[محمد العريني]

كلمات بقيت حبيسة منديلها فترة طويله


و آن لها الخروج


مجاراة في المعنى و ليس في القصيده...

للشاعر و الصديق خالد التميمي

http://www.sh3byat.com/vb/dewview.php?id=264


حيث القاسم المشترك بيننا هو



يــنــــايــــر


..........


الحب .. جرحٍ في خفى الصدر غاير
............. و الشوق ... شخصٍ بالعناوين محتار

يا خالد.. اسمع قولتك في يناير
............ و ارحمْك بعض أحيان .. و احياناً آغار

عقب الهنا.. دارت علي الدواير
........... و الا السعد مبطي على النفس ما دار

لولا الحيا .. لاكتب على كل عاير
.......... بعض الحروف و بعض عذبات الاشعار

عقب الموايق في حضون الستاير
.......... و سرق الموده في غديرات الاقمار

الماضيه .. بين اللقاء و العباير
.......... و المقبلة .. صارت مقادير و اعذار

تعبت أمنّي غربتي بالبشاير
.......... و تعبت اراقب جيته لي بالانظار

بعض الهموم .. آكنها بالضماير
.......... كنّة ضعيف الحيل .. في يد جبار

ناسٍ فرحها طول الايام صاير
.......... و ناسٍ فرحها بعض الايام ما صار

عز الله .. اللي خنتني يا يناير
.......... كل ما برت بي طعنة ... جدّ لك ثار


.....

هنا و في منديلها فقط.

[خالد التميمي]

أبو عبدالله ..

يسعد صباحك.. ولي عودة

أنا لي اللي هنا ..

وعسى المنديل .. مايلحقه عباير

صح لسانك .. وعاش من شافك ..

سلامي عليك ..

[يزيد بن غشيّان]

عقب الهنا.. دارت علي الدواير
........... و الا السعد مبطي على النفس ما دار

لولا الحيا .. لاكتب على كل عاير
.......... بعض الحروف و بعض عذبات الاشعار

الله و اكبر جميل جدا جدا
اعذروني لو دخلت في الثنائيه بدون اذن
لكنها فارهه للغايه
صح لسانك يا محمد

[عبدالله بن تركي]

لك قصيده يُقال لها بيت القصيده
ومعك الوضع مختلف فكل بيت قصيده

صح الله لسانك مدد بــلا عدد

الماضيه .. بين اللقاء و العباير
.......... و المقبلة .. صارت مقادير و اعذار


الماضيه .. بين اللقاء و العباير
.......... و المقبلة .. صارت مقادير و اعذار


الماضيه .. بين اللقاء و العباير
.......... و المقبلة .. صارت مقادير و اعذار

والله غير ابطي والله اردده

صح لسانك يالحراب ولسان ابن العم خالد التميمي
اسعدني حضوري هنا