13-07-2011, 15:01
|
#1 |
|
شـــاعــر
|
مختارات ,,,
" "" " استغفر الله ,, عد من صلى على ,,خير الأنام ..................... واستغفر الله عد من حج ودعاه وصام له واستغفر الله ,, عد مانسمع ,,بدعوات السلام ..................... واعداد , مالايران " بالخارج " خليه خامله ويارب ,, عيني من ثلاث ايام عيت ,, لاتنام ..................... والهم ,, كنه مالقى غيري , عشان يْزامله ولا اخبر لي ذنب , غير الطيب بعيال الحرام ..................... مع شربي الدخان \ واحيان المدير اجامله وانا ضميري حي , وبطبعي , احب الألتزام ..................... لاشك مشكلة الضمير الحي , يتعب حامله ياكثر,, مافيني زعل , ياكثر,, ماعندي كلام ..................... ياكثر,, ماعكر مزاجي , يااا كثر ما آمله ياكثر ماتغريني الفوضى على رفض النظام ..................... ياكثر , ماتدعيني , افكاري , لثورة شامله لكنّي ارجع وافطن لحالي , واكن الأحترام ..................... للأقتصاد الحر \ من رخص الأيدين العامله "" " ياحرام , آعيش فرحتها , واراقبها تموت ...................... واتحمّل غصب , نظرات العتب , بعيونها عينها تبكي وتسألني عن اسباب السكوت ...................... ليه ماارد الخطر عنها , واحارب دونها !! مادرت ان , السبايا غير , ربات البيوت ...................... والعصا ماتشهد " لموسى " على فرعونها غادرت تسحب خطاويها , لبيت العنكبوت ...................... عينها يمي , بعد , خابت ,, جميع ظنونها مرّت " الملهى " مع الشارع وعيّت لاتفوت ...................... قالت ,, الملهى , يبي لـه , فن غير فنونها فن يدني صاحب الملهى من اصحاب البشوت ...................... فن ,, ماهو ,, من طبايعها ,, ولا قانونها والحقيقه لو لها معنى , ولو للصدق صوت ...................... كان ماخانتني ,, ظروفي ,, وانا مااخونها البخيت اللي طرد رزقه , مع كبار البخوت ...................... عمر لايرجع , غلا " ليلى " على مجنونها قبلها , ياكثر من صلّت ,, وتدعي بالقنوت ...................... مير , لو تُـعطى خمسميه , رمت ........ العقيده , سوقها طايح , بسوق البنكنوت ...................... وعند ماتدعي لها الحاجه ,, سهل يشرونها والبقا لله , لا ماتت , وكل حـيٍ يموت ...................... صعب اضحّي في علاقاتي , عشان عيونها "" """"" وش بدايتها ؟ بدايتها وجع قلب وضمير ,,,,,,,,,,,,,,,,,,, وش نهايتها ؟ نهايتها درى اللي مادرى مشكلة , لاصارت تقودك مثل قود البعير ,,,,,,,,,,,,,,,,,,, وانت تحسب خطوتك قدام , والخطوه ورى يامبدّيها على نفسك ,, خطر نفسك تصير ,,,,,,,,,,,,,,,,,,, جارية لأشياء في نفسك , وجرحن مابرى مير طيّرها عساها تطير , واثبت لاتطير ,,,,,,,,,,,,,,,,,,, خلّها للنور , ولاّ النار ,, وازبن بالذرى الهوى لاهب ,, مايرفع سوى الشخص الحقير ,,,,,,,,,,,,,,,,,,, لين يركد ,, جاب لك وجهه على وجه الثرى خوذها مني يبو ساره , وانا شاعر كبير ,,,,,,,,,,,,,,,,,,, والكبر لله ,, لكنّي أرى اللي ,, ماترى الحقيقة أمر يستعصى على ادراك الكثير ,,,,,,,,,,,,,,,,,,, في زمان الكذب واللي شاف غير اللي قرا من يقول الأول الأول ,, الأول بالأخير ,,,,,,,,,,,,,,,,,,, كانه الأول على , كذب , وسخافه , واٍفترى الشعر , للعقل , بوابة , على الفكر المنير ,,,,,,,,,,,,,,,,,,, لكن احياناً ,, به الذمة ,, تباع ,, وتشترى محدثات العصر , تسرق , حق تقرير المصير ,,,,,,,,,,,,,,,,,,, والكثير , يجاري الأحداث ,, لو مهما جرى المهم انك ,, تعيش , انسان ,, مرتاح الضمير ,,,,,,,,,,,,,,,,,,, واترك الساحه , وكل الناس ,, والعالم ورى "" دارت .. الأيام .. والدنيا.. بلاويها ,, بلاوي _________ تخلف الرجّال .. عن فهم ,, الأمور المنطقيّه ليه يا ( جود الحزن ) ياشين خيّبت الهقاوي _________ ليه وش سويت ,, في دنياي , تا تجني عليّه ليه ماتقسم علينـا الحزن ,, كلـه بالتساوي _________ ليه انا اللي آخر المشوار ,, ( حمّال الأسيّه ) والهموم اللي تهد جبال في صدر الشقاوي _________ تصطفق مثل اصطفاق النحل في جوف الخليّه حرّفوني مضمرين الحسد عشّاق الفتاوي _________ حسب منهاج ,, العصور المظلمه ( والبابويّه ) لاكفرت بسلم جدّاني ولا الدين السماوي _________ ولا تسببـت ,, بخسارات ,,, الحروب العالميّه ولاشربت ولا زنيت ولا تعاطيت الرشاوي _________ كل ذنبي ,, يارفيـع الذات ,, كره العنجـهيّه ليه ياجود الحزن ,, ياشين خيبت الهقاوي _________ ليه وش سويت ,, في دنياي من ذنب وخطيّه يشتكي لوسادته دنياه ,, وتفيد الشكاوي _________ واشتكي لوسادتي دنياي ...... \ ماردت عليّه  مودتــي واحتــرامي للجميــع ,, |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
