23-12-2015, 23:04
|
#1 |
|
شــاعر
|
يا آسفه .. وش كثر قلتي: آسفه!
يا اسفــه وش كثر قلتي: اسفه؟ والصبر عابر .. والثواني عابره! العمـــــر ولى .. والاماني زايفه مدي يدينك صبــر دامك صابره ياهيه وش باقى عنا واجازفه ؟! ولا يهمــــك .. هالسنين مجابره ياليت بعض اشياء عمري طايفه او ع الاقل تمـــــر .. قصة غابره ياكم مضى والسعد شمسه كاسفه وانتي وبوجاعك عليّ .. مثابره جروحــك الاولى .. لازالت نازفه ظروفك اعرفها .. وعذرك خابره ياكم تواعدنا وقلتـــــي: خايفه! والخوف ليته شر واقطع دابره احيان اقول: انك لقلبي عايفه واحيان اقول: انه عناد مكابره! ادميتي اوجاعي وعيني شايفه وانا الحزين اللي ملقي صابره... للذكريــــــات .. وصد يم النايفه يعوضه عنـــــك عتب .. محابره يقيس شعره بالعنــــا .. ويقايفه مايفضح الشاعر سوى منابره! حتى لو النظرات حولي هايفه العلـــم .. من مده عشانك قابره! هذي هي اسنيني عشانك اسفه في ذمتي .. منتي حكايه عابره! #عبدالرحمن_آل_مغني @almogni07 Snp: almogni |
|
|
|
27-01-2016, 23:55
|
#2 |
|
شـــاعرة
|
رد : يا آسفه .. وش كثر قلتي: آسفه!
يا اسفــه وش كثر قلتي: اسفه؟ والصبر عابر .. والثواني عابره! قرأتها ولما خلصتها تمنيت انها ما انتهت خذيتني لقصة شعرية ممتعة ماشاء الله عليك ياعبدالرحمن بجد ممتع لاعدمناك  |
|
|
|
|
30-01-2016, 06:18
|
#3 |
|
رد : يا آسفه .. وش كثر قلتي: آسفه!
من غير مجاملة روعها بسلاستها وسردها وجمالها صح نبضك  |
|
|
|
 |
| علامات |
| عبدالرحمن ال مغني |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
