06-04-2006, 22:14 | #1 |
شـــاعــر
|
لاتراد أرسأله زودان درجات يأستأد نأيف << تعرف على ذلك بالداخل
^ ^ ^ ^ ^ ^ ^ وش رايكم بالعنوان ؟ <<<<<<<<<<<<< يسمع بأسلوب التشويق لا جد اللي بيعرف العنوان يتابع المووضوع للنهايه يوجد صوره ضوئيه بالأسفل السلام عليكم ... !! تصدقون وش احسن مافي شعبيات ... نوع الخط في كتابة المواضيع قسم بالله فضيــع .. الزبده ياجماعة الربع مابي اطول عليكم .. قبل كمن يوم اختبرت طلابي مع العلم لأي شخص يقول " ياحظه مدرس يستلم راتب " اقوله انظلني على كيفك كود اتعين حيث انني طالب أطبـّـق في مدرسه ولي مكافأه من وزير التعليم وشهر تنزل وشهر ماتنزل واكرف بالمدرسه ترم كامل كباقي المعلمين ولا استلم لا راتب ولا شي احس اني كسرت خاطركم لاتخافون عندي خمس أسهم بينساب ولا بعتها الشكوى لغير الله مذله والرسول صلى الله عليه وسلم يقول .. فيما معنى الحديث " من نام وعنده قوت يومه فكأنما ملك الدنيا بحذافيرها " يعني الحتسي اللي فوق مزح الزبده نرجع لموضوعنا طلابي اختبرتهم وطلعت واليوم الثاني الطلاب قالو يا استاد الأسئله صعبه انا مدري ليش يوم كنت أدرس كنا مانقول استاذذ .. نقول استاد ويوم درّست نفس الشي يعني فعلا هل السعوديين فيهم عرق سواريه ؟ <<<< آبو اللي علمك التحليل ياشيخ ماعلينا الزبده يوم طلعت من الفصل لحقني طالب صغير وبريء مسك يدي حط فيها ورقه صغيره معفطها ستين عفطه يوم حطها رص عليها قال جزاك الله خير انا فهـّـيت قلت كوده قاري شكواي بالساحه دايما واعتراضي على الرواتب <<<<< باند عاد ياجماعه يوم حطها بيدي كأن شماله لم تعلم ماحطت بيدي يمينه ركبت سيارتي المتواضعه جدا <<<<<<<<< ياخي انت ماتشبع طراره ؟؟ ههههههههههههههههه فتحت الورقه قريتها ضحكت بنفس الوقت حسيت ببراءة الطلاب وقررت اغير اسلوب تعاملي معاهم الورقه دخلتها بسكنر وشوفوها الترجمه : الترجمه : يا أستاذ نايف زودني درجات مرسل رساله لك يا استاذ ماحد درا ان شاء الله مع الطالب : _______ لاترد الرساله ذكرني بالبيت القائل كم كتبنا من رسايل وانتظرنا له جواب ماتردون الرسايل ليه ترضون العذاب سي يؤؤ |
06-04-2006, 23:38 | #2 |
عضو شعبيات
|
رد : لاتراد أرسأله زودان درجات يأستأد نأيف << تعرف على ذلك بالداخل
هههههههههههههههه رجك الله رجا مبرحا أنا على بالي حط بيدك ريال والا قسيمة تشتري فيها مويه من البقاله على بالي رحم وضعك الميؤوس منه اثاريه ياعمري يطر درجات نوره صادقه لاتزيده عطه 100 درجه إجبر خاطر امه اللي اكيد فحطت وهي تذاكر له أصلا من شاف إملاءه نجحه على طول .. لانه بيقطن بصفه 10 سنين على مايصلح بذا الاملاء نايف الله يوسع صدرك بالعافيه |
07-04-2006, 02:07 | #3 |
فـعـل مــاضي!
|
رد : لاتراد أرسأله زودان درجات يأستأد نأيف << تعرف على ذلك بالداخل
أضحك الله قلبك يانايف..ووسع سجل طالبك بالدرجات الجزله >>>> متأثر بالقصايد على طاري خرشات الاطفال: دخلت عليهم في حصة الرسم, وقلت: كل واحد يطلع الكراسة ويرسم الشي اللي ماعمره شافه! طالعوا في بعض شوي ـ وأنا انتظر ردة الفعل بنهم ـ وقالوا كيف ياستاذ نرسم اللي ماعمرنا شفناه؟! رفع فهد يده, وقال: الجنّي ياستاذ! قلت له: استعذ بالله وارسم أخذ شوي وقال: خلّصت, ورفع ورقته .. وآشوف الورقة بيضاء ما رسم فيها شيء؟ قلت له: وين الجنّي يافهد؟ قال: الجنّي ماينشاف يا أستاذ قسم بالله لضحكت عليه لين لين .. بالمناسبة .. الولد في الصف الثاني ابتدائي وتحديدًا فصل ج. * فووتكم بعافية عايز أنام |
07-04-2006, 02:15 | #4 |
المنتهي قبل البداية...!!
|
رد : لاتراد أرسأله زودان درجات يأستأد نأيف << تعرف على ذلك بالداخل
نايف... الله يرضى عليك سوي فيهم معروف كلهم وعيد الاختبار وخاصة عشان هذا الولد اللي عطاك الورقة . . . |
07-04-2006, 02:42 | #5 |
شــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
هلا وغلا نايف نورت الاستراحه يالغالي انا اكتشفت من رسالة الطالب إنك تدرس رياضيات بحكم إن الورقه مربعات << وش عنده المحقق كونن واكتشفت برضو إن مدرس الاملاء عندكم داج لوني منك لانجحه على طول ولا افكر وخاصه عقب لاترد الرساله بس بصراحه ذا الموضوع احسه معروض مهوب موضوع عقب السيارة المتواضعه اررحب يانايف ومنور الاستراحه وعقبال ماتصير مدير مدرسة |
07-04-2006, 03:48 | #6 |
شـــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
نوره هلا هلا يشرفني سيدتي ان تكون اولى مشاركاتك في شعبيات على موضوعي بعدين وشو شفت اسمي جيتي مطبدزه مطبدزه = كلمه شماليه وتعني مسرع الزبده ماقصرتي على الرد وحياك الله واشكرك على التحليلات السنعه وترا سامي الجابر مايقرب لي [line] عيون المها هلا والله اسمك يذكرني بالمويه مدري ليه هههههههههههههه اشكرك على الحضور وازهلي ان رسب الشنب مهوب على رجال <<<<<<<< [line] فوزي اعنبو بليسك هذا طلب تطلبه من طلابك ؟ ياخي انتم يامدرسين الفنيه راعين مسكات والله من الفراغ اللي مالين منه تطلبون من الطلاب هالطلبات مدرس الفنيه اللي عندنا لا شاف نفسه فاضي ينادي طالب ولا طالبين ينفضون غرفة المدرسين نفض يرتبون ويزينون ههههههههههههه بس الطالب ذكي جدا ولاتترك هالموهبه والله اتكلم جد [line] المجلجل ازهل والله ويكون بعلمك درجات مهب عبث بعد مازوده برجع احاول ادرس وضعه وليش ماحل زين رغم انه حريص لاتحسبن داج تراني تربوي واستخدم اساليب في التحليل والاندماج مع الطلاب << اخرس بس |
07-04-2006, 03:49 | #7 | |
شـــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
متعب الخامسي اذهلتني يالذيب إقتباس:
مدري هل التحليلات اي واحد يحللها ولا عشانك ذكي <<<<<<<<<<<<< :d حياك وتسلم لي |
|
07-04-2006, 07:37 | #8 |
|
رد : لاتراد أرسأله زودان درجات يأستأد نأيف << تعرف على ذلك بالداخل
. محد اً داري ان شاء الله اجل كاتب معروض يطلب وبيطمنك وبيستر عليك بعد لا وبعد وجزاك الله خير بعذرك بتفهي هو اللي يطلب وله الفضل والمنّه نايف انت مطلوب دايم هنا أنت كذا |
07-04-2006, 10:48 | #9 | |
فـعـل مــاضي!
|
رد : لاتراد أرسأله زودان درجات يأستأد نأيف << تعرف على ذلك بالداخل
إقتباس:
بصراحة هالتحليل شي ,, ولو انو الكونانيه ( نسبة للمحقق كونن ) ماشفتها إلاّ توّ في ردودك, بمعنى أنوو ـ أكيد ـ الاشراف عمل عمايله,وفتق خلايا المخ الانشطارية شطر شطر * وبما أن ذلك كذلك: فراسة الإدارة في اختيارك تستاهل , وصبر نايف على مطامرتي تستاهل , ولا كل وردة ياجماعة بوردة |
|
07-04-2006, 16:03 | #10 |
عضو فعّال
|
رد : لاتراد أرسأله زودان درجات يأستأد نأيف << تعرف على ذلك بالداخل
حط فيها ورقه صغيره معفطها ستين عفطه يوم حطها رص عليها قال جزاك الله خير انا فهـّـيت وربي مت عليه ضحك يهببببببببببببببببببببببببببببل هالطالب ياملحه نايف الجابر تسلم على هالموضوع الحلوووو بصراحه وسعة صدورنا لاتحرمنا من مغامرات طلابك الحلووووه |
08-04-2006, 00:52 | #11 | ||
شــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
اعذرني على مداخلتي الثانيه هنا تقول إقتباس:
انا قبل ما امسك منصب في شعبيات والكلام هذا قبل حوالي ثلاث سنوات كان مكتوب تحت اسمي اذكى واحد بس شافت الإدارة إن الموضوع بيسبب حساسيه بين الاعضاء صار التغيير وحطو تحت اسمي شاعر طبعا الكلام هذا قديم ايام ماكانت شعبيات ابيض واسود حبيت اوضح لك الشي هذا بحكم انك جديد على فكرة انا اكتشفت انك تكتب بيدك اليمين لأن الطالب حط الورقه فيها << بيتصفق ..... إقتباس:
ودي اسئل يافوزي انت ماتتعب وانت تكتب ردودك ياخي وانا اقراء الكونانيه والانشطارية تعبت اجل لوني انا اللي كاتبها كان جاني شد عضلي في وجهي نايف تسلفني موضوعك احس اني فتحت مواضيع فيه |
||
08-04-2006, 03:53 | #12 |
مشرف
|
رد : لاتراد أرسأله زودان درجات يأستأد نأيف << تعرف على ذلك بالداخل
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههه حسبي الله على ابليسك يانايف اسلوووووووب مجنون واراهن عليه بقوه في الاستراحه راعي الموضوع يطر والطالب يطر تذكرت البراحه اللي بين مسجد الوليد وقصره <<<<<<<<<< بيتصفق وبالنسبه للطالب اعطه اللي يبيه تكفى والله شوي واصيح من الخط والاملاء احس انه كاتبه وهو يرتجف ويبكي الا انت وين تطبق فيه باي مدرسه ؟؟ <<<<<<<<<< يبي يشوف الطالب نايف الله يسعدك لاتحرمنا من طلتك يابعدي ولك علي اثبت لك اي موضوع بس اذا وصلت مواضيعك في الاستراحة خمسين موضوع يعني موب هالحين (( لاحظ اني قلت خمسين موضوع موب خمسين مشاركه )) <<<< يلعن ام التعجيز لا عادي لو خمس مشاركات بس من نفس هالنمونه <<< ماهوب عاقل حسن العثيم مسوي تخفيضات <<<<<<<< ياشين انقلع يقال لك بتسوي اثارة وجذب للاعضاء انت وخشتك تشاوووووووووووو |
08-04-2006, 11:26 | #13 |
شـــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
الجازي هلا وغلا طال عمرك الله يسلمك على الاحراج <<<<<< امحق اسلوب ان شاء الله بكون متواجد في الاستراحه قد ماقدر لانها خلاص صارت بيتي الثاني <<<<<< [line] فوزي المطرفي هلا اقين الله يهديك يابعدي اذا انت ماطامرت من بالله تبيني أطمـّـر ؟ <<<<<< حس انه ابوه ويلاعبه خخخخخخ هلا بك بكل وقت يالمطرفي |
08-04-2006, 11:32 | #14 |
شـــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
عنود الصيد ياهلا وغلا جعلك دايما تضحكين ومبتسمه يارب اما بخصوص المغامرات خخخخخخخخخخخخخخخخخ حدث ولا حرج اذكر لك ثنتين وحده خبله ووحده بريئه البريئه : سمعت تصفير بآخر الفصل رحت لم آخر طالب بالزاويه وكان صغير جسميا قلت له ليش تصفــــــر :@:@:@ اختبص المسكين وقام يتراجف قال : استاد جعل ابوي وأمي وخوالي وجداني مايرضون علي أنه موب أنا قسم بالله ياناس براءه هههههههههههههه كسر خاطري ورجعت .. الموقف الكوميدياني : اول اسبوعين انا مسوي ثقل بالفصل تخبرين بحياتي مادخلت على طلاب الزبده كل المدرسين وصوني قالو خلك ثقل ولا تضحك معهم وتعطيهم وجه عاد اول اسبوع كذا .. وانا مهوب طبيعتي الثقل .. طبيعتي الضحك وفلة الحجاج الزبده تأقلمت على الوضع في يوم من الايام دخلت الفصل وسكتوا كل الطلاب لأني بكل مره ادخل اسمعهم بصدورهم يقولون " الله ياخذك ان شالله يالعصبي :@ " دخلت كتبت الماده الموضوع وبنص كتابتي طالب قال : استاد استاد استاد عاد الطالب كان قصيــر وسميـّـن شوي ماشاء الله عليه يعني شكل كوميدي قلت نعم ؟؟ قال : استاد شف هذا يقول لي ناقــه وأشر على زميله ههههههههههههههههههههههههههههههههههههههههههههههه قسم بالله مسكت نفسي مسكت نفسي ماااااش ماقدرت قلت : بخخخخخخخخخخخخخخخخ هههههههههههههههههههههه عاد الطلاب كلهم ضحكو صرف الموقف مدري كيف بس موقف مانساه انا ضحكت لانه يوم قال كذا قمت اتخيل شكله يقلب ناقه ثم يرجع انسان زي الكراتين خخخخخخخخخ <<< ياشيخ امحق مربي اجيال حياك عنود ومشكوره |
08-04-2006, 11:34 | #15 | |
شـــاعــر
|
رد : لاتراد أرسأله زودان درجات يأستأد نأيف << تعرف على ذلك بالداخل
متعب الخامسي خخخخخخخخخخخخخخخخخخخخخخخخخخ إقتباس:
[line] حسن آل مسفر هلا والله وغلا اجل تعرف البراحه اللي عند قصر الوليد خخخخخخخخخخخخخخخ ياحبي لك يا بو مسفر اما بالنسبه للوجود بغثكم تحياتي لك ياعسل |
|
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|