03-11-2002, 13:28
|
#1 |
|
عــضـو فـعّـال
|
(ياجماعه عندي طلب )"الى فهد المساعد"
 السلام عليكم ورحمة الله وبركاتهاسمحولي كلكم اتقدم للشاعر العذب فهدالمساعد واطلب منه طلب صغـــــير اتمنى يكون خفيف دم عليه" اتمنى تتحفنا ياشاعر الحب والاحساس الرقيق بقصيدتك "ياقصيدي شد حيلك واخذمن جورك عداله وانفض غبارك وطوح باللحون السامريه ******************************** "اكتبت فيها من سهول الشمال ومن جباله لآرض الاحباب وبلادالحب الى "نجد العذيه" واتمنى طلبي خفيف على قلبك "شاعرالاحساس"فهدالمساعد واتمنى من الاخوه يأيدوني في طلبي هذا ولك كل التقدير والاحترام وعساك على القوه لاهنت (لـــيـــالي نــــــجــــــــد)  |
|
|
|
03-11-2002, 16:08
|
#2 |
|
شــــــــاعر
|
اختي الغاليه ليالي نجد ابشري ومنتي في حاجة احد يطلب معك هالطلب انتي تامرين ,, قصيده كتبت على ظرف رساله , , , ياقصيدي شد حيلك واخذ من جورك عداله = = = = = = = وانفض غبارك وطوّح باللحون السامريه ابشر بعلمٍ تسر البال رشفه من زلاله = = = = = = = ابشر بعلمٍ يجيب اقصاك ويردك عليه ابشر بريف الضلوع العوج جت منها رساله = = = = = = = رجعتـني للحيـاه وذكـرتني بالمنيـه اكتبت فيها :- (( من سهول الشمال ومن جباله = = = = = = = لأرض الاحباب وبلاد الحب الى نجد العذيه من صبيه عاث فيها الوقت واعياها احتماله = = = = = = = للحبيب اللي يطيح فـغيبته دمع الصبيه يالحبيب ان مرك اسمي فالرساله وانت داله = = = = = = = اعتبر هاك الرساله طيش بنت ٍ نرجسيه وان قريت اسمي وطاحت دمعتك قبل الكماله = = = = = = = كمّل السطر الاخير وبلّغ الشعر الوصيه )) واكتبت لي فآآخر سطور الغلا سطرٍ لحاله = = = = = = = بشرت فيه القصيد وجت تسوق الشعر ليّه ياقصيدي وانت عم القلب وجروحي خواله = = = = = = = لاتـردىّ ماخبرتـك ياولـد راعـي رديـه اقدح النار وتوّلم مانبي لحدٍ جماله = = = = = = = مالهـا غير المسـاري والحروف الابجديه دامها لعيون بنت الشعر والحسن ودلاله = = = = = = = والله ان يقال فيها الشعر وتسوقه حميه العنود اللي تذّكّر واحدٍ ماغاب باله = = = = = = = بالقصايد والرسايل واسمها والمقدريه كيف تسألني عن اسمٍ هزّ له غصن وحدا له .. = = = = = = = شاعرٍ من طول صمته ماهقيت القاه فيّه ليتها تسأل جنوب القلب عن صحرا شماله = = = = = = = كم بقت رغم الهبايب في قفاريه الخليه وان بغت تسأل قصيدي جعل يفداها خياله = = = = = = = تقلط هنيا وتبشر بالسعد والشاعريه القصيد ان ماتجهّم وانتخى لاجا مجاله .. = = = = = = = وش نبيبه يوم نكتب فيه ونحطه قضيه __ وسلامتك وسلامة من يقرا ___ ومبروك عليكم الشهر الفضيل |
|
|
|
|
03-11-2002, 17:22
|
#3 |
|
شــاعرة
|
الله الله الله عيني عليك باااارده يا فهد المساعد الله لا يهينك وصح قلبك منتهى الروعه والابداااااع والف الف الف شكر للغاليه ليالي نجد تحياتي وتقديري |
|
|
|
|
03-11-2002, 18:13
|
#4 |
|
العضوية الماسية للموقع
|
للبهاء حضور 000
الكريمة ليالي نجد ... و الكريم فهد المساعد ... بطلب ٍ كان هو الأروع في تحقيقه ... "القصيد ان ماتجهّم وانتخى لاجا مجاله .. = = = = = = = وش نبيبه يوم نكتب فيه ونحطه قضيه " مرحباً بهذه العودة أيها النقاء ... صح لسانك بحجم ما أمتعتنا هذه الليلة المطيرة ... و جعلنا الله من صوامه و قوامه ... شكراً لقلبيكما ... ــــ.. . |
|
|
|
|
03-11-2002, 20:19
|
#5 |
|
عــضـو فـعّـال
|
صح لسانك
مساك الله بكل خير شاعرالاحساس المرهف والقلب النقي اسمح لي اشكرك على تلبية طلبي وتقبل مني كل تقديرواحترام وبالنسبه لقصيدة الرساله ماخذت حقها من التقديم الابقلمك الرائع تسلم ولاهنت وعساك على القوه (ليـــــالي نــــــــجــــــــد) |
|
|
|
|
03-11-2002, 20:23
|
#6 |
|
عــضـو فـعّـال
|
الله يسلمكم
تسلمين اختي الغريبه وتسلمين اختي عبيربنت احمد وبكل تاكيد تايدوني بان قصيدة الرائع فهدالمساعد تستحق الاحتفاء والقراءه بكل صراحه الرائع فهد يستحق كل اشاده واعجاب بقلمه الاكثرمن مرهف لازال عنده الكثيراتمنى يتحف ابصارنا بقرائته تسلم فهد لاتعبت يارب تسلمون كلكم وعساكم على القوه (ليــــــالي نــــــــجــــــــد) |
|
|
|
|
03-11-2002, 20:35
|
#7 |
|
شـــاعــر
|
السلام عليكم ورحمة الله وبركاته
شاعر (المدينة والغريب) ......... فهد المساعد ..... صح الله لسانك وبنانك .....وربي مبدع ....ومتمكن ....... لله درك من شاعر عذب ....... ولا انســــــــــــــــــــــــــــــــــــــــــى ليالي نجـــــــــــد (اشهد ان ما مثلك ليـــالي)...... مشكوووووووووره على امتاعنا واختيارك العذب ..... والله يعطيك الف عافية ..... مبدعة حتى في طلباتك .......... ما شاء الله عليك ......... تقبلي تحياتي ........ |
|
|
|
|
03-11-2002, 21:23
|
#8 |
|
عضو شعبيات
|
القصيد ان ماتجهّم وانتخى لاجا مجاله .. = = = = = = = وش نبيبه يوم نكتب فيه ونحطه قضيه استاذي العزيز الاخ الحبيب فهد المساعد تزاحمت فيني الكلمات الجميله تجاهك وتجاه شعرك كل كلمه تريد ان تخرج الاولى ...ليكون لها الشرف في الرد عليك وظلت المنازعه ولم يبقى لي الا ان اقول صح لسانك مليوووووووووووووووووووووون وتباركنا بقدوم شهر رمضان وقدومك ولا انسى اختي ليالي نجد الله يعطيكم العافيه جميعا تقبلو تحيات اخوكم ســــــــــــــــامي |
|
|
|
|
04-11-2002, 04:12
|
#9 |
|
شـــاعــر
|
أختي ليالي نجد شكراً لطلبك من الشاعر الجميل فهد المساعد هذا النص الجميل ولكن أختي الكريمة ستجدين المشاركة في الديوانية . لأنه تخالف سياسة بوح القوافي شكراً لك ,,, وصح لسانك الشاعر فهد المساعد ,, تقبلوا تحياتي ,,,, أخوكم / عبدالله مرّان |
|
|
|
|
04-11-2002, 07:52
|
#10 |
|
المشرف العام على شعبيات
|
صح لسانك يابومساعد وبيض الله وجهك والله يجزا ليالي الف خير الي خلتك تحط لنا هالرائعه اسمحوا لي بتثبيت الموضوع |
|
|
|
|
04-11-2002, 07:59
|
#11 |
|
..
|
ليالي نــ فهد المســـــاعد ـــجد شكرآ لكم جميعآ صح لسان القائل واللي طلب القصيده اكرمتونا بهذه الرائعه الله يعطيكم الصحة والعافيه الشهر عليكم مبارك وكل عام وانتم بخير جعلنا الله من من صامه و قامه ايمنآ و إحتسبآ تحياتي لكم  |
|
|
|
|
04-11-2002, 14:11
|
#12 |
|
عــضـو فـعّـال
|
تسلم
مساءالخير محمدالشهري تسلم والله لايهينك واذاكان للروعه شاعرفهوفهدالمساعد وهو من فرض وجوده باشعاره الخياليه واذاكان للذوق قلم فهوقلمك بلاشك لاهنت والله يعطيك الف عافيه وانا طلبت القصيده من فهد لآني استمتعت فيها وابيكم انتم ايضا تستمتعون لآن القصايداللي مثل هالقصيده نادربالفعل هالايام تقبل تحياتي واحترامي اختك(ليـــــالي نـــــــــجـــــــد) |
|
|
|
|
04-11-2002, 14:14
|
#13 |
|
عــضـو فـعّـال
|
لاهنت اخوي سامي
السلام عليكم ورحمة الله اخوي سامي فعلا فهديستحق كل المتابعه والاصغاء لاهنت وعساك على القوه اختك(ليـــــالي نــــــــجـــــــد) |
|
|
|
|
04-11-2002, 14:19
|
#14 |
|
عــضـو فـعّـال
|
عبدالله مران تسلم ولاهنت
مساك الله بكل خير تسلم اخوي عبدالله مران وعساك على القوه سؤال بريئ جدا(ياخوي انت ليه متسلط على مواضيعي وصايرارهابي علي )هههههه لاتصدق ترا امزح واسفه اذاسببت اي ازعاج لك ومن اليوم ماراح اكتب ببوح القوافي الامن قصيدي مع اني ماني بشاعره بس متذوقه عبدالله تقبل مزحي بصدررحب ولاهنت اختك(ليـــــالي نـــــــــجــــــــــد) |
|
|
|
|
04-11-2002, 14:24
|
#15 |
|
عــضـو فـعّـال
|
تسلم اخوي
مساك ورد اخوي ضاري بالعطا تمنيت الكل يستمتع بقصيدة مبدع الاحاسيس والمشاعر فهدالمساعد وهذي امنيتي تتحقق بكل من تذوق ابياته وكل حرف عانق ابصارنا فعلا هنيئا لك يافهد هذا الحب وتستاهل اكثر لاهنت ضاري بالعطا والله يقويك يارب اختك(ليــــــالي نـــــــــجــــــــد) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
