آخر 10 مشاركات |
|
||||||||||
|
أدوات الموضوع |
11-09-2010, 08:54 | #1 |
عضو شعبيات
|
قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه هههههه )
- - إهدآء لكل شآب سعودي ولكل شآبة سعودية بدون مقدمآت بدون مدخل بدون اي شي في العآلم , سييييدآ ع الموضوع لكن قبل لآزم نعآيد سلآآآآآآمن عليكم عيد مبآرك أعآد الله علينآ اعوآم مديدة ومن العآيدين ومن الفآيزين ان شاء الله .. ببدآ موضوعي لكن اعرفو ان اللي يقول لآتعممين بينجلد , واللي يقول نقدتي كل شي انآ جآية هنآ عشآن انقد واتهزى .. , اعطي رآي , اطرح وجة نظر , وتقددرون تقولون اشكي يعني اعقلو دآيم كنت أفكّر انه الى الآن مآفي زي رسمي محطوط للبيت والسوق ليه مآيحطون مريول مثلن أو اي شي ! يعني مغقولة كل يوم طآلعين بخلآقين لآأسآس لهآ من الصحة والهدف , يعني ذآ كلآم مش صحيح ,, يآنآس يآعآلم بيوتنآ قآعدة تدّمر بسبب ملآبسنآ المجرمة بحق أهلنآ وانفسنآ , اقمشة خآيسة ألوآن تصيب العمى والحوَل الليلي , مب الكل طبعن < ادري فيكم يآذيك الفئة المهم وعلى أسآس ذلك حآولت اقسّم أولئك الشبآب والشآبآت الى مجموعآت , فيه منهم من يلبس ذآك الشي بالبيت وذيك تلبس ذآ الشي .. وايضن نتكلم عن اللي يعلقون ع الملآبس ولعد يغيرهآ طول عمره كأنه محلوفن عليه بنآخذ قروب قررررروب وبنتكلم عنهم وعن طريقة لبسهم , وخيآسهم ! برب أجيب دولآب الملآبس |
11-09-2010, 08:55 | #2 |
عضو شعبيات
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
- بآك ( ايقونة شآيلة بسطة فوق رآسهآ ) يلآ ببدآ اطلع لكم فئة فئة بحيث نعرف هالملآبس , وكيف يلبسونهآ ونتهزآبهآ شوي , نبدآ بالرجآل دآيم نسمع مقولة الليديز فيرست , بس في موضوعي الـرقآل أولن (1) هذولي الله يسلمك مجموعة سروآل سنة وبلوزة بيضآء من الدفة أو برومآن , عآد طبيعي يدرعم من العمل يفصخ الثوب ويقعد به الى الليل , عآآدي ايضن وطبيعي انه يروح البقآلة به , يودي بنته للمدرسة الصبآح وهو لآبسه , يصور به , يرقص به , يطبخ به , مآعنده مششششآكل تلقآه يسقي زرع بيته برآ وهو لآبسه , يعني الدعوة رآحة هذآ السروآل الأبيض مآأعرف ليه سموه سروآل سنه لكت اتوقع لأنه مب ذآك الطول , وهالبلوزة تلقونهآ في الدفّة او برومآن او حتى الهرم , بس تبون الصدق هالمجموعة مرتآحين مرجد احسآس يعني أحس مريح < مآقد جربت في نهآية المطآف هل أنت من هالمجموعة ؟! وش تحس به ؟ (2) أمآ هذي المجموعة هم ممن يلبسوم هذآ الشي اللي يسمونه شورت أو شي ثآني , المهم انه كآروهآت يعني ويقآلي أنآ شيآكة , ومره ستآيل , تلقآه لآبس هالشورت من اسبوع وبس يغير بالتشيرتآت , ينوم به ويسوي به كل شي , وان استلزم الأمر يسبح سبح به مآعنده مآنع بس ينشف يروح به لـزملآه فيه فوق الركبة وفيه عليهآ وفيه تحتهآ منه ألوآن كثيرة بس الشكل يتشآبه كثيييير , بس الكآروهآت تتغير , يعني يجيك يوم أحمر بخطوط زرق ومره وردي بخطوط أسود وموف < وشعيرآت سآقة موقفة ورجليه الشهب دليل على ونآسته ورآحته , يتميز هالشورت بانه خفيف على كلآم المصدر يعني مريح ووسيع صدِر يعني تستعمله بكل مكآن وهذآ مآيلآحظ على شبآب أمتنآ يعني انت جرّب مره وخذلك شآليه ودقق او دققي أيتهآ الشآبّة على وآحدن من هاللي جنبكم , تتلقينه العصر طآلع بالشورت الأخضر والمغرب سآبح به والفجر صآيد وهو عليه , ويوم صبّحتو رآكب الجتسكي وهو مرتديه < مآهكذآ الستآيل يآجمآعة !! في نهآية المطآف بهذي المجموعة هل انت منهم ! وش تحس به ؟ وهل تحس برآحه ؟ (3) هذي المجموعة الرآيقة كل يوم سكين جينز ولآ اي بنطلون جوآ البيت طبعن , تلقآه كل يوم نآزلن ببنطلون واستحآلة يطلع من غرفته بغيره , يغيّر بهالتيشرتآت , ويلبس من هالبنآطيل وينزل كأنه في فندق ولآ على بآله عآرض ازيآء زمآنه , يعني الوآحد لآزم يرتآح بعَد مب كل يوم بنطلون ورزة ! تفتح دولآبه تلقآ ستمية بنطلون نعنبو ابليسه يالله خلّص اللي بالسوق , وتلقآه في السوق ببنطلون وفي البيت ببنطلون وفي المستشفى ببنطلون وفي العزآيم ببنطلون حآلة يأس تصآحبه هالشخص , ليه يعني لييييه ؟ المهم هل انت من هالفئة اللي تعشق البنآطيل ؟ وش تحس به ؟ وتحس برآحه ولآلآ ؟ (4) عآد هذولي فئة الشيآكة والبيجآمآ , تلقآه كرتز كل يوم بلون بيجآمآ ومسوي فيهآ محمد المنصور > ولو الود وده مآعنده مشآكل يجي الدآم بهالبيجآمآ تلقآه مع ربعه ولآبسهآ , وتلقآه قآعد ع البحر ومبسوط بهآ ويمطط باكمآمهآ .. ولآ ويلعب بأزرة القميص وشآق الحلق , تلقآه مسوي فيهآ رومنسي ويتمشى مع زوجته بالممشي ولآبس اللي ع اليمين مب أم قميص , وتلقآه فآآآزع في البقآلة ولآبسهآ يعني الا أنآ ذوق ومفيش أحَد أشيك مني ترآ استغفر الله يآربي تلقون يعضهم من الونآسة والله يحطون صورهم بالفيس بهآ , يآرب الله اكبر بّس , على بآله بيجذب الحريم الحين رح فرّش ضروسك ازين لك ... هل انت من هالفئة ؟ وش تحس به ؟ مرتآح ؟ (5) آخر فئة صورتهم مشفففففرة ولآتدرون بس طلو بالشآرع بتلقون لكم 100 صورة , أهل ثوب البيت , سوآء المخطط أو أبو دندوشة , البني او البيج أو الابيض هذولي عآد أكثر فيئة يؤمنون بلبسهم لدرجة كبيييرة .. يعني تلقآه من زود الحمآس مرآت يضيف اكسسوآر معه يعني يلبس طآقيه ولآ يلف شمآغ على رقبته , ولآ يلبس غترة بدون طآقيه معه يعني شي يحزّن ويجلب الرحمة والشفقة للشخص المقآبل له .. طبعن تكثر هذي الخشش والعنآصر في أحد أحيآء الريآض الرآقية .. تعآل لهم الليل وشف الحمآ رآكب لك ددسن ولآبس ثوب بيت < آه يآقلبي بس بيغمى علي .. شي حمآآآس عالعموم هل انت من هالفئة !؟ وش تحس به ؟! مرتآح ؟ برب وأنتقل لـ الصبآيآ المحزرآت |
11-09-2010, 09:00 | #3 |
عضو شعبيات
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
بآك ( ايقونة تفك العفش الثآنية ) ونجي لبنآتنآ الجميلآت (1) هذولي فئة فآهمة الدنيآ غلَط اوكي مآقلنآ شي البسي هالبيجآمة المحزرة بالبيت , بس بالسوق لآ والله قوية , تجيك بعبآية مولعة ومآفيه لون مآحطته وبالنهآ طرف البيجآمآ يطل تجيك نآزلة للبنك بتصرف ومسويتلي أنآ الكآش اللي وخرو عني , وفي النهآية بترفع يدهآ توقّع الا كم البيجآمآ يلوح بنفسه .. أذكر مره نآزلين لتمور الصآلحية ووحدة نآزلة من سيآرة أوكي .. المهم والا نشوف اللبس اثره من النوغية الفوقية شي يجيب المر والصمرقع عيب اصلن يعني فرضن فرضآآآآ لو طحتي , بتطلع بيجآمتك وععووه عليك بَس .. أحسالحين صآرو يعتبرونه من الفآحة إنك تطلعين ببيجآمة وفيهآ رحة بعَد < .. ويقآلي اني انآ مآعندي وقت ومزحومة فاظطرين اني أنزل بالبيجآمة , وبعض الحريم تجيك متحمسة وتعزمك ببيتهآ تقومين تحرصين ع اللبس وتكشخين وبالنهآية تجينهآ تلقنهآ لآبسة بيجآمة زيتية منقطة بموف .. صدمَة عمري محتوقعهآ ليه يعني لهالدرآقدي مآحيبت لي حسآب ولا عبط ! ولآ وتجيك الثآنية عندهآ سبعمية اخو كبآر وفآهمين تنزل لك بـبلوز مآلهآ اكمآم وبيجآمة اصغر من عيونهآ اذا كنتي مآكنتي خآيفة من ربك خآفي على نفسك واستحي ( ايقونة مآسكة زبيرية ) ولآ وطآحو لنآ بالبيجآمآ بآرتي اييييه دآم هالأيآم كذآ أجل السنة الجآية سرآوويل بآرتي عالعموم هل انت منهم ! وش تحسين به ؟ مرتآحة ؟ (2) الفئة الأخرى فئة القمصآن فئة الألوآن وتلخبطهآ بس سؤآل وآحد بس ودّي أوجهه لحقين محلآت طيبة والعويس من وين يجيبون اقمشتهم هآه ؟ يعني والله شي غريب وعجيب , اقمشة مآتلقآهآ في الصين تدرون بديت اشك إنهآ اقمشة , يعني أوآن من جد تجيب أمرآض نفسيّة وجسدية طبببعن هذي الفئة تتمتع بالآمبآلآة , يعني اهم شي سعَآدتي .. تشوفهآ ترقى الدرج تشنقص بعبآيتهآ وتطلّع القميص كمظهر ( يعنـــــنـــــّي ) ولآ تلقآهآ تكلّم خق فآفآفوم بهدوء ومسويتلي رقّة ولآجت بتحآسب ارتفعت العبآية وبآن المستور قميص أحمر مبقع لأصفر وفيه فيونكآن وردية , وورود رصآصية < .. أمي الله يهديهآ تشتريلي هالأشكآل , أنآ أجآمل وابتسم اذا شفتهآ لكن والله من جوى اتحسّر اتحسّر على هالفلوس اللي اندفعت في هالقميص , شي مقرف .. < بس ان شاء الله انكم شآيفين اللي شفته .. يعني حركآت كلفة وكشكشة وخيوط وأوآن وفيونكآت ودآنتيل .. بعضهم يروحون به لخآلآتهم , ويتعيدون به يقولون اريح , ويروحون به للحرم عآد اذا جينآ للجد , الحرم مآينفع له الا قميص بس لو يكون منسق شوي يكون احلى اخيرن هل انتي منهم ؟ وش تحسين به ؟ مرتآحة ؟ (3) هالصورة تقريبن قآعدة تتكلم عن ثلآث فئآت الفئة الاولى اللي هم معتبرين انفسهم مدرسآت , وطبعن هذولي الفئة كثييييييرين جدّن في السعودية يعني لايعدون ولآيحصون كل اللي يحتآجون تنورة سودآء + بلوزة بيضآء وبسسسس , في السوق , في البيت , عند النآس , بمركز , بـ طآآآعون اهم شي تلبس هاللبس .. تفتح دولآبهآ تلقآ قميص ابيض , تي شيرت ابيض , بلوزة بيضآء , وايضن قميص ابيض .. تفتح الدولآب اللي جنبه تلقآ 7 تنآنير سود من طيبة سترتش , و3 من زآرآ , و3 من بيرشكآ , ولو تسمع نآس يتكلمون بالتنآنير نطت وقعدت تتكلم عن السود .. تعرف عم كل مكآن فيه تنآنير سودآء رخيصة الرآجحي , وشيقر , العويس .. هيييي انتي هل انتي من هالفئة ؟ وش تحسين به ؟ مرتآحة ؟ (4) الفئة الثآنية الموجودة بالصورة نفس حكآية التنورة السودآء بس استبدلوه بجينز أو اي بنطلون , يعني اي تييشرت واي بنطلون وتمممممشي , بنطلون مشقوق مقطوع منتف أهم شي بنطلون , في البيت بنطلون وفي المدرسة تحت التنورة بنطلون وفي الـملآهي بنطلون وبالعيد بنلطلون وان عزّمت لبست بزوآج بنطلون .. هل انتي من هالفئة ؟ وش تحسين به ؟ مرتآحة ؟ (5) أمآ آخر فئة في فئة الترقيع يعني بنطلون بيجآمآ مع تيشرت , بلوزة بيجآمآ مع تنورة مدرسة , يعني حآلة وحوووسة ودوسة ,, تلقين دولآب ملآبسهآ ملخبط , لأنهآ مآتلبس كل شي مع حقه .. برمودة زرقآء مع بلوزة فوشية , بنطلون احمر مع تي شيرت مخطط شي يضيق الصّدر بس بنفس الوقت مريح يعني بمآ أني بنت هالفئة والله شي مريح يجلب الفرحة وخصوصن أيآم الشتآء شي جميييييل كل الألوآن فوق بعض , والله يعين هاللي سآكنين بالبيت معي , ولو يشيلون عبآيتي بالسوق شآفو هل انتي من هالفئة ؟ وش تحسين به ؟ مرتآحة ؟ الى هنآ وأكون خلصت هذرتي اعتبروهآ عيدية واعتبروهآ هدية الترقية .. الحين يلآآآآ تحدثو عن ملآبسكم ووش انتم من وين ! ووش رآيكم بالملآبس هذي , وش جربتو منهآ ؟ أدري انكم ذوق بس يلآ عآد هذرو علي شوي .. اللي مآفهمو الموضوع أقولهم اتكلم عن اللي يعلقون ع الملآبس , وأتكلم عن وش الملآبس اللي يلبسونهآ النآس بالبيت وصنفت النآس على فئآت ترآ نتكلم عن عزآب وعوآنس وتقبل الله صيآمكم وقيآمكم لكم [LEFT]موضوع كتبته بقسم قهوة الاقلآع , أحببت ان انقله للوجيه السفره اللي هنَآ .. شكرآ لنورة العجمي اللي من جد حمستني اني انقله لكم حبآيبي انتم .. [B][SIZE=4]رآبطه الاقلآعي :http://www.vb.eqla3.com/showthread.php?t=699846 فمآن الله اخر تعديل كان بواسطة » ~ ضحية هكــر ~ في يوم » 11-09-2010 عند الساعة » 09:05. |
11-09-2010, 09:38 | #4 |
عضو فعّال
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
وش يعني نلبس بدون ملابس ؟ههههههههه انتي علمينا لانو اساساً ماسبتي أحد بحاله خخخخخخخخخخخخ الله يهديك عموماً أنت مسؤوله عن لبسك رتبي نفسك ولاتناظرين اللي بالسوق واللي يسقون حدايقهم خخخخخ حرام ولله هههههههههه لابالعكس كويسه للبيت @@ ! سروال سنه هذا انسيه .. لكن لاشورت ولا ولا ولا وش يلبسون ! خخخخخخخخخخخ وزرة ؟؟ وودي تحددين @@! يعني أنتي تنقدين البجامه بالبيت وتشطحين لوطلعت فيها علمينا علمينا كيف نلبس وكذا وش المفروض هههههههههه @@ وتعودي تحطين للعالم أعذار وريحي نفسك ولاتناظرينهم اصلا لي رجعه أظن أكيد سمي (وردة) وشكرا لموضوعك ولنورة الكيوت ويعطيها العافيه ونورتينا |
11-09-2010, 17:32 | #5 |
مشرفة التصوير والتصميم
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
انا عاد كل شي يهون ولا اشوف رجال نازل بقميص نوم او بيت ع قولتك السوق يخرب بيت عدوهم لهدرجه الكسل.. بجد نفسي امسكه واقوله ماتعرف تلبس؟ ياابني ان الله جميل يحب الجمال لو كسلان من الجينز البس ثوب عادي وإذا انت مره سوداني جيب بدال القميص المقلم والملون. الثوب المغربي وخليك لابسة .. ع الاقل حلو شكلو ومرتب هذول الفئه مااحبهم امافئة البيجامه والجلابية بالسوق هذول لو بيدي مادري شسوي فيهم |
12-09-2010, 08:55 | #6 |
شـــاعرة
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
ياهلا ياهلا باختي الوافية الغالية ضحية هكر اشكرك ماتقصرين لاستجابة طلبي فعلا الموضوع اعجبني لما قريته اول مره اشياء واقعية وماتبليتي على احد كني اشوف شبابنا وشيابنا اللي يستخدمون النت لابسينه وهم يطلطلون على هالموضوع نقول الواحد في بيته لحاله ميخالف مع عايلته بس، لكن بعضهم يوصل يوقفون على الباب ويفتحون الباب لأي احد بهالملابس السعوديه الرسميه صار يونوفورم بيت للرجل السعودي طيب وش يضره يجيب له من ماركس سبنسر مثلا بيجامات مرتبه معها شورتات او بنطولات قطنيه مريحة اقلها منظرها ارتب كثير وماتحسين انه ماهوب محترم احد بالله ش يضركم لو احترمتوا مشاعرنا شوي في البيت اخوان وابوان وازواج شوفي عندك بعض الحريم ، وهي نفس الموديل واذا جددت تجدد بالالوان بالله وش يفرقن الترتيب هذا عن الاندونسيات في البيوت ؟ ماهو تقليل من هالعماله ، لكن هم مضطرين لشغلهم المستمر في المطبخ او البيت لكن ربة البيت ماهو طول الوقت فيه الف طريقة وطريقه ، خياطة ملابس بيتيه بشكل متميز ومريح يشعرها بانها منتعشه ومرتبه ويحسّن من روحها المعنوية في أسوأ الاحوال نخليها تطبخ فيه ثم تغيره بعد المطبخ بشاور معتبر من البصل وملابس ارتب هذولي على فكره ياضحية حطيهم بعد من اللي يطلعون بها الاسواق والشوارع مع صاحبات البيجامات ماهمهم لاحول ولا قوة الا بالله صايرين ماهنا احترام لبعض لا الرجال ولا الحريم تسلمين ياغالية على الموضوع فكره رهيييبه تنبهين بعض الناس من عادات سيئه جعلنا مانكون منهم كل عام وانتي بخير اللهم انت االلهم انت ربي لا اله الا انت خلقتني وانا عبدك وانا على عهدك ووعدك ما استطعت اعوذ بك من شر ما صنعت وابوء لك بنعمتك على وابوء لك بذنبي فاغفر لى فانه لا يغفر الذنوب الا انت اخر تعديل كان بواسطة » نورة العجمي في يوم » 12-09-2010 عند الساعة » 09:15. |
12-09-2010, 20:39 | #7 |
عضو فعّال
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
ابداء ماعلي في البيت راحتي حتى لو رحت للسوق موضوعك رهيب من جد وكلك على بعضك تجنني انبسطت بوجودك بيننا وربي يشهد منورتنآ ياغاليه ~~ |
13-09-2010, 08:25 | #8 |
بقـايا حُلـم
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
ههههههههههههه فضايح في فضايح كان خليتي الطابق مستور ترا ماني بعيده عن ربع البيجامات < ---- سودانية منوره الديوانيه ياضحية هكر باشطح عن الموضوع عطينا نبذه عن سبب اسم اليوزر ضحية هكر لأنه أسم مشواااار هل لك معاناة في سرقة ايميل لك |
16-09-2010, 13:25 | #9 | |
عضو شعبيات
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
- إقتباس:
هههههه سوري رديت عليهآ وطمرت اللي قبل بس شدني سؤآلهآ .. ايه لي سآلفة منزلتهآ بالاقلآع بعَد .. ينفع انزلهآ هنآ ولآ اعطيك الرآبط وبَس ؟ اسألي المشرفة .. - |
|
17-09-2010, 03:32 | #10 |
عضو فعّال
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
هلا ضحيه أنا جميع أنواع الملابس تستهوي ذائقتي الا القمصان ماحبها أحس اني أضيع فيها وأقدر البجايم بالبيت أما سروال السنه ذا لاقالولك الرفيق المداوي أحس الرجال بالذات السعوديين ماهم كيوت ياتشوفينه لابس قميص ويفسخه وقت الخروج ويلبس ثوب وشماغ وكذا حياته على هالمنوال وين السروال الكاروهات والتيشرت والا البجامه الستآن المقلمه < ابراهيم خان على غفله وهلابك بالديوانيه منورتنا بهالطله الحلوة |
17-09-2010, 21:27 | #11 | |
عضو فعّال
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
إقتباس:
خخخخخخخخخخخخخخخخخ صادقه اليوم سألت خالي العود ياحبي له .. ليش ياخال ماتلبس بجايم ؟ ض1 يقولك أسرع تحت القميص "طقم السنه" يفصخ على طول الثوب الجواب عجز +بوسة على راس خالي هههههههههههه برب . |
|
17-09-2010, 21:33 | #12 |
شـــاعرة
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
إقتباسينفع انزلهآ هنآ ولآ اعطيك الرآبط وبَس ؟ اسألي المشرفة .. امون على خواتي حبيباتي المشرفات ان شاء الله شعبيات الابنه لبارّه للاقلاع يعني مادخلتي مكان غريب حطي الرابط عادي زي مايحطون روابطنا هناك لاعدمتك |
19-09-2010, 10:37 | #13 |
شــاعر
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
هههههههههههههههههههههه الصروال والفنيله هو الزي الرسمي السعوي للشغل ثوب وشماغ وللبيت ما يحتاج انا عن نفسي اجلس في البيت رسمي ثوب وشماغ وبشت احتياط يمكن يزورني الملك باي وقت موضوع رايق واعتقد ان الربيع لا يمكن يرد لانه هو بكل تاكيد من فئه ابو شورت كروهات الي ما يغيره لمده شهر |
22-09-2010, 02:13 | #14 |
شــاعر
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
ماخليتي شي يعني لازم الواحد يكون من احدى النوعيات هذي وفيه واحد اعرفه مجربها كلها . . اما يافيصل بالبشت حتى فالبيت ههههههههههه . . موضوع رائع سلمتي |
22-09-2010, 07:45 | #15 |
شاعر
|
رد : قميص - شورت - بنطلون - تنورة - سروآل سنة ( ملآبسنآ بالتفصيل يوجد صور مغريه ههههه
هههههههههههههههههههه موضوع رآآآآآآآآآيق انا عن نفسي البـــــس اللي يكون جاهز << يعني مكوي ومغسول وجاهز للبس بس يرجع الى الوقت والجو والحاله النفسية والمكان اللي رايحله <<< اشدعــوه ..!! شكراً نورة على هالدعوة الطيـــبة ملاحظة: سعيد بن مقبل خل عنك الاجوبه الدبلوماسية وجاوب (: ؛ ؛ |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|