01-08-2010, 10:48
|
#1 |
|
عضو شعبيات
|
رحــــــــلـــــــة لـــــــــنــــــدن
مذهان دمعان خبلان أبطال مجموعتي القصصية عبارة عن قصص خفيفة تلامس مشاكل نعانيها في حياتنا اليومية من خلال: أسماء ثلاثة شخصيات:اشتهرت عند القدامى والبدو الرحل رحلة لندن وفي ليله من ليالي القمر الجميلة أجتمع الثلاثي المرح مذهان دمعان خبلان في استراحتهم وقرورا قرار خطير وهو:أن يسافروا خارج المملكة لقضاء أجازه قصيرة وتغيير جو والابتعاد عن الحر الشديد عندنا دعونا نذهب إليهم ونشوف وش راح يسون بالرحلة هاذي : خبلان:يا شباب وش رأيكم نروح لجده نغير جو مذهان:والله أنك جبتها ياخبلان دمعان :أي جابها وأي بطيخ ياخوي نطلع من حر ونروح لحر ولا رطوبة بعد عندي لكم فكره على كيف كيفكم وش رأيكم نسافر برا ونأخذ لنا شهر ونفلها هناك لأحد يشوفنا ولا نشوف أحد ونفتك من هالحر مذهان:والله فكره ،يأخي أنت خطير ماأدري من فين تجيب هالأفكار؟دمعان:أشكرك ياصديقي يأخي أنت إنسان ذوق تعرف وتقدر الأفكار مومثل بعض الناس<<<يقصد خبلان خبلان:أناعارف أنك تقصدني فكرتك حلوه ، بس فيه مشكله كيف نتكلم أنقليزي؟ كلنا مانعرف!!!دمعان:ياخوي تكلم عن نفسك أناعمري سافرت وغير كذا أنا كل شوي أروح للمستوصف اللي جنب بيتنا وأسولف مع الممرضةمذهان:وأنا بعد أعرف كل يوم أشوف القناة الثانية>>>يقصد القناة الثانية السعودية.خبلان:يعني ماراح نتوهق هناك دمعان ، خبلان: لاياخوي لاتخاف حنا معاك خبلان:أجل توكلنا على الله يوم السفر وقت الرحله الساعة خمس العصر خبلان ومذهان من الساعة عشر الصباح وهم بالمطار لابسين أحلى لبس بنطلون جنز وبلوزه حمراء طبعا"خبلان ومذهان لابسين زي بعض على شأن أنهم أصدقاء وبنفس الوقت مايضيعون بعض الساعة ٣ العصر:يوصل دمعان و هو لابس بلوزه حلوه مع الطقم حقها اللي هو الكرفته والبنطلون والحركات ياعيني ياعيني وعلى أول دخوله للمطار يشوف مذهان وخبلان وبعد مامشى خطوات بسيطة يسمع الصراخ : حنا هينا حنا هينا حنا هينا وكل اللي بالمطار يشوفونهم يقرب دمعان للشباب:مذهان وخبلان:وهومعصب بس خلاص أنتم وفنايلكم الحمرمذهان:حنا خايفين أنك تضيعنا خبلان:أيوه ، لأن المطار مره ملينا شكلهم عارفين أننا بنسافر ويبغون يقلدوننا دمعان : لا ياشيخ ، اللي يشوفكم يقول: راعين سفاريات حدكم إذا خربتوها الرياض ، ولا تقعدون 3 ساعات وتقولون : طفشنا لايكثر هرجكم ، وخلوكم وراي ولا أحد يتكلم ماقصر دمعان ظبط أوراق الشباب وأوراقه وركبوا الطائرةوفي تمام الساعة 12 ليلا" يوصلون الثلاثي المرح إلى لندن أول ما انزلوا من الطائرة تقول لهم : موظفه الاستقبال: ويلكم اين لندن خبلان:عيال وش تقول هالشقراء مذهان:ما أدري أنا ماعمري سمعت هالكلمه بالقناة الثانية دمعان بدينا برفعه الضغط هالمزيونه تقول لنا: مرحبا" بكم في لندن وبعد الترحيب الحار من البنت الشقراء اللي تشتغل بالمطار يركبون الشباب أقرب تاكسي علشان يدورون فندق: يبون يرتاحون من السفر خبلان:ياسلام براد وجو حلو وأشكال تفتح النفس هاه ياشباب اللحين وين نروح:تبون الصراحة:أنا بس أبي هالحبيب راعي التاكسي يمشي وأنا أبي أتفرج وحنا ماشين بالطريق شوارعهم حلوه والشوارع مليانه ناس : رجال وبنات وأولاد وعوائل رايحه وجايه،يعني مافيه مكان مخصص للعوائل مثل اللي عندنايضحك مذهان يأخي أنت موب بصاحي بدينا نغلط ياخي ذولا الاختلاط عندهم عادي حنا عندنا ديننا ولنا عاداتنا وتقاليدنا دمعان:أقول شكلي أبي أفتح لكم قناة وتتكلمون فيه وتتحاورون على راحتكم وبعدين أنت يا الحبيب أي تمشيه وأي خرابيط اللحين نروح للفندق ونريح شوي الليين بالليل وبالليل:راح أوديكم مكان راح يطير عقولكم بالعربي بنخربها مذهان:ياهوووه أنت ياشديد ياقوي ياسلام عليك أنت وخططك الناجحة ، مو مثل بعض الناس اللي يبي يتمشى بالتاكسي خبلان:طيب طيب شوي شوي لاتعصبون علي يروحون الشباب للفندق ويريحون اللين الساعة 10 بالليل يقوم:دمعان:ياالله ياشباب بدأت السهرة: كل واحد منكم يقوم ويأخذ شووور حلو و و و مذهان : لحظه لحظه : وش هالكلمه جديدة علي ماعمري سمعتها بالقناة الثانية يتدخل خبلان بالحوار :الظاهر إذا أنا مو واهم يقصد الأستشوار : يبينا نزين شعورنا زي البنات اللي مايستحي وبوجه مقهور يتكلم دمعان: ياويلي ويلاه الله يعيني بس عليكم وهذا أحنا بأول ليله رحماك يارب ياحلوين لما أقول شور:أقصد :خوذوا دش :يعني بلغتنا الأم : اللغة العربية:استحموا يروحون الشباب ويأخذون دش أو شور معتبر ويلبسون أحلى لبس عندهم دمعان:حنا رايحين لمكان فيه كل أنواع الوناسه مذهان:أهم شي فيه بنات دمعان:أحلى يامعذب البنات أنت أيه فيه بنات وأحلى بنات خبلان:وش فيه بعد دمعان:فيه:أغاني وموسيقى هادئة وناس رايحه وناس جايه مذهان:ياسلام متى نوصل بس دمعان:أصبر يا المزيون قربنا نوصل وبعد دقائق يوصلون الشباب إلى ديسكو : السعاده: يدخلون الشباب للديسكو : كان دخولهم:ملفت للأنظار ، ومن النظرة الأولى بدأ المغني اللي بالديسكو يرفع صوته:وقعد يغني وبكلمات غير موزونة: كم أنت مغفل وغبي يأمن يأتي إلينا من العرب سوف نوقعك في أماكن الدعارة والمخدرات وأنت تظن أنها أماكن طرب أهلا" بك أهلا" يأبن العرب ويبتسم المغني أبتسامه ماكرة تمت الترجمة من قبل/ سحمان لترجمه الأغاني الأجنبية كل الشكر له مذهان : أيه هاذي هي الأماكن الحلوة دمعان : لو أنا مو معاكم وش بتسون؟ خبلان : وش هالريحه وش هالبنات وش هاللبس:تراي أستحي يالربع ألحقوني بمويا أبل ريقي فيها يضحك دمعان : تو الناس يا الحبيب تبي مويا أجل ، لا حبيبي راح أجيب لك شي أحلى من المويا بس خلونا نروح للطاولة اللي هناك وينادي دمعان : النادل اللي بالمرقص : ويطلب 3 < _ _ _ _ _ > مذهان : دمعان خبلان،شوفوا البنت الطويله اللي هناك اللي لابسه فنيله علاقي تناظرني وتسويلي حركات بعيونها دمعان:أيوه أنت يااللي هناك ياجذاب يأبو عيون زرقاء ياساحر بنات لندن مذهان:لاتحرجنا يأبوالشباب أكيد بيعجبون فيني طول وعرض وبشرتي السمراء أعجبتهم خبلان:لاااااه بدينا ننسى وش سوينا لبعض:مو أنا معطيك دهن العود حقي هذا أنتم مالكم خاتمه، يادمعان وين راح المويا دمعان:طيب طيب:هذا هو جاء:وهذا أحلى كاس،ياشيخ الكاس هذا:راح يخليك كأنك بالسماء،راح تنسى العطش والجوع خبلان:ومتحمس منادي العامل: وأخر شي بس هالكوب لا وفيه الربع بس ياشيخ حرام عليكدمعان:أقول:أشرب وأنت ساكت يشربون الشباب أكوابهم وكل واحد يعيش جوه دمعان:أخذ أقرب شقراء وراح يرقص معاها مذهان:راح للطويلة أم فنيله علاقي واختفى عن الأنظار في مكان ما خبلان:جاله صداع وراح لدوره المياه<وأنتم كرامه>وقعد يستفرغ ساعدوه عمال المرقص وحطوه بغرفه ينام فيها شوي . وتمر ليله الشباب بسرعة ويلتقون بالفندق دمعان : هاه ياحلوين كيف كانت السهرةمذهان : جنان ياليت نروح اللحين خبلان:شباب ممكن أعرف:وش اللي شربناه دمعان:يضحك ، من جد ماعرفت،اللحين :أنت رجال طول بعرض وشنبات وحالتك حاله وماعرفت طيب يأبوالشباب:حنا شربنا <_ _ _ >خبلان:من جد تتكلم دمعان:أيوه ويضحك خبلان:يقوم وهو خارج عن طوره ويضرب دمعان يحاول مذهان يفرق بينهم بس ماقدر يروح لموظفي الفندق ويجون ويفرقون بين خبلان ودمعان خبلان:أخذنا وفي الأخير تشربنا هالشراب أنامو قلت لك من زمان:أني مستحيل أشرب هالأشياء دمعان:لاياشيخ،مسوي لي فيها:إنسان صاحب مبادئ وقيم أقول:بلا هالحركات كلكم كذا أنت وأشكالك ،بديارنا نقول:ماراح تسون هالأشياء وإذا طلعتوا برا خربتوها ليتني خليتك تجلس هناك وتروح لجده ، أنسب لك خبلان:هذا شي مايصلح نسويه وأنت مسوي نفسك راعي سفريات رحت مره وأزعجتنا خلاص أنت بطريق وأحنا بطريق مذهان:أحنا يعني أنا وأنت لا حبيبي:أنا حبيبتي تتنظرني خبلان:أنت مثله يا الغبي بكيفك يا روميو على غفله أنا رايح وأنتم خليكم على اللي أنتم فيه دمعان:روح بالسلامه يطلع خبلان وهو معصب من الفندق ويتكلم مع نفسه بصوت مسموع يسمعه واحد من الديره:جاي يدرس بلندن يسلم عليه ويعرفه بنفسه:معاك أخوك : متخان أنا بلندن من أربع سنوات خلصت بكالريوس وقاعد أحضر للماجستير خبلان:ياهلافيك معاك خبلان أنا جيت مع أخوياي مذهان ودمعان لندن نغير جو بس أمس رحنا لديسكو وخويي دمعان خلاني أشرب <_ _ _> وأنا تضايقت كثير متخان:للأسف كل شبابنا يجون هينا علشان هالاماكن قليل مايجي أحد علشان يستفيد الا وش رأيك تكمل دراستك هينا أنت وش معك شهاده؟ خبلان:معاي الثانويه، بس هينا وش راح أدرس؟متخان:راح تدرس وتأخذ شهاده البكالريوس وهينا فيه تخصصات كثيره محتاجتها بلدنا خبلان:خلاص أنا أبي أكلم واحد من أخوياي يرسل أوراقي متخان:تمام وأناراح أشوف موضوع الجامعه والتخصص المناسب وراح أخليك تتعلم اللغة الأنجليزيه بأسرع وقت . طبعا" الشباب<مذهان،دمعان> مأخذين راحتهم على الأخر دمعان أدمن الشراب والمخدرات ومذهان :تعرف على الطويله وأخذ فتره معاها وتركها وتعرف على وحده شقراء وحمراء وسمراء وكستنائيه مرت الأيام بسرعة درس خبلان وأخذ البكالريوس وأخذ الماجستير وعلى وشك يأخذ الدكتوراه أما الثنائي:مذهان ودمعان دمعان : جاء للبلد وصار مروج للمخدرات ، وتم القبض عليه وسجنه عشر سنوات مذهان:أستأجر شقه وخلها ديسكو صغير يجيب الخدمات الهاربات ويشغلهم عنده وتم القبض عليه متلبسا" مع سرلانكيه لابسه فنيله علاقي وتم سجنه ثمان سنوات وبعد سنوات قليله عاد خبلان حاملا" شهاده الدكتوراه وتم تعينه بوظيفه مرموقه و لا زال مذهان و دمعان خلف القضبان . |
|
|
|
02-08-2010, 00:50
|
#2 |
|
بقـايا حُلـم
|
رد : رحــــــــلـــــــة لـــــــــنــــــدن
سا عود لهذه الرحلة ان شاء الله وجدتها طويلة جداً تحتاج بعض الوقت لقراءتها كاملة  |
|
|
|
|
25-09-2010, 15:58
|
#3 |
|
عضو شعبيات
|
رد : رحــــــــلـــــــة لـــــــــنــــــدن
حرف أهلاً بك تشرفت بحضورك الراقي لازلت أنتظرك حضورك أسعدني دمتِ بخير |
|
|
|
|
10-06-2011, 13:06
|
#4 |
|
عضو شعبيات
|
رد : رحــــــــلـــــــة لـــــــــنــــــدن
قصة رائعه وللاسف واقعية لشباب يفكرون في الممنوع المرغوب وقلة من يحافظ علي نفسة ويحترم بلده شكرا واتمنى الكل يقراها من شباب |
|
|
|
|
03-09-2011, 11:58
|
#5 |
|
عضو شعبيات
|
رد : رحــــــــلـــــــة لـــــــــنــــــدن
قصة رائعه وللاسف واقعية لشباب يفكرون في الممنوع المرغوب |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
