13-06-2012, 07:11 | #1 |
شـــاعــر
|
ياهني منهو لاتجـــوّل ولاراح=فديار من جاها؟ يعنّيه شوقه
ياهني منهو لاتجـــوّل ولاراح=فديار من جاها؟ يعنّيه شوقه يجلس بوقت الصيف /رايق ومرتاح=يدرِّج الرجلين في وسط سوقه واللي تجوّل دوم بالضيق سبّاح=اليا جلس بالصيف ..غثّه خفوقه ياهني من خاوى بهالوقت سِيّاح=وْلا غيّر الوجهه ..من ابسط حقوقه!! وأنا بوسط الحرّ لي قلب قد فاح=وتسرّب الصبر العتيق بعروقه ارقب لنجم الليل والنجم لا(لاح)=لحّنت بيت الشعر باجمل طروقه "خذني هناك بعيد يانجم وضاح=يمّ الجمال اللي يجاذبك /ذوقه ماهمّني فقد المكاسب والأرباح=نفسي على هب النسايم شفوقه في ديرتن ماتصدف هموم وجراح=غير السحاب اللي تلالا بروقه وقت الظهر صاير مثل جو الإصباح=والغيم دمعه دايما عبر موقه" وسامرت نجم الليل حتى الدجى زاح=واعلن شعاع الشمس لحظة شروقه والفكر في راسي تعشعش ولاطاح=وطيوره برغم المساعي ضيوقه اخر تعديل كان بواسطة » وليـد بن فهيـد في يوم » 13-06-2012 عند الساعة » 07:41. |
13-06-2012, 19:37 | #2 |
عضو شعبيات
|
رد : ياهني منهو لاتجـــوّل ولاراح=فديار من جاها؟ يعنّيه شوقه
بن فهيد .....................// يـاهـنـي مـــن خـــاوى بـهـالـوقـت سِــيّــاح وْلا غيّر الوجهه ..من ابسط حقوقه!! .....// كل صيف والمشاعر بخير |
19-06-2012, 10:58 | #3 |
شـــاعــر
|
رد : ياهني منهو لاتجـــوّل ولاراح=فديار من جاها؟ يعنّيه شوقه
شيخة المرضي وانتِ بخير شكرا لحضورك الجميل |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|