16-09-2008, 10:51 | #1 |
عضو شعبيات
|
()@() يا صـاحــبي ()@()
الســـــلام عليكم !!
يا صاحبي أمس يوم الليل وهجوده = دمعي تسابق على الدو و بلا عوده وكني به وْ صرختي من فوج وجداني = همال مزنٍ نزل .. مع صيحة رعوده آعاينه .. وألتفت .. عل ما حدٍ حولي = يوم إرتخت عزةٍ بالعين مشدوده وارجي صباحٍ يجيني .. وايجلى همي = واثره صباحي إلى أقبل .. تبكي وروده ما عاد أنا اياي .. والضيقه مرافقتي = والحاله من الغثا ما هيب محسوده سبايب اللي تدين قلب .. ودينته = ولا هو اللي رده .. ولا هو موفي وعوده تطري لي أيام قد قضيتها جنبه = و يوم انَ يدي تقل مرباعها خدوده وميلاتي .. إن ميَل بْـكفه ملوحلي = وقمة ضياعي .. إلى من ميَل بعوده يا زينها وشين حالي اليوم ياصاحب = كن هامتي صارت بهالأرض ممدوده ما قول ... غير العوض بالله يعوضني = عن دمعي اللي سرى والليل بهجوده وسلامتكم ..!!!!!! عبدالرحمن بن أحمد السبيعي العنزي |
16-09-2008, 12:55 | #2 |
عضو فعّال
|
رد : ()@() يا صـاحــبي ()@()
يا زينها وشين حالي اليـوم ياصاحـب كن هامتي صارت بهـالأرض ممـدوده ما قول ... غير العوض بالله يعوضنـي عن دمعي اللي سرى والليـل بهجـوده / / / صح لسانك ودام بوحك ولد ال بن احمد ,, |
18-09-2008, 21:48 | #3 |
عضو شعبيات
|
رد : ()@() يا صـاحــبي ()@()
عنود الصيد صح بدنك ومشكوره على المرور |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|