[محمد السالم]

صوت الهوى فالنوفذ ؛ يا (حمد) مقلق = وانا لك الله على أدنى شي يقلقني
لو الهدو مسحتي ؛ تلقى العميق أزرق = رغم يباسي ونشف الريق مغرقني
مخلوقة (ضيقتي) من قبل لا أُخلق = من جيت وجه البسيطة ما تفارقني
(حمد) لك الله لو إنّك تلمس الأعمق = عرفت ريح النوافذ كيف تطرقني
لا هبّت الريح لوّح ثوبها الأخلق = في داخلي لين بين الناس يسرقني
أركض مع الريح رغم أنّي هنا مطرق = إحساسي اقدام وامالي تورقني
أكبر من الوهم وادنى من فضا المنطق = شعوري اللي على يأسي معلقني
كذا زماني عليّ بالضيق متعملق = من قبل اردّه شعوري كان ينطقني
في أيّ نفسِ حزينة كنت أنا الأوثق = بأحساسها الملتهب جذواه تحرقني
لا شفت دمعة (مرة) في عينها تبرق = تصوّرت لي حبالِ لين تشنقني
أرهقت ضعفي أو إنّه ضعفي المرهق = اللي اعرفه جهلت اللي يحققني
(حمد) دخيلك أبي هالنافذة تغلق = لو ان شعورك حقيقة ما يصدقني

..

..

م.س.

[محمد السالم]

عذرا أيها السادة

سقط حرف الألف سهوا من كلمة النوافذ

[محمد مدران اليامى]

الله الله يالسالم..حضور مابعده..

صح لسانك ...

[سعيد بن مقبل الأكلبي]

صح لسانك يامحمد
مواعيد الشعر لاتخالف فكرك
ماشاء الله

[امجد الدبيسي]

لا شفت دمعة (مرة) في عينها تبـرق
تصوّرت لـي حبـالِ ليـن تشنقنـي

انت تقتلني يا ايها السالم

نص لايمل من قرائته لله انت وما انت عليه من فكر

اعجابي ومتابعتي

[محمد الدحيمي]

فلتسقط كل الأحرف عمداً او سهواً
ولتكسر كل النوافذ
امام هكذا بداع يامحمد

[سعيد المري]

.
.

أركض مع الريح رغم أنّي هنا مطرق
إحساسـي اقـدام وامالـي تورقنـي

أركض مع الريح رغم أنّي هنا مطرق
إحساسـي اقـدام وامالـي تورقنـي

أركض مع الريح رغم أنّي هنا مطرق
إحساسـي اقـدام وامالـي تورقنـي



الله الله

صح لسانك يامحمد حضور متألق ومبدع كما عهدتك