14-05-2009, 19:02
|
#1 |
|
شــاعر
|
وللحزن ، قصائد لم تكتب بعد
. لأجله أكتب ، ومازلت / حزن ٍ غشاك وتنظر لـ درفة الباب ؟ ..........كني عرفت إنك ماعاد أنت راجع ، شفت فيصل ؟ في غيابك كيف غادي ؟ ............. من يدين الهم ، لـ يدين الغبينه ! مايحسّ بـ وحدته ! ، مركون ، هادي ! ............ مايحسّ بـ وحدته غير المدينه ! شاعر ٍ عادي ، وحزنه ؟ ماهو عادي ........... لاكتب طاح العمر ، قدّام عينه ! /
من غيوم الحزن ، تورق غصون السهاد=لين من حزني المترف يطيح الندى أكتبك وأن كتبتك ؟ مايخون المداد=دام حزني ربى بين الضلوع وهَدى لو تهيجن معاليقي بـ صوت الفؤاد ؟=مابقى يا يبه فرحه تشعّ المدى ! يايبه ، كل مامدّيت شوفي / سواد !=وإن سبرت الطريق أصبح بليّا هُدى ! كنت طير ٍ تحرّى طلعته للهداد =غبت وآنكسرت إجنحتي وحلمي غدى كل ماخضرّ عودي ؟ داهمته الجراد ؟=وين ابلقى لعودي في غيابك جدى ! من يرد إلـ خفوقي ضحكتين ٍ جداد !=لا غشت نفسي العبره ودمعي بدى !؟ من يمد الصباح إن طال ليل الهجاد !=من يحيك الصبر لـ حزن عاري / ر ِدى ! كم سؤال ٍ جرحني مالقيت الضماد ! =ضجّ صوت اليتيم وما لقاله صدى ! ماحكى عن حديث الجمر غير الرماد=وإن ترمدّت ؟ من حزني ماهو من ردى ! أجمل العمر طفلن مابكى فالعياد=وآغبر العمر ، عمرٍ في غيابك بدى ، آزرق الدمع بي فاض وغَدَق ... وآشهب الحزن صلاّبي وصام ! مابقى ضلع ، مامرّه مِدَق ! ... إنشد القلب عن صوت العظام ! تايهن بين دمعي والحَدَق ! ... بين / هالعابرين بهالزحام ! يايبه وآصعب الشعر الصدق! ... كيف آبرثيك في حفنة كلام ؟ هبّ فيني جنوب الحزن ، والصبر مال .............. لين سحب المدامع هلّ هتانها كنّي إليا خذلني دمع عيني وسال ؟ ......... شجرةٍ مالها القدرة على آغصانها !/
راكد ، وأربكني سؤالك ، عن الحال=مثل الحصا لاطاح في صفحه الما ياخوي ، وآقصى ضلع للحزن موّال=لاتحدّني خابرك دمعك بيهما لو الكلام أبلغ من الدمع لاسال ؟=ماسولفت لك دمعة بـ عين بكما ! يغنيك عن كل الحكي دمع رجال=عاين وتلقاني على الجال وآظما الحزن يكبر كل ماتكبر آمال=مثل الشجر ينبت بـ عيني وينما تقبل جروح وأفتح القلب مدهال =دام القلوب البيض بالحزن تسما ! أكذب عليك إن قلت مستور وآختال=حالي غدى مع رمح الأيام مرما ! ، كبرت وصارت الضحكه تجي بـ مكابدات وويل ! ...........سقا الله ضحكة ٍ ماتستحي من دمعة عيوني ! ، ............. تجيك المصايب ؟ كنّها هلّة المسباح ........................ مَـ تلحق تهل الدمع في صدمتك لحظه ! /
آه لامرّني ودموع عيني تزارق=صوت أبوي وكفوف ٍ تهدي الحجرفيّه يوسم الدمع فالخد البراح المطارق ! =تبتدي بالحنايا صرخةٍ سرمديّه ! آغبر الوقت مايجبر عليك المفارق=وآجمله ما حضن بسمتك بـ ظلال فيّه طال ليل الحزن ؟ ياليل مالاح بارق ؟=يفتح إلـ خافقي شبّاك فرحه نديّه ؟ عقب طعم الفرح مابين مثمر ووارق=ذقت طعم الهجير المرّ والمهمهيّه ! ضمّ ياليل طفلٍ بأزرق الدمع غارق=طفل كنه بدونه / لاوطن ، لا هويّه ! ، قسم بالله ، يا في غيبتك ، تهت بـ دموعي لين / ........عجزت أجابه إجيوش الحزن يابوي بـ لحالي ! لك الله من رحلت بعمري اللي ماوصل عشرين؟ ..............كأني شبت فجأه والعمر مامرّ في بالي ! ، ياللي معي ، مابين نفسي وآرتّبك .........حزن ٍ معتّق ، بين قلبي وعيني ياولله إن آكتبك ، وآكتبك ، وآكتبك .........شعرٍ يوطّن غربة الروح فيني ! /
سجين الهم جلاّدي سواد ٍ طاغي ٍ بالجور=متى يالصبح تعتقني وتاخذني من إيديني ؟ تعبت ، أتصنّع الفرحه وأنا في داخلي مكسور=وآنا آسرق من يدين الوقت ضحكه ماتهنّيني ! على الضحك الحزن كاني ضحكت بـ خاطرٍ مسرور=ياكم من ضحكتي ثارت دموعي في طرف عيني ! زهابي دمعتين ووجه أبوي وحزني المستور=على وجهي ومدري وين وجهي ياموديني ! أفتش عن بقاياه ابخفوقي ضحكتين ونور !=وأخبيّها لباكر ، مير باكر مايعزّيني ! يمرّ الذاكره في غفلتي وأستدركه مبهور !/=يبه ! ، يرجع صداي وتبهت بوجهي تلاويني ! أشوفه يبتسم لي في زوايا الذاكره والدور=وإلى مني عبرت لواقعي ، زاد البلل طيني ! تعثّر في زوايا عبرتي له صوتي المبتور=إلين إجتمعت إغيوم المدامع وأبرقت عيني ! قدم عيني خذوه وغسّلوه ومرّه الكافور=وقفت وماقدرت الا أمش الدمع بيميني ! فقدته ، كثر ماآسج بسواليفه وأنا مخطور! =كثر ماآنادي بإسمه ولا صوت ٍ يناديني ! فقدته ، كثر ماني فاقدن يد ٍ تمد الشور=كثر ماضعت بـ غيابه وصحت بـ غيبته ويني ! تعبت آزرع من آيام العمر فآرض ٍ خراب ٍ بور=تعبت ، آسج رجل لـ كل درب ٍ مايوديني ! يبه، ماعادني ذاك الضحوك ، اللي يمدّ النور !=ذبل كل الفرح وأورق نبات الهم بـ سنيني ! ، تو مابدت ، إتموت في صدري آسراب ! .......... توّ الحزن هيجن بـ طرق المواجع ! لا صرت أنا توأم مع الحزْن لاغاب ؟ ............. من هو يفرّق بيننا بالمضاجع ؟ فيصل الجميلي الحربي  |
|
|
|
15-05-2009, 02:01
|
#2 |
|
شـــاعرة
|
رد : وللحزن ، قصائد لم تكتب بعد
يايبه ، كل مامدّيـت شوفـي / سـواد ! وإن سبرت الطريق أصبح بليّـا هُـدى ! رائع فيصل حياك الله بين نخبة شعراء شعبيات متأملين تواصلك وتفاعلك مع هذا التجمع الودي الرائع الذي من شأنه يشجع الآخرين على زيارة متصفحك الجميل بكل معنى الكلمة صح قلبك وسعداء بانضمامك كل الود والورد   |
|
|
|
|
15-05-2009, 09:51
|
#3 |
|
متنبي الشعر الشعبي
|
رد : وللحزن ، قصائد لم تكتب بعد
الله الله عليك يافيصل من اجمل ماقرأت والله على اني كنت اتمنى شخصياً برغم التناسق والترابط بين النصوص الا اني كنت اتمنى ادراج كل نص مكتمل بمتصفح جديد حتى يجد الأحتفاء اللائق به ويبقى نصك هذا فعلا من اجمل ماقرأت وسأكون بالتأكيد احد متابعيك وقرّاءك |
|
|
|
|
15-05-2009, 11:21
|
#4 |
|
شــــاعـــر
|
رد : وللحزن ، قصائد لم تكتب بعد
. . فيصل سعود .. شاعر رائع حضوره يعتبر مكسب للذائقة !! أهلا بك يافيصل هنا في مبتقى الابداع .. هنا شعر كثيف , يحتاج ويستحق أكثرمن قراءه وأكثر من حضور .. هنا ابداع ليس بغريب على فيصل سعود \ |
|
|
|
|
16-05-2009, 02:37
|
#5 | |
|
شـــاعر
|
رد : وللحزن ، قصائد لم تكتب بعد
|
|
|
|
|
|
18-05-2009, 00:05
|
#6 | |
|
شــاعر
|
رد : وللحزن ، قصائد لم تكتب بعد
إقتباس:
اخر تعديل كان بواسطة » فيصل سعود في يوم » 18-05-2009 عند الساعة » 00:09. |
|
|
|
|
|
18-05-2009, 15:07
|
#7 |
|
مراقب عام
|
رد : وللحزن ، قصائد لم تكتب بعد
شفت فيصل ؟ في غيابك كيف غادي ؟ ............. من يدين الهم ، لـ يدين الغبينه ! مايحسّ بـ وحدته ! ، مركون ، هادي ! ............ مايحسّ بـ وحدته غير المدينه ! شاعر ٍ عادي ، وحزنه ؟ ماهو عادي ........... لاكتب طاح العمر ، قدّام عينه ! / صح لسانك يافيصل شاعر رائع نفخر بك في شعبيات |
|
|
|
|
19-05-2009, 02:28
|
#8 | |
|
شــاعر
|
رد : وللحزن ، قصائد لم تكتب بعد
إقتباس:
أهلا ً بحجم قامه شعريه تسمّى محمد الدحيمي ، إطرائك وسام يامحمد ، وبالنسبه لكل نص متصفّح ، صعب جداً لأن النصوص موضوعها واحد ولو بين فتره وفتره نزلت نص واحد راح يكون فيه ملل من القاريء لنفس الموضوع . يشرّفني والله يامحمد متابعتك ، وألف شكر لك ولحضورك من القلب . |
|
|
|
|
|
19-05-2009, 02:38
|
#9 | |
|
شـــاعر
|
رد : وللحزن ، قصائد لم تكتب بعد
إقتباس:
مرور رقم .. ( 1 ) .. يافيصل ولي عوده اكيد |
|
|
|
|
|
20-05-2009, 00:28
|
#10 | |
|
شــاعر
|
رد : وللحزن ، قصائد لم تكتب بعد
إقتباس:
|
|
|
|
|
|
04-06-2009, 22:50
|
#11 | ||
|
شــاعر
|
رد : وللحزن ، قصائد لم تكتب بعد
إقتباس:
صح بدنك أخوي حسين ، أتشرّف في حضورك وردّك ، وشعبيات شامخه بأهلها وبكتّابها ويشرّفني كوني أحد أعضائها . أجزل الشكر وآعمقه |
||
|
|
|
|
20-06-2009, 00:55
|
#12 |
|
Guest
|
رد : وللحزن ، قصائد لم تكتب بعد
فيصل اضم صوتي لصوت ابو بدر صح لسانك ودام نبضك |
|
|
|
10-07-2009, 07:47
|
#13 | |
|
شــاعر
|
رد : وللحزن ، قصائد لم تكتب بعد
إقتباس:
|
|
|
|
|
|
10-07-2009, 10:31
|
#14 |
|
كاتبة
|
رد : وللحزن ، قصائد لم تكتب بعد
، كني عرفت إنك ماعاد أنت راجع كني عرفت إنك ماعاد أنت راجع كني عرفت إنك ماعاد أنت راجع يا.. الله.. الله يرحمهم.. و.. يرحمنا.. لاهنت.. يا.. فيصل.. ، |
|
|
|
|
05-08-2009, 11:45
|
#15 | |
|
شــاعر
|
رد : وللحزن ، قصائد لم تكتب بعد
إقتباس:
أحمد صعفق الوهبي تشرّفت بهذا الإسم كثيراً قبل سنه ونصف تقريباً ، وإنطربت لحرفه المبدع آكثر وآكثر ، رجل بمعنى الكلمه بأخلاقه وشعره ، قبائل من شكر وورد لقلبك . |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
