24-11-2010, 01:35
|
#1 |
|
شــاعر
|
التركي - الدحيمي - الاحمد - الأكلبي
علي التركي ياللي من الشبّاك شفت المنارة بالله قلي وش علوم الشببابيك قلبي لك الله يالخوي من طهارة يقولك هي دين والا على البيك  محمد الدحيمي تبغى الصحيح .. بدون زيف وعياره إخذ صحيح القول .. من دون تشكيك سعيد .. لا ثار العجاج بغباره سعد الخوي لاجاء .. بمحزم وبلجيك وافي الشيم شرواك وإن قلت داره دار الوفاء والجود ماهوب خافيك على بلاطه وبصحيح العباره شرواك لا قامت تخطّف .. وتخطيك مافك شباكه على عرض جاره ولاهوب من يحرق ثيابك ويشقيك لكن عيبه مايوقف لإشاره طعسٍ ولا يركب قطارٍ وتلفريك الاّ مادام انك سفير السفاره ابا أندبك لأنك كفو والنعم فيك وعرفك يابو تركي تراه التجاره وانحن وصلنا طيب علمك وطاريك نبغى الهواوي صاحبك بـ إستشاره ونلعب معه ليلة .. على شعلة اتريك لعبٍ مع شروى الهواوي صقاره على النقا من دون هذي وهذيك بعض الصعاليك انتهوا من القشاره وبعض القشارة .. من سماة الصعاليك ومادام علم الغانمين الشطاره محشمٍ شرواه .. عن بيضة الديك لذا / وجب توضيح منّا / وإشاره والسالفة حجٍّ .. وبيعة مساويك علي التركي يا ماردي وينك طلبتك بغارة وانته جوابك دوم شبيك لبيك الحق على بصري براس الزبارة وقل له ترى حجتك فيها شرابيك والموتر اللي حن نعرف غياره من حنته بيّن تروسه تماتيك والسايق مقزز بوسط الغمارة دعس ثلاثه ثم قال أمسك ابريك ويا أمير ياللي قلدوك الإمارة فالشعر ربي واهبه لك ومعطيك فيدك زناد الشعر لا شب ناره تدفا العرب منها وتطبخ وتهديك معزةٍ ماهي تجي مستعارة يفز قلبي كل ما اوحيت طاريك ويا حر وإن شفتك على راس قارة ماني من اللي تالي الوقت يشويك طبع الحرار تصيد باعلى جسارة تشبَع وتشبِع وإن غدت بك مضاميك ويا ساكن الصحراء كلتك الحرارة حدّر على جدة وشف مطعم البيك تلقى مدرب من سلاح الإشارة سلم عليه ويعرفك من مواريك طفران والسوق متغير خضاره وهو كريم ولا يخيب حراويك ويا صاحبي مثلك طويلٍ جداره السيل وإن حدّر فلا هوب غاطيك فهد الاحمد يامن لبو تركي يسوق البشاره ويقول جالك اللي من الموت يدنيك سبحت عرض الطاش تبغى المحاره ما تدري إن اللول دونه تهاليك أهون عليك تشيد برج التجاره من وقفتي ويّاك بأرض الشرابيك تدري على ذبحك بكبدي مراره وافرح ليا خابت وفشلت مساعيك لو (النعم ) عدّت على أطول مناره وساقت لابو مقبل تهاني وتبريك ورزت بيارق عزها فالصداره للطيّب اللي ما بطيبه تشاكيك يا بو بدر يا عز من به سطاره تكفى على الشيخ المثالي لا أوصيك محمد الدحيمي مايبتلش راعي / العقار بعقاره يبرم عقوده مع / هذولا وذوليك يبخص بتمليكه .. ويبخص بأجاره ولا يخلط اجاره / مع كل تمليك صاااااحبي .. ياصاحبي .. يـ اللي / شرى له عماره ماغير ديكور ٍ / بدون اي تسبيك حد الوزير / مصيفٍ في دياره رح لا وكيله .. جمّل الله مساعيك وان جيت الى مكتب / وكيل الوزاره سلّم عليه / وقول : جيتك / ابا اقريك سلام وافي / من الدحيمي / وقاره ومن عقبها جينا / بننشد معاليك هو سد مآرب / هدّته صدق فاره والاّ هي سياسة / تحرّي وتشييك؟؟! من عين ساره / لين عين ام ساره تكبّنا في النار .. وتحطّ رجليك!! ماهو بنقص ٍ في العقول وثواره لكنك اللي شبنا في مطافيك تقول منهاج الوزير وشعاره : ( ممنوع من الشكوى وفزعة بناخيك ) ياخي لو انها / بالصلف والنعاره ماكان نتحرا / توقع لنا الشيك شفنا ماغير نبوج / في كل حاره تقول حن طلاّب / هجّه وتفريك لو كان نبصر ماركبنا الزباره! عمياااااان .. جعل الله يصيبك ويعميك! والعمي فينا / والبصاااارى طفاره والله من البصري / الى عمي .. يكفيك ياقطبك .. حمــر النفود بخفاره! يمّا ترى .. ماهي بعيده يخليك تغبش / مغااابيش الأسد والنماره وتجهم / وهي متنفخات علابيك! يمّا انك اللي / ضمنا في قراره ويسدّ فينا .. ياتوّخر ونكفيك ماحدن يحذّي / مع فرسنا حماره السود فاله / لاورد للمهاليك والى طلعت الرجم .. شب السقاره وازهم وجاوبني / اذا جيت اناديك والى اذن المأذن / براس المناره صلي معي يهديني الله ويهديك علي التركي نبا السحابة وأمطرت لي حجارة الله وكيلك ما قدرنا نحاكيك وخويي اللي مجتهد فـ اختياره يقول لا شاف السحاب مترجيك مطوع ( التاريخ ) بدّل نهاره ظلمة ولا تعطيه لو وقف يدعيك وأنا !! وأنا ولو ينصاب مرخصت ثاره !! ما اسوق في جرحه تهاني وتبريك ويا صاحبي !! ويا صاحبي شفني دخلت المغارة شربت سم الداب من دون أخاويك و عوّدت للساحة وكلي جسارة  قلبي بياض  ولا يجي منه تشكيكسعيد بن مقبل حج الحجيج وحيّها من عباره لا رددوا (لبيك اللهم لبيكـ) ورحنا نجدد للرسول الزياره ياحي والله طيَبة الطيب هذيكـ يومن ابو تركي يعسّف مهاره ويغير والدْيره خلْيّ ومصاكيكـ مايدري ان الدْار يذْري جداره واقرب شنب يقْدر يحلْ الشرابيكـ وش عاد لو كان الدْحيمي جواره ملك شعر وآخر ملوك الصعاليكـ ياخذ من الصيد المذيّر خِيَارِه وعنده مغاتير الفرايد مماليكـ وانتوا غلاكم ماعليه اسْتشاره اخوان واصحابٍ ولافيه تشْكيكـ وآسوق للطاروق معْكم بشاره واشْرب به البيبسي واحلّي به الكيكـ لكن ترا باروح صوب االوزاره واقول ياشيخة سبا جيت ناصيكـ واحد من افْرادك رقد فالخفاره غفل عن البندق وهي فرخ بلجيكـ شفته كذا شوفة محبٍ وكارِه مابيه لايصْحي ولا ابيه يذْيكـ والفرقجي لو جاه يكْتب قراره مستاجرٍ قلبه ولاهوب تمليكـ مافيه رحْمه من نعومة اظفاره اشْعث غبَر تضْرِب عيونه تماتيكـ من مر خشْمه ينصرع من بخاره تقول في بطنه كراتين سفنيكـ اطْرب على بدْع المثايل عيارَه والاصحاب لاصارت نشاما تجرّيكـ احب فالرْجّال طيب ونعاره لاجاك شبْحِه قلت ماهو حواليكـ واكره معاويل الهدم والزراره اللي من الحنجور تدْفَعْه بيديكـ لاجا الرعد قلنا (كريم) العباره ونقول ميد البرق (سبحان واليكـ) اخر تعديل كان بواسطة » سعيد بن مقبل الأكلبي في يوم » 24-11-2010 عند الساعة » 14:20. |
|
|
|
24-11-2010, 15:09
|
#2 |
|
شــــاعر
|
رد : التركي - الدحيمي - الاحمد - الأكلبي
أبو تركي أبو بدر أبو مقبل مبدعييييييين ورب الكعبة .. وكل واحد منكم ينطح جمع .. لا خلا ولا عدم منكم يالمطانيخ .. أبو مقبل تسلم يمينك يالذيييييييييب ,,, |
|
|
|
|
24-11-2010, 22:33
|
#4 |
|
أبو تركي / شاعـر
|
رد : التركي - الدحيمي - الاحمد - الأكلبي
الدحيمي فهد الأحمد سعيد الأكلبي أسماء كبيرة الكل يتمنى أن يحتك بها كانت لي الفرصة هنا ومعها كان لي شرف التواجد شكراً لهم جميعاً |
|
|
|
|
26-11-2010, 17:25
|
#5 |
|
مشرف الرحلات البرية والسياحة
|
رد : التركي - الدحيمي - الاحمد - الأكلبي
على التركي محمد الدحيمي فهد الاحمد سعيد الاكلبي نجوم اجتمعت وانارت لنا هالصفحه بالجزاله واطربتنا صحت السنكم جميعا على هالابيات الا كل وحده منها تستحق موضوع مخصص لها وماننحرم هالابداع يارب |
|
|
|
|
13-12-2010, 14:28
|
#6 |
|
شــاعر
|
رد : التركي - الدحيمي - الاحمد - الأكلبي
تحية لكل من ساهم في هذه المبطنه شعراء جعلوني اشعر بأني عملاق بين عمالقه شكراً محمد الدحيمي على الدعوه اما الااخوه الشعر اء الاكلبي والتركي والاحمد اقبلوني مُنصتاً ومتابعاً لما تجود به قريحتكم شكراً لكم بصدق اخوكم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
