[علي الأسمري]

صلوا على محمد

مدغم يقول الصدق..وأنت تكابر=اِلاّ اضْيق أضْيَق من طريق الإبره
في بيته اللي قال..وأنته خابر=يومه يوصِّف كيف تملا عبره
صدر الجنوبي كابرٍ عن كابر=ضيقة طبيعة..ما لحِقْها كِبْره
لكنّ خلّك في حياتك صابر=يسْنِد عزومك في زمانك صبره
وأذْكُر" فهَد" يوم اعتزى به جابر=وردّ الكويت لخاطره و لْجبْرَه
ماشيّ فات..و في الزمان الغابر=ماشي يكُوْد اِلاّ لكوْده دِبْره
كبّ الزَّعل..و الغيض ولّه دابر=و ارض العزيز اللي سكَب لك حبره
ولاتجي عابر..وذِكْرك عابر=ويطيح من عيني غلاك بكُبْره
و اثبت بحبِك..بسّ دون مكابر=من زاد نفسه كبر..عندي قبره
وإلى بغيت ارضاي..فزّ و ثابر=واعرف من أوّل حسّ وأوّل نبره
وألاّ فذي بندق..و ذيك معابر=وانشِد صويبين الخبَر والخبره

وسلامتكم,,,

[محمد مدران اليامى]

رااائع يالاسمري .. صح لسانك

تحيتى

[يحيى ابن فالح الاحمري]

صح لسانك

لاهنت

[علي الأسمري]

محمد مدران اليامي
صح بدنك ياغالي
دمت بود

[محمد جفال]

صح لسان ملايييـــــــــــــــــــــــن
قصيدة جميلة تجلت فيها مهارات الشاعر
كثيرا بين أروقة النص ..

[علي الأسمري]

يحي
صح بدنك
ودمت بالف خير

[عبيد البديري]

الله الله ياعلي كم هذا النص مدهش شعر لا يضاهيه اي شعر اخار
دمت ودام ابداعك

[سالم العمراني]

رائع يالأسمري ..
نص جميل وراقي برقي كاتبه ..
صح لسانك ودام بوحك ياأخي

[محمد الدحيمي]

مدغم والله ماعرفه الا بسلامته لكن ..
لا والله ماقال الصدق
وانشد صويبين الخبر والخبره!!
انت يابن عمي مبدع واكبر من المختلف او غيرها
واعمق من بعض الشعراء ممن تضمنهم دائماً بقصائدك
ياعلي انت تقول :

ولاتجـي عابر..وذِكْـرك عـابـر
ويطيح من عينـي غـلاك بكُبْـره

والله مايقول هالكلام الا شاعر حقيقي
فقط ركز على شعرك وابداعك
تحياتي لك ولسدوان وحوراء وخارف والأثنين
وكل بللسمر ربعي الأوفياء

[علي الأسمري]

لي عودة مع من مر قبل شاعرنا الغالي محمد الدحيمي

مرحبا ياغالي ومرورك شرف وملاحظاتك على العين والرأس
توضيح ياغالي
انا عرّجت على بيت مدغم ابو شيبة عندما قال
مشكلة بعض الصدور الجنوبية ***لو تجيها دمعة الطير تملاها
العوامل والظروف الطبيعية***غيّرت مجرى زمنها ومجراها

بهذه القصيدة لموقف حصل وربما لي في القصيدة معنى وهذا لايلغي ملاحظات ونقد ابونواف فهي محل اعتباري وتقديري ومنكم نستفيد ياغالي
اولاً و آخراً لك جل التقدير والاحترام على المرور والنقد وشاكرين ياغالي
دمت متنبئاً للشعر النبطي وغالياً في قلوبنا
تحياااااااااااتي

[خلف ضحوي]

ولاتـجــي عـابـر..وذِكْــرك عــابــر
ويطيـح مـن عيـنـي غــلاك بكُـبْـره
و اثـبـت بحبِـك..بـسّ دون مـكـابـر
مـن زاد نفسـه كبر..عـنـدي قـبـره


الله

الله


لله درك من مبدع

صح روحك

[محمد الدحيمي]

داري ياعلي انك تقصد بيت مدغم والله داري
عموما البيت حق بعض الصدور الجنوبية قد نختلف او نتفق مع مدغم
ولم اقصد هذا الجانب اللي اقصد اقوله انك اشهرت مدغم وانت من يستحق الشهره
لأنك وبكل صدق وهذا رأيي الشخصي عندي اشعر من مدغم وهذا لايلغي كونه مبدعاً
عموما اعتذر منك
اما القصيدة فلايختلف عليها اثنان رائعة

[علي الأسمري]

كل حرف يكتبه استاذي محمد انقشه بالذهب واحفظه في صدري ويعيه عقلي
دمت بخير

[علي الأسمري]

محمد جفال
صح بدنك وتشرفت بمرورك الكريم

[علي الأسمري]

عبيد البديري
صح بدنك ياغالي
دمت بخير