22-08-2013, 11:56
|
#1 |
|
شــاعر
|
على الممنوووووع!!!!!!!!!!!!!!
. . . .تفرَّد لا تصد وتِّشد عليه بقسوتك وانْشِد طبع روحي شهد شفتك عسل بوسه .. وحلاوة خد . أجيسك ﭼـني متردد أخاف بلمستي تذبل رياحينك ولا تورِّد .. ولا عطرك يشب بروحي ﭽن نسمه اونفس يصعد تواضع وامشي من سدي فلا تكبر أبد يَاسمر ﭼـا إنته ابطبع روحك مغرور شكثر منغر طاووس وتفردت بحسن شخصك تقسمت وتعددت وألف ليل برمش عينك ينام ويمشي سد بسد .. أجيك وكَلبي متعني اوبيابينك علي تنسد وأشوفك من غنج تضحك دلع تمشي .. واشوف الكَاع من تحتك تجيك لجدمك وتِنْشَد وأظل مستني يم دارك كَلت بلـﭼـي الوكَت يمتد وأهوجس وآنه مشتاكَـ وألف خنجر يغني ابضلعي ويغرد تعز روحي وعزيزة الروح على العزة إذا خاواها يتمجد أشو لا مو طبع بيك وتحيرت بشكل طبعك فلا بيك الحزن يرهم ولا إنته الفرح لشفافك تعود يا دفله إوركَـ حنظل ترد بابونج وقداح ولا من رد ولا إنته عشب بستان يموج وكَلبي يتفرهد ولا ظلمة ولا كهرب ولا نجمه بظلام اسود !! ولا ماي وعطش هيمه أجن بوصفك ُ وأزْوَد .. أنا كلما أغازل بيك تكَف ضدي مع كل ضد اوتصد إعله ترف كَلبي وعلى النبضات تتمرد شنو بطبعك تحيرت بوصف شخصك فلا إنته مثل ها الناس ملاكَـ وتخطئ بعمرك يَطبعك منتسب ماي وفلا تثبت ولا تنعد .. ألزمك بيدي وتذوب وتذوبني يا شمع وثلجْ ليل اومُطر حالوب يا حر وشمس سوده وكَمر أمرد يا برد وتبرِّد الناس ولا تبرد أصيح ُ وكَلبي يتكَطع فلا ترحم .. وهذا الماحسبته لو طحت بيدك بألف سوط المُحب يجلد جلاد وجلدني شكَد قسا بيــه وعلى موتي شكثر وﭼـَّد عودني على الدمعة ولا اتْـعَوَّد ولأن كَلبي على طعناتك إتعود صُبح طبعي مثل طبعك نصير اثنين أبد ما نشبه الغير اونظل طبعين نظل روحين بجسد واحد .. وعلى الممنوع نتفرد !!. . . , الطائــــــــــــــــــــــــر المفقــــــــــــــــــــــــــــــــود كـــــــــــــــــــــــــــــــــــــــــــــــــ ــ.ع  |
|
|
|
23-08-2013, 14:53
|
#2 |
|
.
|
رد : على الممنوووووع!!!!!!!!!!!!!!
واشوف الكَاع من تحتك تجيك لجدمك وتِنْشَد وأظل مستني يم دارك كَلت بلـﭼـي الوكَت يمتد , قصيدة ذات لهجة محكية محببة , تجبرّك للعودة لشاعريتها وصدقها الله عليك اخر تعديل كان بواسطة » علي ال شيبان في يوم » 23-08-2013 عند الساعة » 15:00. |
|
|
|
16-11-2014, 02:01
|
#3 |
|
شـــاعرة
|
رد : على الممنوووووع!!!!!!!!!!!!!!
كريم العفيدلي ما اجمل الشعر والإحساس مع هذا الشاعر الرائع |
|
|
|
|
06-11-2015, 03:26
|
#4 |
|
عضو فعّال
|
رد : على الممنوووووع!!!!!!!!!!!!!!
شاعر شاعر فعلا لافض فوك |
|
|
|
 |
| عدد المتواجدون في هذا الموضوع » 16 , عدد الأعضاء » 0 , عدد الزوار » 16 | |
|
|
|
|
