[نايف سعود]

الليل ياشعار زان أسود الليل = مانيب جاهل في فعول الرياجيل
واللي يشيل الحمل يقدم على الشيل = لاعسم الميدان مثل الجهامه

ليا عسم الميدان مثل الجهامه = ترى نايف بن اسعود يجلى الظلامي

مانيب رافعها ليا طبت الماد = اللي يصيد النمر لابد ينصاد
في خاطري شيً حداني عن الزاد = ودعتها مابين دعب وعدامه

وودعتها مابين دعب وعدامه = عساها تعود في يدين الحرامي

[فهد اليامي]

ارحب يانايف وكل عام وانت بخير

واسمحلي العب معك طال عمرك

واستلم

الليل يانايف بروقه تلامع=والرعد يرعد وانت لرعد سامع
والليل مايسريه ياكود طامع=واللي طمع ماجاه غير الندامه

ترى اللي طمع ماجاه غير الندامه=ولو كان في الدنيا رفيع المقامي

هات الخبر والكل يتبع طريقه=الظاهر انه وسط صدرك حريقه
بفزع معك فزعه رفيق لرفيقه=وقت الخطر ولا بوقت السلامه

في وقت الخطر ولا بوقت السلامه=سراب الحقايق يتبعه كل ضامي

[ذيبان]

ارررررررررررررحبوا
حياك يانايف
وحيا الله فهدنا
متابع لا عدمتكم

[نايف سعود]

مرحبا يافهد والحمدلله على السلامه
قالو انك مسوي عمليه بغيت أتصل
أطمئن عليك ولاعرفة رقمك ولاندري
في أي مستشفى ولا لك حق الزياره
على العموم الحمدلله على السلامه طهور


استلم لاهنت

يامرحبا بالصاحب اللي نعزه = الصاحب اللي قدم الأجناب أرزه
وان كان شبت نار للنار أكزه = انا أدري أنه من رجال الشهامه

وانا داري أنه من رجال الشهامه = ولكن يبغى له سلاح وحزامي

اليا عطيتك جوهره في يدينك = احرص عليها لاتراعد يمينك
الناس تطلبها وهي قدم عينك = خلّيتها تنفخ لحاكم كرامه

وخليتها تنفخ لحاكم كرامه = ترى الطيب اللي يكرم بن الكرامي

[فوزي المطرفي]

.

صباح الخير ياشعار المعنى والمغنى

*
الميدان في صفكم.!



.

[نايف سعود]

الأخ ذيبان ولأخ فوزي نتشرف بمتابعتكم

ونشكركم على الأهتمام



تحياتي

[فهد اليامي]

الله لا يهينك يا نايف

وجعلك ذخر والله يسلمك

واستلم

دام البقا لكن وش ذا الحركات=تعطيني الاشواك وتقول وردات
ماتدري ان ابليس حيٍ ولا مات=يسكن قلوب اهل الردى والقشامه

ويسكن قلوب اهل الردى القشامه=ولكن انا مسلم وثابت نظامي

الجوهره مالي عليها طماعه=الحمدلله ما عليه مجاعه
يانايف ابن سعود خل اللكاعه=اميز الرجال واعرف كلامه

انا اميز الرجال واعرف كلامه=ولكن مثلك مايميز كلامي

[فهد اليامي]

ذيبان

فوزي المطرفي

الله يحيكم والله لا يهينكم على الحضور والمشاركه

وتقبلوا خالص تحياتي

[نايف سعود]

اّنا تراني صادقِ في كلامي = من ماضي الأيام هذا نضامي
ولا الحرامي يحسبني حرامي = كلِِِِ يشوف الناس حسب التزامه

وكلِ يشوف الناس حسب التزامه = وهايب من الرحمن رب الأنامي

مالك ومال العجله الوحوحيه = خلك معي ياصاحبي فالقضيه
فتح عيونك لاتخمط يديه = أن كان ضاعت تتقوم القيامه

ليامنها ضاعت تقوم القيامه = ونرجع على درب العنى والمضامي

[فهد اليامي]

مايدعي بالصدق ياكود كذاب=الصادق اللي ينذكر عند الاصحاب
وانته ماغير اتسكر وتفتح الباب=خايف وعجزت ماتشيله عظامه

سواتك يخاف وماتشيله عظامه=تكلم وبعطيك الامن والسلامي

انته علومك كلها دنيويه =وانته من اهل العز واهل الحميه
ارفع مقامك لا تجيب الخطيه=عطني حلال الهرج واترك حرامه

وعطني حلال الهرج واترك حرامه=قبل مايلوح البرق وسط الغمامي

[نايف سعود]

الخوف عند اللي غدابه حماره = حنا الرجال أهل الوفى والنعاره
ماكولنا بالجوع روس النماره = أحذر تزعّلني وعصب العمامه

تحذّر تزعلني وعصب العمامه = تراني عرفت المكرمي والتهامي

الاوله راحت وبعطيك ذيه = أنشدك عن بنتً مع اهل الحميه
بين الرجال تساق ماهي خفيه = يطربلها الرّجال راع القرامه

ويطربلها الرجال راع القرامه = ليا حار فكره وأبتلش بالعسامي

[عنود]

شكل المحاورة حمت نارها
لكن للحق شعراء كبار
متعه محاولة قراءة بين السطور
متابعه لكم
وانا بصف مشرفنا فهد

[فهد اليامي]

ازعل وعصب فالعمامه يانايف=وان شبت النيران ماني بخايف
والله ماتلقى غير هم وكلايف=واضن من ربعك تجيك الملامه

وانا اضن من ربعك تجيك الملامه=كلامك مثل ورعٍ بسن الفطامي

الاوله عندي وجبنا دواها = الثايه عندي وتاخذ سراها
لكن ويش اللي بعد من وراها=واللي شربها قام واقفى منامه

ترى اللي شربها قام واقفى منامه=وفي وقتنا كثرت عليها الاسامي

[فهد اليامي]

ارحبي يالعنود

والله يحيك

ومتابعتك شرف لنا

ومادامك في صفي اجل راح فيها نايف

الله لا يهينك

وتقبلي خالص تحياتي

[نايف سعود]

الكبير الله ياعنود ذكرتيني بيت خلف هذال



أشكرك على مرورك العبق



تقبلي تحياتي