوسٍ قمطرير = دعوةٍ من تقيٍ في هزيع الليل صلى لربه واستجار من يسوق البشاير في قدوم الأكلبي وأذبح لعينه بعير = غايتي/ مطلبي/ ماغير شوفه بيننا يمتطي قحص المهار كود بعض العرب تمرح وتذكر وش جرى للفرزدق من جرير = يوم وقت النقايض والفزايع والمصامخ ورد الاعتبار |
19-11-2010, 01:39 | #1238 |
شــاعر
|
رد : لحظتك الآن .. بكل صدق
الله اكبر الله اكبر الله اكبر لااله الا الله الله اكبر الله اكبر ولله الحمد . كل عام وانتم بخير وياغافل لك الله انتوا تحرروني لين اغيب هم تجيبون اللي في روسكم ما شاء الله وش ذالمصامخ النبطي الرهيييييب بصراحه متعه والشعر حاضر حتى في ديوانيتكم بس علموني يوم انكم ناوين بالخيانه <<<< هين ياعلي التركي ههههههههههه ليه ماكتبتوا هذي العجايب في المستطرف المهم خلوني اقرا واستمتع وانتوا ماعاد خليتوا لي شي لبا قلبك يابوبدر ونفدا اللي يحتمي خويه ضد هجوم القناص علي التركي اللي استغل لحظتي البريئه :d اخر تعديل كان بواسطة » سعيد بن مقبل الأكلبي في يوم » 19-11-2010 عند الساعة » 22:57. |
19-11-2010, 01:48 | #1239 |
متنبي الشعر الشعبي
|
رد : لحظتك الآن .. بكل صدق
انا وانت يابو سلطان اخشرا مافيها كلام ارق سنود وعالنقا خويك خويك ماعليك من احد ولعلمك كان فيه اتصالات قبل المغرب اليوم من بعض المغرضين لقلبنا على بعض وابشركبائت بالفشل الذريع يعني اللي مايعجبك من عندك حدّه يمي على نقل جماعي لكن علمني هلحين ووين ابو تركي لا يكون سرى ترى ماجاه الا كابوس بسيط الجاثوم العود في الطريق .. اتهقا يافهد يمدينا نطقطق لنا بيتين ثانية قبل يجي سعيد والا نحتريه |
19-11-2010, 02:00 | #1240 |
شــاعر
|
رد : لحظتك الآن .. بكل صدق
امييييييييين وصح لسانك يابوسلطان النصر من الله سبحانه لاعجمت يابالجزلات ولاعليك زود يالقرم |
19-11-2010, 10:20 | #1241 | |
شــــاعر
|
رد : لحظتك الآن .. بكل صدق
إقتباس:
مرحبا ألف حياك الله يا بو مقبل الحمد لله على السلامة وكل عام وأنت بخير فعلا أبوتركي قناص محترف ومايفوته شيء لكن الله سبحانه بالمرصاد .. وهو اللي ينصر ويعز .. وأبوبدر .. نعم الحزام .. أشهد أنه عصابة راس .. وفىّ وكفىّ . |
|
19-11-2010, 10:45 | #1242 | |
شــــاعر
|
رد : لحظتك الآن .. بكل صدق
إقتباس:
أشهد إنك كفو .. ومنزلك راس عالي .. ونعم الخوي لاشح الزمن . مكالمات .. آآآآه عوذا .. أعوذ بالله من المغرضين ودسايسهم . والله يبشرك بالخير .. يا وجه الخير وفعلا صدقت جماعة علم الاجتماااع اللي تمشيخوا ماينفع معهم إلا كذا . الله يقبلك يابوبدر هههههههههههه نقل جماعي أي كابوس وأي جاثوم .. الظاهر .. قلق +اكتئاب + رهاب اجتماعي + وسواس قهري + توّحد يارجال أنا كل ما أذكر .. الطقطقة بكم بيت .. تصيبني حالة ضحك هستيرية ههههههههههههههههههههه ههههههههههههههههههههه ههههههههههههههههههههه اللهم أجرنا من الطقطقة واخوانا المسلمين . أنا اليوم من باب الواجب أبزور أبوتركي واصطحب معي الشيخ أبوعبدالمجيد كوده يقرأ عليه .. لأن الرجال أبو عيال وشيخ يصلي بالجماعة . وهو عنده حاله على طول يردد : يا ليتنا من حجنا سالمينا كان الذنوب اللي علينا خفيفات وأخاف الله يستر يقراها بالصلاة .. ههههههههههههههههههههههههههه |
|
19-11-2010, 14:45 | #1243 |
شــــاعر
|
رد : لحظتك الآن .. بكل صدق
صراحة فنجال وعلوم رجال .. ومتعة لا تضاهى .. الله يسعد أيامكم جميع ( أبوبدر .. أبو مقبل .. أبو تررررركي .. وجميع الاخوة ) . وجمعة مباركة على الجميع ,, وبعد استتباب الأمن وإنهاء حضر التجوّل .. هههههههههه لحظتي :
اقربوا ياهل القصيد وحرروا فالوضع محضر = العدل فالدار ساد / وزاد خانه فوق خانه السفن فالبحر الأبيض والعلم فالبحر الأحمر = والمصالح دونها قرمٍ حشا يخسر رهانه والحديث اللي على جال البحر طار وتبخّر = ما نقص بحر الخليج ولا نقص نهر الكنانه بس تال الوقت مدري من يزكي شيخ الازهر = كان صلى خلف إمامٍ ياعرب ماهو تكانه ألف وردة لقلوبكم اخر تعديل كان بواسطة » فهد الأحمد في يوم » 19-11-2010 عند الساعة » 14:49. |
19-11-2010, 22:54 | #1244 |
شــاعر
|
رد : لحظتك الآن .. بكل صدق
قربنا وشفنا الجمال وحُسْن التعبير والتضاد المثير والشاعر الخبير يسلم راسك يابوسلطان بلا شك لي عوده ...... |
19-11-2010, 23:33 | #1245 |
أبو تركي / شاعـر
|
رد : لحظتك الآن .. بكل صدق
مسيكم بالخير ( مهوب كلكم ) ابو مقبل ارررررحب نورت شعبيات وينك بغيت ما تجي والله لك فقده بغينا نمزح معك ولكن !! نبا السحابة وأمطرت لي حجارة الله وكيلك ما قدرنا نحاكيك وخويي اللي مجتهد فـ اختياره يقول لا شاف السحاب مترجيك مطوع ( التاريخ ) بدّل نهاره ظلمة ولا تعطيه لو وقف يدعيك وأنا !! وأنا ولو ينصاب مرخصت ثاره !! ما اسوق في جرحه تهاني وتبريك ويا صاحبي !! ويا صاحبي شفني دخلت المغارة شربت سم الداب من دون أخاويك و عوّدت للساحة وكلي جسارة قلبي بياض ولا يجي منه تشكيك اخر تعديل كان بواسطة » علي التركي في يوم » 19-11-2010 عند الساعة » 23:44. السبب: حاستنا الإملاء لا بارك الله بها |
عدد المتواجدون في هذا الموضوع » 18 , عدد الأعضاء » 0 , عدد الزوار » 18 | |
|
|
|