04-11-2002, 13:49
|
#1 |
|
عــضـو فـعّـال
|
(قصيدة الجن)محمدالدحيمي"
نص شعري فريدمن نوعه للشاعرمحمدالدحيمي تتفاعل معه الى اخرقطره من دمك وتحلق معه الى مساحات الخيال اللامحدود اليكم :الملحمه" ليلة البارح رقدبعضي ينازعه اغلبي"""ليلة باخرليالي الحج غدرامظلمه كني اللي نايم مابين داب وعقربي"""هي حقيقه هي خيال سج؟هي حلم احلمه قمت من صوت دعاني وانثنيت على ركبي"""والاانا اناظرقبالي (ناقة متكلمه) "يانيازك لوعرجتي فوق دخان اشهبي""اعلقي في زئبقي في مارج متنجمه قلت وش قومك وش انتي واصدقي لاتكذبي"جاوبتني شاعره من الجن وانظم مبهمه وقبل تنشدني ترى اسمي ابكمه ياصاحبي"وادركانك مادريت ان اشعرالجن ابكمه اسكن "البرلس"على وادي يسمى المحلبي"في نهاية طورموسى جل رب كلمه جيت ابااسمع منك شعرالوصف واشب لهبي"كان توصف مثل جدك ياعسى الله يرحمه جدك اللي من سمع شعره ذهل واستغربي"مثل وصفه لآجمل سنينه ب نوق مدرهمه قلت حياك ارحبي ثم ارحبي ثم ارحبي"في ضيافه شاعريثني القصيدويلجمه شاعروردهواجيسه على ماهويبي"واعذب الشعراصدقه في اغربه في اجهمه من شيوخ دحيم جدانه وخاله تغلبي"ان طلع عزوشرف والاطمن في مكرمه قدورثت الطيب قبل الشعرمن جدي وابي"ولابتي سيل الحقوق اللي تزابرمرزمه واشهداني من سنام الشعردسمت شنبي"وهاتي اشعرشاعرمن الجن نذرلآفحمه ودام يستهويك شعرالوصف ب انظم واطربي"ع القوافي نفسها قدامك الحين انظمه واصف حلوالترايب والقوام الاكعبي"وابتدي بسم الله الرحمن سمعي ياابكمه جادل بحجاجها فجرزبنه المغربي""عنزريم نثرتني بين خرزوسلهمه في سوادعيونها فاجريقول انه نبي""كل صابي يتبعه ويصدقه يهدردمه وفي لحظها حاكم سفاح متهور غبي""يطلب الرحمه لميته يوم شبع من لحمه وفي هدبها مدهل راعيه شيخ يعربي""اجودي نوب يعزمني ونوب اعزمه راعني خال بوجنتها تقل عبد مسبي""حارس روض الزهرمن كل يمنا مجرمه ومن قليب اللون جاثعبان فضي لولبي""من لعق سمه يقول الشهدمروعلقمه كلما بلل شفق عنابها قال عجبي""راح ينشد لولها هي مشركه هي مسلمه يوم جااللول بيجاوب قلت ربي روف بي""ناض براق الثمان وسال وادي عكرمه الندى عودغدابأوجانها طفل يحبي""والعطرراعي بأثرهايحدي ابله وغنمه ومن جدايلها تجلا فارس قال العبي""واستفزي الريح يابنت الهبوب المدهمه وفي نحرها كافرلعيوني يقول اذنبي""كل ماياكل رطب شوفي حذفني بعجمه في ترايبها ثمرطاح بنهم عين اشعبي ""جايقول لخصرها المياس حذرامااتهمه انثنى الخصروتمايل قال قلبك مربي""توه اللي كان ضيفي وانظراثارقدمه الجمل هج وتذير يوم شاف الاحدبي""الحدب قال اش معه ماينظرالحدب سنمه كل نظره روحت حبلى تجي معها صبي""راح جوعه ينشدامه وش بلاها تفطمه لامشت في مشيها خطوالكحيل الاشهبي""انثنت .حايل ثنيه.لارباع ولاقحمه كنها لالدت النظره خجل عالمنكبي""صادق يستودع الفتان سريكتمه في خجلها بنت شيخ طاحت بحب اجنبي""في غنجها مهرة تتلي الصهيل بهمهمه في رضاها حصني يتلذذبمحض عنبي""في عتبها ظالم حطوه قاضي محكمه لااقبلت مثل الحمام ولاادبرت مثل الظبي"لااوقفت طيرالهدادولاجلست تقل رخمه لاوردتي يامغاتيري على العداشربي""وهيجني ياحي ذاالمبسم ومنهومبسمه مبسم يوم يتبسم كل عرق صاح بي""وتلني قوم الثمه نذرعلي ان تلثمه اذن الفجرووقفت الاابكمه(تقول طلبي)""يالدحيمي هالقصيده سمها (بالملــحمه) صح لسانك شاعرنا محمدالدحيمي واتمنى مااكون ازعجتك بكتابة هالقصيده لكن صدقني من اعجابي فيها وغرابة موقفها حبيت اعضاء شعبيات الكرام يستموتعون في كل بليت منها وهي تستاهل التقديم (ليـــــالي نـــــــــجــــــــد)   |
|
|
|
04-11-2002, 14:36
|
#2 |
|
عضو شعبيات
|
[poet font="Simplified Arabic,4,royalblue,normal,normal" bkcolor="white" bkimage="" border="groove,4,gray" type=0 line=200% align=center use=ex length=0 char="" num="0,black" filter=" shadow(color=silver,direction=135)"] ليالي نجد مامثلك ليالي ... شكرا على جهودك والقصيده لايختلف عليها اثنان .. ملحمه رائعة .. مهما تقرأ ستعيد قرائتها. وقد قرأتها في مجلة قطوف الله يذكرها بالخير [/poet] |
|
|
|
|
04-11-2002, 15:28
|
#3 |
|
..
|
ليالي نجد
اختي ليالي نجد تسلم يمينك على النقل وصح لسان الشاعر محمد الدحيمي اختي ليالي نجد ليتك تجيبين قصائد لم تنشر من قبل او لشعارمن غير الاعضاء في شعبيات الاخ العزيز محمد الدحيمي قصيده رائعه و وصف غزلي اروع ولاكن في هذا البيت ( لااقبلت مثل الحمام ولاادبرت مثل الظبي"لااوقفت طيرالهدادولاجلست تقل رخمه ) كلمه واحده حولت الغزل الى ذم اخي كما هو معروف طائر الرخمه من اكلات الجيف وهو مضرب مثل في الصفات الذميمه و الغت ماقبلها حيث انها كانت الخاتمه اخوي محمد تبقا شاعرآ مبدع مهما يكن هذا من وجهة نظري البسيطه اخوي محمد يهمني ان اعرف رايك لعلي غلطان تحياتي لكم جميعآ اخواني و اخواتي العتب مرفوع و الزعل ممنوع  |
|
|
|
|
04-11-2002, 19:42
|
#4 |
|
عــضـو فـعّـال
|
تسلم اخوي ورقان
السلام عليكم تسلم اخوي ورقان ولاهنت واشكرك على التعقيب وعساك دوم على القوه لاهنت اختك(ليــــــالي نـــــجـــــــد) |
|
|
|
|
04-11-2002, 19:45
|
#5 |
|
عــضـو فـعّـال
|
لاهنت اخوي عبدالرحمن
مساءالخير تسلم اخوي عبدالرحمن ولاهنت بالنسبه لآختياري للقصايداللي اقدمها صدقني اخوي انه مايدخل بحساباتي الشخصيه اذاكان شاعرها من ضمن الاعضاء اومن خارج المنتدى اخوي عبدالرحمن اتمنى تأيدني بقولي ان القصيده المميزه تفرض نفسها علينا بغض النظر عن كون شاعرها مهما كان موقعه وانا اعجبتني القصيده وقدمتها للاخوه على اساس انها من ذوقي الخاص اشكرك على الملاحظه وبالنسبه لبيت الدحيمي اتمنى يجاوبك عليه لتعم الفائده لنا والزعل ممنوع والعتب مرفوع اشكرك مليون لمرورك وتعقيبك على الموضوع لاهنت اختك(ليـــــالي نــــــــجــــــد) اخر تعديل كان بواسطة » ليالي نجد في يوم » 04-11-2002 عند الساعة » 19:50. |
|
|
|
|
04-11-2002, 20:31
|
#6 |
|
..
|
اختي ليالي نجد تسلمين لاعدمناك اختي ماعندي شك في ذوقك الرفيع اختي اللي انا اقصده اذا كانت القصيده لشاعر غير عضو احتما ل نشرها في المنتدى ضئيل جدا ولكن قصيده لشاعر عضو احتمال انه ينشرها هو بنفسه وارد وخصوصآ مثل هذه القصيده اختي الطمع غالب علينا هالايام وهذي مضمونه انشاءالله نبي شئ ماضمن و انتي لا تخلين الدوانيه بدون قصائد انتي عليك الكتابه ورقدي عن البا قي تحياتي لك |
|
|
|
|
04-11-2002, 22:15
|
#7 |
|
شــاعر
|
ليالي نجد صح لسانك ولسانه محمد الدحمي رررررررررائع بكل ما تحمله كلمة روعه من معنى وانت كلك ذوق والزين يفرض نفسه وكم اتمنى من شاعرنا محمد الدحمي التعليق على مداخلت الغالي عبدالرحمن اليحيى لتعم الفائده على الجميع تحياتي والف شكر على هالمجهود الطيب يا ليالي اخوك فيصل |
|
|
|
|
05-11-2002, 14:15
|
#8 |
|
عــضـو فـعّـال
|
مساءالخير
مساك الله بكل خير اخوي عبدالرحمن تسلم وعساك على القوه لاهنت وصدقني اني فهمت قصدك اختك(ليــــالي نــــــــجــــــــد) |
|
|
|
|
05-11-2002, 14:18
|
#9 |
|
عــضـو فـعّـال
|
تسلم اخوي فيصل
مساك الله بالورد فيصل تسلم اخوي فيصل ولاهنت التعب يهون لآجل تستمتعون بالقصيده مثل ماانا استمتعت فيها لاخربيت منها صح لسان محمدالدحيمي وعساه على القوه لاعدمتك اخوي اختك(ليــــــالي نــــــــجـــــــد) |
|
|
|
|
07-11-2002, 16:03
|
#10 |
|
متنبي الشعر الشعبي
|
الأخت الغاليه ليالي نجد: كل عام وانتي بخير وشهرك مبارك تسلمين ويسلم ذوقك العالي اللي اكرمني واختارني بإختيارك لقصيدة (الملحمه)وترى اسمها الملحمه ماهوبالجن لاهنتي ولاخلا ولاعدم يالغاليه. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ اخوي الغالي عبالرحمن اليحي : كل عام وانت بخير وشهرك مبارك تسلم والله لايهينك امّا بالنسبه للبيت اللي ذكرت فانااولاً شغوف بالطير والقنص واعرف ان الرخمه من الطير مزبانهاالجيف ومكروهه لكن البيت يقول : ( لااقبلت مثل الحمام ولاادبرت مثل الظبي"لااوقفت طيرالهدادولاجلست تقل رخمه ) اخوي عبدالرحمن اباسأل سؤال : تظن اني عقب هالمدح بالوصف اباطيح زي ماقلت بالذم واخرب اللي سويته يعني بإختصار انا اقول ( ليا جلست ماقلت - ليا اكلت )من المعروف ان جلسة الرخمه من الطير وطائر الرخم مثل مانت عارف غالباًانثى له جلسه جميله وغريبه وربما تكون الشيء المميز والمقبول فيه . يعني مثلاً ليا استذار من العقاب او من اي طير يخب وجهه ووو.... ماني بمكمل فهمتني وان مافهمت وش اقصد علمتك بعد اذن الأخوان عالخاصالله يسامحك يابو يحي حديتنا وانّا من قبل على جريف تسلم ولا خلا ولاعدم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ اخوي الغالي فيصل بن خالد: كل عام وانت بخير وشهرك مبارك تسلم ولاهنت ياعصابة راسي واستفسار اخوي عبدالرحمن رديت عليه لاخلا ولا عدم اخر تعديل كان بواسطة » محمد الدحيمي في يوم » 07-11-2002 عند الساعة » 16:18. |
|
|
|
|
07-11-2002, 17:12
|
#11 |
|
..
|
اخوي محمد الدحيمي كل عام و انت بخير اخوي الله لا يهينك تسلم لاخلا ولا عدم اخوي محمد اربط حصانك اخوي محمد يعني اذا جلست:شبر ميامينه وشبر مياسيره و شبر متقفيه!!! ادري ان الشبر كبير لاكن هرج العاقل ينقص النصف اخوي محمد شكرآ على رحابة صدرك وبعدين ويش اللي يخليك على جريف ابعد عن الجروف و الا اعزم و توكل على الله تحياتي لك |
|
|
|
|
07-11-2002, 17:32
|
#12 |
|
متنبي الشعر الشعبي
|
اخوي عبدالرحمن لاهنت والجرف وانا اخيك مابيه مير محدود عليه والله وكيلك نوب رجلي ونوب خيال.. ماش حصان وماش شبر وانت شاعر وخابر. مير قلي اقتنعت بوجهة نظري وانا اخيك والا لا؟ علمني ويامرحبا بك كل حزه يالأجودي تسلم لاخلا ولا عدم |
|
|
|
|
08-11-2002, 00:31
|
#13 |
|
عــضـو فـعّـال
|
تسلم محمد الدحيمي
السلام عليكم ورحمة الله كل عام وانت بالف خيروصحه وعافيه والله يعيده عليك وعلى كل من تحب اخوي محمد والله لايغيرعليك لاهنت وعساك على القوه والقصيده قدمت نفسها بقوة كلماتها ومعناها وغرابة موقفها تسلم لاعدمناك ان شاء الله ونتمنى تتواصل مع المنتدى واتمنى اصافح عن قريب اخرقصيده كتبتها يارب لاهنت اختك(ليــــــالي نــــــــجـــــــــد) |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
