12-10-2005, 11:13 | #1 |
عضوه
|
رشيـد الدهـام
السلام عليكم ورحمة الله .. صباح الخير جميـــــــعا وكل عام وأتم بخيـــــر هــــذه مجموعه من قصــائد الشاعر الرائع رشيــد الدهـــام اتمنى ان تنال اعجابكم الرساله يا بعد كل الرسايل.. هالرساله توّها ما كمّلت عمر الطفوله طفلةٍ فيها العطر يا طووول باله ودّه يفوح و يبوح.. وهي خجوله مثل طبع اللي كتبها من دلاله.. في مسافات الزمن و اربع فصوله مترفٍ لا جيت أشوفه.. شاف حاله ! ما حصل لي منْه لو نظره عجوله صار عندي راس مال.. و راس ماله : ضحكةٍ فيها عقل.. بس مهبوووله !! لا ضحك في مسمعي كنّي قباله كنّي اقطف ورده و عقده و لوله و احبس بعيني خيالٍ من جماله و ارفع لسمعي يدي كنّي بـ اطوله !! و ارسم لزوله شكل يشبه خياله.. في خيالي.. والاّ انا ماشفت زوله ! كلّما حرّمته.. القاني حلاله و كلّما عنْه أبتعد.. قرّبت أنوله كنت أفكّر مرّه.. كنت أفكّر مرّه القى لي بداله دام وصله صعب والأصعب وصوله قلت : ياالله نفترق.. كلّن و فاله : قال : ياالله . : قلت : لحظه !! من يقوله ؟! أطري الفرقا.. وانا ما من صماله وادري ان فرقاه.. ماهي بالسهوله كم عذولٍ قد عذلني في وصاله مير نفسي فيه ماهيب امعذوله ما يخلّي حالة الرجّال حاله غير : بنتٍ في مواقفها رجووله ! و قلبي أحلامه معه.. حسبة عياله كيف حلمٍ توّه بعمر الطفوله ؟!!. قصيده في الامير عبدالرحمن بن مساعد قالوا لي ان الحب من غير تصريح ========= يبقى حبيس الذات.. مثل النوايا قلت : القلم.. لو هو لسان التباريح ========== خلّيت له كل الدفاتر.. شفايا.. تملا الزوايا صمت.. وبصوته اتصيح ========= حتّى يرد الصوت.. صمت الزوايا و الناس: ظلما ، و التجارب: مصابيح ========== و الحب: وجهٍ له عيوني: مرايا و الشعر مايشفي قلوبٍ مجاريح ============ إلاّ إذا جرّح قلوبٍ خلايا !! خطا الشعر: كذب الغزل ، والله يبيح.. ========= لعيون صدق المدح.. شعر الخطايا كم شاعرٍ يهدي القصايد مشافيح ========= يرجي من الممدوح رد الهدايا و اليوم انا بمدحك مالي مصاليح ======= عسى القصيد يرد بعض العطايا لو انّك أكبر من قصيد التماديح ======== و جزيل فضلك فوق كل الجزايا إذا بنيت البيت في مدحك يطيح ========= عذروب شعري كون كلّك مزايا كل السجايا فيك ما تشبه الريح ========== الريح تشبه فيك بعض السجايا خصوصاً ان هبّت مثل هبّة الريح ======== اللي لها في وجه كفّك حلايا و ان قالوا ان الحب من غير تصريح ======== يبقى حبيس الذات مثل النوايا.. ما للنوايا غير الأفعال توضيح ======== أمّا مع الأقوال تبقى خفايا !! و ان جيت عندك.. كل من راح فـ قريح ============= يا واحدٍ..يسوى جميع البرايا وسأعود لاضافة بعض القصائد الاخرى للشاعر [/color] اخر تعديل كان بواسطة » بنت شمّر في يوم » 12-10-2005 عند الساعة » 11:17. |
12-10-2005, 14:03 | #2 |
الطــربة
|
...
مترفٍ لا جيت أشوفه.. شاف حاله ! ما حصل لي منْه لو نظره عجوله و ارسم لزوله شكل يشبه خياله.. في خيالي.. والاّ انا ماشفت زوله ! أطري الفرقا.. وانا ما من صماله وادري ان فرقاه.. ماهي بالسهوله بنت شمر دائماً تتحفين ناظرنا بقصائد عذبه شكراً جزيلاً لهذه الأبيات الاكثر من رائعه... عبدالرحمن بن مساعد و الشعر مايشفي قلوبٍ مجاريح ============ إلاّ إذا جرّح قلوبٍ خلايا !! بيت قمه و ان جيت عندك.. كل من راح فـ قريح ============= يا واحدٍ..يسوى جميع البرايا |
18-10-2005, 02:22 | #3 |
عضوه
|
رد : رشيـد الدهـام
الغاليه نجود ,,, شكرا لمرورك وتعقيبك الجميل أحرجتيني بتواصلك وكلامك العذب تسلمين والله يحفظك |
18-10-2005, 02:44 | #4 |
شـــاعــر
|
رد : رشيـد الدهـام
رشيد الدهام من اروع الشعراء على الاطلاق.. ومن اروع ما قرأت له هذه القصيده اهديها لـ بنت شمر ولـ شعبيات شعوب وقبائل خطوة العين في درب السهر ما تمايل ......................... كن ما تحتها للنوم جرف هيال جيت ابرقد وشفت ان الليالي تهايل ......................... جيت ابسهر وشفت الليالي طوال هذا انا كل ما صعبت على الوسايل ......................... قلت ربك يسهلها على كل حال يا هو حظ المايل او هو الحظ مايل ......................... مال هـ للحال عندي غير هالاحتمال من تفكر بـ هالعالم يشوف الهوايل ......................... اوضح من الحقايق واغرب من الخيال يا صبر متن الارض اللي له سنين شايل ......................... فوق ثقل الجبال نفوس ناس ثقال مثل من عاش ماله من حياته حصايل ......................... غير لا جاك قال فلان بفلان قال قلت مدري ولو ادري فــ لانيب بقايل ......................... عادتي فالهروج العوج مالي مجال اقصر الهرج مالك من ورى الهرج طايل ......................... واترك الخلق للخلاق يابن الحلال الله اللي جعل خلقه شعوب وقبايل ......................... محد ٍ اختار له ربع وعمام وخوال لو تخيرت كونك من عيال الحمايل ......................... ما تخير بلال العبد كونه بلال لو هو بكيف الانسان اختيار البدايل ......................... كل اختار له جاه ومال وجمال والبشر في النهايه فرد ماهم سلايل ......................... في قصير الشجر وش ذنب طول الظلال والعمر في النهايه وقت والوقت زايل ......................... والغني من يحط الطيب له راس مال والشعر في النهايه قول ما هو فعايل ......................... كان ما نقصك ما وصلك للكمال لهجه العمر ولسان الضلوع النحايل ......................... بس ما يرفع الرجال فوق الرجال كان حتى القصايد تعتبرها جمايل ......................... اختصرها ترى ما عاد تسوى ريال لـــ رشيد الدهام شكرا ً بنت شمر |
18-10-2005, 11:08 | #5 |
شــاعر
|
رد : رشيـد الدهـام
بـنـت شـمـر .. رشـيـد الدهـام رائع بما تعنيه الكلمه شـــــكـــراً على ما امـتـعـتـيـنـا بـه والـلـه يـعـطـيـك الـعـافـيـه تحياتي ... |
19-10-2005, 03:03 | #6 |
عضوه
|
رد : رشيـد الدهـام
شكــــــــراا على اخوي مرزوق .. قصيده أول مره اقرأها .. للشاعر الرائع رشيد ألف شكر لمرورك أخي |
19-10-2005, 22:08 | #7 |
عضوه
|
رد : رشيـد الدهـام
في حياتي كلها ما بلغ سمعي كلام احلى من كلمة من العايدين بفمها كان هذا البيت .. مطلع كتبته قبل عام بيت واحد من قصيده عجزت اتّمها وامس عاد الوقت نفسه وفي نفس الزحام شفتها بعيون ناس تلفت يمّها جت تظم الورد بكفوفها شمس الظلام وجيت لكفوف(ن) تظم الورد اظمها جادل من عطرها ينتشي ورد الخزام هي تشم الورد والا الورود تشمها ؟! ((عيد الاضحى)) صار بقدومها عيد الغرام والغرام اغلى عياد العمر واهمها القصايد عيدّن بك عقب طول الصيام عن وصوف الغير وماغير وصفك همها يابعد قصايد الشاعر رشيد الدهام ويابعد من هو مدحها ومن ذمها امس كان العيد وكان الصمت عام بعثر ايامي بصمت وبكلمه لمّها صوتك اللي لا همس لي بمردود السلام اشعر ان ارجاء الارض السلام يعمها تذكرون المطلع اللي كتبته قبل عام ؟! صار قفلة هالقصيده قبل ما اتمها في حياتي كلها ما بلغ سمعي كلام احلى من كلمة (( من العايدين )) بفمها..!! |
19-10-2005, 22:25 | #8 |
عضوه
|
رد : رشيـد الدهـام
هلا وغلا يااغلا الاهل والمعازيم من وين مايمي تجيبك جهاتك مثل القمر لاشع نوره ورى الغيم وجهك .. ورا شفاف طرقة غطاتك وتحت السما مثل السحاب المراديم تنهيدتك بمرايتك وزفراتك افدا تناهيدك من الحزن والضيم لاقارنوا حسنك فباقي خواتك مااظن فيك الحسن يحتاج تقييم الملح كله والحلا في صفاتك شبيهة الما بالطعم والتقاسيم احترت بك .. ياملحك .. وياحلاتك لاتنطقين بشي ياعنيّد الريم لو كان مالي رغبة ٍ في سكاتك لكني اخشى من حريم ٍ ملاثيم لو تنطقين بشي يجرح شفاتك رشيد الدهام |
21-10-2005, 10:03 | #9 |
عضوه
|
رد : رشيـد الدهـام
العناد العفـــــو أخوي والشكر لك ولمرورك تقبل تحياتي |
24-10-2005, 05:49 | #10 |
عضو فـعّال
|
رد : رشيـد الدهـام
بنت شمر مجهود تشكرين عليه جــــــــود |
24-10-2005, 06:48 | #11 |
عضوه
|
رد : رشيـد الدهـام
جـــــود الرياض العفو أختي تقديري لمرورك |
09-11-2005, 09:53 | #12 |
شـــاعــره
|
رد : رشيـد الدهـام
كم عذولٍ قد عذلني في وصاله مير نفسي فيه ماهيب امعذوله ما يخلّي حالة الرجّال حاله غير : بنتٍ في مواقفها رجووله ! و قلبي أحلامه معه.. حسبة عياله كيف حلمٍ توّه بعمر الطفوله ؟!!. بنت شمر اختيار رائع / وذوق حسي شعري / عالي سلمت الانامل /وماقصرتي دمتِ بخير اختك/ المهرة |
08-01-2006, 04:25 | #13 |
عضوه
|
رد : رشيـد الدهـام
المهره الروعه تتجلى في مرورك الاجمل دمتي بخير اختي والف شكر |
24-02-2006, 00:19 | #14 |
عضو شعبيات
|
رد : رشيـد الدهـام
أشــهر من نار/ على عــلم / \ / كنت أفكّر مرّه.. كنت أفكّر مرّه القى لــي بداله ____________ دام وصله صعب والأصعب وصوله قلــــت : ياالله نفـــترق.. كلّـــن و فاله : _____________قال : ياالله . : قلت : لحظه !! من يقوله ؟! مــ أمل من مداده العذبه ،، ولن أفعل و أتمنى أن لا تبخلـــي علينا بالمزيـــــد أحييـــك ذائقتك الأدبيه جداً راقيه شكرأ بحجم روعتك !! |
05-03-2006, 11:14 | #15 |
شـــاعــر
|
.. رشيد الدهام .. اسم يكتب بماء الذهب .. موضوع بحاجة للإثراء لشاعر لن يمر في ذاكرة التاريخ مرور الكرام .. لك الشكر الجزيل على مجهودك المميز يابنت شمر .. دمت بخير .. . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|