13-10-2011, 00:02
|
#1 |
|
شــاعر
|
لا ... تخربها
من الأرشيف مادام الحياة أرشيف من أولها إلى آخرها يرتبها وش اللي شيف ويش اللي بقى ما شيف أبا احسبها ولكن كيف أبا حسبها على حزن السنين أفراح مدري كيف عساها تهون لا كبرت مصايبها تمر أمالنا ما بين حلم وطيف وعودا من هنا وهناك نكسبها علامات القلوب البيض مثل السيف تقاطر بالدما من فعل صاحبها صحيح إن اللقاء مثل الفراق مخيف ما يوصف لحظته إلا مجربها بعد ما زاد حرك ياسموم الصيف شكت من حر لفحاتك جبال أبها ياحيف إن الهقاوي لا غدت ياحيف كفيل إن الزمن يكسر مخالبها كثر ما يعشقون الكذب والتحريف كثر ما للقلوب هموم تتعبها يطيح قناع وتبيّن وجيه الزيف وتفقد بين خلق الله مراتبها ترى الانسان بالدنيا مجرد ضيف وأخرته هي حياته لا يخربها  |
|
|
|
13-10-2011, 00:37
|
#2 |
|
شــاعر
|
رد : لا ... تخربها
الله الله ياخالد مايبطي بالسيل الا كبره صحيح حضرت والشعر الجميل حضر لاعجمت ولاهفيت |
|
|
|
|
13-10-2011, 02:59
|
#3 |
|
شـاعر
|
رد : لا ... تخربها
ترى الانسان بالدنيا مجرد ضيف وأخرته هي حياته لا يخربها يقولون أكذب الشعر أعذبه ولكنك هنا أثبتّ العكس,, من اجمل ماقريت وسمعت بالفتره الاخير صح لسانك ولاهنت |
|
|
|
|
13-10-2011, 03:28
|
#4 |
|
شـــاعرة
|
رد : لا ... تخربها
حكم واقوال في مكانها لاعدمنا هالفكر والشعر وهالحضور اللي دائما مختلف ياخالد صح فكرك وقلبك ولسانك   |
|
|
|
|
13-10-2011, 08:21
|
#5 |
|
متنبي الشعر الشعبي
|
رد : لا ... تخربها
انت مبدع ياخالد وانت تعلم انك ممن اراهن عليهم بقوه وعندما شرفتني بقراءة هذه القصيدة واستشارتي قبل ماتنزل القصيدة قلت لك هذي نبيها بشعبيات لأنها ابداع ياخالد  تذكر ؟ بس البيت الأخير ماكان كذا والمحادثة موجوده وشيكت عليها البيت الأخير ماكان كذا اطلاقا ادري انك عجل بس ماهو لهالدرجه البيت الأخير : ترى الانسان بالدنيا مجرد ضيف وأخرته هي حياته لا يخربها شيك البيت الأخير  وش تبي ب (هي ) هذي يابو بسام |
|
|
|
|
13-10-2011, 10:27
|
#6 |
|
شـــاعــر
|
رد : لا ... تخربها
صح لسانك ياخالد ..جزله,, ومثل ماقال الدحيمي لاهنت |
|
|
|
|
13-10-2011, 11:18
|
#7 |
|
شــاعر
|
رد : لا ... تخربها
العزيز ابو مقبل شاعرنا المبدع عبدالرحمن اختي نوره سأعود بردود تليق بمقامكم وحضوركم فقط استميحكم عذرا لتوضيح وجهة نظري لصديقي وأخي العزيز الدحيمي قبل كل شي رايك يابو بدر والله على عيني وراسي . بصراحة أنا اللي مدري ؟ يعني قصدك أحذف هي أولا : إذا حذفتها ينكسر البيت ثانيا : والبيت هذا بالذات يابو بدر اعتبره اكثر بيت مترابط بالقصيدة وهي بمكانها الصحيح وبنص القرآن قال تعالى (وإن دار الآخرة لهي الحيوان ) والحيوان: يعني الحياة وهذا نفس نص البيت أيضا واخرته هي حياته ويبقى كل ما تقوله زينون يضيء دروب الشعر يابو بدر ومرورك شرف عظيم افتخر به بين الشعبيين والشعراء عامة تحيااااااااااتي وتقديري لشخصك الكريم |
|
|
|
|
13-10-2011, 13:44
|
#8 |
|
أبو تركي / شاعـر
|
رد : لا ... تخربها
الله الله يا خالد دخول مستعجل من الجوال ! شدتني القصيدة والملاحظة ولا قدرت اصبر ! كلام ابو بدر صحيح وتكون اجمل بكثير ولا ينكسر شي ! انت تقرأ ( وخرته ) بحذف الهمز بالنطق ومدها ( وآخرته ) يستوجب حذف هي وتكون اجمل مجرد وجهة نظر |
|
|
|
|
13-10-2011, 17:51
|
#9 |
|
شــاعر
|
رد : لا ... تخربها
هلا ومرحبا ترليون يابو مقبل وجودك كالمطر لا غنى عنه وشهادة غاااااااالية اشكرك شكرا يليق بحضورك تحياااااااااتي وتقديري يابو مقبل |
|
|
|
|
13-10-2011, 17:54
|
#10 |
|
شــاعر
|
رد : لا ... تخربها
عبدالرحمن أبن عويض وجودك شرف كبير ياطويل العمر وكلمات اعتز بها وصح ابدانك وما تهون شكرا جزيلا لك |
|
|
|
|
13-10-2011, 17:59
|
#11 |
|
شــاعر
|
رد : لا ... تخربها
الأخت القديرة / نورة العجمي شكرا جزيلا على هالاشادة والكلمات الجميلة وحضورك لا يشبه إلا الشعر دائما فشكرا جزيلا لك مجدداً |
|
|
|
|
13-10-2011, 18:08
|
#12 |
|
شــاعر
|
رد : لا ... تخربها
هلا بك اخي العزيز محمد اليامي وحضور اثمنه وأقدره وبلا شك يهمني ومثل ما قلت للدحيمي وما تهون |
|
|
|
|
13-10-2011, 18:17
|
#13 |
|
شــاعر
|
رد : لا ... تخربها
هلا بك يابو تركي حضورك وملاحظاتك مكسب كبير صدقني يابو تركي حاولت ومدت الالف وقصرت لكن ليه التعب ومد وجزر مادامت هي هكذا موزنه ويستطيع قراءتها الجميع بدون تكلف وتنويع بالقراءات . رايك يهمني ياصديقي واحترمه وعلى عيني وراسي ووجوك شرف للقصيدة وصاحبها تحياااااااااااااتي وتقديري |
|
|
|
|
14-10-2011, 22:35
|
#14 | |
|
شــــاعر
|
رد : لا ... تخربها
إقتباس:
حضور طاغي يا خالد .. وتجربة غنية وزاخرة بالرؤى الشعرية المتقنة . صح فكرك ,,, |
|
|
|
|
|
15-10-2011, 13:41
|
#15 |
|
شــاعر
|
رد : لا ... تخربها
أخي العزيز ابو بدر  واخي العزيز علي كلامكما صحيح أي بنطق الهمزة لكن أنا لا أنطق الهمزه وأنطقها هكذا وخرته المهم أعتذر لكم أشد الأعتذاااااااار إذا بدر مني ما أزعجكما وأنا لست ضد النقد ابداااااااااا والله لكن الحق إن نطقها كما اردتماها لم "يضبط" معي إلا اليوم وبمحض الصدفه والله وكلانا صحيح المهم العذر لكما ولكل من مر هنا لكم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
