30-11-2001, 08:52
|
#1 |
|
عضو شعبيات
|
راح ياويلي عليه وياعذابي من غيابه
اخواني واخواتي رواد هذا المنتدى السلام عليكم ورحمة الله وبركاته أقدم لكم هذه المشاركه المتواضعه جدا امام ماتقدمونه من ابداع واتمنى ان تلقى استحسان الجميع ولكم خالص التحيه : (( ذاك الغزال )) ول ياذاك الغزال اللي لفاني قبل ساعه ///// والله اني مادريت ومادري اصلا ويش جابه قام يحكي لي وانا قمت آتمتع باستماعه ///// من ضمن ماقال لي شي(ن) تحيرت بجوابه قال لي وش حيلتي باللي نسى عندي وداعه ///// والسنين تضيمني بعده وانا آقول الرجابه طول عمري ماعصيته في الامر سمع (ن) وطاعه ///// والقدم في ذمتي ماوقفت الا عند بابه والمصيبه ماسمح لي قبل يرحل في وداعه ///// راح ياويلي عليه وياعذابي من غيابه ليتني يومه رحل عني مع عفشه بضاعه ///// والا ياليت اني بدولابه من احلا ثيابه رغم ذلك هو تناساني وهذا الحب باعه ///// واستراح بدنيته وانا يرافقني عذابه دقني قلبي وكن القلب ذاك الهرج راعه ///// وانا خبري في خفوقي دوم مايعرف مهابه صار قلبي مثل ذاك اللي يدور للفراعه ///// من بعد ماكان يحسب كل من حوله غلابه ياجماعه والله انه ياجماعه ياجماعه ///// كنه يسولف عن اللي في خفوقي بالنيابه ساعة (ن) مرت عذاب ومابقى فيني استطاعه ///// قلت له ياخي خلاص اسكت فقد عقلي صوابه الله اكبر يوم لد شوي ثم ارخى قناعه ///// صرت مثل اللي فقد شوفه وهو باول شبابه من طلع تدرون من.؟ هو من طوى وقتي شراعه ///// أول أحبابي وهو من حظي العاثر غدابه زارني طيفه وجاني ثم رحل في ظرف ساعه ///// ثم حكى لي ماحكى لي والله أعلم ويش جابه وســـــــــــــــــــلامتكم جميع والسموحه على القصور ......... وتقبلوا تحيات أخوكم : أحمد مسفر آل حــــــارث [ ديسمبر 12, 2001: تم تعديل الموضوع بواسطة : المدار. ] |
|
|
|
30-11-2001, 09:15
|
#2 |
|
موقوف
|
ليتني يومه رحل عني مع عفشه بضاعه ............. والا ياليت اني بدولابه من أحلا ثيابه صح لسانك اخوي المدار قصيده رااااااائعه .. تقطر عذوبة وشفافيه يعطيك ألف عافيه وتسلم يمناك يا المبدع تقبل خالص تحياتي أختك .. عطر الخزامى  |
|
|
|
|
30-11-2001, 10:36
|
#3 |
|
رحمة الله عليه
|
اخوي : احمد .........صح لسانك وبيض الله وجهك .. والله ياخوي ان كانت واقعه فعلا فهي قمة العذاب والأحراج واستطعت بفنك رسم الموقف بكل روعه... وان كانت من بنات افكارك فأنت مبدع وصاحب فكري خيالي رهيب ,,,ماشاء الله ماشاء الله ... اخوي : صدقني انا اعرف قصائد احمد مسفر بالحارث في هذا المنتدى واعرف جمالها وروعتها ولكن هذه حقيقة لم اتصورها .فقداتت افضل مماتصورت ..ومن أفضل الى افضل اخوي احمد.... الله اكبر يوم لد شوي ثم ارخى قناعه ///// صرت مثل اللي فقد شوفه وهو باول شبابه من طلع تدرون من.؟ هو من طوى وقتي شراعه ///// أول أحبابي وهو من حظي العاثر غدابه زارني طيفه وجاني ثم رحل في ظرف ساعه ///// ثم حكى لي ماحكى لي والله أعلم ويش جابه موقف ياساتر ,,,,لوصحيح غير يذبحك  |
|
|
|
|
30-11-2001, 11:05
|
#4 |
|
شــاعر
|
اخوي المدار : صح لسانك على القصيده الجميله التي تدخل القلب بحروفها العذبه.. تقبل تحيات اخوك البدوي |
|
|
|
|
30-11-2001, 23:47
|
#5 |
|
سيـــف الســـيــف
|
الاخ/ المــــــــــــــــــــــــدار ياسلام ياسلام قصيده تجبرك على التوقف واعادة القراءه مره ومرنين وفي كل مره تكتشف من الدرر الكثير صح لسانك وبيض الله وجهك يالمدار لك تحياتي |
|
|
|
|
01-12-2001, 00:00
|
#6 |
|
شـــــاعــــــر
|
الأخ العزيز احمد السلام عليكم اخذتني الذاكرة مرات عديدة حتى يمر اكثر من بيت لااذكر ما فيه مما اضطرني لإعادة القراءة عدة مرات وتوقفت توقف امرء القيس وصحبه عند هذا البيت الذي يفيض بالروعة والجمال والذكريات زارني طيفه وجاني ثم رحل في ظرف ساعه ///// ثم حكى لي ماحكى لي والله أعلم ويش جابه جاء ليزيد الشوق شوقا والشعر منك جمالا تحياتي واعجابي بشخصك الكريم ابو نوت |
|
|
|
|
01-12-2001, 00:06
|
#7 |
|
ينتظر التفعيل
|
ياجماعه والله انه ياجماعه ياجماعه .......... كنه يسولف عن اللي في خفوقي بالنيابه ساعة (ن) مرت عذاب ومابقى فيني استطاعه ..........قلت له ياخي خلاص اسكت فقد عقلي صوابه الله اكبر يوم لد شوي ثم ارخى قناعه ..........صرت مثل اللي فقد شوفه وهو باول شبابه  اخوي الغالي المدار الله الله يااحمد عزالله ابداع وقصيدة رائعة جدا ولشاعر متميز وعذب اجزلت وابدعت وتميزت وتفننت صح لسانك وبيض الله وجهك وهلابك يابعدي |
|
|
|
|
01-12-2001, 05:05
|
#8 |
|
عضو شعبيات
|
الاخت عطر الخزامى هلا ومرحبا وصح بدنك شرفتي بها الاطلاله ومشكوره على هاالتواصل والابداع تواصلك وكلامك اللي تشكرين عليه ماقصرتي والله لايهينك وياهــــــــــلا. تقبلي تحياتي : أحمــــد آل حــــــــارث |
|
|
|
|
01-12-2001, 14:15
|
#9 |
|
عضو شعبيات
|
اخوي الغالي راعي العنود ارررررررحب تراحيب المطر والله وانا اخوك القصيده مثل ماقريت ماكتبته كان صاير في ساعه من الساعات وابشرك عدت على خير ....... على العموم طال عمرك صح بدنك ووجهك ابيض والله لايهينك الف شكر غلى ماسطرته اناملك من كلامك اللي احس انه وسام على صدري ويشرفني من شاعر في مثل قامتك ومكانتك الشعريه. أشكرك جزيل الشكر واررررررررحب مره ثانيه وياهــــــــــــــــــــــــــــــــلا. تقبل تحيات اخوك : أحمـــــــد آل حارث |
|
|
|
|
01-12-2001, 14:20
|
#10 |
|
عضو شعبيات
|
اخوي البدوي اللي في امريكا صح بدنك طال عمرك والف شكر على مرورك على هالمشاركه اللي زادها مرورك شرف الله لايهينك وحياك الله مررررراحب وياهـــــــــــــــــــــلا. تقبل تحيات اخوك : أحمـــد آل حـــــــــارث [ ديسمبر 01, 2001: تم تعديل الموضوع بواسطة : المدار. ] |
|
|
|
|
01-12-2001, 14:26
|
#11 |
|
عضو شعبيات
|
اخوي المدار صح لسانك ياسنايدي والله ماقصرت يالذيب قصيده رهيبه و قمه ياحمد وجعلك علىالقوه دايم وتقبل تحيات اخوك |
|
|
|
|
01-12-2001, 14:38
|
#12 |
|
رفيــق الحــزن
|
اخوي المدار الله اكبر يوم لد شوي ثم ارخى قناعه ///// صرت مثل اللي فقد شوفه وهو باول شبابه من طلع تدرون من.؟ هو من طوى وقتي شراعه ///// أول أحبابي وهو من حظي العاثر غدابه زارني طيفه وجاني ثم رحل في ظرف ساعه ///// ثم حكى لي ماحكى لي والله أعلم ويش جابه الله الله الله عليك يالمدار . فعلا قصيده ذات مذاق خاص متعددت المزايا . صح لسانك ولاهنت . |
|
|
|
|
01-12-2001, 15:44
|
#13 |
|
عضو شعبيات
|
اخوي المبدع((المدار)) صـــح لســـانك,اخـــوي احمد والله ما خلوا اللي سبقوني بالرد شـي اقوله الا بيض الله وجهك وتسـلم يمناك لا عدمناك ايها المبدع.وفيت وكفيت,, &&&&&&&&&&&&&&&&&&&&&&&&&&&&&&&&&&&&&&&&&&& ياجماعه والله انه ياجماعه ياجماعه 000000 كنه يسولف عن اللي في خفوقي بالنيابه &&&&&&&&&&&&&&&&&&&&&&&&&&&&&&&&&&&&&&&&&&& وتســلم اخوي. تحياتي...   |
|
|
|
|
01-12-2001, 17:36
|
#14 |
|
عضو شعبيات
|
المدار.... الله يعطيك الف عافيه نصك مميز جداً وحرفك شاهق يامال الغناه والمصيبه ماسمح لي قبل يرحل في وداعه ///// راح ياويلي عليه وياعذابي من غيابه الله الله الله |
|
|
|
|
02-12-2001, 07:05
|
#15 |
|
عضو شعبيات
|
أخوي عكاشه صح بدنك يابو عبيد وتسلم يالغالي مرورك شرف للقصيده وكاتبها الله يسلمك ولك مني خالص التحيه وياهـــــــــــــــــــلا . أخوك أحمـــــــد آل حـــــــأرث |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
