13-01-2002, 00:40
|
#1 |
|
عضو شعبيات
|
اخـوكم راكـان جديـد في المنتـدى ...
الى جميع الاعضاء والغير الاعضاء ... في هذه اللحظات اعلن عن انضمامي الى هذا المنتدى .. اللي عن جد رااااااااااايق مرررة وادعو من الله التوفيق وانه يساعدني في اضافة المواضيع اللي تستحق النشر علشان تعم الفايدة ونحافظ على موروثنا الاصيل ... وعلى ماقيل خير الكلام ماقل ودل .... واتمنى اني القى منكم الدعم والتشجيع ... وبالمقابل اعدكم بالمفاجات ... أخـوكم راكـان الـظـفـيري الرياض |
|
|
|
06-02-2002, 01:17
|
#2 |
|
رحمة الله عليه
|
الاخ / راكان الظفيري للاسف ياخ راكان انك بديت بداية تضع امامنا علامات استفهام لما قمت به من سلب لمجهود غيرك بدون مبالاه الابيات طال عمرك اللي كتبتها وتنسبها لك وهي للشاعر المعروف/ ناصر القحطاني وهي ضمن قصيدة طويلة وجميلة تم نشرها في مجلة المختلف قبل عدة سنوات نصيحة لك ان تترك مثل هذا التصرف لانه لايليق واذا كان القصيدة عاجبتك قدمها بس انسبها لصاحبها حتى لاتقف في مثل هذا الموقف مستقبلا والسلام [ فبراير 05, 2002: تم تعديل الموضوع بواسطة : عبدالهادي الخليوي ] |
|
|
|
|
07-02-2002, 00:57
|
#3 |
|
عضو شعبيات
|
اخوي العزيز / عبدالهادي تحية طيبة وبعد بداية احب اوضحلك انك بصراحة فاجأتني بردك هذا وكاني صدق سويت شي كبير وخطاء واضح مع العلم اني برئ براءة الذيب من دم ابن يعقوب ... ثم ان استعمالي لهذه الابيات كتوقيع لا يعني اني انا اللي قايلها والا انها من شعري الخاص ومن قصيدي .. فكما هو معروف عندي وعندك وعند كثير جدا من اهل المنتديات واللي يزورونها انه ماهوب لازم انه يكون توقيعك من شعرك الخاص واكبر دليل على ذلك ادخل موقع الاقلاع منتدي القصايد وشف بنفسك الكثير الكثير من الناس تسوي مثل ماسويت ولا احد قالهم انكم سارقين الشعر وتنسبونه لكم ... هذا فيما يخص التوقيع وارجو انه تكون النقطة هذي واضحة .. اما ما يخص القصيدة نفسها ... فالقصيدة مشهورة جدا جدا جدا جدا على امتداد الخليج العربي مو بس السعودية ... والكثير من الشباب والناس عارفينها وعارفين اسم شاعرها ... واللي مهوب عارف اسم شاعرها على الاقل سمعها ويدري انها لشاعر مشهور ... وهذي القصيدة تعتبر من الروائع في الوصف والدقة والقافية ... وكمثال على كلامي .. لو حطيت توقيعي بالشكل التالي : " لاخاب ظنك بالرفيق الموالي *** مالك مشاريه على باقي الناس " هل هذا يعني انه بيجي واحد من الناس ويقول انك سارق البيت هذا وانه مهوب لي واذا اردت ان تستعمله كتوقيع لازم تنسبه لاسم صاحبه .... ياخي البيت هذا مشهور جدا جدا والكل يعرف القاصي والداني انه للسديري مثل مايعرفون ان القصيدة الاوله هي لناصر القحطاني .. وبعدين بيني وبينك .. الحكاية ما يبيلها ذهانة .. يعني اذا بغيت اسرق قصيد ياخي اسرق قصايد مهيب مشهورة ولشعراء ماهم مشهورين وهم ياكثرهم في الساحات واكثر من الهم على القلب .... عرفت كيف حبيبي عبدالهادي اتمنى اني وصلتك المعلومة ... والله من وراء القصد ،،، راكـان الظـفـيري |
|
|
|
|
07-02-2002, 02:28
|
#4 |
|
رحمة الله عليه
|
الاخ / راكان الظفيري هلا بك ياخي العزيز وكلامك على العين والراس ووجهتك نظرك من ناحية التوقيع لاغبار عليها ولم اطالبك بكتابة اسم شاعر ابيات توقيعك ابد فهذا موضوع لايخصني نهائيا اللي حصل كما يلي : يمكن تلاحظ اذا جيت منتدى ميزان القصيد قبل هذي المره فلم اكن انا المشرف هنا بل كان زميل اخر ولم يمضي على اشرافي للميزان الا ايام معدوده 00000 المهم وجدت موضوعك منقول الى هنا ولم يرد علية احد وكانت الابيات الثلاثة مع كلام لك كل مافي الصفحة والابيات لم تكن توقيع بل كانت بعد الكلام مباشره مما يعني دخولها في صلب موضوعك بقصد او بدون قصد الله اعلم0 ولو لم تكن الابيات في موقع النص وليس التوقيع فما الداعي لنقلها الى منتدى الميزان اذا كان الموضوع كله كلام فقط !!!!!!!!!!! عزيزي لناخذ الموضوع بانه سوء فهم وان ماحصل كان التباس لااقل ولااكثر ولكن اخي مادامك متابع للموضوع ليش ساكت كل الوقت هذا وانت شايف موضوعك في ميزان القصيدولم يكن به اي ابيات لماذا لم تكتب رد لتعرف سبب وجود موضوعك هنا امل ان اجد اجابة منك على هذا السؤال0 على العموم اهلا بك في شعبيات نيابة عن اخواني المشرفين والاعضاء ومرحبا بك عضوا فعالا ومبدع واذا في خاطرك شي او زعلان فابد لك العتبى حتى ترضى وتاكد اننا هنا اخوان صادقين ولا نتمنى لك او لغيرك الا كل خير وامل ان ارى لك قصائد ومشاركات وتقبل تحياتي اخوك / عبدالهادي [ فبراير 06, 2002: تم تعديل الموضوع بواسطة : عبدالهادي الخليوي ] |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
